المساعد الشخصي الرقمي

مشاهدة النسخة كاملة : قصيدة صقر النصافي من اروع قصايده وهي مليئه بالحكمه


ديوان العرب
22/02/2011, 03:46 PM
السلام عليكم اسعد لله مساكم جميع هاذي قصيده لصقر النصافي ولها قصه وتروي قصة القصيده كان طقر تاجر يبيع ويشري وكان يسافر من الكويت الا السعوديه وكان معه مجموعه من خوياه وفي احد الايام طلبة منه احد قريباته بان ياخذ ابنها معه ويتعلم من صقر النصافي في رحلته وكان معهم قافله تحمل البضائع وكان صقر حريص جدأبان لاتتسرب اخبارقافلته وماتحتوي من بضائع وافهم علي بان لاتخبر احد عن القافله ماتحتوي عليه وفي احد الايام استراحو بالقرب من قريه صغير في طريقهم وكانو اهل القريه يحتفلون بالعيد وكانو عندهم عادة قديمه بان ترقص احد النساء مع الرجال واذهب علي وكان علي في سن الشباب ولما وصل عندهم التفت له احد الرجال ولا احض انه غريب عن القريه فطلب من علي الجلوس بجواره واخذ يستدرجه بالكلام وماشالله عليه علي يوم شاف البنات يرقصون نسى وصية صقر له وهل السبحه لرجل واخبر عن القافله وماتحتوي ومن اين جو والااين ذاهبين هل الشريط على ماقالو ولمى انتهت الحفل ذهب علي الا القافله واسئله صقراين ذهبت فقال ذهبت الى القريه لارئ احتفالهم ونساء ترقص فسئله لماذ ذهبت ولم تخبرني فرد عليه قال هو عيد واحببت ان اشاركهم في فرحة العيد وقال له علي هل احد سئلك عنى القالفه فئجابه نعم سئلني رجل فائخبرته فغضب عليه صقر ونشد قصيدته هاذي وهي مليئه بالحكم
ياعلـي خـل العيـد لام الدناديـش...

اللـي تنظـف كـل يـوم جسدهـا


تبغى تمـاري ناقضـات العكاريـش... فـي كـل ملفـاح تنقـض جعدهـا

العيد عيد الله ولـو فـات حتيـش... مـن حسبـة ايـام يمـرك عددهـا
نبي نعلمك المساري علـى الجيـش.. تمشي ذلولـك ليـن يفتـر جهدهـا
خابرك منت بضـاري للمطاريش.. نبيك تونـس حلوهـا مـن نكدهـا
ليله على مسـرى وليلـه مغابيـش ..وليله نخلـي نومهـا لمـن رقدهـا
وليله على تمره وليله على عيـش ..وليله نوكلـك الشحـم صيـد يدهـا
ياعلي ان جيت العرب لا تصير ديش ..خبل ليا جـاب السوالـف سردهـا
احفظ لسانك لايجـي فيـه تبطيـش.. تصبـح عيونـك كايـدات رمدهـا
يجيك من ينشـدك نشـده تفاتيـش.. يبـي يسنـع هـرجـة يعتمـدهـا
خله يقوم مفلـت فـي يـده ريـش ..يروح منـك وحاجتـه مـا وجدهـا
ترى دعابيـل الخبـول الفوانيـش.. تبدي بمـا فيهـا ولا احـد نشدهـا
يجيك واحدهـم يـورش تواريـش.. سحابتـه يسبـق مطرهـا رعدهـا
اللي لغمـزات السوالـف مناقيـش ..قرايـة الكلمـه علـى اول عددهـا
تجي سوالفهـم بضحـك وتبهيـش.. وقلوبهم مـا حـد يفكـك عقددهـا
ديوان العرب
22/02/2011, 03:52 PM
بيت القصيده /

ياعلي ان جيت العرب لا تصير ديش ......خبل ليا جـاب السوالـف سردهـا
الصارم1
25/02/2011, 09:18 PM
ياعلي ان جيت العرب لا تصير ديش ..خبل ليا جـاب السوالـف سردهـا
احفظ لسانك لايجـي فيـه تبطيـش.. تصبـح عيونـك كايـدات رمدهـا
يجيك من ينشـدك نشـده تفاتيـش.. يبـي يسنـع هـرجـة يعتمـدهـا
خله يقوم مفلـت فـي يـده ريـش ..يروح منـك وحاجتـه مـا وجدهـا


تسلم على هالقصه والقصيده
أزيب الوسم
26/02/2011, 12:53 AM
قصيدة جميلة جدا ويحتاج لها الكثير في زماننا هذا
...

..
وبعد اذنك يا صاحب الموضوع فأنا أرى أن بيت القصيد هو الأخير

::تجي سوالفهـم بضحـك وتبهيـش.. وقلوبهم مـا حـد يفكـك عقددهـا::
محمد الظاهري
27/02/2011, 12:25 PM
قصيده كلها حكم


بيضً الله ياغالي ماادري ماذااقوللك


قصيده يعجز عنها. الوصف


ولكن الصمت في حرم الجمال. جمال


تحياتيلك ياغالي
ذيب ذهلان
27/02/2011, 12:54 PM
قصيدها رائعه الله يعطيك العافيه
رفيع المقآم
28/02/2011, 08:28 PM
الله يعطيك العافيه وتسلم يمناك وبيض الله وجهك


ولكن عندي تعديل بسيط جدا اذا سمحتلي

ياعلي ان جيت العرب لا تصير ديش ..خبل ليا جـاب السوالـف سردهـا


التعديل


ياعلي لاجيت العرب لاتجي ديش .... خبل ليا جاب السوالف سردها
سارح 15
01/03/2011, 05:29 PM
احفظ لسانك لايجـي فيـه تبطيـش.. تصبـح عيونـك كايـدات رمدهـا
يجيك من ينشـدك نشـده تفاتيـش.. يبـي يسنـع هـرجـة يعتمـدهـا



الله لايهينك على هذا القصيده
نجم000الشمال
05/03/2011, 09:33 PM
قصيدة حكمة ... تسلم يمناك على الطرح.
ترى دعابيـل الخبـول الفواتيـش.. تبدي بمـا فيهـا ولا احـد نشدهـا
يجيك واحدهـم يـورش تواريـش.. سحابتـه يسبـق مطرهـا رعدهـا
شداد الركايب
07/03/2011, 04:00 PM
لاهنت اخوي
بارك الله فيك