مشاهدة النسخة كاملة : دربيل مدمج مع كاميرا رقمية (Digital)
بدولوجيا
16/11/2005, 12:38 AM
السلام عليكم ورحمة الله
وأنا أقلب في أحد المواقع التجاريه لقيت هالدربيل معروض عندهم
والصراحه عجبني أحد عنده اي فكره عن الدربيل
http://www.mekshat.com/pix/upload/images11/mk16749_144202-820.jpg
نوعه ومواصفاته :
10* 25 BINOCULAR
1.3 DIGITAL CAMERA
يعطي مسافة بعيده ويلتقط مايمكن رؤيته في الدربيل
يتكون من :
1-الدربيل المدمج معه الكاميرا
2- شنطه للدربيل (حافظه)
3-وصلة الUSB للكمبيوتر
4- منظف للعدسات
5-سيدي للتحميل على الكمبيوتر
6-بطاريات عدد 2
وصناعته امريكي وسعره معقول
أبو سطام
بدولوجيا
16/11/2005, 12:21 PM
يا اخوان ما حد يعرف هالنوع ابد
الكونترولCONTROL
16/11/2005, 12:40 PM
انا معلوماتي مثلك ...
راعي الرجم
16/11/2005, 12:50 PM
وين يباع ها الدربيل وكم سعرة لو تكرمت
بدولوجيا
17/11/2005, 12:08 AM
حياك الله اخوي الكونترول
أخوي راع الرجم
الدربيل لقيته في موقع تجاري وموجود في الرياض والشرقيه وبالحجز
وسعره 500 ريال
الحقيقة أنا أول ما شفتها اعجبتني قبل فترة في أحد المواقع التجارية الإنجليزية وكان سعرها بالدولار قرابة 100 دولار ولكن انشغلت عن شراءها وضيعت الموقع
بدولوجيا
17/11/2005, 12:25 AM
مشكور اخوي m1m
هي شكلها زينه لكن ما هي متوفره عندنا الا بالحجز
كاميرا ودربيل في وقت واحد شي جميل
هبايب نجد
17/11/2005, 12:25 AM
http://www.mstaml.com/section/item.php?I=134984
أن شاء الله يفيدكم الرابط
بدولوجيا
17/11/2005, 12:27 AM
مشكور اخوي هبايب نجد
وبيض الله وجهك
هويدي
17/11/2005, 05:39 AM
وعليكم السلام ورحمه الله وبركاته
اشكرك اخوي بدولوجيا على طرح الموضوع
وسبق وقرأت في احد المنتديات عن هذا الدربيل او مشابه له تحت عنوان( ضهر ماهو اخطر من البلوتوث)
وكانت آراء غالبيه الاعضاء فيه بأنه كغيره من التكلنوجيا اللتي يمكن يساء استخدامها من بعض ضعاف النفوس
فما اقول الا الله يستر من عواقبه اومضاره ، ولا اهمش فوائده وفكرته الرائعه اللتي تستهوي محبي التصوير للحصول على
لقطات من الصعب الحصول عليها عن قرب
وكان رأيي من رأيهم لاني قارنته بجوال الكمرا وما ترتب عليه من هدم بيوت وقضايا اخلاقيه
وهتك اعراض الى آخره من المشاكل الله يحمانا وياكم منها ...
فهي بالنهايه مثل الكأس اذا عبيته ماء حلال وذا عبيته خمر حرام
وآسف اخواني على الاطاله بس الكلام اللي قلته لنشر التوعيه والحذر ممن يسيء استخدامه
الكونترولCONTROL
21/11/2005, 08:06 AM
يا كثر الحاجات اللي ممكن تشتعمل في الشر : أمثلة
السيارة (((( تفحيط .... سرقة ... اختطاف .... تهريب .... و عد و اغلط ))
التلفزيون ((( فيديو ... رسيفر ..... كميرة ..... و عد و اغلط ... ))
الكميرة (( حسب اليد اللي ماسكتها ))
الرشاش (( التهديد ...... القتل ...... الخ .. ))
السكين (( الاغتيال ..... الطعن ...... الخ ))
الانترنت (( كل ما ذكر أعلاه + الفواحش اعزكم الله ))
البيض (( أشوف البزران يرمونه على العمال بالشوارع )) ,,, و ترى ذي مزحة خارج الموضوع
و عددددددددددددد و اغغغغغغغغغغغغغلط ...
المهم : اذا ما فيه تربية ........ كل شيء مضر حتى الخمسمية بجيبك تكون مضرة اذا ما فيه تربية !!!! أليس كذلك ؟؟؟؟
راعي الكسرة
21/11/2005, 08:16 AM
السلام عليكم ورحمة الله وبركاته
شكراً لك أخي الكريم على هذا الموضوع الحقيقة فيه مثله تقريبا عند مكتبة جرير بس عاد مدري عن التوفر والموصافات
هذا للا فادة وشكرا
عمود الحماد
21/11/2005, 08:27 AM
اخوي لوتكرمت تعرف محل معين بالرياض يبيعه لان الرياض ديره
العملاق النائم
25/11/2005, 02:03 AM
نرجوا من الاخوان وضع عنوان لاحد المحلات التي يتوفر فيها هذا الدربيل
المستشار 2400
25/11/2005, 01:07 PM
السلام عليكم ورحمه الله وبركاته ..... وبعد
يوجد شبيه له تقريبا بنفس المواصفات عند الرمايه بالرياض شارع التخصصي وأنت متجه شمال قبل إشارتين من مفرق طريق الملك عبدالله .
العملاق النائم
26/11/2005, 02:10 AM
مشكور يالمستشار2400 على المعلومات ووالوصف
الف شكر
مخاوي الجن
26/11/2005, 01:43 PM
بسم الله الرحمن الرحيم
السلام عليكم ورحمة الله وبركاته
انا شفته في مكتبه جرير في الراشد قبل شهر وكان سعره علي ما اعتقد 500او 700 ريال
المستشار 2400
26/11/2005, 03:11 PM
العفو لك عزيزي
مرقاب الشرق
27/11/2005, 10:59 PM
عندي سؤال هل هو يصور بعد التقريب ؟ او الكمرة مالها دخل في الدربيل مجرد جهزان في واحد ؟
الكونترولCONTROL
27/11/2005, 11:04 PM
سعره بين 550 و 700 ................................ و متوفر بكثرة
======================================
امريكي المواصفات و الماركة و التقنية ... صيني الصناعة ...............
======================================
المستشار 2400
28/11/2005, 12:43 PM
عندي سؤال هل هو يصور بعد التقريب ؟ او الكمرة مالها دخل في الدربيل مجرد جهزان في واحد ؟
مالك لوا ..... الكميرا ماوجدت بالدربيل إلا علشان تصور بعد التقريب
بدولوجيا
28/11/2005, 08:12 PM
الله لا يهينك يالمستشار 2400
عز الله انك كفيت ووفيت
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir