المساعد الشخصي الرقمي

مشاهدة النسخة كاملة : اهل الاند والـvxr تحديداً ارجوا المساعده يالنشامى


راحة باال
26/02/2011, 07:26 PM
السلام عليكم ورحمة الله وبركاته ...
يالنشامى عندنا مشكلة مع الاند v x r 2003
الي مضيق صدري ومشغل بالي انه صارت ثلاث مرات ولم اجد لها تفسير المشكلة يالطيبين ان الموتر يكتم فقط بالطعوس فجأه وبدون سبب ويحن حنه تضيق الصدر وهذا يأثر بالتأكيد على عزم الموتر فارجوا الي صارت له او عنده خبره لايبخل يالمكشاتيه
راحة باال
27/02/2011, 04:28 PM
وش دعوه والله ما هقيت المكشاتين يمرون ولا يساعدون وإلا لازم يشارك مشرف أو عضو مميز ؟؟؟
لازلت أنتظر الرد لحل المشلكة لأني لا أثق إلا في رواد مكشات بس عساهم ما يخذلوني
صروووف
27/02/2011, 05:51 PM
يمكن من المروحه ماتفصل
وعلشان تتأكد طف الموتر وحرك المروحه بيدك وشف اذا
كانت ماتدور فهي معلقه

انا معي نفس موترك والله ياصوت المروحه إنه يضيق الصدر ويكدر الخاطر
قالي واحد مقوله وصدق يقول
مافيه سياره تصلح يعني بدون عذاريب
وبعدين الدفع الرباعي غثيث بعد
والمشكله الجكسار ثقيل
اما عن أعضاء مكشات ياخوي قايمين يطنشون الله يدفع البلاء
وتراهم شاطفيني قبلك الله يعين
راعي الرائد
27/02/2011, 10:00 PM
تأكد بان الخرطوم الرابط بين البخاخات والقربه مايوجد فيه تنسيم
عاشق الvx
28/02/2011, 02:56 AM
للاسف ماعندي علم ومامرت علي هالمشكلة
لكن ياخوي صفاية البنزبن متى اخر مره غيرتها؟ يمكن تكون السبب منها,,,
اما بالنسبة لصوت المروحة ومثل ماذكر الاخ (صروووف)
فعلا صوتها عالي ومزعج لكن مايخلي الموتر يكتم!!
اشوف بعض الشباب يغير المروحة الاساسية بمراوح كهرب
ويروح صوت المروحة او الحنه لكن المراوح الكهربائية ماتنظمن في اي وقت تخرب,,
ساري 111
28/02/2011, 10:02 AM
تفضل هالموضوع يمكن يفيدك

http://www.mekshat.com/vb/showthread.php?t=376235
راحة باال
28/02/2011, 02:49 PM
جزاك الله خير اخ صروووف ما قصرت، اما بالنسبة للاعضاء ياخي من جد ابكتب موضوع عن هالظاهره
اخ راعي الرائد لو صار فيه تنسيم ما يبين حال السرعه مثلاً ؟
عاشق الفكس معلومات قيمه وافدتنا ياليت كل الاعضاءيتفاعلون مثلك
عزيزي ساري شكراً لمشاركتك ياجعلك تسلم
هاني 999
28/02/2011, 03:06 PM
اما عن أعضاء مكشات ياخوي قايمين يطنشون الله يدفع البلاء
وتراهم شاطفيني قبلك الله يعين

اخوي الله يسامحك ويهديك قول امين

لايطنشون وتجد فيهم الخوه لاتجدها في غيره من المنتديات الا ماشاء الله
بس هل من المعقول اني ادخل وارد عليك بشئ لا اعلمه التجربه هذي لم تمر علي ولا على المشاهدين السابقين فكيف يردون عليك
واستغرب انا من هذه الكلمه في المنتديات 60 مشاهد والرد واحد طيب يمكن المشاهدين لايعرفون والشكله عندهم ويبغون حل لها

وان شاء الله تجد الحل من اول رد في كل موضوع

واسف اذا حصل مني مالايليق دمتم بود اخواني المكشاتين
بدر الشويلعي
28/02/2011, 03:19 PM
اخوي انا كان معي نفس السياره تماتيك وحدث ان مره نزلت للساحل ويوم جيت ارقى لي طعس حصل بالسياره كتمه وضعف بالعزم ويوم غرزت السياره جيت ارجع صارت الكفرات الاربع ما تدور ادوس على البنزين ولا فيه فايده مع اني نقصت هواء الكفرات يعني مثل السياره الي فير عادي اذا راح فيها دسك وصحن

المهم بعد فتره صارت ما تتعدى ميه وعشرين مع الطريق وديتها مهندس قال هذا من منظم لهواء وغيرته وراحت المشكله

على كلام الميكانيكي ان كان عندي ضعف او عدم انتظام بمنظم الهواء يوم غرزت

عاد هذا الي حدث معي انت لاتقول ان منظم الهواء خربان على سالفتي الي عليك التشييك وبعدها تحكم

ان شاء الله اني افدتك يالذيب
~EmPeRor~
01/03/2011, 01:15 AM
يالغالي

لو ماتحن المروحة < راح تحتر السيارة

لانها اذا حنت < تكون شبكت وبدءئت بنسبة تبريد قرابة 90%

لاكن قبل كفائة التبريد 30%

بالنسبة للكتمة < احتمال يكون من حساس mass

بالتوفيق
abu hlal
01/03/2011, 06:21 AM
ضعف العزم والكتمه....تحصل بسبه خراب بعض الحساسات في المكينه!

ود السياره اقرب كمبيوتر وافحصها

abu hlal
راحة باال
02/03/2011, 06:56 PM
اخ هاني اشكرك ولولا المحبه وحرصنا على المكشاتيه البوارديه ما تكلمنا بس هي عتاب محب
بدر الشويلعي اجدت وافدت يالذيب والله اني شاك بمنظم الهواء
EMp... ما اقصد الحنه الطبيعيه ياجعلك تسلم الصوت غريب ومستنكر وبيض الله وجهك
abu hala جزاك الله خير يالذيب هل فيه ورشة بالرياض تنصحني اروح لها والسؤال لجميع النشامى
الريصي
02/03/2011, 07:49 PM
شيك يالغالي على منظم الهواء كما أفادوك الاخوان

والتمس العذر لاخوانك اعتقد ان الي عنده حل للمشكلة لا يبخل بها ولاكن اتوقع ان الشباب ماعندهم خلفيه عن موضوع سيارتك تمنياتي لك بالتوفيق