المساعد الشخصي الرقمي

مشاهدة النسخة كاملة : ادخل ولاتبخل


abo mhmd
19/02/2011, 10:31 PM
السلام عليكم ورحمة الله وبركاته
كيف الحال طيبون
استفسار بسيط عن الكام نيكون دي 3000
هل استطيع التحكم بالوان الصوره
يعني اجعلها فاتحه اوغامقه.......طبعا من الكام نفسه مو تعديلات من الفوتو اوغيره
منصور الفايز
20/02/2011, 10:56 AM
وعليكم السلام
الحال .. نحمدالله ونشكره تمام التمام


هل استطيع التحكم بالوان الصوره
يعني اجعلها فاتحه اوغامقه.......طبعا من الكام نفسه مو تعديلات من الفوتو اوغيره

انت كذا بديت للاحتراف اخوي
شف خلن اقولك وان شاء الله توصل لك المعلومه
صوره فاتحه او غامقه .. تعتمد على كذا شغله مثل الاضاءه .. فتحته العدسه ..سرعه الغالق اعتقد انك ملم بهذه المعلومات ...
لكن
دقة الالوان تعتمد على اعدادت ومقدرة الكام للحصول على الوان صحيحه كما تراها العين .. واهم شي يؤثر عليها هو توازن اللون الابيض
طيب وش معنى توازن اللون الابيض ؟
هو قياس درجة اللون وتسمى بعد بحرارة اللون وهذا الشي من اهم العوامل المؤثره على دقة الالوان .. وزي ما ذكرت تكون فاتحه او غامقه
للمعلوميه .. درجة الحراره الالوان تقاس بوحده اسمها ( كالفن )

طيب .. تسأل وتقول وشلون نخصص توازن اللزن الابيض ؟
فيه طريقتين ...
1- الاوله من الكام نفسها .. باختيار التوازن للابيض المخصصه في الكام نفسها ... تلقاها عند W/B وتقدر تغيير الى اجواء مشمسه .. غائمة .. الفلوربسنت... تجي باشكاااال
دائما تضبط الصور واحيانا مع ذلك ما تظبط ... لكن تقدر تجيب ورقة بيضاء او رماديه .. وتصور الورقه لتحدد التوازن .. وهذه ما تجيبها صح الا بعد محاولات كثييييره وتجارب وخبره بسيطه,,

2- تحفظ الصوره بجوده او على هيئة الراو raw (جودة الراو ما يميزها ما ادري وش اقول كانها لحمه نيه :) ما انطبخت وتقدر تكمل الطبخه في الكمبيوتر عن طريق برنامج الفوتوشوب مثلاً.. ويعيبها الحجم الكبير تقدر تقول انها مقاربه لصور النقتف ) وتقدر بكل سهوله تعدل توازن الابيض والالوان بكل اريحيه...
فلك الاختيار اخوي


ادري طولت شوي لكن ان شاء الله اكون قدمت لك ولو فكره.. لتستفيد مستقبلاً
abo mhmd
20/02/2011, 06:06 PM
تسلمممممممممم وكلمت الشكر والله قليله فحقك يالحبيب ..
والله اكتسبت معلومه جديده ..
شكرا