المساعد الشخصي الرقمي

مشاهدة النسخة كاملة : القارمن النوفي1410 وش الحل معه أهل الخيره مطلوب المشاركه


أبو_علي
27/02/2011, 09:00 AM
السلام عليكم جميعا00
باختصار النوفي 1410 غير طبيعي مادري وش سالفته
مثال على ذلك معي احداثيه لمزرعه غرب الرياض على طريق مكه
وانا بالدائري الشرقي مخرج8 باتجاه طريق مكه ا قوم بتشغيل الجهاز
واطلب الذهاب للمزرعه الطريق قدامي وواضح لايبي لايمين ولايسار
ومع ذلك يطلب مني الرجوع كل ماصادفت مخرج قال اطلع وارجع مع ان الطريق قدامي
والعكس صحيح اثناء العوده للمنزل نفس الوضع الطريق قدامي وكل ماجا مخرج قال اطلع حتى انه عند مخرج بنبان يقول خذ المخرج مع ان اتجاه المنزل في هذه الحاله شرق يطلب مني الاتجاه شمال00
بصراحه مادري وين العله هل هناك مشكله بالاعدادات او في اختيار الخريطه المفضله للسير00
ياليت لو افيد يفيدنا وجزاه الله خير بصراحه صرت اتخوف منه واتصور لو انا في الصمان او الدهناء وش راح يكون الوضع..
افيدونا وعلمونا واللي بيرد الله يجزاه كل خير وياليت الرد يكون بالتفصيل الممل..
مع العلم ان الجهاز جديد ماصار له5 اشهر..
أخوكم أبو علي
tammam
27/02/2011, 09:04 AM
هل هذا حالةه من يوم اشتريته ام خالة طارئة ويش اكلته او شربته ؟! اضفت خارطة جديدة ؟ يمكن المشكلة من الخريطة المفعلة .
سيف الظفير
27/02/2011, 09:32 AM
يالقرم

ادخل عليى خيارات واختار خرائط المدينة وبعدين ادخل على الملاحة واختار أسرع وقت او اقصر طريق



لان الاعداد الموجود حالياً على خرائط الصحراء + الملاحة بـ (( خاررج الطريق ))


لذا الجهاز يبي منك تاخذها قطوووع
gomr-15
27/02/2011, 12:09 PM
انا اخوي نفس وضعك بالظبط كل ما جيت اطلب منه الذهاب الى المنزل يطلعني مع طريق غير المنزل

يعني طريق اشارات وحواري مع انه في طريق اسهل

وجهازي نوفي 205w

والوضعيه اسرع وقت وموب خارج الطريق
ابرق السكون
27/02/2011, 12:21 PM
السلام عليكم اخوي
مشكلتك وحدة من ثنتيتن اما انك مستخدم اكثر من خريطة او انك مفعل التجنبات في قائمة ملاحة التجنبات حاول تشيل كل علاماة الصح من الخيارات كلها واباذن الله تزبط معك.

ادوات=> اعدادات => ملاحة => تجنبات مفعل => الغاء كل الخيارات

وان شاء الله امورك تمام
أبو_علي
27/02/2011, 01:11 PM
اقول ياحبيلكم كلكم والله يجزاكم خير كلكم يلي رديتو
ولو فيه احد عنده زياده يرد ويفيدنا مع الشكر والتقدير للجميع
جهاز جديد ويسوي كذا والله حاله انا معي جي بي اس صيني جايبه من دبي والله وبدون مبالغه توجيهه احسن وافضل من القارمن حتى اذا غلطت وعديت دوار او مخرج مايقعد يقولك جاري اعاده الحساب بثواني ويوجهك وانت على نفس طريقك يعني اوسع صدر من القارمن النوفي..
وللمره الثانيه اشكر كل اللي ردو يعطيكم العافيه جمييييييييييييييييييع..
أبو علي
الزعيم1965
27/02/2011, 04:11 PM
أنا نفس الجهاز ونفس المشكلة ضيعني في دبي كثير وجربته على طريق الرياض ـ القصيم والرياض ـ الشرقية وفي البحرين نفس المشكلة الهدف واضح وأمامي يطلعني مع مخارج ليست صحيحة ويعطيني طرق بعيدة عن الهدف
saqer-aljazera
27/02/2011, 05:11 PM
أفااااااااااااااااااااااااا
والله اني ناوي على نوفي 1410
تكفون اذا هو راعي مشاكل تراي ماني ناقص
هاه زين اشتريه ولا شين اخليه ، شورو علي ؟
tammam
27/02/2011, 06:10 PM
أنا نفس الجهاز ونفس المشكلة ضيعني في دبي كثير وجربته على طريق الرياض ـ القصيم والرياض ـ الشرقية وفي البحرين نفس المشكلة الهدف واضح وأمامي يطلعني مع مخارج ليست صحيحة ويعطيني طرق بعيدة عن الهدف
هذه اعراض خريطة معطوبة جرب تنزل خريطة جديدة وتأك انك مفعل المدن فقط وجرب !
لاند93
27/02/2011, 06:25 PM
نفس المشكله ..

ارجو وجود حل سرييع.::
نديم السحاب
27/02/2011, 08:38 PM
وانا نفس حالة صقر الجزيرة
ناوي اشتريه

اذا فيه مشاكل علموني قبل اتورط
طعميس
27/02/2011, 10:28 PM
و الله توي شاريه بس مادري
اليوم بس ماجربته
الله يستر

رايح اجربه بكره واردلكم
saqer-aljazera
28/02/2011, 01:54 PM
طعميس
هاه جربته ولا توك يا الحبيب
هاه نطب معك في 1410 ولا نفرمل
ننتظرك بفارغ الصبر
saqer-aljazera
01/03/2011, 12:50 PM
خلاص عزمت وشريته وراح اجربه بنفسي ان شاء الله
خذيته من واحد اجودي بالموقع
LZAM
06/03/2011, 02:22 AM
اذا تستخدم اكثرمن خريطة يضيعك استخدم خريطة واحدة فقط (وخرائطة الخليج داخل المدن ادق من خرائط دار موجة)اى ضع علامة صح امام الخريطة المضلة لديك ..
الزعيم1965
06/03/2011, 03:58 PM
هذه اعراض خريطة معطوبة جرب تنزل خريطة جديدة وتأك انك مفعل المدن فقط وجرب !

والله ما أدري اشتريت الجهاز والخرائط على كلام المحل أصلية (الصحراء السياري 2009 والمدن الشرق الأوسط 2009) وبعدها حدثت الشرق الأوسط 2011 ونفس المشكلة.
فكيف أعرف إذا كانت الخرائط أصلية أو لا.
وإذا ممكن تزودنا بخرائط سليمة للشرق الأوسط 2011 أكون شاكر لك.
عابر الشمالي
06/03/2011, 04:27 PM
اذا تستخدم اكثرمن خريطة يضيعك استخدم خريطة واحدة فقط (وخرائطة الخليج داخل المدن ادق من خرائط دار موجة)اى ضع علامة صح امام الخريطة المضلة لديك ..


كلام الاخ صحيح انا صارت وياي في دبي في جهازي القديم 1300 نفس مشكلة الرجال احس الجهاز مهو طبيعي بعدين كلمة الرجال الى شريته منه بعدين اكتشفنه اني مشغل جميع الخرائط الى عليه بعدين عطلة الصحراء و خريطة امريكا وخليت دول الخليج بعدين صار مية مية
عابر الشمالي
06/03/2011, 04:30 PM
والله ما أدري اشتريت الجهاز والخرائط على كلام المحل أصلية (الصحراء السياري 2009 والمدن الشرق الأوسط 2009) وبعدها حدثت الشرق الأوسط 2011 ونفس المشكلة.
فكيف أعرف إذا كانت الخرائط أصلية أو لا.
وإذا ممكن تزودنا بخرائط سليمة للشرق الأوسط 2011 أكون شاكر لك.


الشرق الأوسط 2009 اصلية بس قديمة مره

تفضل يا الغالي

خريطة الشرق الأوسط Garmin Middle East 2011.3 مع دول شمال أفريقيا + ليبيا
http://www.mekshat.com/vb/showthread.php?t=388935 (http://www.mekshat.com/vb/showthread.php?t=388935)
abuslman88
06/03/2011, 10:47 PM
عدل الخرائط الى وضع مدن يسلك معاك ميه ميه
الزعيم1965
07/03/2011, 11:04 AM
السلام عليكم اخوي
مشكلتك وحدة من ثنتيتن اما انك مستخدم اكثر من خريطة او انك مفعل التجنبات في قائمة ملاحة التجنبات حاول تشيل كل علاماة الصح من الخيارات كلها واباذن الله تزبط معك.

ادوات=> اعدادات => ملاحة => تجنبات مفعل => الغاء كل الخيارات

وان شاء الله امورك تمام

أنت صح مشكور وماقصرت أخوي أبرق السكون طلعت المشكلة عندي مفعل التجنبات الغيت كل الخيارات وشلت كل علامات الصح وضبط. ما أدري عنك يا أبو علي هل سويتها قبل كذا ؟
ومشكور أخوي عابر الشمالي على رابط الخرائط ماقصرت
مقطر نخل
07/03/2011, 03:53 PM
أنا أيضا نفس مشكلة أبو-علي والزعيم مع نوفي 1410