من يجيب لنا علوم هالماطور الصامت الزين.. (هوندا) [الأرشيف]

شمالات نجد

23/02/2011, 02:10 PM

بسم الله الرحمن الرحيم

السلام عليكم ورحمة الله وبركاته

يا جماعة الخير اللي عنده معلومه او نصيحه بخصوص هالماطور لا يبخل علي

بكم سعره، ومكان البيع، ومواصفاته، وصناعته، وهل فيه أفضل منه من شركات أخرى؟

وهذي صورته لبى قلبه جاز لي هالصنغنونه :)

http://www.hondaenergy.com/shopimages/02Banner-EU10i-DC-HE.jpg (http://www.hondaenergy.com/product.php/37/eu10i_1kw_honda_generator_plus_free_dc_outlet_cabl e)

http://www.hondaenergy.com/shopimages/products/extras/EU10_Generator_Lings2.jpg

http://www.hondaenergy.com/shopimages/products/extras/EU10_Generator_Lings1.jpg

وهذا فيديوهات له

5_GVtRG6VAc

_k09oeVnFVI

ومشكورين مقدماً ويجزاكم بالخير والجنة ويرحم والدنيا ووالديكم

سلام

ابودعسان

23/02/2011, 05:19 PM

اذا هذا صامت شلون المزعج هههههههههه
والله شكله حلو ووذيف ومايعوق بالسياره اصغر من شنطه العزبه وينحب من اول نظره
وياليت الاخوان يفيدونا عن سعره واستخدامه

saqer-aljazera

23/02/2011, 05:25 PM

صراحة فقع اذني
ومع ذلك شكله حليو
===
وان شاء الله هوامير المواطير يساعدونك

الاطار

23/02/2011, 07:36 PM

معروف ....وقيمته حسب قوته عند عبدالله هاشم ....تحصله ف شارع الريل ....عند الغرابي في البطحاء ....هناك انواعها
وهو لايعلى عليه هوند معروف

جذآآآب

23/02/2011, 08:05 PM

اهم شي يكون ياباني

$$_ القناص _$$

23/02/2011, 08:14 PM

انا معجبني كثير شفته مع واحد فلسطيني او سوري يبيع مويه وبارد عند المجمعات وسالته عنه وقال

بتحصله في جدة سعره 2500 ريال وفي الخرج سعره 2700 ريال

جاذبية

23/02/2011, 10:38 PM

روابط ذات صله

http://shop.ebay.co.uk/sis.html?_nkw=HONDA+EU10i+EU+10I+SUITCASE+GENERATO R+NEVER+USED+BNIB

http://www.baper.net/honda/generadores/html/eu10I.html

http://www.amazon.com/Yamaha-EF1000iS-4-Stroke-Generator-Compliant/dp/B002RWK9LY/ref=pd_sbs_ol_4

http://www.amazon.com/Honeywell-HW1000i-4-Stroke-Generator-Compliant/dp/B001DSIEBU/ref=sr_1_fkmr1_2?ie=UTF8&qid=1298489307&sr=8-2-fkmr1

حمد 2003

23/02/2011, 11:16 PM

قبل سنتين واحد من الشباب مشتري ماطور من هوندا شبية لهذا الماطور
والسعر 2200 ريال من فرع شارع الريل

شمالات نجد

23/02/2011, 11:39 PM

اذا هذا صامت شلون المزعج هههههههههه

والله شكله حلو ووذيف ومايعوق بالسياره اصغر من شنطه العزبه وينحب من اول نظره

وياليت الاخوان يفيدونا عن سعره واستخدامه

المزعج ما تقدر تكلم تلفون وانت واقف عنده وهذا عادي بعدين الصوت حسب مافهمت بمجرد ما تبعد عن الماطور 15 متر بالكاد تسمعه.

صراحة فقع اذني

ومع ذلك شكله حليو

===
وان شاء الله هوامير المواطير يساعدونك

بسم الله عليك يا أخوي

فعلاً شكله ذرب ولاياخذ مكان في الموتر

معروف ....وقيمته حسب قوته عند عبدالله هاشم ....تحصله ف شارع الريل ....عند الغرابي في البطحاء ....هناك انواعها

وهو لايعلى عليه هوند معروف

الله يعطيك العافية إن شاء الله أمر باتسر شارع الريل واشوف وش عندهم

اهم شي يكون ياباني

الله يعطيك العافية وأكيد الحرص على الاصلي يريح راسك

انا معجبني كثير شفته مع واحد فلسطيني او سوري يبيع مويه وبارد عند المجمعات وسالته عنه وقال

بتحصله في جدة سعره 2500 ريال وفي الخرج سعره 2700 ريال

وش هالأسعار..!!

ما قلت لنا كيف كان صوته هل يصل لدرجة الازعاج ويا ليت مع تشبيه

روابط ذات صله

http://shop.ebay.co.uk/sis.html?_nkw=HONDA+EU10i+EU+10I+SUITCASE+GENERATO R+NEVER+USED+BNIB

http://www.baper.net/honda/generadores/html/eu10I.html

http://www.amazon.com/Yamaha-EF1000iS-4-Stroke-Generator-Compliant/dp/B002RWK9LY/ref=pd_sbs_ol_4

http://www.amazon.com/Honeywell-HW1000i-4-Stroke-Generator-Compliant/dp/B001DSIEBU/ref=sr_1_fkmr1_2?ie=UTF8&qid=1298489307&sr=8-2-fkmr1

لاهنت يا الغالي

قبل سنتين واحد من الشباب مشتري ماطور من هوندا شبية لهذا الماطور

والسعر 2200 ريال من فرع شارع الريل

هل جرب يشغله وانت معه وما قلت لنا عن الصوت والصناعه لا هنت

=============

شاكر ومقدر للجميع مرورهم الرائع ونصائحهم

سلام

$$_ القناص _$$

23/02/2011, 11:52 PM

انا لا اعرف الشخص بس التقيت معه وهو كان يبيع بارد عند الاسواق وجلست اسولف معه عن الماطور الصوت ما شاء الله تبارك الله لا يوجد صوت والصوت الموجود في المقطع ارفع من الصوت الذي شفته بنفسي لإن المصور في المقطع مقرب الكميرا
انا كنت اسولف معه سواليفنا عايديه بدون رفع الصوت وانا ما اسمع ومن هذا الكلام
اصلاً ما حسينا به بس يجي بروده من الثلاجه
وإذا كان فيه شخص من الخرج ياليت يروح له ويعطينا معلومات اكثر من الشخص نفسه
هو موجود عند مركز عبدالعزيز على ما اعتقد لا اذكر اسم الاسواق على شارع هايبر بنده
شكله سوري او فلسطيني معه دينا صغيره الحجم بس ما ادري كيف جعل الصندوق ثلاجه ووصع فيه البارد والماء

شمالات نجد

24/02/2011, 04:13 AM

دورانقو

26/02/2011, 12:51 PM

مميزاته كاتم صوت خفيف الوزن

عيوبه غالي الثمن غلاء قطع الغيار واذكر مره ذهبت لمحلات صيانة المواطير في حراج بن قاسم وعمال الصيانه مايمدحونه ويقولون محد يعرف يصلحه الكلام هذا من سنه

$$_ القناص _$$

26/02/2011, 02:16 PM

إذا كان أحد من الخرج يوجد عند محلات الصويغ هذا الماطور ممكن يجيب لنا مميزاته وسعره

شمالات نجد

26/02/2011, 03:24 PM

مميزاته كاتم صوت خفيف الوزن

عيوبه غالي الثمن غلاء قطع الغيار واذكر مره ذهبت لمحلات صيانة المواطير في حراج بن قاسم وعمال الصيانه مايمدحونه ويقولون محد يعرف يصلحه الكلام هذا من سنه

اذا اهتوو عرفو يصلحون الطيارات وانا اخوك

بالنسبة لغلاء قطع الغيار الماطور ليس للاستخدام اليومي او الدائم ولكن للكشتات ومااعقد بيطلب قطع غيار وان طلب بيكون بعد مدة طويله

الله يعطيك العافية

كما أشكر أخي القناص

وفق الله الجميع

سلام

جده خير 2010

26/02/2011, 03:55 PM

السلام عليكم ورحمة الله
شف اخوي الغالي

انا شريت لي ماطور كااتم اكبر منه قوته 650 وهوندا وكمان من عند عبدالله هاشم بجده

http://www.afritool.com/honda/tables/em650z.jpg

ولكن والله تفاجأت انه ما قدر يشغل كشافين قوة كل واحد 150 واط يعني الاجمالي 300 وااط فقط ولسا اقول

يمكن انا غلطت في توزيع الوااط .... ممكن

القصد طول الله عمرك انه تعرف انت وش تحب تشغل عليه مثلا لمبات عاديه او تلفاز وبلايستيشن ماراح تحتاج

ماطور كبير يعني زي هذا يوفي بالغرض

بس لازم تحط في اعتبارك الواااط

شوف روح لعبدالله هاشم وراح تلاقي البايع هناك اطلب المهندس ويوم يجيك خله يشرح لك طريقه توزيع الوااط

ونصيحه لاتشتري ماطور الا من الوكاله عشان الضمان وانا اخووك

وعشان ماتتوهق وتقول ( يامن شراله من حلاله علللله )

ان شاء الله اكون وضعت الاضافه المناسبه لك

كل الود

شمالات نجد

26/02/2011, 04:17 PM

السلام عليكم ورحمة الله

شف اخوي الغالي

انا شريت لي ماطور كااتم اكبر منه قوته 650 وهوندا وكمان من عند عبدالله هاشم بجده

http://www.afritool.com/honda/tables/em650z.jpg

ولكن والله تفاجأت انه ما قدر يشغل كشافين قوة كل واحد 150 واط يعني الاجمالي 300 وااط فقط ولسا اقول

يمكن انا غلطت في توزيع الوااط .... ممكن

القصد طول الله عمرك انه تعرف انت وش تحب تشغل عليه مثلا لمبات عاديه او تلفاز وبلايستيشن ماراح تحتاج

ماطور كبير يعني زي هذا يوفي بالغرض

بس لازم تحط في اعتبارك الواااط

شوف روح لعبدالله هاشم وراح تلاقي البايع هناك اطلب المهندس ويوم يجيك خله يشرح لك طريقه توزيع الوااط

ونصيحه لاتشتري ماطور الا من الوكاله عشان الضمان وانا اخووك

وعشان ماتتوهق وتقول ( يامن شراله من حلاله علللله )

ان شاء الله اكون وضعت الاضافه المناسبه لك

كل الود

الله يعطيك العافية على هالنصايح اللي من ذهب

الماطور اللي عرضت برضو حلو

أما مسألة انك شغلت عليه كشافين مجموعهم 300 واط وهو يشغل 650 ولا اشتغلت هذي غريبه أكيد في مشكله اما في الكشاف او التوصيلات

وفقك الله والجميع

سلام

درب الصحراء

26/02/2011, 11:26 PM

من مواصفاته

1- يعطي 1000 واط لكن التشغيل ما يتعدى 900 للامان
2-وزنة 13 كيلو
3- ويشتغل في حدود 8 ساعات

ومن ناحية السعر فكما ذكر الاخوان في بحر الاالفين

وانا شايفة في محلهم في شارع الريل

وبالتوفيق

دورانقو

27/02/2011, 12:35 AM

اذا اهتوو عرفو يصلحون الطيارات وانا اخوك

بالنسبة لغلاء قطع الغيار الماطور ليس للاستخدام اليومي او الدائم ولكن للكشتات ومااعقد بيطلب قطع غيار وان طلب بيكون بعد مدة طويله

الله يعطيك العافية

كما أشكر أخي القناص

وفق الله الجميع

سلام

ههههههههه القضيه مهي قضية هوى الماطور هذا مختلف تصميمه معقد ومتعب في الصيانه وصعب تفكيكه هذا كلام عمال الصيانه مو كلامي ومثل مانت عارف الواحد يدور الشي اللي كلن يعرف يفكه ويركبه والله يوفقك

شمالات نجد

27/02/2011, 12:50 AM

أخواني

درب الصحراء

دورانقو

أشكركم كثيراً على هذه المعلومات والنصائح

الله يعطيكم العافية ويوفقكم والجميع

سلام

انتماء عربي

27/02/2011, 05:41 AM

اخوي شمالات نجد تحية طيبة
انا عندي خلفية قليلة بس بتفيدك باذن الله طبعا وكيله عبدالله هاشم
هذا النوع 1000 شمعة وكما ذكر احد الاخوان يطلع 900 شمعة وميزته ليس فيه لوحة اكترونية وسعره 2700
اما الذي اكبر منه فهو 1800 شمعة ويطلع 1600شمعة وفيه لوحة اكترونية وسعره 3700
اما مسألة الصيانة فهي مشكلة الفنيين وليس فيه اي تعقيد مجرد ان المحلات تعودوا على نوعيات محددة وصار لي قصة معهم حيث مرة تعطل ماطوري وذهبت به للمصلحين بالصناعية فرفضوا جميعهم فكه وفحصه وعندما ذهبت به للوكالة للأسف حاولوا استغلالي لمعرفتهم بانه لا أحد يرغب باصلاحه فقالوا انهم سيفحصونه وقد يكلفني 1800 ريال !!!! طبعا لا اعلم لماذا ارجوك لاتسألني فهذا استغلال بن كلب, المهم رجعت واعطيته اخي الميكانيكي وقام بفكه واحضرت له بوجي قيمته 19 ريال وشنبر قيمته 78 ريال فقط وعاد كما كان ولا اروع.
حقيقة الماطور حلو جدا جدا واانا مجرب المقاسين المذكورين اعلاة والله على ما اقول شهيد فانا والله لا أتبلى على الوكالة وليس لي مصلحة لذلك وأخي ليس له محل كي أسوق له مجرد انه متمكن وأصلحه لي في بيته.
اسف على الاطالة وتقبل مروري

Mohammed99

27/02/2011, 08:33 AM

موجود في موقع amazon و ebay

اصيل نجد

27/02/2011, 11:01 AM

هلا وغلا بشمالات نجد الله يطول بعمرك هالمطور انا عندي واحد اكبر منه وكاتم صوت عزالله انه دواء ونصيحه تراه فوق الممتاز وانا شاريه من عبدالله هاشم بس ماهو اللي بشارع الريل فيه محل ثاني لهم بجنب الورشه حقتهم وصراحه الماطور فوق الممتاز كد ومد ويستاهل قيمته بس مستغرب هذا اللى بالفديو صوته قوي اللي عندي نفس هذا بس اكبر والصوت مافيه صوت ضعيف جدا تحياتي لكم .

ذيبان الديرة

27/02/2011, 12:53 PM

اشتر ولا تشاور انا من ضمن المجربين خفة في الشيل وصوت مافية وتشغيل سهل ويتحمل

علي العساف

27/02/2011, 01:11 PM

وش دعوى اخوي ماله صوت
شكلك مقصر على سماعة الكمبيوتر
حاول تشوف المقطع من كمبيوتر ثاني
بالتوفيق أخوي ..

ابو شكاع

27/02/2011, 02:24 PM

هذا الموديل جدا جميل بتصميمه
كنت الفترة الماضية أفكر بواحد وولد أختي فكر بهالنوعية
رحت لمحل اسأل عنه قال لي بأن هذا النوع " الشنطة" كثير خراباته بسبب أن ديكوره الخارجي كاتم عليه ويحتمي ويخرب ... هذا كلام صاحب المحل ولا أدري هو صحيح أو لا ؟
عموما الصوت اللي في المقطع جدا واطي وممتاز جدا بالعكس توقعت ان صوته أعلى
اقصد المقطع الأول
عموما خلص الشتاء الأن لكن ان احيانا ربي فهو مشروع للشتاء القادم
تخبر أحيان مايردك عن الكشتة إلا وجود مباراة وربعك يعيون إلا يشوفونه
وإذا كنت قريب من الديرة رجعوا يشوفونه بالديرة
فهالماطور يبي يريحك وتشوف المباراة وأنت عند الضوية
عموما اشوف ان سعره غالي ... معقولة 1000 شمعة بـ 2700 ريال ؟
لكن الأكيد بأنه أجود ماركة في مولدات الكهرب
موفق أخوي

شمالات نجد

27/02/2011, 03:50 PM

اخواني أشكركم على تفاعلكم الطيب ونقل تجاربكم ونصايحكم الرائعة

ودي أشوف الماطور على الطبية لكن.. كل يوم بروح البطحاء وأنشغل

فعلاً السعر لك عليه من جد..!! لكن يستاهل للي مهوب بايعه قريب

بالنسبة للصوت يا جماعة الخير تراه كاتم من جد والصوت طالع قوي في المقطع عشان المكرفون قريب من الماطور

بالنسبة للموديل الثاني فيه واحد أخوه ألفين شمعه والظاهر أنه أصرف مادام وصلنا هالأسعار نفرقها شوي ونستفيد

بالنسبة للحراره الظاهر ما يحتر لأنه يبرد نفسه بمروحه داخله

وفقكم الله ويسر أمركم

سلام

قناص شدا

27/02/2011, 09:44 PM

الماطور لايعلى عليه للمكشاتي وللرحلات صوت منخفض واداء اكثر من رائع والاهم انه خفيف الوزن لا ياخذ مساحة كبيرة بالسيارة

اما للمخيمات والاستخدام الدائم ينفع ولاكن ما انصح فيه لانه ممكن يخرب عليك واذا خرب الله يعينك ما احد يعرف يصلحه غير وكالته

معلومه : يجب تغيير زيت الماطور تقريبا كل 24 ساعه تقريبا يعني كل ثلاث ايام اذا اردت المحافضة عليه علشان كذا ماينفع الا للكشتات والاستخدام الخفيف

انا مقتني الماطور وصار له 3 سنوات عندي ما شاء الله تبارك الله ما اشتكيت من شي وديته مره واحده للوكالة فقط للتشييك والتأكد من ان كل شي سليم استعدادا للرحلات

تحياتي لك

شمالات نجد

27/02/2011, 11:39 PM

قناص شدا

الله يعطيك العافية ومشكور على نقل تجربتك ونصايحك الطيبه

طبعاً الاستخدام للكشتات فقط

سلام

abofaris

28/02/2011, 01:26 AM

ما يميز هذا الماطور خفه وزنه 12كيلو خلافا عن الكاتم 2000 فوزنه 24كيلو
وسعر 1000 واط 2600 ريال وال2000 واط 3400ريال

الرهدن

01/03/2011, 03:24 PM

وعليكم السلام ورحمة الله وبركاته

لاأظن في السوق أجود من هذا كماطور لتميزه ( كاتم صوت وحجم ووزن وشكل )
لكنننننننننننننن !!

الوكيل ثم الوكيل ثم الوكيل
لايوجد استغلال وغلاء مثل عبدالله هاشم

0

tabtab055

17/10/2012, 10:36 AM

عن تجربه هالماطور بالذات يستحق الاقتناء للمكشاتيه بشرط تغيير الزيت والبوجي باستمرار فيه مميزات اعجبتني .. حساس اذا الزيت يحتاج تغيير مسحيل يشتغل حتى يتم تغيير الزيت وكذلك حساس للبوجي اذا يحتاج تغيير ماراح يشتغل حتى يتم تغيير البوجي وايضا اذا حصل التماس على طول يطفي كل هذا امان للمحافظه على المكينه بس عيبه الوحيد غلاء سعره عند الوكيل وانا شخصيا اقول ماراح يندم من يشتريه للطلعات الخفافيه

alf5m

17/10/2012, 10:49 AM

اناعندي واحد الصرحة روعه مشتريه 2100 قبل خمس سنوات استعملة 10مرات الحقيقة ماطور اخذ افضل ماطور عام 2005 في العالم

اماراتي 10

18/10/2012, 08:28 AM

عندي الماطور هذا بقوةً2000 بصراحة صامت ما تسمعه وخفيف تشيله بأيد وحدة وما يصرف بترول بصراحة مناسب حيل وما يضايقك بحجمه ووزنه وسعرة 3400 تقريبا اما النوع 1000 فطبعا ارخص وما يختلف عنه بالشكل

ابومحــ م ـــد

18/10/2012, 01:15 PM

ياخوي فيه واحد من الاعضاء عارض مثل اللي تبي مستعمل للبيع وانا والله ما اعرفه ابن الحلال
لكن شفه على الرابط هذا

http://www.mekshat.com/vb/showthread.php?t=516117

ابوماجدد

18/10/2012, 05:55 PM

استفسار انا شريت هوندا ياباني تجميع هندي بكرتونة 2200 شمعةقبل ثلاثة اشهر ليس لدي خبرة فية شغلتة عشر دقائق فقط هل يتحمل ويكد معي انشاءالله سنين طويلة علماً أني أريد استخدموه فقط لتخييم بموسم الربيع انشاء الله ارجو من جربه يعطينا رأيه

ديفون

19/10/2012, 02:06 PM

المشكلة اغلب مواطير هوندا . مجمعة في تايلند

ابوماجدد

19/10/2012, 04:58 PM

فية استفسار عندي انا شريت مولد هوندا ياباني تجميع هندي 2200 شمعة جديد بكرتونة استعملتوة عشر دقائق فقط ما عندي خبرة فية هل هو يكد معي علماً أني اريد استخدموة بمخيم بموسم الربيع انشالله اريد رآي شخص استخدموه

عاشق الاتحاد

19/10/2012, 06:28 PM

اخواني الافاضل
انا عندي محول من البطارية الكهرباء قوتة 350 واط
ابي اشغل علية عدد 2 عنقود من المبات كل عنقود 3 لمبات الاقتصادية
قوة المبة 30 وات تعطي 150
هل المحول يستحمل هذة اللمبات الستة بقوة 180 وات
ابي ارائكم

yes999

20/10/2012, 04:08 AM

غالي جدا 2000 وات بحدود 3700 ريال ولايعطي الا 1800 وات فعليا و 1000 وات لايعطي الا 800 وات فعليا وسعره حوالي 2700 ريال ..

* ابو باسل *

20/10/2012, 12:00 PM

انا عندهم الاربعاء 1-12-1433 وحصلت سعرة 2700 وقال يمكن يخصم لي الى خمسين ريال اذا صملت يعني 2650 بيطلع عليه ضمان سنه وياباني اصلي ويقول اهم شي لما تشغله يكون مرتفع عن الارض والغبار واهم شي المحافظة بتغيير زيته ورايح يعيش معك بعون الله فترة طويله .
واكد على رفعه من التراب او الغبار على الارض وانها هي اكبر مشاكل الخراب له ولاغلب المواطير يعني ارفعه بس لو نص متر عن الارض .