المساعد الشخصي الرقمي

مشاهدة النسخة كاملة : مشكلتي مع الجيب


عبدالله مرضي
25/02/2011, 01:45 PM
السلام عليكم ورحمة الله وبركاته
اخواني اسعد الله مسائكم
انا عندي جيب جي اكس ار 2002
تظهر له رائحة كربون قويه نوعاً ما
ويظهر احيان دخان بسيط من العادم " الشكمان "
وقبل فتره عايرت الزيت وحصلت النقص حوالي علبه ونص
ورحت عليه مشوار طويل ولا نقص كثر مانقصل وهو داخل المدينه
رحت لورشه وقالي المكانيكي انه من جلد البلوف
علما ان الجيب مو ماشي كثير قرابة 152 الف
سؤالي
هل كلامه صحيح ؟
واذا كلامه صحيح هل توجد ورشه ممتازه بالرياض تقوم بتركيب جلد البلوف من غير فك الراس ؟
وهل فيه احد حصلت معه المشكله وكيف كان التعامل معها وكيف ظهرت النتيجه ؟
وهل اعبيه زيت ثقيل شوي وهل له مضره الزيت الثقيل ؟
الف شكر لكم اخواني
~EmPeRor~
25/02/2011, 05:46 PM
هلا فيك يالغالي

غير الزيت وبعدها تاكد ولاتعبي زيت ثقيل عب زيت عادي

بالنسبة لجلد البلوف لابد يفك الراااااس

ولاتغيرها نصيحة
ابوسامي 2011
25/02/2011, 07:22 PM
بخصوص الرائحه هذه صارت في سيارتي 2004 gxr وحاولت اتصرف بلزق ربل حول الابواب ولافائده وذهبت للعضيب في الرياض وقال المختص هذه ربله فوق الدبل والرائحه من سوائل القير ورحت للنهدي وشريتها 25 ريال وركبها وانتهت المشكله والعضيب مختص في اصلاح وصيانة الجيوب لو مريته اخذت النصيحه وانت حرفي القبول من او الرفض هذه نصيحه وشكرا
عبدالله مرضي
26/02/2011, 01:40 AM
بيض الله وجيهكم يارجال
انا مريت واحد وطرحت عليه المشكله من غير مايشوف السياره
قال اذا الدخان يطلع في وقت غير اثناء التشغيل هذا من الشنبر وراح يكلف عليك كثير اما اذا كان بس بلوف اقل قيمه !!!
والله احترت يارجال
راعي المنهاج
26/02/2011, 11:43 PM
غيرت جلد بلوف لعدد من السيارات الجيوب وترى قيمة الشغل والقطع ماتعدى 1500 ريال
وترجع السيارة عشرة على عشره
~EmPeRor~
27/02/2011, 12:59 PM
يالغالي

اذا غيرت جلد البلوف فانت راح تصنفر البلوف وكذا بيكون غرفة الاحتراق من فوق محكمة 100% ويزيد الضغط على الشنبر لانه قديم وضعيف فراح يكسر وتبدى المشكلة من جديد

اذا اشتغلت وتبي تستخدم الموتر فطق له شنبر وجلد بلوف مرة وحده والتكلفة كاملة 3500 بالكثير باذن الله

بالتوفيق
الريصي
27/02/2011, 02:27 PM
هلا أخوي افيدك بان جلد البلوف سهله جدا وانا مغيرها بورشة بحائل بدون مايفك راس المكينة بس فك الغطا حق المكينة وغيرهن والان السيارة ممتازه جدا والتكلفه تقريبا 500 ريال وما أخذ من الوقت ساعة والكلام هذا قبل 3 سنوات والميكانيكي لا زال موجود اذا تبي اوديك يمه ابشر والله بعزك راسلني وترى الشغله ساعة فقط مايمدي ناخذلنا فنجال وهي خالصة انتظر ردك
بر وعزبة
27/02/2011, 03:17 PM
الله يكون بعونك لكن ابعطيك موقفي من الجلد البلوف والشنبر..

رحت لم ورشه معروفه بالرياض ما راح اقول اسمها لأن الرجال الي يديرها فيه الخير الكثير
قال لي سيارتك تحتاج شنبر ما صدقته وطلعت لم ورشه ثانية ومعروف رجال ثقة وهو البريدي
وقال لي يا رجال السيارة ما تحتاج شنبر المشكلة بالجلد البلوف ورح لم ورشة بالصناعية القديمة
اسمها ورشة الشريم بعد البنك الاهلي يمين ,, وبعد التقاطع تجيك على اليسار
فيها اتراك يفكون الجلد بدون فك راس المكينة بطريقتهم الخطيرة
مكانيكي اسمه غسان وهذا رقمه دق عليه 0503461714
وراح تدعي لي بنص الليل وجرب ومانت خسران وشاور
الرجاجيل شرواك