المساعد الشخصي الرقمي

مشاهدة النسخة كاملة : طريقة الكباب الحلبي للكشاته


فارس الصحراء
18/11/2005, 06:19 AM
السلام عليكم ورحمة الله وبركاته

اذا حبيت تعمل كباب ونت مانت حريف شوي او نسيت الاسياخ المسطره حقت الكباب فعليك بالكباب الحلبي لانه سهل العمل ومايحتاج خبره كبيره و لايمكن ان يتساقط من السيخ اذا وضعته على الجمر ولا تهم فيه كثير قوة الجمر ويصلح تعمله بالاسياخ الدقيقه حقت الشقف (المشوي) بالاضافه انه طيب الطعم اكثر من الكباب العادي
والطريقه هي :
المقادير :
- عجينة كباب ( لحمه مفرمه + 1/4 ربطة بقدونس +1/2راس بصل متوسط +ملح+بهارات ) <- للكيلومفرومات سوى عند القصاب او بالبيت
- بيدجان متوسط مطاول ( تقطعه شرايح ) الشريحه سمكها 1/2 سانتي .
الطريقه
1 - تعمل عجينه لحمة الكباب على شكل كور كل وحده كبر البيضه او اصغر شوي ( حسب عرض قطعة البيجانه)
2 - تشك شريحة بيدجان ثم كورة لحمه ثم بيدجانه وهكذا حتى اخر السيخ يكون شريحة بيدجان .( ترص الشريحه حتى تاخذ اللحمه شكل شريحه البيدجان اللي بجنبها
3 - تضع الاسياخ على الجمر لمدة نص ساعه اذا كان الجمر قوي ( وزيد المدة اذا كان الجمر مش اللي هو)

ملاحظه : ( يمكن استخدام الاسياخ المدببه العاديه أو المسطره حقت الكباب )
( اللي مايحب البيدجان - مثلي - يمكن استبداله بالبطاطه المسلوقه ثلث سلقه )

وكشته سعيده انشاء الله
المربد
18/11/2005, 07:02 AM
مشكور اخوي فارس على هالطريقة وليتك حطيت صورة تساعد في التوضيح.

ما قلت لنا نوع البهار ؟
ايش الفائدة من البطاطس او الباذنجان؟
هل يمكن استعمل شرايح بصل او فلفل اخضر؟

تحياتي
فارس الصحراء
18/11/2005, 03:40 PM
شكراً لك أخي الكريم على المرور اخي المربد
اما بخصوص الصوره فتفضل
http://www.6abib.com/up/uploads/28dbdb639e.jpg (http://www.6abib.com/up)

امابخصوص البهارات فعلى مزاجك (انا استعمل بهارات مخلطه حقت الكبسه)
اما بخصوص ليش البيدجان او البطاطا فلها فوائد كثيره منها
- تساعد على تماسك السيخ
- تشكيله حلوه ( يعني يجيك السيخ ومعه سلطته جاهزه)
- فوائد غذائيه
- يوفر عليك من اللحم حيث كيلو اللحم يشبع خمس اشخاص :D
والبصل مايقوم بالمهمه لانه اذا جته النار احترق وكذالك الفلفل الاخضر
وبعدين هذي طريقه الكباب الحلبي ( بدون الخضار يصير كباب عادي) :confused:

تحياتي
فارس الصحراء
الحماد الشمالي
فهيد711
18/11/2005, 03:58 PM
تشكر اخي العزيز على هذة المعلومات
لكن بالبر وين تفرم اللحم هذة حلوة لطلعة على البحر اوطلعة قريبة هههههههههههههههههههههه
واشكر اتحافك بالصوره اللي جوعتنا
انت بكذا تخلينا نتحدى الشيف الرمزي ههههههههه :d
اطعمنا الله واياك من الجنة

وتقبل تحياتي
فارس الصحراء
18/11/2005, 04:22 PM
شكراً لك أخي فهيدعلى المرور

بسلامة الترمس الثلج تقدر تاخذها من الديره جاهزه مع العزبه
والصورة اللي تشوف تصدق انها على مثلث الحدود العراقيه الاردنيه السعوديه ( منطقة عنازه) يعني 80 كيلو عن الديره
والشيف رمزي من الجماعه (ههههههههههه
اخو مناحي
18/11/2005, 10:06 PM
المربد حسبي الله عليك ليش تطلب الصورة تركنا عشانا الله يهديك

وانت يا فارس الصحراء اجل الشيف رمزي من الجماعة ممممممم وانا اقول شايفك وين لكن وش رايك لو حطيت شريحة بيدجان ثم شريحة لحم و بعدها شريحة طماطم ثم شريحة لحم و بعدها شريحة بطاطس ثم لحم بعدين شريحة فلفل ثم لحم ثم شريحة بصل تخيل بعد ما تستوي و تحطه في صحن وتسحب سيخ الشوي بيطلع كوكتيل مع شوي بطاطس مقلي عناد في الأخ فهيد711 علشان يعرف وشلون يفرم اللحم في البر وياحبي لكم كلكم الله يخليكم و يحفظكم
فارس الصحراء
19/11/2005, 01:28 AM
شكراً لك أخي الكريم اخو مناحي

احبك الله وارضاك

اي نعم الشيف رمزي من الجماعه بس انه كثر من اكل الطماطم وصار حمر الله يهديه وحنا طحنا بالبيدجان

اما بخصوص الككتيل فكره كويسه بس انتبه لا تحط بطيخ لانه يطفي الجمر(هههههههههههههه


تحياتي
فارس الصحراء
عريدان
20/11/2005, 08:40 AM
تسلم والله إنك ما قصرت.
هويدي
20/11/2005, 09:30 AM
مشكور يالغالي وماقصرت
فارس الصحراء
20/11/2005, 07:41 PM
الاخ عريدان
والاخ ولد منيره

اشكركما للمرور ، والحمد لله ان الموضوع اعجبكم
ابوحماد
20/11/2005, 08:02 PM
عندك أثنين كيلو كباب سفري يا معلم

الله يعطيك ألف عافيه على هذي الطريقه تسلم يمناك
فارس الصحراء
21/11/2005, 01:49 PM
السلام عليكم ورحمة الله وبركاته

الطلبيه جاهزه ياخ ابوحماد بس ماعندنا توصيل للمنازل تعال خذها من الحماد (مامن مسافه -مقراط عصى - بس 1450كيلومتر عن الرياض) وترى عندنا تخفيضات 99% هاليومين

تشكر على المرور
بن نويشر
04/01/2006, 01:02 PM
سؤال يسدح نفسه بارك الله فيك ...

كيف جعلتها متماسكة وما تطيح من السيخ (الله يحفظك) .
راعي مغاتير
04/01/2006, 03:09 PM
السلام عليكم ورحمة الله وبركاته
الله يعافيك وتسلم يدينك عاد والله اني صايم وشهيتني
شكلي ابفطر :D
فارس الصحراء
20/01/2006, 08:43 PM
الاخ سنيدي : ماتطيح من السيخ بسبب ان شرايح الباذنجان تظل ماسكتها ولوشوحتبها تضل متماسكه
اما بالكباب العادي اذا تبيه يتماسك فبرد اللحمة المفرومه بالثلاجه قبل تركيبها بالسيخ وكثر البقدونس شوي

الاخ راعي المغاتير : الله يبلغك اجر الصوم والفطور على الطيبات

اشكر مروركما ، مع أطيب التحية
الرقيبه
22/01/2006, 10:12 PM
السلام عليكم ::


يعطيك العافيه على الوصفه الشهيه ..


عندي سؤال ::

انا استخدم اسياخ الشوي القديمة اللي تدوربها واللحمة مادارة

وصدفه شفة مع واحد من الشباب اسياخ نفس اللي معك حديد

مبسط .. سؤالي هل هي جيده للاستخدام ___ ما يظهر عليها صدأ


وشكرا
فارس الصحراء
24/01/2006, 02:50 AM
الله يعافيك اخوي الرقيبه واشكرك على المشاركة
اما بخصوص سؤالك عن الاسياخ فبالتأكيد المبسطه افضل لشوي الكباب وفيه اسياخ مبسطه عرضها اقل من اللي بالصورة الى النصف مخصصة لشوي الشقف
والنوعين فيه المنيوم مقاوم للصداء وسهل التنضيف ( بس غاليه شوي عن الحديد من ناحية السعر)
تحياتي
الرقيبه
26/01/2006, 04:41 AM
السلام عليكم ورحمة الله وبركاته ::

هلابك اخوي

فارس الصحراء............. شكرا على اجابتك على الاستفسار .

بس وين القا هذي الالمنيوم....
فارس الصحراء
16/02/2006, 02:06 PM
الاخ الرقيبة
اعتقد انها موجوده بأكثر محلات (الادوات البريه ) عندنا بالشمال تجينا صناعة سوريه من حلب بس بالرياض اعتقد اني شفت مشابهه لها بمحلات ساسكو صناعة امريكية بس اقل جوده اغلى سعر
نبض البوسنة
20/02/2006, 09:05 PM
تسلم على العمل الطيب
طوقي
12/03/2006, 10:04 PM
ولوووو... تسلم لي هالإيدين :D
فارس الصحراء
29/03/2006, 01:03 AM
الاخ عقمر
الاخ طوقي
اشكر مروركم وسلمكم الله من كل شر
ولد المزاحمية
30/03/2006, 11:49 AM
اممممممم
بس الباذنجان واجد وانا منيب راعي باذنجان فهل اقدر استبدله بشء اخر
فارس الصحراء
06/04/2006, 08:48 PM
الاخ ولد المزاحمية
ارجع واقرأ الموضوع تلقي جواب استفسارك

تحياتي
لن انساك
07/04/2006, 09:58 AM
لالالا حووول قرأت الكلام الجميل

لكن لما شفت صورة الكبااب وهو على الناااااااااااااار استخفيت مممم
ع العمرو
06/10/2007, 05:25 PM
تسلم أدياتـــــــــــــــــــــــــــــــــــــــــــــ ــــــــــــــــــــك
والله يعطيك العافيه
أبوعبدالله النهدي
06/10/2007, 11:58 PM
شكرا أخي الكريم ، بارك الله فيك .
الكهف1
07/10/2007, 02:06 AM
يعطيك العافيه
كن كن
02/04/2009, 12:03 PM
ما شاء الله قيد التجربه
الغزال الشارد
02/04/2009, 12:15 PM
الله يعطيك العافية
zedan2001
02/04/2009, 07:03 PM
تسلم يالغالي .. كنت أدور على هالطريقة