وأخيرا... جابك الله يا السبيطي

[1بوخالد]

السلام عليكم ورحمة الله وبركاته


المنطقه: الزخنونية.
التاريخ: 24/2/2011 م
وقت الرحله: من الخميس إلى الجمعه (تبييته)
أعضاء الرحله: أبوعبدالله ابن عمي (صياد الخبر) ومحاكيكم أبوخالد


تم الإتفاق يوم الإربعاء بيني وبين رفيقي (ابن عمي) أبوعبدالله للذهاب إلى بحر أرامكو في القريه وانطلقنا صباح الخميس ووصلنا لوجهتنا ولآكن لم يعجبنا الوضع وكان فيه زحمة عوائل فقررنا اننا نطلع بره نشوف العقير وبالفعل انطلقنا هناك ووصلنا للمنطقه الأثريه اللي اول مره ادري عنها (مثل ما تعرفون ما عندنا اي اعلام او اهتمام في المنطقه للأمور هاذي). ويقولون ان القلاع هناك تعود للعصر العباسي والعثماني وهاذي بعض الصور لها بشكل سريع من الخارج:


http://www.mekshat.com/pix/upload05/images205/mk185412_img_3341.jpg



http://www.mekshat.com/pix/upload05/images205/mk185412_img_3342.jpg



ووقفنا قريب من هالآثار وقلنا نجرب الحداق عندها ولآكن كانت المنطقه مليانه حجر وما شفنا فيها شي وقلنا نمشي بعد نشوف باقي العقير ويوم شفنا انفسنا قريب من الزخنونيه قلنا نروح هناك لأننا سمعنا عن طيب المنطقه من قبل بس اول مره نجيها وتم التوجه لهناك والمرور اولا بمركز الزخنونيه للتصريح لمدة يوم:


http://www.mekshat.com/pix/upload05/images205/mk185412_img_3421.jpg



وعجبنا طريقة التصريح بإنه بطاقه مو مثل بعض المراكز ورقه:


http://www.mekshat.com/pix/upload05/images205/mk185412_img_3383.jpg



من الخلف


http://www.mekshat.com/pix/upload05/images205/mk185412_img_3396.jpg



وتم إختيار المكان حيث ان البحر هناك يحتاج للمشي مسافه للحداق لأن الأسياف غير عميقه كما ترون في الصوره الوان مستويات الماء:


http://www.mekshat.com/pix/upload05/images205/mk185412_img_3380.jpg



واللي حصل اني مشيت مسافه لين وصل مستوى الماء لين نص فخذي ورميت وانتظرت شوي وفجأه وضرب على شي عود بصراحه وبدون مقدمات ومع السحب فلت للأسف وقلت لازم نجيب هالعود اللي ضرب على وعشقت السلاح مره ثانيه ورميت وكان ابوعبدالله مأذن للعصر وقلت له يالله شوي واجيك نجمع الظهر والعصر وطلعت وانا ماد للسناره للسيف وحطيتها على المركاز واقمنا وصلينا تقريبا الساعه اربع العصر ويوم سلمنا من الظهر ووقفنا نبي نصلي العصر قلت خلني التفت اشوف السناره ورانا وبصراحه هالني المنظر :eek: كان المركاز طالع من مكانه ومرتكز عالخفيف والسناره مشدوده وركضت لها واشوف إلا بشي عود عالق ويسحب وهاااات لك يا سحب اتعبني لين وصلناه بره الأمان ويوم شفته ما صدقت عينوي لين سمعت ابو عبدالله يقول والله وجاتك على ما تمنيت وجاب لك الله السبيطيه وكأنه صاب على ماء بارد. وما اطول عليكم هاذي صورتي معاها:



http://www.mekshat.com/pix/upload05/images205/mk185412_img_3359.jpg



وهاذا ابوعبدالله شايلها مع سنارتي:


http://www.mekshat.com/pix/upload05/images205/mk185412_img_3354.jpg



وهاذي صوره للطيبه على صندوق العده:


http://www.mekshat.com/pix/upload05/images205/mk185412_img_3358.jpg



وصوره ثانيه لها وهي منسدحه عالبحر:


http://www.mekshat.com/pix/upload05/images205/mk185412_img_3350.jpg



معليه ازعجتكم بكثرة صورها بس من الفرحه اول سبيطيه من صيدي لا تلوموني .
وهاذي الصوره لأبوعبدالله مع السبيطيه ذكرتني بأخونا طيب الذكر كنعد:


http://www.mekshat.com/pix/upload05/images205/mk185412_img_3356.jpg



ما عليك يا كنعد حقوق الطبع محفوظه لك وهالصوره جات عفويه .
وبعدها حولنا كل اسلحتنا من سنانير وبكرات من الليل لين من بكره الجمعه ولا ضرب عليها شي. وتذكرت معلومه سمعتها من قبل والعلم عند الله ان المكان اللي تضرب فيه سبيطيه ابعد عنها اسبوع علشان تصيد غيرها ويبدو انها إذا انصادت تطلق انذار للجميع هاذا ان صدقت المعلومه والله العالم. وهاذي صور متفرقه لطلعتنا :


عجبني شكل هالطير:


http://www.mekshat.com/pix/upload05/images205/mk185412_img_3372.jpg




وهاذي صورته مع خلفية البكرات:


http://www.mekshat.com/pix/upload05/images205/mk185412_img_3371.jpg



والجمعه بعد ما قطينا سنانيرنا وخيوطنا صلحت الغدا وهاذا ابوعبدالله جالس عند النار (مدمن قهوه) :


http://www.mekshat.com/pix/upload05/images205/mk185412_img_3369.jpg



والأجواء يوم الجمعه كانت جدا خياليه وغيوم طيبه امطرت علينا العصر اول ما مشينا:


http://www.mekshat.com/pix/upload05/images205/mk185412_img_3363.jpg



وهاذي معلومات صيدة السبيطيه:
نوع السناره: جي ام سي اربع ونص متر.
المكينه: بانكس 7000
الخيط: بيج جيم 56 (لونه زيتي)
الميادير: 8 و 9
الطعم: ربيان جامبو
طريقة الشكه: إدخال الميدارين في الربيانه واحد مع جهة المقدمه بعد الراس والثاني قبل الذيل مع ابقاء الراس.


وانتهت الرحله يوم الجمعه الساعه اربع ونص العصر ورجعنا والحمد لله. وأعذروني على الإطاله وأتمنى انكم استمتعتم بالتقرير وفالنا وفالكم إن شاء الله السبيطيات الطيبه يا طيبيين.


تحياتي
أبوخالد

[alwssam6]

بالعافيه عليكم سبيطي حجم طيب

[تركي مجرور]

ما شاء الله تبارك الله
بالعافية

[BIN FARHAN]

ما شاء الله تبارك الله

السبيطي يحتاج طول بال
بالعافية عليكم يا نواخذة

بالتوفيق

[بحرالخبر]

ماشاء الله تبارك خوش سلفري وعليكم بالعافية
بس شنهو اسم الطير ماشاء الله مقارب

[Makaveli]

هلا والله بزركش وصياد البحر ومبرووووووووووك يازركش

صياد الخبر , والله مشتاق للقهوة حقتك الله يسلمك , ترا جوالي مفصول يوم دقيت عليا قبل كم يوم أعذرني

إن شاء الله أدق عليك بكرة

[ABO ZAIN 29]

ماشاء الله
تبارك الله

[accentkool]

ماشاء الله تبارك الله
صيد جدا طيب
والسبيطي مطلوب
بس وجودة نادر
عليك بالف عافية

[صياد متهور]

وعليكم السلام ورحمة الله وبركاته
ماشاء الله تبارك الله
حجم طيب وجيه اطيب عليكم بالف عافية
وفالك الكنعد والهامور
تقبل مرورير

[بحار الشيخ]

وعليكم السلام ورحمة الله وبركاته
ماشاء الله تبارك الله
حجم طيب الله يعطيكم العافيه

[حداق الخبر]

ماشاء الله تبارك الرحمن


سبيطي حجم كووويس


عليكم بألف عافيه // بس لو حاولتو بطعم آخر مثل مصران او سلس ممكن يظرب عليكم بعد

[أحبك يا بحر]

ماشاء الله تبارك الرحمن وعلى البركه اول سبيطيه وان شاء الله بعدها يهلون عليك هالسبيطيات ولا يضرب على خيطك الا هم قوول آمين ... تحيياتي وتقبل مروري

[White_Shark]

ماشاء الله .. الف مبروك أخوي zarksh وعليكم بألف عافية .. حلاته بالفرن !

بس ياريت لو تعطينه وزنه .. أنا تقديري كيلوين وربع - كيلوين ونص .



وتذكرت معلومه سمعتها من قبل والعلم عند الله ان المكان اللي تضرب فيه سبيطيه ابعد عنها اسبوع علشان تصيد غيرها ويبدو انها إذا انصادت تطلق انذار للجميع هاذا ان صدقت المعلومه والله العالم


معلومة غير صحيحة , بدليل أن كثير مانصيد سبيطية في نفس الموقع بفارق الوقت , ولو كان السبيطي يطلق إنذار كان ماتصيد غير واحد بس , والمجزرة خير دليل .

يوجد نوع من السمك والتي تعيش في أسراب عادة , تطلق إحداها رائحة كيماوية تحذيرية عندما ترى أو تشعر بالخطر لتحذر أفراد سربها .. ولكنه ليس السبيطي وهذا أكيد .

[الشمطري]

ماشاء الله
صيد مبروك ان شاء الله
وبإنتظار جديدك

[قناص الحاير]

ماشاء الله عليكم والله يرزكم من زوايد فضله

[ATRAIA]

ما شاء الله تبارك الله

[صياد الخبر]

بسم الله الرحمن الرحيم


الحمد لله رب العالمين


اللهم صلي وسلم على نبينا محمد وعلى آله وصحبه اجمعين


السلام عليكم ورحمه الله وبركاته


هلا والله وغلا وحياك وبياك يا ابن العم والرفيق ابو خالد


( جياااااب الصعبات )


غير نكك من زركش ل جياب الصعبات ههههه








بداية



كانت اخر زيارة لي لهذة الارض ك رحلة صيد وحداق تقريبا سنة 1990 مع خالي وكانت رحلة جدا ممتعة وخصوصا انه لم يكن هناك لا ازفلت ولا طريق ممهد زي ما شفته وهو طريق شركة الاسمنت والجبس لمصانع ام حويض




وهذية صورة للمكان من الجوجل




http://www14.0zz0.com/2011/02/27/11/528851811.jpg (http://www.0zz0.com/)


الرسم مسحوب من الجارمن G P S


طبيعة المكان مشكل بصراحة بين البادية والبحر والذهاب الى هناك مغامرة رائعة واكتشافية ورحلة ممتعة


اخر محطة بنزين هي محطة العقير وفيها بقاله ومسجد يعني الحمد لله اول نعبي من الهاف مون الان قربت المسافة


http://store2.up-00.com/Feb11/lQd07801.jpg (http://www.up-00.com/)




الطريق الى غاية العقير مزفلت ومن دوار العقير يمين وجه الغرب 600 متر تجي لوحة على اليمين لمصنع الجبس والاسمنت الابيض ام حويض الطريق هذا نسميه ردمية او جلد او سليته الطريق نوعا ما نظيف من كثر الدوس المواتر تمر علينا كنه طريق المطار ما شاء الله تبارك الله لا قوة إلا بالله عليهم الله يحفظهم بس



اجمالا


الرحلة والاجواء رائعة جدا ولكن بحكم اشغالنا ف مالنا غير الويك اند ومالنا الا من بداية ليل الاربعاء الى اخر نهار الجمعة وقت ضيق بس الحمد لله



اسأل الله ان يعم على بلادنا نعمة الامن والأمان


وان شاء الله نلتقي معكم في تقارير قادمة اكثر وفيها الصيد والرزق اوفر


وسامحونا على التقصير والاخراج العبد بالتفكير والرب سبحانه بالتدبير


ودمتم

[1بوخالد]

أخواني:
alwssam6
تركي مجرور
BIN FARHAN
بحرالخبر
Makaveli
abuzain29
accentkool
صياد متهور
بحار الشيخ
حداق الخبر
أحبك يا بحر
White_Shark
الشمطري
قناص الحاير
ATRAIA
صياد الخبر

أشكر مروركم ومشاركتكم اللي نورت الموضوع



بس شنهو اسم الطير ماشاء الله مقارب

والله اخوي ما اعرف اسمه بس عجبني شكله وتراه بعيد شوي عنا بس الزوم في الكاميرا يسوي شغل :good2: اظن نلاقي اسمه في خيمة الحياة الفطريه عند ابوعمران (فطري) الله يعطيه العافيه





بس لو حاولتو بطعم آخر مثل مصران او سلس ممكن يظرب عليكم بعد



والله بصراحه حاولنا المره الثانيه بميده قطعنا راسها بالإضافه للربيان وبالفعل فاتت علينا اننا نشكل له خاصه انه كانت عندنا تشكيلة طعوم طيبه بس إن شاء الله الجايات اكثر ويعطيك العافيه عالنصيحه


ماشاء الله .. الف مبروك أخوي zarksh وعليكم بألف عافية .. حلاته بالفرن !

بس ياريت لو تعطينه وزنه .. أنا تقديري كيلوين وربع - كيلوين ونص .



معلومة غير صحيحة , بدليل أن كثير مانصيد سبيطية في نفس الموقع بفارق الوقت , ولو كان السبيطي يطلق إنذار كان ماتصيد غير واحد بس , والمجزرة خير دليل .

يوجد نوع من السمك والتي تعيش في أسراب عادة , تطلق إحداها رائحة كيماوية تحذيرية عندما ترى أو تشعر بالخطر لتحذر أفراد سربها .. ولكنه ليس السبيطي وهذا أكيد .
هلا والله بالكابتن وايت شارك وزارتنا البركه والله يبارك فيك وكأنك تدري انه راح مشوي فرن امس والحمد لله. وما شاء الله عليك كأنك وازنه معاي :D وزنه كان ثلاثه كيلو إلا ربع. وبالفعل كلامك منطقي جدا وموضوعك حق المجزره خير دليل ولآكني استغربت انه ما ضرب معانا شي مره ثانيه وخاصه اننا يوم ندخل في الليل للبحر كانت هوايل تطامر حوالينا وشكله اشياء عوده بس البحر ارزاق.

ويعطيك العافيه ابوعبدالله على توثيق المكان لإفادة الجميع والله يرزقنا من واسع فضله.

تحياتي
أبوخالد

[alkabten]

ما شاء الله خوش صبيطي بس والله مشوار عن الدمام

[ابوعبدالعزيز222]

مشاء الله خوش عليكم بالف عافية

[1بوخالد]

حياك الله اخوي alkabten وبالفعل مشوار بس العشق وما يسوي ;) والوضع وانا اخوك حداق وكشته بنفس الوقت وهاذي اللي محلي الوضوع. قبل اسبوعين رحنا النقوريه وحسينا الوضع ما يصلح صيد كملنا الوضع كشته بس ورجعنا من بكره.

هلا فيك اخوي ابوعبدالعزيز222 وشرفنا مرورك.

تحياتي
أبوخالد

[alkabten]

مشكور علي ردك بس ما تخبر مكان حلو للصيد قريب الدمام ودي بحياتي اصيد صبيطي بس الحظ ردي

[صيادالشرقيه66]

ما شاء الله تبارك الله
سبيطي طيب
وعقبال عيال عمها
وعليكم الف عافيه

[1بوخالد]

هلا اخوي alkabten وبالنسبه لأماكن قريبه من الدمام فأنا شخصيا لا احبذها والسبب انك تلاقي بين كل سناره وسناره عشر سنانير بمعني ان الوضع زحمه وخاصه بالأوقات اللي احنا نفضى فيها وهي نهاية الأسبوع وياما تشربكت علينا خيوط من هالمشكله وإلا تتعب في إرسال إرساليه وتمد لها من الصباح وبعدها بشوي الا إللي جنبك ساحبها لك ويقول لك بكل برود هذا خيطك :( وهذا غير الأزعاج الناتج عن كثرة السيارات والناس واللي يخلي الوضع ما يصلح للحداق. وهذا رأئي الشخصي وبإمكانك تجربة الوضع في كورنيش الدمام او بحر بترومين ان كان عندك وقت فاضي بغير اوقات الذروه والدعوه ارزاق وانت توكل على الله.

هلا فيك اخوي صيادالشرقيه66 والله يرزقنا ويرزقك خير وشاكر مرورك.

تحياتي
أبوخالد

[alkabten]

zarksh مشكور علي توضيحك وردك بس كونيش الدمام ما اعتقد ان فيو احجام طيبة والصيد عند بترومين مشكلتة ان جنب الحي تصريف الله يكرمك تخيل تصيد والموية مخلوطة ب تصريف ورح وشف الريحة رغم ان الصيد هناك علي كلام البعض جيد

[الشقردي(العيون)]

ماشاء الله تبارك الله
صيد طيب عليك بالعافية

[1بوخالد]

الأطيب مرورك يا الشقردي (خوش معرف بصراحه)

تحياتي
أبوخالد

[alholy]

ماشالله تبارك الله
اخوي يليت تقولي بكم شريت القصبة والمكينة ومن واي محل

[شاهين2007]

ماشاء الله تبارك الله
خوش سبيطي

[أبو سيف الحائلي]

تقرير اكثر من رائع

[غضباوى]

ما شاء الله

صيد جميل ومحترم

عليكم بالعافية

[1بوخالد]

ماشالله تبارك الله
اخوي يليت تقولي بكم شريت القصبة والمكينة ومن واي محل

هلا بك اخوي
وبالنسبه لقصبة جي ام سي ومكينة بانكس 7000 شريتها من محل عرفه في الخبر اللي قدام محلات بيع السمك. والسعر والله ما اذكره اخوي بس اللي اذكر انها كانت آخر حبه وحسب ما سمعت انها انقطعت من السوق ويقولون ان في محل في صفوى عنده قصبات الجي ام سي ولآكن ما عندي معلومات عنه.


ماشاء الله تبارك الله
خوش سبيطي

هلا بك اخوي شاهين وعسى الله يرزقنا وياك والقارئين اكبر واكثر منه.


تقرير اكثر من رائع

الأروع مرورك اخوي.




ما شاء الله



صيد جميل ومحترم



عليكم بالعافية

الله يعافيك يا غضباوي وشاكر مرورك اخوي.

وكل عام وانتم بألف خير والله يرزقنا وياكم كل خير.

تحياتي
أبوخالد