س/ كيف تشب النار بدون كبريت وولاعة (( نبي خبراتكم ))

[كبريت]

السلام عليكم

ماابغا اطول عليكم

سوالي هو

لو انك طلعت البر وما معاك ولاعة ولا كبريت كيف تشب الحطب حقك ؟؟

نبي طرق بدائية وشكرا

[سنافي72]

السلام عليكم ورحمة الله وبركاته

فية طرق كثيرة منها ولاعت السيارة او بطارية السيارة

[حر اليدين]

طيب استخدام العدسة وتسليط الضوء المركز على حشائش او اوراق منديل


لكن الطريقة هذي افضل خلال الليل خخخ
وطريقة قديمة وهي الزند والصيوان

[راعي رامة]

السلام عليكم
عن طريق البطارية وإشتراك والغاز قم وبتلامس الإشتراك وفتح الغاز

[كبريت]

مشكورين
وجزاكم الله خير

ولا عة السيارة فكرة جميلة وحلوة

العدسة فكرة حلوة لكن ياليتها تصلح في الليل على قولك ههههههه

لكن بطارية السيارة ما تنفع لشبة الحطب اذا ما كان معاك غاز


ما قصرتو ونبغا افكار جديدة

[السكروب]

ابقولك طريقه اذا انت مزنوق ولا عندك ولاعه ولاكبريت ومعك شوزن فرغ الحلبي حق الرصاصه وحط مكانه مناديل وقرطاس وحط بعد في ماصورة البندق مناديل وخلك مجهز لك كم عود يابس وقشع وارم بوسطه ولاتخاف ماراح يطير شي لانك مفرغ الرصاصه من الحلبي كليا وجرب على فكره سبق اني جربتها ونفعت

[كبريت]

شكرا وجزاك الله خير فكرة حلوة بس بيني وبينك تخوف شوي :d


ونبغا المزيد يا شباب

[وادي الصرار]

شكرللاخ ابومحمد ولجميع الأخوةالمشاركين على هذالموضوع المهم وكثير ما يحصل هذا

[أبو يحيى]

عزيزي أبو محمد أظن هذا الموضوع عرض من قبل, أتوقع تلقاه في المواضيع المثبتة "الإختراعات".

[أبو يحيى]

http://www.mekshat.com/vb/showthread.php?s=&threadid=7004

[كبريت]

انا اسف على تكرار الموضوع

[ابوعدي]

اخونا ابو محمد
جب منديل اذا ما كان معك غاز وحطبوه شوي بنزين وسو شرارة عليه من الأشتراك من البطارية .
وبالرفاء والبنين انشالله
وهذه طرفه من احد الشباب يقول ان من فوائد التدخين (اعاذنا الله واياكم منه ومن خطره ) ان المدخن يطلع البر ينسى كل شي الا الولاعه او الكبريت طبعا ماهو علشان سواد عيون العزبه

[حر اليدين]

يالربع انا اسمع من شيبابنا الاولين قبل اكثر من خمسين سنة كانوا يشبون بالزند وهو قطعه حديد مصنوعة لغرض شب النار ويذكر لي انها تصنع الان عند اللي يربوون الدلال اهل الخيام اللي على الشوارع وكذلك يسوون اشياء ماتتوقع كسكين مع واحد يقطع بها طبلون سيارته (ددسن قديم) وقال انه جاب سست موتر وقطعها وسوابها سكين بسعر معين لكن هل احد من الاخوان عنده فكرة عن الزند يسعى لنا فيها

ودمتم سالمين

[bo_s3ayed]

شباب المقصود من الموضوع ان اذا نسيت الكبريت او الولاعه............منو اللي راح ينسى الكبريت او الولاعه وراح يذكر الزند او الحديده او العدسه ......... خلونا واقعيين نبي طريقه اذا ناسي كل شي وانا اعجبتني طريقة بطارية السيارة لأن ما في سياره تخلى من الاشتراك وسامحونا على الاطاله

[حر اليدين]

مافي الا انك تاخذ فرة بالموتر وبعدها تطلع من مخباك منديل وتحطه في اقزوز السيارة
الحقيقة انا ماجربتها لكن الموضوع مفتوح للنقاش
حر اليدين

[محب النياق]

تروح لاقرب بقاله وتشتري ولاعه............................................. ...........


سؤالك صعب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مترالبران]

كما \كرو الاخوان ولا عود لبيتكم احسن لا ن الولاعه من الاشيا المهمه في البر اكثر الاحيان

[سيف الرعد]

صار الشي هذا معي



في طلعة ما كنا اربعة اشخاص بسيارتين



توقفت احداها وذهبت الاخرى بمشوار ما



ولسبب ما لم يتواجد الكبريت ولا الولاعه



فقمت الى بطارية السياره واحدثت شرارة



امام الدافور مشعل النار



فبهذه الطريقة انقذت صاحباي



من الانتظار ساعات بعد عودتهم



يعاركون الجوع



اعتقد انها طريقة



فاذا لم يتوفر الدافور بالامكان احداث الشراره



بمنديل مبلل بالبنزين مع الحذر

[صنيتان]

السلام عليكم

لنتفرض انك لحالك بالبر لاسياره ولااشتراك ولاغيره مامعك شي نهائيا هنا السؤال كيف تشعل لك نار

الجواب

تدور لك عود نحيف بعرض القلم تقريباُ وتاخذ معه قشع ودقاق الاعواد ولحاء الشجر وتجمعهم وتحط العود اللي بعرض القلم تقريبا بوسطهم وتجلس تفرك بها العود اعلاه بين يديك الثنتين واسفله بوسط اللي جمعت لحد ما تشب النار وتاخذ معك من الوقت من عشر دقائق وفيها

وسلامتكم

[عاشق طلعةالبر]

شف شبك سلكين الإشتراك بالبطارية ورش على الحطبة شوي بنزين وطرفين السلكحق الإشتراك سو بينهم تلامس عندالحطبة اللي فيها البنزين وإن شاء الله تصلح هالطريقة.
* وشكرًا,,,

أخوك :- عاشق طلعة البر

[ولد المزاحمية]

مشكور على الموضوع المهم والحقيقة فكرتي زي ما ذكروا الاخوان من قبل الطريقة اللي اعرفها اللي هي (المكبر){المجهر} تسلط اشعة الشمس على منديل او شيء يشتعل بسرعة وتشب

[ولد المزاحمية]

ممكن سؤال /
طريقة الاشعال بالحصى كيف ؟
(ارجو الافادة)

[عيناوي اصيل]

السلام عليكم ورحمة الله

عن طريق بطارية السيارة ، بس مش عن طريقة الاشتراك
طريقة جديدة و مجربة بس عسى يكون عندك سلك (سيم) الي يستخدم
في ربط حديد البناء او اي سلك مشابه

اربط طرف السلك باحدى اقطاب البطارية وقرب الطرف الاخر من السلك
من القطب الاخر للبطارية سيحدث التماس ويسخن السلك وبسرعة قرب ورقة
كلينكس من السلك وستشب فورا ، ابعد السلك بسرعة عن البطارية

العملية لا تخلو من الخطورة ولكنك مضطر لها

والسموحة منكم

[googel]

الاخ ابومحمد : الظاهرمالك الاانك تحنيها وتلقيها الشمس * ************* [i]

[ولد المزاحمية]

اشكرك أخوي uae4×4 على الشرح الواضح

[مروق]

عندي فكرة توها جت واظنها تنجح ...








اذا مامعك اي شيء من ما سبق طرحه من قبل الاخوان ..




فأرى ان رفع احدى الكفرات الخلفيه , ومن ثم جعلها تدور بسرعه عاليه ,




وجعل مفتاح العجل يلامس حافه الجنط , سوف يحدث شرار




لاتنسى تغطيه مفتاح العجل بكميه كبيره من الليف او الفاين ,



وبعد ان يشتعل الفاين تدفن المفتاح تحت كميه من القش








(( انتبه لايكون الكفر من جه تانكي البنزين ))




عموما مجرد فكره خياليه , ولاكن اتوقع نجحها بقوة




<<<<<< نيوتن على غفله :D