المساعد الشخصي الرقمي

مشاهدة النسخة كاملة : استفسار بخصوص الطبق والتانكي وماطور الهواء


نسيم الذواري
26/02/2011, 03:04 PM
السلام عليكم


يااخوان انا ودي اركب طبق على لاند كروزر موديل 2005

وش تنصحوني به وش افضل انواع الطبق وياليت تفيدونا ويكون بصور إن حصل .



والامر الثاني بخصوص التانكي الماء ما هي افضل الانواع الحديد الالمنيوم .... ؟ والسعة ما 80 لتر ولا كم ؟ وهل يوجد عازل ضد الحرارة والبرودة ؟ وماهو افضل مكان يركب به التانكي ؟



وبالنسبة لماطور الهواء وش افضل المواطير ابو جمل ولا وش افضل ما طور من ناحية التحمل وغيره ؟

ننتظر منكم يا اهل الخبرة الاجابة .
شمالات نجد
26/02/2011, 03:39 PM
الطبق والتانكي انصحك تشتريهم جاهزات من السنيدي

التانكي يجي واقف خلف المرتبه الثانيه

المنفاخ مافيها كلام ابو جمل اللي له راس واحد وليه قصير وسلك الكهرب طويل

ولاتنسى تلبيسة الشنطه بعد خذها من السنيدي جاهزة

وخل عمالهم يركبون لك كل اللي شريت في موترك بلاش وان حصل تتصدق عليهم بخمسه ريال ما يخالف

وفقك الله والجميع

سلام
نسيم الذواري
26/02/2011, 09:30 PM
بيض الله وجهك اخوي الغالي


لاكن بالنسبة للتانكي يكون عليه عازل ولا تلبيسه ؟؟


وبالنسبة للطبق وش انواعه ؟



وياليت تذكرون الاسعار
أبو عقيل النجدي
26/02/2011, 11:07 PM
يارجال لا تتعدى هالماطور انا استخدمه وقوي وعليه ضمان سنه كامله شامل القطع


اقوى كمبروسر هوا متوفر لدينا هو كمبروسر شركة ARB الاسترالية كما ذكر الاخ العزيز خيال الشقراء وياتي منه نوعين نوع قديم ب 900 ريال ىونوع جديد وهو اقوى من القديم ب 1100ريال وهي متوفرة عند الرماية وهي قويه جدا وممتازه ومافيها عذروب الا سعرها
وميزته انه مثبت داخل شنطه والهوز حقه طويل


وزينته ان حجمه نصف حجم ابوجمل وقوي

http://www.arb.com.au/products/arb-air-compressors/
درب الصحراء
26/02/2011, 11:38 PM
السلام عليكم


يااخوان انا ودي اركب طبق على لاند كروزر موديل 2005

وش تنصحوني به وش افضل انواع الطبق وياليت تفيدونا ويكون بصور إن حصل .



والامر الثاني بخصوص التانكي الماء ما هي افضل الانواع الحديد الالمنيوم .... ؟ والسعة ما 80 لتر ولا كم ؟ وهل يوجد عازل ضد الحرارة والبرودة ؟ وماهو افضل مكان يركب به التانكي ؟



وبالنسبة لماطور الهواء وش افضل المواطير ابو جمل ولا وش افضل ما طور من ناحية التحمل وغيره ؟

ننتظر منكم يا اهل الخبرة الاجابة .


بالنسبه لتانكي الماء شف خزانات الوطني شغلهم زين واسعارهم معقوله زرهم وخذ الي يناسب سيارتك

اما ماطور الهواء في عند العليان ما طور هوى بينسيك ابوجمل

قوي وسعرة 359 ريال ويجي معة شنطة

وشف الرابط

http://www.nxway.com/high-quality-air-compressor

وعندهم ابو جمل بعد جرب الاثنين وانت الحكم
has-120
27/02/2011, 01:10 AM
السلام عليكم


يااخوان انا ودي اركب طبق على لاند كروزر موديل 2005

وش تنصحوني به وش افضل انواع الطبق وياليت تفيدونا ويكون بصور إن حصل .



والامر الثاني بخصوص التانكي الماء ما هي افضل الانواع الحديد الالمنيوم .... ؟ والسعة ما 80 لتر ولا كم ؟ وهل يوجد عازل ضد الحرارة والبرودة ؟ وماهو افضل مكان يركب به التانكي ؟



وبالنسبة لماطور الهواء وش افضل المواطير ابو جمل ولا وش افضل ما طور من ناحية التحمل وغيره ؟

ننتظر منكم يا اهل الخبرة الاجابة .
ترى 2005 يختلف عن 2006
:good2:
لا أمزح كلها واحد :D

بالنسبه لأنواع الطبق :
الجاهز :
سعره في حدود 250
بس انتبه التلبسه الي عليه الأفضل تكون جلد خشن يعني تحط اغراضك ما تروح لا يمين ولا يسار تمسك.. وهو افضل من التنزاني..
موجود عند محل البريه والسنيدي ,,,,

انا لا انصح فيهم ابدا قربعه وصوت ومرازح وإزعاج

ال تفصيل :
وهو الأفضل
تفصل على مزاجك
مثل هذا
http://www13.0zz0.com/2011/02/26/21/853145508.jpg (http://www.0zz0.com)

بالنسبه للتانكي
اللي داخل السياره زين
80 لتر
(بس انتبه للمقاس ما يتعارض مع الطبق )
مثل



http://www.m5zn.com/uploads/2010/7/13/photo/0713100307060uh0ifxazl.jpg (http://www.m5zn.com/uploads/2010/7/13/photo/0713100307060uh0ifxazl.jpg)

وبالنسبه للتانكي الخارجي
إذا كان عندك الاسبير علاق
يفصلون ستيل
تحت السياره محل الاسبير

أما اذا عندك اسبير تحت السياره
(مثل سيارتكم):good:
أفضل لك الداخلي

بالنسبه للماطور أبو جمل الاصلي زين
بس فيه اشياء أزين منه بس أغلى

وهذ الصوره هديه
لك يا ( ! ):D
نسيم الذواري
http://im.gulfup.com/2011-02-27/1298757758871.bmp (http://www.gulfup.com/)

والمعذره على التقصير
نسيم الذواري
27/02/2011, 02:16 PM
بيض الله وجيهكم ياجماعة

لاكن اخوي وش قصدك التانكي ما يتعارض مع الطبق ؟


و80 لتر ماش احس انه شوي ؟ وش رايكم ؟
m-a-z-d
27/02/2011, 04:55 PM
اخوي التانكي خذه من الزامل مخرج 9 بحي التعاون مصنع من مادة البولى ايثليين وعليه ضمان خمس سنوات ضد الريحة والطعم وشيء ثالث نسيته وسعره راااايق بـ180 ريال....
نسيم الذواري
27/02/2011, 04:59 PM
بيض الله وجيهكم

لاكن الالمنيوم التانكي وش رايكم به يتغير طعمه او ريحه ؟


وأخوي الغالي mazd التانكي كم لتر ؟

ووش رايكم كم 80 لتر واجد ولا شوي ؟


وبالنسبة للطبق وين محلات التفصيل ؟
has-120
27/02/2011, 08:57 PM
الألمونيوم غالي جدا
وما يصلح

التانكي الداخلي الزين
مصنع من البولى ايثليين

هو المناسب لك
وسعره مناسب

وحجم التانكي إنتبه لا يتعارض مع حجم وارتفاع الطبق
(عشان يركب الطبق والتانكي يصير تحته)

فهمت

السعه من 80 إلى 100 لتر
مناسبه جدا
ابوفيصل1
27/02/2011, 09:58 PM
انا شريت تانكي المنيوم من السنيدي مع التلبيسة في شهر رمضان المبارك ممتاز حجمة وشكلة الي يجي بشكل مستطيل تقريب 30سم في 30سم ولكن عيبة صوت الماء اذا قل مستوي الماء لو بقليل يضهر الصوت مع ان في قواطع
والعيب الثاني طعم ورائحة الماء بعد يومين او ثلاث كريهه وفيها لون الصداء انصح بتانكي الزامل او الوطني وفصل لة تلبيسة
العفّار
27/02/2011, 10:47 PM
التانكي المونيوم 100 لتر خلف المرتبة ال 80 قليل وفوق الميه ممكن يكون عريض او يتعدى حد المرتبة وهذا مايصلح لذا الميه مناسب .

صحيح انه غالي بس سعره فيه .


والطبق اتمنى تفصل تفصيل لان الجاهز مايكون على مزاجك وغير كذا مايكون بشروطك ومقاس تانكي الماء .

\

الماطور اشوف ابو جمل راس واحد ممتاز جدا بس اشوفه اصبح نادر حاليا بالمحلات .


الله يوفقك
عاشق السيل
28/02/2011, 09:08 AM
الطبق خذ الجاهز مناسب جدا ومافيه مشاكل ،،

التانكي إذا كان داخلي أنصحك بالألومنيوم ممتاز جدا ومايتغير فيه الطعم والريحة وممكن تسوي له تلبيسة علشان تكتم صوت الماء ،، أما الفيبر كثير من الناس اشتكوا من تغير الطعم فيه !!

الماطور عندي واحد شاريه من تسع سنين واسمه سوبر سفاري والظاهر إنه تايلندي وليه أصفر ملتوي مثل سلك التلفون وطويل يوصل كل الكفرات حجمه صغير ويعبي الكفر بخمس دقايق !!
نسيم الذواري
28/02/2011, 01:39 PM
اخوي عاشق السيل التانكي الالمنيوم ما تغير الريحة والطعم واللون ؟

ومن وين اركبه من الوطني؟

وبالنسبة للماطور الهوا ممكن له صورة الله لا يهينك ؟ ووين احصله يا عاشق السيل ؟



وأخوي العقار ماطور الهوا ابو راس ممكن له صورة إن حصل ؟ ؟ ووين احصله ؟
الوافي 22
28/02/2011, 08:34 PM
انصحك تروح لعروق الشمال بمدينة بريدة
1- يفصلون صبق لك مع تكيات تستفيد منهن طبق وتكيات
2- اتانكي غير الامنيوم لدور بعد يفصلونة لك عروق الشمال
3 - الماطور والله معرف لكن غير ابو جمل لتدور
GANAS
28/02/2011, 08:36 PM
انا اتوقع مافيه مثل السنيدي تلقى عنده الي تبي

تحياتي
نسيم الذواري
01/03/2011, 05:02 PM
طيب وش رايكم في التانكي تانكي المنيوم ولا البولى ايثليين؟؟
عاشق السيل
02/03/2011, 06:42 AM
اخوي عاشق السيل التانكي الالمنيوم ما تغير الريحة والطعم واللون ؟

ومن وين اركبه من الوطني؟

وبالنسبة للماطور الهوا ممكن له صورة الله لا يهينك ؟ ووين احصله يا عاشق السيل ؟


التانكي الألومنيوم مستحيل يغير الطعم أو الريحة ممتاز جدا وعن تجربة سنين كثيرة وكل اللي جربوه يقولون نفس الكلام !!

إما تلقاه جاهز عن السنيدي أو برق الحيا أو لو حبيت تفصل واحد من ورشة اليحيى بحي السلام إذا كنت بالرياض ،،

الماطور أبشر بسعدك إذا رجعت للبيت العصر بصوره وأنزل الصورة إن شاء الله .....
عزوز2002
02/03/2011, 07:59 AM
خذ من عند البرية اللي بمخرج 14 تانكي المنيوم واقف 120 لتر

التانكي حلو ومافيه صوت ازعاج مثل التوانكي اللي مثله وما ياخذ مكان تفصيله ممتاااز جدا


وإن كان تبي تفصل مثله بهو يبي يكون ارخص لك بتقريبا 100 ريال

وإذا ركبته فصل لك طبق على حد التانكي ولا خل للتانكي فتحة بفصالاة وخل الطبق على مزاجك والله الله بالحديد الزين

وتختلف الاطباق عن بعض إن كانك تبي تحط مكان ثلاجة الكهرب ولا لا

وإن كانك تبي تحط ثلاجة انصحك تحط لمكان الثلاجة مجرا وكفرات عشان يسهل عليك التركيب والتنزيل


والله يوفقك ويسهل امرك
has-120
02/03/2011, 11:43 AM
خذ التانكي اللي يجي واقف ورا المرتبه
إنتبه تاخذ اللي منسدح ما يصلح ولو بريال
عاشق السيل
03/03/2011, 10:58 AM
وهذي صور للماطور اللي عندي مثل ماوعدتك وآآآآآسف جدا على التأخير :

http://www.mekshat.com/pix/upload05/images206/mk49539_e1.jpg

http://www.mekshat.com/pix/upload05/images206/mk49539_e2.jpg

http://www.mekshat.com/pix/upload05/images206/mk49539_e3.jpg

http://www.mekshat.com/pix/upload05/images206/mk49539_e4.jpg
راع البنلي
03/03/2011, 05:26 PM
مافيه مثل السنيدي تلقى عنده الي تبي
تحياتي...؟