المساعد الشخصي الرقمي

مشاهدة النسخة كاملة : فزعتكم طقة في تعشيقت القير توني موضب ورجعت ( لاندكروزر )


ابومشخص
19/02/2011, 04:30 PM
السلام عليكم ورحمة الله وبركاته


اخواني المكشاتية وبالذات الخبيرين في خرابات قير تماتيك لاندكروزر الموتر موديله 2005

عندي الموتر لا جا يعشق على الثاني يططق مثل اللي يكتم شوي قبل التعشيقة ويطق بعدها
والتعاشيق في الثالث والرابع عادية

انا احترت بهالمشكلة

قبل 4 شهور حصلت لي
نفس الموضوع كانت كذا خفيفة
لين قرب يجيم القير وثقل صار يكتم ويحن قبل يعشق الثاني وبعدها يطق بشكل قوي ومرات يووقف ما يمشي لين اعشق وارجع امشي مرة ثانية
رحت لترايستار ورحت لورشة قالو توظيب قلت بغير زيت وفلتر غيرتهم مانفع ووضبت عند الورشة بعدها


والحين رجعت المشكله وبدت من جديد
نبي الحل يالربع اللي لهم خبرة بقيور اللاندكروزر التماتيك؟

خسرنا فيه مخاسير

طبعا الورشة اللي وضبت عنده لابد ارجعله وعليه ضمان\
لكن انا استفسر للي عنده خبرة بمثل هالمشكلة
هل تعرفون لها حلول غير هالتوضيب
talol
19/02/2011, 04:49 PM
http://www.mekshat.com/vb/showthread.php?p=6251987#post6251987

:(
الله يعوضنا خير

تقبل تحياتي
ابومشخص
19/02/2011, 05:05 PM
اي يارجال انا حاط فيه حول 7 الاف
وتراي ستار اذا ضمانهم ساري ارجع لهم

انا اخوي كان عنده اكسبلور مثل موترك ومشكلة قير وضبطناه عندهم احين تمام طبعا جات فيه مشاكل ورا بعض مكينة شرينا مكينة وبعدها طق القير وضبنا القير طق الدبل ههههههههههههههه ووضبنا الدبل والحين الموتر طيب وبخير
talol
19/02/2011, 05:08 PM
سبع الاف :o
وماهو تريستار ديكسول
ابومشخص
19/02/2011, 05:10 PM
توضيب اللاندكروزر اغلى من الامريكي
أبو سعران
19/02/2011, 05:14 PM
طيب رجع للي فكه اول مره وشف وش يقول
abuhana
19/02/2011, 05:28 PM
السلام عليكم \فيه حساس اوقطعه كهربائه عند مخل الهواء مرتبطه بالدعسه غالبا فيها ثلاث اسلاك وضيفتها فتح الحساسات اللى داخل القير وللاسف قليل من اليكانيكيه يعرفها \
ابومشخص
19/02/2011, 06:17 PM
اخوي ابوسعران بيض الله وجهك هذا اللي بيحصل بس انا ودي قبل لا يلعبون بالموتر اشوف رأي الاخوان اللي يعرفون بهالامور يمكن يطلع موضوعها هين

اخويabuhana
وعليكم السلام ورحمة الله وبركاته بالنسبة للقطعة هذي هل تعرف اسمها؟
وهل هي تبين معا الفحص؟
ودي لو كان عندك معلومات اضافية تعلمني فيها
ووين موقعها بالضبط بالسيارة؟
ابومشخص
20/02/2011, 09:26 AM
للرفففففففففففففع
ابومشخص
20/02/2011, 03:23 PM
للررررررررررررررررررررررررررررررفع
ابومشخص
21/02/2011, 02:16 PM
للرررررررررررررررررررررررررررررررفع
عبدالعزيز40
23/02/2011, 12:08 AM
ابو مشخص
مشكلتك هذي تشبه اللي صار بموتري
عموما انا حصل ان الفي اكس صار ما يغير الثاني الا ويرفس رفس ويناتع , على طول وديته لورشة توضيب جربكسات وتعدل الوضع لكن صار التغيير من الاول للثاني سريع يعني ياخذ التغييره بالتوالي وكان ينتع ويطق
المهم رجعت للورشه ونظفوا ( البدي بلف ) وما نفع وكان احيانا ما يلقم اذا حطيته بالدي بعد معانات مع الورشه اللي وضبوه .
رحت لمركز فحص وارسلوه لمتخصص كشف على الجربوكس بكمبيوتر خاص بالقير وغيرنا قطع اكترونيه داخل الجربوكس كل وحده تخص غيار ( يعني الاول له وحده والثاني له وحده وهكذا..) وما تطمنت الا والتغيير على عيني واستلمت القديمات. والحمدلله رجع الفي اكس مثل اول واحسن .
عموما انا كتبت تجربتي لعلك تستفيد ومو شرط يكون هو الحل
وانصحك فحص القير بالكمبيوتر عشان تطمن من ناحية الالكترونيات قبل لا يتعبثون بالكلتشات وخلافه.
وعلى فكره فيه قطع غيار مو اصليه خاصه بتوضيب القير للتويوتا يمكن تكون هي السبب وربما تكون الطقه من الصليبه بالعامود (الكردال) او يكون فراغ بنفس المسننات بين عامود الدبل والعامود الاساسي ,بإختصار لا تركز على شي وتخلي الباقي افحص كل شي قبل الفك .
نصيحة اخوك عبدالعزيز وبشرنا اذا فرج الله عليك
سلام
سعود الحربي
23/02/2011, 12:15 AM
المشكله في القير وهو عليه ضمان نصيحه لله رجعه لهم وهذي مشكلتهم

وقل بعد ماتخلصون تفحصونه لي كمبيوتر وان طلع فيه شي تصلحونه

لاتهاون معهم ابد
وان كنت بالقصيم رح للشيبان يفحصونه بالجهاز قدامك ويعلمونك وش اللي فيه وتخصصهم قيور وشباب سعوديين وسوداني داهيه
Jeep 2005
23/02/2011, 12:29 AM
الله يعينك ويعوضك خير
ابوحميد122
23/02/2011, 12:44 AM
كان الله في عونكـ
العابر2222
23/02/2011, 09:38 AM
أخوي بقولك سالفة صارت لجيب الوالد لاندكروزر 2007

نفس مشكلتك يتأخر في التعشيق ويكتم ويحن وبعض المرات اذا عشق الثاني بدى يرتجف قبل اتعشيق وبعض المرات بعده ما يمشي ... واذا عشق صوت طقه قويه مع نتعه .... غيرنا الزيت مع الفلتر ما تغير شي

رحنا الوكالة قالو لازم توضيب القير ... كل الورش الكبيرة قالو توضيب قير ... العضيب الي في الصناعية القديمة قال توضيب قير ... وفي الأخير كنا بندخله الوكالة خلاص ... واروح لورشة العضيب الي بطريق الميه
ويسوقه الفلبيني .... قال تصفيه بواجي وفلتر بنزين ... يعني تصفيه عامه ...... جلست اضحك قلت هذا يبي ينصب علي والموتر وهو واقف صافي مررره ... قلت على مسؤليتك قال على مسؤليتي لو ما كانت تصفيه انا اتحمل موترك حتى لو كان توضيب قير .... وفعلا سوو تصفيه وضبط الموتر كأن ما فيه شي ابد


ويخوفي موترك يبيبله تصفيه لأنها تأثر في تعشيق القير
ابومشخص
26/02/2011, 09:50 PM
والله يا اخوان انا رجال افتر راسي والله يزينها

والله يرحم والديكم على هالنصايح بحاول اجربها وحدة وحدة انشالله تضبط

رجعت انا للورشة الاساس

وفحصت كهرب طلع اوكيه

ورجعت الورشة قام يعدل بسلك القير وزنيت القير ومانفع قال يمكن المساعدات اللي فوق الدفرنش ماتثبت الدفرنش صح وهي فعلا ربلاتها خربانه وغيرناها ولا راحت الطقة المزعجة
هو يقول متاكد القير مافيه شئ

يالربع اللي يعرف ورشة تفحص الجيربوكس غير الفحص العادي بالدمام يعلمنا

بالنسبه للعامود قالو فيه فضاوة اليوم شحمته ولا راحت الطقة هل الاحتمال انها تكون من فضاوة العامود انا اذكر ان العامود اذا فيه فضاوة يعطي رجة بالموتر مستمرة مهوب يطق
وبشيك مثل ماقال الاخ على صفاية البنزين ونشدت مكينيكي تراي ستار يقول لا هالسالفة كلها مخ القير لازم تفكه

احترنا فيها وبحاول بهالاشياء والنصايح اللي علمتونا فيها خطوة خطوة

وباذن الله ان صلحت حطيت لكم الحل
ابومشخص
26/02/2011, 09:52 PM
الموتر يالربع ان زدت عليه السرعة يكتم شوي ويطق
لكن ودي اعرف اللي عنده خبرة بورش الدمام احد يخبرلنا ورشة متخصصة بفحص القير او خبيرين بالقيور ودي افحص هالحساسات اللي بداخل القير الي شغلتها تبديل النمر
ابومشخص
30/03/2011, 06:26 AM
الله يزينها انا غيرت ربلات القير
وفحصت كمبيوتر مرة ثانية
وشيكت العامود سليم ولكن قال العامل احتمال ربلات الدبل وقالوا تصفية فلتر
وشيكت عند ميكانيكي قال الكلتشات
وشيكت عند تراي ستار قالوا لازم فكت قير و 7 الاف
talol
30/03/2011, 04:04 PM
اجل ارجع للورشة الى وضبوه لك اذا ضمانك سارى هذا حقك
odaii
03/04/2011, 10:44 PM
ما الك غير الوكالة صدقني
انا امتلك اودي A4 2001
. وتصلحيها من وقت الشراء الى الان في الوكاله متل الليرة الذهب السيارة
الوكاله ماشاء الله صحيح اغلى لكن خدمة ما شاء الله و كل شيئ اصلي و مكفوول
عمر الشريف
04/04/2011, 07:34 AM
خذها قاعده في تويوتا في مشكله فالجربوكس غيره كامل أحسن لك من الخسارات وقيمة التوضيب ماهي بعيده عن قيمة الجديد فأنت أشتري رااحتك وخذ لك وااحد وركبه وأنساه

الله يكون بعونكـ
عبدالعزيز40
15/06/2011, 05:24 PM
الله يكون في عونك
عموما ترا التكتيمه موضوع ماله علاقه بالقير حبيت انبه على هالشي
بالنسبه للفراغ اللي بالعامود يسوي طقه عندما ترفع رجلك وانت ماشي وترجع تدعس ثانيه اذا سمعت الطقه ترا هذا غالبا من العامود (الكردال)
وترا يا خوي ما تقدر تحكم على القير وفي شي خربان غيره اذا انت بتستخدم صلح العامود عند مخرطه ممتازه او غيره خلك من اللي يقول شحمه وتخف الطقه ما يصلح.
الفراغ لازم يتصلح بالعامود ثم ناظر القير بعدها.
والله ييسر امرك ويعينك ويعوضك.

اخوك ابو احمد
ماهقيت
16/06/2011, 03:14 AM
يالغالي انا نفس مشكلتك بالضبط وذلك بسبب اني غيرتها عند العضيب لاندكروزر بالصناعيه وضكو علي وبعد الطقه ودبته للبازعي ولقو زيت القير ناقص ولم يجدو اي تهريب يعني العضيب منقص الزيت فيمكن الزيت عندك ناقص والا خفت وقلت اكيد. القير انتهى ولكن لاتشيل هم رح للبازعي غيرو لي الزيت والوجه كله بانقص من العضيب ب 150 ريال 600 وشوي
ابومشخص
27/10/2011, 06:10 PM
جزاكم الله خير جميعا لقيت الحل ابشركم

المشكلة طلعت في قطعة اسمها مخ القير (بلف بدي)
كهربائية وكبيرة موجودة داخل القير غيرتها وراحت الطقة

قيمتها بالوكالة تقريا 3 الاف او الفين وخمس
ابومشخص
27/10/2011, 06:12 PM
وتعليق على اخوي عمر الشريف كلامك صحيح التوظيب وصل قيمته 12 الف توضيب القير