المساعد الشخصي الرقمي

مشاهدة النسخة كاملة : استفسار عن روضة ملهم


العرض داري
24/02/2011, 03:27 PM
السلام عليكم
ودي اروح روضة ملهم بكرة لكن هل فيها ربيع ام لا
وما اسهل طريق لها وهل هي روضة عبدالعزيز بن فهد
وشكرا على الرد سلفا
كريم المشاعر
24/02/2011, 05:55 PM
السلام عليكم
أخي الكريم روضة ملهم هي روضة عبدالعزيز بن فهد
أقرب طريق لها مع العاذرية شمالا لكن ترى بعدها من جهة الشمال روضة رديفة جيده ونظيفه
مع تمنياتي برحله سعيده
سفاري959
24/02/2011, 06:44 PM
نعم روضه ملهم هي روضه الأمير عبدالعزيز بن فهد وبالنسبه للربيع فيها طيب ووصفها واضح اما مع ردميه العاذريه بعد النقا الكبير بشوي تجي بوجهك او عن طريق معبر الجمال الي بعد تفتيش صلبوخ على السريع حق القصيم الرياض تطلع مع المعبر وتروح مع الردميه الي متجهه شمال شرق يجيك برج جوال على يسارك تعداه بشوي يجيك برج جوال ثاني على يمينك بعده بشوي تتقاطع فيك ردميه خذها باتجاه الشمال تجيك الروضه بوجهك
m-a-z-d
24/02/2011, 09:22 PM
هلا بك أخوي أنا مشيت مع الطرق الثلاثة واسهلها واريحها اللي من عند طريق المجمعة القديم
الوصف اذا تعديت محطة خزام امش لين يجيك التفتيش ثاني برج جوال بعد التفتيش تقريبا عن التفتيش 18 كيلو ادخل بالرادمية اللي بعده وامش واقطع النفود بعد 4كيلو تجد الروضة في وجهك
العرض داري
25/02/2011, 12:27 AM
بيض الله وجيهكم يا النشاما
برق الصمان
28/02/2011, 07:46 AM
هلا بك أخوي أنا مشيت مع الطرق الثلاثة واسهلها واريحها اللي من عند طريق المجمعة القديم




الوصف اذا تعديت محطة خزام امش لين يجيك التفتيش ثاني برج جوال بعد التفتيش تقريبا عن التفتيش 18 كيلو ادخل بالرادمية اللي بعده وامش واقطع النفود بعد 4كيلو تجد الروضة في وجهك


اضم صوتي لصوت اخوي لان البطناج بيلعب بموترك لعب من الطرق الاخرى:good2: