هل القطع المستوردة نفس قطع السيارة الاصلية ؟؟؟

[نجم000الشمال]

السلام عليكم ورحمة الله وبركاتة .

يا اخوان :
عندي سؤال محيرني !
السيارة اذا اخذتها جديدة من الوكالة تخدم معك مدة طويلة بدون لاتغير فيها شي ، لكن اذا غيرة فيها قطعة تحس انها ما تخدم مثل الي كانت راكبة فيها !
السؤال : هل القطع المستوردة نفس القطع الاصلية المركبة في السيارة الجديدة ؟
واذا كان الجواب ( لا ) لماذا لاتتم محاسبة الوكيل ؟

تدرون ليش اسأل ؟

لاني في احد الدول سنة 2003 اشتريت سيارة بيجو موديل 93 ديزل وجلسة معي 3 سنوات كأنها وكالة ما غيرت فيها غير حساس الريوس وغيرت الزيت مرة وحدة ويقولي البنشري ليه تغيره اذا نقص زوده بس !
سافرة فيها الاف الكيلو مترات وزرة دول مجاورة وما شاء الله يوم جيت اسافر شراها مني احد الشباب وفحصها ونجحت على طول !
وعندنا هنا السيارة يالله تجلس معك 5 سنوات وبعدها تشارك في راتبك .........:eek:
الي يقول الاستخدام يختلف ، انا استخدم بنفس الطريقة هنا وهناك ؟

[قناص خلاوي]

أخوي الفرق بين السيارات هنا وهناك او الفروق بالاصح كثيرة
المواصفات تختلف
الجودة تختلف

هناك فيه رقابة ومواصفات ومقاييس غصب تحترم وجهات تشتكي عليها وتدافع عنك وتغرم الشركات
هنا لا مقاييس ولا مواصفات وريالك مايخدمك وتشتكي يصير الحق عليك والطالب مطلوب

هناك مستهلك واعي يشتري الشي اللي يناسبه ويخدمه بالقيمة المناسبة
هنا بعض المستهلكين يشتري للهياط وعشان يصير اول واحد يسوي كذا ويزبرق كذا ولا يهمه كم يدفع وهل السلعة تستاهل القيمة او لا .

هناك مستهلك فاهم واذا ماتمت خدمته بالشكل المناسب يقاطع ويشتكي وياخذ حقه
هنا مستهلك مأكول مذموم يشتري علشان يقلد فلان ولا يعرف شي اسمه مقاطعه ولو نوى يشتكي مايدري يروح للبلديه او الجوازات :)

الوكاد وانا اخوك البلا مشترك
من المستخدم والتاجر والدوائر الحكومية و.......الخ
والله يعدل الاحوال

[نجم000الشمال]

أخوي الفرق بين السيارات هنا وهناك او الفروق بالاصح كثيرة
المواصفات تختلف
الجودة تختلف

هناك فيه رقابة ومواصفات ومقاييس غصب تحترم وجهات تشتكي عليها وتدافع عنك وتغرم الشركات
هنا لا مقاييس ولا مواصفات وريالك مايخدمك وتشتكي يصير الحق عليك والطالب مطلوب

هناك مستهلك واعي يشتري الشي اللي يناسبه ويخدمه بالقيمة المناسبة
هنا بعض المستهلكين يشتري للهياط وعشان يصير اول واحد يسوي كذا ويزبرق كذا ولا يهمه كم يدفع وهل السلعة تستاهل القيمة او لا .

هناك مستهلك فاهم واذا ماتمت خدمته بالشكل المناسب يقاطع ويشتكي وياخذ حقه
هنا مستهلك مأكول مذموم يشتري علشان يقلد فلان ولا يعرف شي اسمه مقاطعه ولو نوى يشتكي مايدري يروح للبلديه او الجوازات :)

الوكاد وانا اخوك البلا مشترك
من المستخدم والتاجر والدوائر الحكومية و.......الخ
والله يعدل الاحوال
للاسف اخوي كل كلامك صحيح ، الواحد يسمع بهيئة المواصفات والمقاييس ولا يرى لها اي اثر يذكر .
والناس ينقصها ثقافة الاستهلاك ، ونفسها في المقاطعة قصير .
شرفني مرورك .