المساعد الشخصي الرقمي

مشاهدة النسخة كاملة : عندي استفسار لاهل الخبره في المعارض


abo_saleh
26/02/2011, 10:01 AM
السلام عليكم ورحمه الله وبركاته

يا اخوان ودي استشيركم الله يجزاكم خير يارجال

انا ودي بجيب نيسان موديل 97 او موديل 2000 وانت طالع بس ودي بشي نظيف ولاهو بماشي واجد حتى لو زاد سعره شوي وانا بالغربيه ومالقيت شي هنا لان مالها سوق كثير

وانا ان شاء الله طالع يوم الاربعاء اشتري واحد ومتردد اروح القصيم ولا اروح الرياض ودي اعرف وين القى النظيف والسعر المعقول

واذا احد بيدلني له مني دعوه بظهر الغيب

وبيض الله وجيهكم
فاقدخوي
26/02/2011, 10:14 AM
ماقول الا الله يوفقك

واتوقع الرياض افضل بس لاتاخذ كلامي لان مالي خبره
abo_saleh
26/02/2011, 10:23 AM
كلامك ذهب وانا اخوك

يكفيني مرورك اللي شرفني

جزاك الله خير
الامل بالله
26/02/2011, 10:47 AM
اكيد الرياض صح القصمان الله يوفقنا ويهم كل موترهم جيوب بس الرياض اكبر وفيه الشفاء و فيه النسيم
راعي طفات
26/02/2011, 02:24 PM
وعليكم السلام ورحمة الله وبركاته

انا بحراج القصيم - بريدة - أمس الجمعة

أدور مثل ماتدور ومالقيت الي يستاهل

حصلت ربع 2004 ستاندر ( القزاز هندل وليست أوتوماتيك ) ماشي 280 ألف كم تقريبا ويسام 46500 وفيه تعديل خفيف مع الرش بباب السائق وبزاوية الرفرف الأمامي

وسعره الحقيقي حسب من استشرت 45 ألف


فيه 97 ربع ماشي 250 تقريبا مسيوم 36 حسب كلام راعيه ويحتاج تجديد استماره

والباقي مافيه الصاحي

نصيحتي أخوي الكريم تروح للرياض وتحصل الزين إن شاء الله وأنصحك بموديل 99 بتحصل إن شاء الله النظيف وبسعر 32 - 35 لكن انتبه من حقات الدوله وحقات الشركات

وفقك الله
abo_saleh
26/02/2011, 02:54 PM
اخوي الامل بالله
ان شاء الله الوجهه للرياض وان ماحصلنا توجهنا للقصيم الله يعين ومشكر وبيض الله وجهك

اخوي راعي طفات
انا والله اشوف هالاسعار غاليه جدا والخوف من هالسيارات لايكون جايه تطعيس جاير وهدرز وخرابيط ولا جايها قلبه
عموما انا الظاهر باتوجه للرياض ثم القصيم وان بغيت دورت لك معي في الخدمه