استفسار وانا اخوكم لاهنتم بخصوص ركبة اليوكن هل له سبب بالرجة [الأرشيف]

مشاهدة النسخة كاملة : استفسار وانا اخوكم لاهنتم بخصوص ركبة اليوكن هل له سبب بالرجة

سلطان444

20/02/2011, 12:31 AM

السلام عليكم ورحمة الله وبركاته

اخواني عندي رجة بالسيارة ماتجي الا على 100 بس اما تحت الـ 100 وفوق الـ 100 تختفي وكذلك مو دائما احيان تجي واحيان تختفي وش السبب ماني عارف

المهم رحت لكذا ورشة وميزان واغلبيتهم قال عندك الرمان ولازم تغيره وكذلك عندك الركبة فيه فضاوة خفيفة

طبعا غيرة الرمان وهي تجي فلنجة كاملة وتم التغير والحمدلله ،، بس الركب ماغيرتها بسبب ماحصلتها عند نفس المحل اللي اخذة منه الفلنجات

والحين الرجة خفة شوي عن اول والحمدلله لكن مازالت موجودة ونفس الحكاية على 100

وفحصة العامود والصليبات والكفرات والجنوط وكل شي تمام والحمدلله ،،

السؤال هل للركب دور بالرجة مع العلم ان فيها فضاوة خفيفة

ابي افادتكم لاهنتووووو

ملاحظة / السيارة يوكن 2001 دبل

سلطان444

20/02/2011, 09:56 AM

السلام عليكم

اليوم فيه واحد من الزملاء قال شيك على كراسي المكينة احتمال تكون منها

المهم طلعت لكذا ورشة ومنهم من قال مافية شي سليمة ومنهم من قال الا فيها وتحتاج تغير

هبلوووو فيني مادري من اصدق ،، كيف اعرف ان الكراسي يبيلها تغير

سلطان444

20/02/2011, 03:46 PM

للرفع

رفع الله قدركم

ملك الصيانه

20/02/2011, 04:38 PM

السلام عليكم .
الله يعيننا واياك .
اخوي بالنسبه للرجه تأكد من منطقة الصوت ومكانه ممكن تكون المسأله تافهه وممكن تكون قويه شيك على جلد المقصات الاماميه وشيك على ترصيص الكفر ( حتى لو كان مرصص ) وشيك على الكفر نفسه لعل الحلول تكون من بينها .
بالنسبه لكراسي المكينه خرابها يكون واضح وصوتها مزعج لكن الي انا خابره انها ما ترج الموتر الا اذا كانت كلها متكسره من قواعدها .
اهم شي لا تستعجل في الروحه للورش تراهم يدورون المستعجل .
الله يعيننا واياك ويفرج همك

بدوي جنوبي

20/02/2011, 07:28 PM

لازم تغير الركب بسرعه حتى لو ما كانت هى السبب
لان الركب لو انفكت خطيره

نعم ممكن تكون سبب الرجه
لان حمل السياره على الركب

بالتوفيق

سلطان444

20/02/2011, 11:06 PM

سلطان444

20/02/2011, 11:08 PM

لازم تغير الركب بسرعه حتى لو ما كانت هى السبب
لان الركب لو انفكت خطيره

نعم ممكن تكون سبب الرجه
لان حمل السياره على الركب

بالتوفيق

هلا وغلا اخوي الف شكر على النصيحة ،، وهذا اللي راح اسوية ان شاء الله

سلطان444

20/02/2011, 11:13 PM

اكتشفت اليوم شغلة وانا اخوكم

يوم نزلت هواء الكفرات الى 20 ومسكت فيه الطريق على سرعات متفاوتة

بعدها ما شاء الله اختفت الرجة نهائيا ولله الحمد ولا فيه شي ابد

بس لما رجعت ورفعت هواء الكفرات الى 30 او 35 رجعت الرجة من جديد يعني اذا نزل هواء الكفر تختفي الرجة واذا رفعت هواء الكفر ترجع الرجة

هذا يعني بان الشغلة سهلة بس وش هي ماني عارف ،، الله يسهلها ونحلها ان شاء الله

العمده 0ون0

21/02/2011, 12:20 AM

وعليكم السلام ورحمة الله وبركاته
اخوي سلطان:
ماشاء الله عليك انت جاوبت على نفسك وانت ماتدري هههههههه:D
شوف ياالغالي
1- السبب هو ان واحد من الكفرات فيه تحبيل بسيط غير ملاحظ على جانب الكفر من الداخل او الخارج او فيه تلبيسه داخل الكفر اذا كان لستك او رفعه اذا كان تيوبليس تأكدزين زين تحتاج (قوة ملاحظة)0

2-او واحد الكفرات فيه سحته في الدعسه تحت بسبب البريك فجأة وبقوة و صار في دعست الكفر سحته غير مستوي فتسبب رجه طلع الكفرات من السيارة واحد واحد وهو فيه هواء 35او40ودربي الكفر مشييه على ارض متساويه شوي شوي تحتاج (قوة ملاحظة) ودقق فيه زين و بتلاحظ فيه زي العرجه يطلع وينزل او تحبيل من تحت الكفر علشان كذا اذا نسمت الكفرات تختفي الرجه 0

وموفق ان شاء الله0
وسلامتك0
:f

ابو النوفي

21/02/2011, 01:17 AM

السلام عليكم

الاخ سلطان انا اشوف انك تنزل هوا جميع الاكفرات ماعدا واحد فقط تخلي هواه 35 وتشوف اذا مارج معك الموتر نزل هواه وارفع هوا الثاني لين تحصل الي يرج وفكه وركب الاسبير مكانه يالغالي ....

المهند 1

23/02/2011, 08:12 PM

السلام عليكم ورحمه الله وبركاته

سلطان444

25/02/2011, 02:27 AM

السلام عليكم ورحمه الله وبركاته

وعليكم السلام ورحمة الله وبركاته

الى حد الحين ابحث عن المشكلة ،، ابي احاول استعير كفرات احد الشباب لجل اشوف المشكلة هل هي فعلا منها ولا لا

مع العلم يا اخوان الكفرات توني مركبها مالها ثلاث شهور جديدة 2010 اندونيسيات

بندرالعتيبي

25/02/2011, 02:36 AM

ركبت كفر وطلعت من المحل ومسكت فرامل بقوه طلع في وجهي سياره ومن عقبها الموتر يرج رجعت للمحل وفحص الكفر وراني محل المسكه ومن عقبها وانا مطمن في هوا الكفر لارجه ولاشي الحمدلله هذا اكيد سسبب الرجه سحته في الكفر ارجو اني افيدك

نجم000الشمال

25/02/2011, 05:54 PM

ان كانت الرجة تحسها بالطارة ... فبعد الي ذكروا الاخوان ، انا اشك في الكفرات الامامية .
الله ييسر امرك.

سلطان444

27/02/2011, 10:27 AM

السلام عليكم ورحمة الله وبركاته

أبشركم يا رجال لقينا المشكلة

وفعلا زى ما قالوا بعض الإخوان عن موضوع الكفرات ،، بيض الله وجيهكم عزا لله ما قصرتو .

أخر شي لما تأكدنا أنها من الكفرات رحنا لم ميزان معروف وفكينا الكفرات من السيارة ولما رفعنا هواء الكفر الواحد إلى 40 و ركبناها بمكينة الترصيص ومع التدقيق على الكفرات ،،

حصلنا واحد من الكفرات يرتفع فوق وينزل تحت فوق تحت فوق تحت ،،

مع العلم يا أخوان الكفرات مركبها جديدة ما كملت أربع أشهر من تركيبها والغلط مني بعد أن الفاتورة ماهي موجودة معي لجل استبدلها على الضمان هذا إذا عليها ضمان زي ما يقولون سنه

المهم الحمد لله على كل شي ،، وشاكر لكم كل الشكر والتقدير و أتمنى لكم التوفيق بالدنيا والآخرة ان شاء الله

نجم000الشمال

27/02/2011, 02:18 PM

1000 مبروك ........... وموفق خير يالغالي .

سلطان444

27/02/2011, 10:03 PM

1000 مبروك ........... وموفق خير يالغالي .

الله يبارك بعمرك يا كل الغلااااء

والله لا يحرمنا وياك وكل الاخوان الاجر

ولك مني كل الشكر والتقدير ،،