المساعد الشخصي الرقمي

مشاهدة النسخة كاملة : فزعة منكم تكفون خويكم محتار


المصباح السحر
20/02/2011, 11:13 PM
السالفة عندي موتر كابرس نظيف وانا ممن يعشق البر ولكن طلعاتي خفيفة من عقب الزواج

الوكاد عرض على احد الجيران باثفندر 2003 لونه عناني ورفارفه فيرانيه وماشي حول 250 الف

ويبي الكابرس بس الجبب صراحه ابي اسأل اللي جربوه ؟؟؟ انا للي منقز قلبي منه ممشاه واجد وش بقى

وسمعت انه ينقص الزيت وش رايكم والصراحه الفلوس مامن زود ونصحني واحد قال خل الكابرس

وطق لك ديماكس على موترك ابرك لك من الجيب واقل صرفيه وموترين عندك ازين من موتر واحد

وبي رايكم
دواك عندي
21/02/2011, 03:04 AM
انا اشو ف كلام خويك هو الكلام والصح
للرفع لللأستناره برأي قروم مكشات
المصباح السحر
21/02/2011, 07:32 AM
مشكور وما قصرت وابي زود آراء للشباب
قمرنا
21/02/2011, 08:01 AM
انا اشو ف كلام خويك هو الكلام والصح
للرفع لللأستناره برأي قروم مكشات
شور صحيح
الله يوفقك وصل صلاه الاستخاره
مره أو أكثر حتى تطمئن
almertah
21/02/2011, 08:11 AM
انا اشوف ان راي خويك هو الراي الصائب لان الباثفندر ماهو كفو بر ولا حتى في الديره ما ينومسك وفقك الله
هايل العتيبي
21/02/2011, 08:16 AM
كانك تبي سياره البر
خذلك سفاري او هدد
راعي الرائد
21/02/2011, 08:29 AM
ارى انك تبيع الكابرس وتزيد على قيمتها وتاخذ سياره لجميع الاستخدامات لان السيارتين سوف تشغلك بتجديد استماراتها والتامين السنوي وكذلك خراب البطاريه مع الوقوف وامور اخرى سوف تظهر لك بعدين ماخطرت على بالك
المصباح السحر
21/02/2011, 02:44 PM
استانست يوم شفت ارآكم والله انك عزوه
المصباح السحر
21/02/2011, 02:51 PM
راعي الرائد كلامك صحيح

بس انا كان عندي vxr وفعلا انا شريته لجميع الاستخدامات بس وش المشكلة

البر وانا اخوك يكرف السيارة ويخليها تهربد ويلعب في داخليتها وخموش البدي من الشجر لدرجة ان موتري للي كان وردة صار شكلة قبيح من البران
وكرهته وبعته وسيارتين ما تبلش تخرب وحده الثانية تمشيك احد اخوانك جاك من برا الديره ولا جار ولا قريب بدل ما يستأجر سيارة تفزع له ويكفيك مشاويرك الخفيفة تريح السيارة النظيف
أبو شيبة
21/02/2011, 03:01 PM
خذ كلام خويك
صقار مبتدئ
21/02/2011, 03:27 PM
كلام خويك عين العقل
راعي طويلات
21/02/2011, 06:14 PM
عندي كذا راي خذ الي يناسبك منهم واذا ماعجبوك اتركهم عنك وطبعا كلها متفقه على أنك تخلي عنك الباثفندر لانه موتر عله وبهالممشى مافيه مطمع يعني مقفي خيره ومقبل بشره وغثاه
الراي الاول أنك تبيع الكابرس لانه من شاكله الباثفندر اذا بدا يطلب وفتح فمه بتبيع ماوراك ودونك تصلح فيه وكل يوم بورشة وبما انك راعي عائلة فالموتر ماينضمن الا اذا كان جديد فهو بيمشيك سنتين ثلاث اذا استخدامك محافظة طبعا اذا بعته مع القيمة الي بتشتري بها الموتر الثاني تشتري لك جيب وانا ارشحك لك الفتك لانه مناسب لوضعك واذا كنت تميل لتويوتا خذ لك Vx-r او هدد والله يعينك على صيانة التويوتا وغلا قطع الغيار
الراي الثاني أنك تخلي الكابرس او تبيعه وتاخذ لك كراون فكتوريا او ماكيز وتشتري معه باترول 97 وتحت ربع والا اربع ابواب ولاتاخذه غالي علشان تضبط فيه على مزاجك وتخليه للبر والمكاشيت والطلعات
الراي الثالث انك تخلي موترك معك وتشتري لك هايلكس دبل او ددسن دبل أفضل استخدام واطيب من الديماكس لافي شكل ولاقطع غيار ولافي بيع
مدور مهره
21/02/2011, 06:53 PM
والله لا كلام خويك ولاكلام الثاني والثالث تبي رأيي

أستخر وشوف ومايصير الّى الخير
المصباح السحر
21/02/2011, 11:46 PM
الشكوى لله هل من مجرب لهذه السيارة
SRAAAB
22/02/2011, 12:49 PM
والله شف
خذ لك سيارة نظيفة للبر وخلها مع الكابرس
وإلا إذا كان على كلامك تحب البر بع الكابرس وزودة باللي معك وخذ لك جيب للإستخدامين
المصباح السحر
22/02/2011, 02:38 PM
والله اشوف اكثر للي نصحوني قالوا انحش عن الباث

علومكم طيبه يالمكشاتيه
المصباح السحر
27/02/2011, 12:33 AM
لللللللللللللللللللللللللللللرفع