تنتيع وعطسه في الفورد

[nahham]

السلام عليكم

يالربع عندي في سيارتي الفورد تنتيع وعطسه اول مااحرك عند اشارة او موقف واذا اسرعت راحت
غيرت بواجي بلاده حسب رقم الهيكل وغيرت اسلاك بواجي
صح زان عزم السياره لكن التنتيع والعطسة الى الان موجوده

سويت قاز مع البنزين حسب موضوع لاحد الاخوان هنا لكن مافادت

وين الخبراء ؟

[ملك الفكتوريا]

طيب بعكي شوية اسئلة جاوبني اذا ما عليك امر



هل تأتي التفتفه بين سرعه 60 و90


هل وانت وواقف عند اشاره عالدي تفتف واذا حطيتها بالفاضي تصفى وتروح النتعه او لا


هل فحصت كمبيوتر

[أبوسعد111]

حبيبنا

هل شيكت على:
- الكويلات , لان على حسب وصفك كأن مشكلتك بالكهرباء , لانه حتى لو تغير البواجي بدون ما تتأكد من الكويلات كأنك ماسويت شئ.
(وبعض الكويلات) تبين مشكلتها عندما تصل لسرعة 80 تحس بتعتعه لو تزيد من السرعه تروح.
- صفاية البنزين.

وإذا رحت للورشة ممكن يقولون لك فحص كمبيوتر (ولكن بعض الفحص ما يطلع المشكلة) وقبل لايقولون لك غير أي قطعة إشترط عليهم زوال المشكلة علشان تتأكد من معرفتهم للمشكلة ولا غير بغير فائدة.

هذا مايحضرني على عجالة

ودمت بحفظ الرحمن

[nahham]

طيب بعكي شوية اسئلة جاوبني اذا ما عليك امر



هل تأتي التفتفه بين سرعه 60 و90


هل وانت وواقف عند اشاره عالدي تفتف واذا حطيتها بالفاضي تصفى وتروح النتعه او لا


هل فحصت كمبيوتر

هلا بالغالي

لا ياغالي اذا مشيت اكثر من 40 راحت المشكله
وانا واقف السيارة صافية مره
بس اول مااحرك تقول شي ماسك السيارة تنتع وتعطس لكن ما تطفى

[nahham]

حبيبنا

هل شيكت على:
- الكويلات , لان على حسب وصفك كأن مشكلتك بالكهرباء , لانه حتى لو تغير البواجي بدون ما تتأكد من الكويلات كأنك ماسويت شئ.
(وبعض الكويلات) تبين مشكلتها عندما تصل لسرعة 80 تحس بتعتعه لو تزيد من السرعه تروح.
- صفاية البنزين.

وإذا رحت للورشة ممكن يقولون لك فحص كمبيوتر (ولكن بعض الفحص ما يطلع المشكلة) وقبل لايقولون لك غير أي قطعة إشترط عليهم زوال المشكلة علشان تتأكد من معرفتهم للمشكلة ولا غير بغير فائدة.

هذا مايحضرني على عجالة

ودمت بحفظ الرحمن

غيرت بواجي واسلاك بواجي اصلية حسب رقم الهيكل
الفني في الورشه يقول الكويلات سليمه وتقطيع الكويلات اذا مشيت بسرعه من 60 الى 80

فحص الكمبيوتر يقول سليم

[~EmPeRor~]

اخوي الغالي

العطسة معا القربة

وهذا معناه زياده في كمية الوقود

عندك حساس الثروتل والحساس شيك عليه لان 90% تكون منه

اذا ماهي منه فالمشكلة في البلوف تحتاج صنفرة

اذا في الرياض ممكن ادلك على واحد تخصصة تصفية ويفحصة لك

[nahham]

صباح الخير

غيرت فلتر الهواء وما راحت التعتعه والعطسه لا تزال موجوده

[nahham]

اخوي الغالي

العطسة معا القربة

وهذا معناه زياده في كمية الوقود

عندك حساس الثروتل والحساس شيك عليه لان 90% تكون منه

اذا ماهي منه فالمشكلة في البلوف تحتاج صنفرة

اذا في الرياض ممكن ادلك على واحد تخصصة تصفية ويفحصة لك

هلا اخوي

سألت عن اسم الحساس اللي ذكرت لكن محل قطع الغيار ماعرفه

كرما لا امرا ياليت توضح مكانه ووين الاقيه لان كل المحلات يقولون جيبه ونعطيك بداله

تحيتي

[بو يزيد]

ابو هشام

ما تشوف شر ان شاء الله

مالي خبرة بعد كلام الاخوان

هل غيرت فلتر البنزين ؟

[رفيع المقآم]

تعال تعال عندي ان شاء الله حلها
يبين لي من كلامك ان موترك من 97 وتحت لان اسلاك بواجي مو كويلات
اول شي حساس الماف سنسر MAF هذا يبيله تنظيف ومكانه على شوته الهواء
الحين شفت القربه اللي فيها فلتر الهواء وفوقها فيه حساس مشبوك بسلك جب لك مفك امريكي خاص له
وافصل اصبع البطاريه السالب
وجب لك بخاخ منظف الكترونيات
وفك الفيش حق الحساس وبعدين فك المسمارين وطلعه بشوي شوي لان فيه براسه سلك صغيييييييير مره انتبه لا ينقطع وتشتري واحد جديد
طلعه برى ونظفه بالبخاخ زين وخله لين ينشف وركبه
الشي الثاني
نظف الثروتل ببخاخ اي سي ديلكو كربوريتر
فك الشوته وشغل الموتر وواحد يبقى داعس بانزين والثاني يبخ ولاتطول البخ مده من 6 الى 9 ثواني فقط
وحاول انك تصيب الاجزاء كلها
الشي الثالث
اذا ماظبط الموتر عندك حساس اي ار جي ERG
ومكان الحساس تحت الثروتل ينفك وينظف واعطيك رابط شرح اذا ماظبط موترك بعدين
يمكن موضوعك ينزل راسلني على الخاص وان شاء الله ماتركك لين يظبط موترك

اطلب منك شي واحد فقط
الدعوه لي بان الله يحقق اللي في بالي

[معقب بالرياض]

ماقصرو الاخواان ..

الله يوفقك اخي الكريم

[nahham]

ابو هشام

ما تشوف شر ان شاء الله

مالي خبرة بعد كلام الاخوان

هل غيرت فلتر البنزين ؟

يامال العافيه
يكفي مرورك يابويزيد

[nahham]

ماقصرو الاخواان ..

الله يوفقك اخي الكريم

حياك الله اخي الكريم
دعواتك

[nahham]

تعال تعال عندي ان شاء الله حلها
يبين لي من كلامك ان موترك من 97 وتحت لان اسلاك بواجي مو كويلات
اول شي حساس الماف سنسر MAF هذا يبيله تنظيف ومكانه على شوته الهواء
الحين شفت القربه اللي فيها فلتر الهواء وفوقها فيه حساس مشبوك بسلك جب لك مفك امريكي خاص له
وافصل اصبع البطاريه السالب
وجب لك بخاخ منظف الكترونيات
وفك الفيش حق الحساس وبعدين فك المسمارين وطلعه بشوي شوي لان فيه براسه سلك صغيييييييير مره انتبه لا ينقطع وتشتري واحد جديد
طلعه برى ونظفه بالبخاخ زين وخله لين ينشف وركبه
الشي الثاني
نظف الثروتل ببخاخ اي سي ديلكو كربوريتر
فك الشوته وشغل الموتر وواحد يبقى داعس بانزين والثاني يبخ ولاتطول البخ مده من 6 الى 9 ثواني فقط
وحاول انك تصيب الاجزاء كلها
الشي الثالث
اذا ماظبط الموتر عندك حساس اي ار جي ERG
ومكان الحساس تحت الثروتل ينفك وينظف واعطيك رابط شرح اذا ماظبط موترك بعدين
يمكن موضوعك ينزل راسلني على الخاص وان شاء الله ماتركك لين يظبط موترك

اطلب منك شي واحد فقط
الدعوه لي بان الله يحقق اللي في بالي

هلا والله ياراعي الفزعه
وانت الصادق موديل السيارة 98 مارحت بعيد
صحيح اسلاك بواجي وغيرتها جديده مع بواجي جديده
ان شاء الله بكره اسوي اللي قلت ويارب اتوفق ويزين
وارد لك خبر
وشاكر لك الفزعه لا عدمناك يالغالي

[nahham]

صباح الخير

اخوي
فيه حساس مااعرف ايش اسمه يمكن هو اللي تقصد فوق المكينه تحت غطاء بلاستيك فكيته ونظفته بمزيل الصداء البخاخ
احس ان السيارة خف التنتيع وما سمعت عطسه الى الان

يعني يبي لي انظفه مره ثانية يمكن ما نظف حيل

بسوي تنظيف وارد لكم ان شاء الله