الـــــفــــزعـــــة تـــــكفــــــون !!!

[أبو أديب التميمي]

تكفون يا رجاجيل ابي خبرتكم في جهاز الأيكم 8000 !!

الجهاز وجانا هدية وباقي الأريل بس !!

وش الأريل اللي يجيب مدينة تبعد عن الرياض 200 كيلومتر تقريباً ؟ وكم سعرة ؟ (طبعاً ماهو متحرك , في البيت)..

كذلك المحول المضبوط اللي يفي بالغرض علشان اشغلة في البيت ؟ وكم سعرة ؟

وافضل اريل للسيارة ؟ وكم سعرة ؟

وأهم شي السعر المعقول !!

شاكرين ومقدرين جهودكم يا كشاتة

[جفيل]

هلا اخوي ابوفراس

لمعلوميه خذها قاعده ترا القديييييييييييييييم زين من الأناتل

زيي انا عندي استيشن وصلتين سياره شاريه لي 10 سنين والى الآن وهو شغال ويلحط استيشن البيت وانا مارفعته ابد حاطه على التنده وللمعلوميه الوصله الثانيه طايحه موب معي

وكانك تبي للبيت فاشتر كومت (( الأصلي)) 3 وصل هذا ممتاز جداً وياحبذا لو تشتري توجيهي

وللسياره فما عنك وعن اللارسن الأسود

والمحول اعتقد موها

[أبو أديب التميمي]

يعطيك العافية اخوي شايب سدير .. بس تراني هونت من الاستيشن لأنه غالي ولا بدخلاتي واجد وخذت لي دايمند وصلتين اصلي .. وعندي لارسن اسود للسيارة .

بس طحت في مشكلة جديدة بعد ما شريت العدة حقت الجهاز شبكتها ثم شغلته وممتاز ثم رجعت مرة ثانية اشغلة بعد ما مديت اسلاكة ما شغل وكأن ما وصلة كهرب (عسى ماهوب انفقع الجهاز من داخل بس؟؟) ... المحول شغال بس الجهاز ماهو شغال وش العلة منه ؟؟؟؟

اعذرني تراني عليمي مررررررررررررة في هالأجهزة ..

[أبو أديب التميمي]

وينكم ياجماعة الخير

[بو خليفه]

يا بوفراس
الجهاز يجب إذا كنت تركب أو تفصل يجب يكون الجهاز مطفئ و احتما ل يكون عندك الفيوز السلك احترق فممكن تبدله بسلك غيره و قيمته 10 ريال
و إذا لم ينفع فلا بد الكشف من الجهاز و التأكد من المحول أنه 110 - 220 فولت كي تتأكد من الجهاز والاسلاك و إذا كان الاريل غير موصل جيد أيضاً يتلف الجهاز عليك خاصة
إذا كان اهتزاز في السيارة كثير فالاريل يفصل و يتصل في حين و آخر و هذا يتلف الجهاز
و لك تحياتي و تقديري