سعر الباثفندر

[الوفاء طبعي-]

السلامعليكم ورحمه الله وبركاته
انا باقي اسالكم عن سعر الباثفندر م 2005و2004
وكف قطع الغيار غاليه ولا لا
وهل فيه اختلاف في المكينه قوتها يعني
وعيات احسن توماتيك ولا قير عايدي في التطعيس والخط
تكفون
:s:s:s

[المصباح السحر]

للرفع حتى يعطونك الاخوان فائدة

[هملول السحاب]

السلام عليكم

اخوي حبيت ادلي بدلوي بما انني استخدمت الباث فندر 2005.

شف ياحبيبي اذا حصلت موتر نظيف نظيف ماهوب ملعوب فيه ولا مفكوك عز الله انك بترتاح وتنطرب لانه الصراحة السيارة قوية عزم ونشاط ومريحة مع الخط واستهلاكها للبنزين اعتبره معقول جدا.
كان عندي واحد نظيف جدا جدا اخذته من اللي فاكه وكاله على يده ولاهو راعي تطعيس ولا سفريات. والحمدلله جلس معي تقريبا 4 شهور وبعته تقريبا ب 43 الف الكلام. وبالنسبة للقير التماتيك اتوقع افضل للمدينة والزحمات والقير العادي للبران والتطعيس.

وبالنسبة لأسعاره اتوقع ال 2005 من 37 الى 43 في الوقت هذا مهما كانت المواصفات والنظافة اذا كان فل كامل ابد لاتعطيه اكثر من 45 الف والكلام هذا لصبغ الوكالة وماهو مرشوش.

وانتبه من حاجة وحدة بالباث فندر واللي هي مسامير الثلاجة يبيلك واحد فنان يزبطها لك انا اللي عندي كان وكالة ولا هو مفكووك منه شي نهائي وماحبيت افكه لاني ماني راعي قومات ولا تطعيس وبعته على حطة الوكالة.

[جي اكس ار2000]

اجمع 50000 واشتر جي اكس اوجي اكس ار لوهو مرشوش افضل من الباث لأن التوماتيك مع البر يسخن جدا ومع مرور الوقت يمكن تسقط المسامير بالمكينه
القير العادي يطلع فيه رجه حول القير والعكوس النصيحه تويوتا بعد توفيق الله واذا انت راعي بر بحث عن 97 وتوكل على الله ودمت بخير