المساعد الشخصي الرقمي

مشاهدة النسخة كاملة : افيدوني بموقد كولمان باور هوس


4x4ofroad
27/02/2011, 11:14 AM
السلام عليكم ورحمة الله
ياجماعه الربع شريت موقد كولمان باور هوس اللي نزل عنه تقرير المبدع ابو مها
طبعا يشتغل بالبانزين
ولاحظت انه اول ماتشغله النار قويه وممتازه لاكن كل مالها وتضعف حتى لو اني فاتح عليه اخر شي
واذا فتحت العين الثانيه يضعف اكثر لدرجة ان بعد اقل من خمس دقايق العين الثانيه كأنك منملها على اقل شي
واذابغيت تطفي النار بالعين الرئيسية وقفلت اخر شي ماتطفي ويبقا صوت تنسيم للعين الرئيسية عن طريق الانبوب زاذا سحبت الجنريتر من القاعده للخارج اسمع صوت التنسيم حتى اقوم بقلب الجنريتر وجعل الانبوب للاعلى وبذلك يقف التنسيم
المشكله الثانيه جيت ثاني يوم بولع النار وفتحت على المفتاع الا ومافي صوت تنسيم قلت يمكن يبيله ضغط من الكباس حقه وجيت اكبي الا والضغطه خفيفه مررررررره وشوي وحجرت الضغطه اذا نسكر باصبعي على الفتحه الصغيره اما اذا فاتح على الفتحه تكون الضغطه خفيفه مره بالعربي ماعد يضغط هوا ولا قدرت اولع النار
ارجو من اهل العلم ان يفيدوني وجزاكم الله خير
سرهيد
27/02/2011, 12:00 PM
السلام عليكم

تمنيت اني املك هذا الموقد من اجل افادتك .

لكن الاخوان الكرام ممن يملكون هذا الموقد لعله يجيبونك اخي الكريم

تقبل مودتي
4x4ofroad
27/02/2011, 12:30 PM
يكفيني ويشرفني مرورك اخوي سرهيد
والله يعطيك العافيه
بأنتظار باقي الاخوان
saaaaaam
27/02/2011, 12:50 PM
الأخ الفاضل/ ارجع الى تقرير ابو مها واقرأه جيدا واتبع الخطوات تماما وان شاء الله كل شي يكون تمام، يجوز انك ماعبيته الكمية المطلوبه من البانزين او انك ماعطيته الضغط المطلوب، كذلك في موضوع الكباس يجب انم تحل الكباس مثل ماتحل الصاموله قبل ماتكبسه. عموما راجع خطوات ابومها وان شاء الله الأمور تمام، لأن هذا الموقد من أروع مواقد البنزين بس يبيلك تاخذ عليه والأمور تصير تمام.
اتمنى لك التوفيق..

http://www.mekshat.com/vb/showthread.php?t=261761 (http://www.mekshat.com/vb/showthread.php?t=261761)
درباس فرناس
27/02/2011, 01:18 PM
الموقد عندي وما شاء الله تبارك الله لا أعاني مما ذكرت
لكن هناك خطوات يجب أنك تتبعها حتى ترتاح
أول خطوة يجب أنك ما تملأ خزان الموقد بالبنزين يجب أنك ما تملأه الا قريب من النصف تقريبا حتى تجعل مكان لضغط الهواء الذي يدخل اسطوانة البنزين عبر البمب (الضغاط)
ثانيا تأكد من أن صامولة البمب مفتوحة وذلك بإدراتها حتى تلين في يدك وتحس أنها اصبحت مرنة وثم تقوم بضغط البمب مايقرب من عشرين حتى ثلاثين مرة
ومايتعلق أنك بعد اغلاق الموقد تلاحظ استمرار الشعلة أو التنسيم فيظهر أن سببه أما أنك لم تدور المفتاح من جهة الاغلاق كما أن مواقد البنزين تختلف عن الغاز بأن شعلتها لاتطفئ مباشرة بعد الاغلاق نظرا لأنها مادة سائلة تستمر النار من أثر البنزين المتبقي بعد الاشعال
حاول أنك تتبع الخطوات المذكورة كما أن يوجد مقاطع فديو لكفية اشعال الموقد بطريقة سهلة يمكن أنك ترجع اليها
والموقد معي ومواقد بنزين أخرى غيره وهي من أفضل ما اشتريت من ناحية توفير الغاز وسهولة العمل عليها ولكن ينبغى أنك تعرف الطريقة المثلى للاستخدام وترتاح بأذن الله
وإن كان هناك عيب في الصناعة فعليك الرجوع لمن باعك لأن الموقد عليه ضمان من قبل الوكيل
الله يوفقك لكل خير
drive
27/02/2011, 01:23 PM
وعليك السلام ورحمة الله وبركاته

واضح من وصفك انك ما قرأت الكتيب او ماراجعت الموضوع زين.... دائما اول ما نشري الشئ نحتاج وقت حتى نتعود عليه .. مثل المواتر
4x4ofroad
27/02/2011, 05:28 PM
الله يجزاكم خير يااخوان
طيب الحين الظغاط مايظغط معاي ابد محجر لاكن اذا خليت الفتحه اللي بوسط الظغاط مفتوحه يمشي لاكن بدون ظغط هوا
واشكر كل من شارك في الموضوع وكل دقه بتعليمه
Loard
27/02/2011, 06:24 PM
اللة يوفقك اخوي ويازين البريموس لك وللزمن وبدون وجع الراس
saaaaaam
27/02/2011, 07:34 PM
مثل ماوضحت لك فوق ، ادر الضغاط عكس عقارب الساعة اول ،يعني كأنك تفك صاموله تم ابدأ بالكبس واذا خلصت اكربه مرة ثانية بإدارته مع عقارب الساعة.
4x4ofroad
28/02/2011, 03:04 AM
saaaaaaaaaaaaaamالله يجزاك خير والله انك افدتني واجله مافيها خير انا اول ماوصلني الموقد صادف اني كاشت وخليت موقدي القديم وخذيت الجديد ولا قريت عنه شي وفعلا العلم نور الله ينور دربك
واعتقد ضعف النار بعد دقايق من تشغيله كانبسبب ان الكباس ما افره الين الغلقق التام بل كنت اكبس اكبس واخليه على ماهو وممكن يقل الضغط وتضعف النار
الله لايحرمك الاجر
كما لايفوتني شكر الاعضاء اللي مرو على الموضوع والله يجزاكم خيييير
saaaaaam
28/02/2011, 05:59 PM
ابدا ياخوي ماسوينا شي، واحنا هنا لنستفيد ونفيد، اهم شي ان امورك تمام والفكره وضحت لك وبالنسبة للموقد لاتفرط فيه ولايرخص عليك تراه من أفضل المواقد. وتقبل تحياتي.
درباس فرناس
28/02/2011, 08:56 PM
اللة يوفقك اخوي ويازين البريموس لك وللزمن وبدون وجع الراس


يا أخي الرجال ماذم الموقد هو طلب المشورة فقط
وأنا عندي الموقد وثلاثة غيره من المواقد التي تعمل بالبنزين
ماشاء الله أظن أنها لاتقارن ابدا بمواقد الغاز بعد تجربة استمرت مايقرب من العام الكامل
مواقد البنزين مريحة جدا واقتصادية تعبئية علبة ماء صحة أم نصف ريال تكفي رحلة يوم كامل غداء وعشاء وفطور وشاهي وقهوة على كيفك ولاتكلفك الا عشرة هللات فقط
ولكن مشكلتها أن الناس مابعد تعرفت عليها حتى الآن ولا تعرف الطريقة السليمة لتشغليها
ويا ليت من صاحب الموضوع يفيدنا بعد التجربة عن رأيه الصريح في الموقد
وبالتوفيق للجميع
4x4ofroad
01/03/2011, 09:35 AM
تلشر ياخوي درباس
وانا بصراحة متفائل به واجد لاكن خلني اطيح الميانه معه وابشر بالافاده والراي الصريح
اما اخوي loard انا ماسألت وش رايكم اخذ اي ماركه عشان تشور علي بالبريموس
انا اقول عندي مشكله وابي حل وردك كانك تقول تستاهل مين قالك تشتري ذا النوع واو انك تقول اجدعه بالزباله وخذ بيرموس
عشان كذا مارديت عليك
وجزاك الله خير على الافاده