المساعد الشخصي الرقمي

مشاهدة النسخة كاملة : ابي اسافر وحتاره؟


امواج راكده
20/02/2011, 01:06 AM
السلام عليكم ورحمه الله وبركاته
ابغى مشورتكم بسافر بالاجازه انا وزوجي ومحتاره بين ماليزيا واندونيسا وسيرلانكا وكان نفسي بالبدايه بسيريلانكا بس خفت من ناحيه النضافه
وماليزيا حلوه بس زحمه العرب تكره الواحد بالسفر انا رحت لتايلند ديره حلوه مره والعرب قليل جدا وهدوء اعصاب واحنا من هواه الطبيعه والخضار اكثرمن الحضاره والهدوء وبجد محتاره فياليت تنصحوني وين نتوجه وش احسن فنادك وارخص شركه طيران واذا فيه احد عنده رقم سائق مضمون باي ديره ينصحني يكتب ولكم مني جزيل الشكر
راكان 11
20/02/2011, 01:14 AM
اختي الكريمه
اذا تبيني الطبيعه والجو الخيااااااااال والأرض الخضراء
فعليك بسيريلانكا
واتركي عنك شرق آسيا
وبالنسبه للنظافه ففيها فنادق توازي شرق آسيا
وردة النفل
20/02/2011, 05:09 AM
الطبيعه والخضار بتركيا
انصحك فيها
اتمنى لك رحله واجازه سعيده
رفيق طافي
20/02/2011, 09:35 AM
نصيحتي لك :

سنغافورة + جزيرة بالي
ابو نزيه
20/02/2011, 09:46 AM
أنا رأيي من رأي أخوي رفيق طافي

سنغافورة 5 أو 6 ليالي

جزيرة بالي 5 أو 6 ليالي

بينهم طيران دايركت ( أير آسيا ) والمده ساعتين

وبكذا تجمعون بين ( الفخامه , التطور , الطبيعه , الألعاب البحريه , الشواطئ , التجديف بالأنهار )


الخطوط الدوليه : السنغافوريه , الاماراتيه , السعوديه

الخطوط الداخليه : اير آسيا

يوجد عندي رقم سائق في جزيرة بالي لكن لاأعلم هل المشرفين يسمحون بوضع الأرقام

أما بالنسبه لسنغافورة مايحتاج سائق خاص

أسفل توقيعي يوجد تقرير عن رحلتي وأهم الاماكن السياحيه في سنغافورة
ammamm
20/02/2011, 09:48 AM
أنا رأيي

تركيا
هوايتي مكشات
20/02/2011, 10:49 AM
الله يكتب لك الخيره
قناص الحاير
20/02/2011, 02:15 PM
تبين الاهتمام بالسايح ماليزيااا لاكن غاليه جداً
تبين الطبيعه والرخص اندنوسياااا >>> مجربها سنتين
سنغافورة غاليه ولازم تفيز وشغلات

روحي لبالى في اندنوسياء وبنشاك ماراح تتحسفين
محمدين عتريس
20/02/2011, 04:37 PM
سرانديب بلا منازع + جزر المالديف
دغيم1
20/02/2011, 09:06 PM
السلام عليكم ورحمة الله وبركاته
حياك الله أختي الكريمة
ماذكره الأخوة من بعض البلدان جيد
وبما أنكي تبحثين عن الطبيعة والخضرة
فـ سيريلنكا - جميلة وذات طبيعة
ونظيفة في أغلب أماكن السياحة وبها فنادق جميلة
ماليزيا جميلة والبعد عن العاصمة والبحث عن المناطق الداخلية افضل
سنغافورا بلد صغير ويكفيه ثلاثة أيام وبه جزيرة رائعة ( سانتوسا )
أندونيسيا بلد طبيعة وكبيرة .
المالديف بلد طبيعة ونقاهه ويكفيها ثلاثة أيام .
ويمكنك الإطلاع على رحلات بعض الأعضاء لتلك الدول من خلال المواضيع المثبته أعلى الخيمة
تمنياتي لكي ولأسرتك برحلة ممتعة وآمنه
تحياتي
وضحى بنت عجلا
20/02/2011, 09:17 PM
انا اايد سريلانكا تراها مره حلوه بس مشكلتها الوحيده الزحمه في بعض المدن
اما عن دوله مافيها عرب وفيها طبيعه خلابه فعليك بايطاليا ترا مره حلووه
او استراليا فيها طبيعه مررررره روعهومافيه عرب كثار
ون كانك تبين الارخص سريلانكا مره رخيصه
كاشخ 24 ساعه
20/02/2011, 09:25 PM
كل شي تحدده الميزانيه

وفيه خيارات كثيره جدا


فلو وضعتي الميزانيه وعدد الايام فسنتمكن من خدمتك
منصور الفايز
21/02/2011, 03:07 PM
وعليكم السلام

كما ذكر اخونا كاشخ .. مذّة الاجازة وكم تبغى تصرف من درااااهم :)

وانا انصحك تاخذين جوله حول المواضيع لرحلات الاعضاء وانتم اختارو اللي تبون .. لان مهوب اذا اعجبتني الديره الفلانيه راح تعجب غيري ..

واهم شي ابيك تمرين على هذا الموضوع ( (http://www.mekshat.com/vb/showthread.php?t=354178)بين الطبيعه والجمال سويسرا وفرنسا) (http://www.mekshat.com/vb/showthread.php?t=354178)

بالتوفيق ان شاء الله لكما
عبدالعزيز الوسمي
22/02/2011, 03:57 PM
اخواني لو قلت ابي اسافر سيريلانكا مع العائلة يعني 10 اشخاص ولمدة 5 ايام , التكاليف كلها يعني التذاكر والفنادق وجذي بتاريخ 2-3 لين 6-3؟!
كاشت 2011
22/02/2011, 04:14 PM
الحمد الله ماعمري طلعت من السعودية
اول الغيث قطر
22/02/2011, 06:23 PM
تروحون وترجعون بالسلامه

انصحك بتركيا
امواج راكده
01/03/2011, 12:46 AM
شكرا على الردود والله يعطيكم العافيه ماقصرتو
امواج راكده
01/03/2011, 01:11 AM
حبيت اعرف سريلانكا تنفع من ناحيه العوائل يعني امان وفيها سياح عوائل لاني مخيره بين ديرتين ماليزيااو سيريلانكا وبحكم اني مازرت كل هالديرتين فانا محتاره فيهم ومده سفرنا 18 يوم تقريبا والي يعرف رقم سائق سيرلنكي يعرف عربي يبرني فيه ولكم جزيل الشكر
بن حريش
01/03/2011, 01:26 AM
سيريلانكا انا ما رحتها وهي من ضمن الخطط المستقبليه

لكن تركيا عالم آخر بلد ولا في الاحلام
شي من الخيال

الله يستر عليكم وين ما رحتوا ويردكم لأهلكم سالمين
شاهد عيان
01/03/2011, 11:41 AM
أنا سافرت لسريلانكا وماليزيا وتايلاند والمالديف وهونج كونج وإندونيسيا وسنغافورا وكوريا و إلخ ... لكن من ناحية الطبيعة لم أرى أروع من ( النمسا ) ...

ويمكن يفيدك أكثر صور ألبومات سفري من خلال هذا الرابط :
http://picasaweb.google.com/alsabehtravel

وكل ألبوم هو عبارة عن رحلة مستقلة ويحتوي على العديد من الصور ..
وبالله التوفيق .
امواج راكده
03/03/2011, 02:00 AM
مشكورين والله يعطيكم العافيه ماقصرتو وفيتو وكفيتو
بن حاضر
13/03/2011, 02:42 PM
من ناحية العرب وكثر السياح فعموم شرق اسيا مليانه عرب وخاصة سعوديين ..
حاليا صديق لي موجود في اندونيسيا يقول زحمه والاسعار صايره دبل و الريال السعودي صرفه قليل يعني الروبيه مرتفعه عندهم .. والسعوديين هناك ماشاء الله عليهم وش كثرهم ..
ومن ناحية الطبيعه و والنظافه و السياحه فهي جميلة جداً سبق ولي وان زرتها اكثر من 4 مرات ..
جاكرتا / بنشاك ( الجبل ) / باندنونق / بوقور / سورابايا / جزيرة بالي / جزيرة لومبوك ( جميلة جداً وهادئه وانصح فيها للعوائل والجو الرومنسي ) .. الاسعار تختلف من مدينه الى مدينه وبعد على حسب صرف العملة ..
ماليزيا جميلة جداً وفيها مقومات السياحه وتقريبا اسعارها نفس السعودية في كل شي .. وكذلك فيها العرب بكثره يعني ماهي محصوره على السعوودين عكس اندونيسيا اللي فيها السعوديين اكثر من غيرهم .. وكذلك اندونيسيا يكثر فيها الحضارمه بكثره ..
سنغافوره لم ازرها بصراحه لكن على علمي باللي سافروا انها جميلة وغاليه وصغيره ..
سيرلانكا معلوماتي عنها بسيطة جداً فهي تناسب لعشاق الطبيعه فقط عكس الدول التي ذكرت يوجد فيها طبيعه و مقومات السياحه و فنادق راقيه ومدنها تقريبا متقاربه من بعض يعني مافي مشاوير كثيره الا بالطيران او بالقطار و القطارات راقيه شوي ..
موفقه خير ورحله سعيدة ..
خشكاري
19/04/2011, 04:46 AM
الحمد الله ماعمري طلعت من السعودية


أزين لك ... وإلا بتتحسف قد شعر راسك إن عمرك تقدم وما سافرت برا ((السعودية)) ههههههه

تحياتي لك ياسعودي ياأصيل أنت :good2:
امواج راكده
28/04/2011, 04:10 AM
مشكورين وماقصرتو