وين اهل الخبره وراعين الجيوب

[شطااااب]

يااخون وش الفرق بين الجي اكس ار السعودي والخليجي موديل 2003 :rتكفون افزعوا ياخوان افيدوني محتااااااار:(الله يجزكم الجنه :good2:

[نفود حائل]

الفرق الواضح بينهما بالشكل

السعودي خطه فوق يعني على حد مفتاح الباب ولا وجود للون الاحمر

الخليجي خطه تحت وموجود به لون أحمر

وأنواع من الخليجي يجي بدون خط والكويتي ايضا

والمواصفات على حسب الفئة سواء خليجي أو سعودي بالارقام 1 و 2 و 3
ولكن الخليجي أجود


اتمنى أني افدتك

[الشهابة]

الفرق بين مواصفات الـ GX-R الخليجي و السعودي كامل المواصفات ( موديل 2003 ) :

1 . جنوط الخليجي 17أنش أصلي و جنوط السعودي 16 أنش صيني .

2 . خطوط الخليجي فوق و تحت أصلي و خطوط السعودي فوق بس تركيب في السعودية .

3 . حساسات الصدام الخلفي في الخليجي أصلي قيمة الواحد 600 ريال و حساسات الصدام الخلفي تجاري قيمة الواحد 160 ريال .

4 . التكايات (درج الركوب) في الخليجي مزود بديكورات فيبر بنفس لون السياره جماليه و لا توجد في السعودي .

5 . التخشيب الداخلي في الخليجي أصلي و التخشيب في السعودي تلزيق خارجي على الديكور الرمادي الأساسي .

6 . يتوفر في الخليجي من موديلات 98 إلى 2007 ونش أمامي و نزل الونش على السعودي من موديلات 2005 و فوق .

7 . يتوفر في الخليجي من موديلات 98 إلى 2007 اسبيرين ( 2 كفر احتياطي ) و السعودي كفر واحد ماعدا موديلات 2007 سعودي فئة ( Special Edition ) نزل اسبيرين .

8 . تشغيل أنوار الضباب ( الكشافات او الكبوس ) في الخليجي أصلي من عصا تشغيل النور الأساسي و السعودي التشغيل من زر إضافي مركب بجانب عصا تشغيل النور الأساسي .

9 . كمبروسر المكيف في الخليجي ياباني أصلي و كمبروسر المكيف في السعودي ماليزي و يلاحظ الفرق في قوة التبريد .

10 . في السعودي يوجد مركى ( تكايه ) وسطيه في صف المراتب الثاني و لا توجد في الخليجي في موديلات 2003 .

11 . في الخليجي يوجد ديكور ( تلبيسه نيكل ) على مخرج الشكمان و لا توجد في السعودي .

12 . في بعض موديلات 2003 الخليجي ( القطري وارد عبدالغني ) يوجد نظام ABS و لا يتوفر في السعودي .

13 . في الخليجي ( وارد البريمي ) تروس القير العادي و دينمو الكهرباء تختلف عن باقي وارد الخليج و السعودي .

14 . في الخليجي ( قير تماتيك بدون و نش ) يوجد لحيه فيبر على الصدام الأمامي و لا توجد في السعودي .

15 . في السعودي يوجد نظام صيني لقياس ضغط الهواء في الإطارات و لا يوجد في الخليجي .


هذي بعض الفروقات اللي اعرفها و العلم عند الله ثم اهل الخبره و إن شاء الله ما اكون اخطيت في شي او نسيت شي .. و إذا بغيت النصيحه احرص على الخليجي النظيف .. و بالتوفيق ..

[ضامي الشوق 20]

الله يعطيك الف عافيه علي المعلومات