راح القارمن .. جاء القارمن

[nono2020]

:f :f :f






السلام عليكم ورحمه الله وبركاته




:fاخواني المكشاتية:f



مساكم الله بالخير




:jمن زمان وانا اسمع قارمن وراح القارمن وجاء القارمن حتى لو تقول لواحد وش اسمك قال اشتر قارمن هههه:confused:



الموووووووهم




:sانه في يوم الاثنين الماضي ذهبت الى دار موجه اللي في مخرج 12 وادخل لصاحب المحل وقلت له ابي اطلق قارمن عندك قالي تبين بر والا مدينة قلت ابي شي بتاع كلوووووو



قال عندي لك قارمن 3790 لو تبي يجيب رقم فنيلتك:good2: جابها قلت بكم قال بألف وربع ميه وتسعه وتسعين ريال قال عليه عرض وضمان سنتين حس فيه بس لا تكسرة والا يجيه ماء ، قلت عطنياه والله وارقعه بالمبلغ المذكور قالى لازم تسوي له تحديث من موقع قارمن ورحت



ودخلت موقع قارمن وسويت له تحديث بمساعده احد الشباب يعطيه العافية غسل يده منى لكن اهم شي الاخلاق



لكن ليش هنا المشكلة المشكلة اني من جنبها وادربي دميجتي ما ادري وش السالفة اللي اعرفه انه يطلع لي خريطة امشي عليها



وبعد محاولات عديدة وتعبث وحوسه عرفت بعض الاشياء لكن بعض الاشياء ما عرفتها



اذا قلت له اذهب يطلع لي الوجه غلط يعني اقوله عطني مثال دار موجه اللي بمخرج 12 وانا متجه للجنوب يعطينها شمال عكس تمام .



والشي الثاني الشاشة تلف معي ودي اثبتها ماعرفت .



والشي الثالث مايطلع لي اسماء بعض الشوارع الصغيرة .



ابي اتجاه القبلة ما يعطنيها صح يطلع قبله من عنده الظاهر انه موب مسلم ههههه .



بعدين فيه سهم دائري وفيه سهم ثاني مدور اذا حركته تتحرك معي الخريطة .




وفيه اشياء كثرة بس هذه اللي حسيت انها مهمه واللي عنده معلومات مانتسغني عنها:no2:



فياليت اهل الخبرة يفيدوني او يدلني على موقع او بدليل يشرح لى طريقة استخدامة الصحيح



ولكم جزيل الشكر:good::good::good:





ملاحظة : لا احد يقول ليش تشتريه وانت ما تعرف

[ابو عمر النوح]

صبحك الله بالخير أخوي nono
أولا مبروك عليك الجهاز و عسى الله يطعمك من خيره و يكفيك شره
ثانيا ترى استخدام الجهاز سهل و هذي بعض استخداماته :
1 . لمعرفة احداثية موقعك اضغط أدوات ثم اين أنا الآن .
2 . إذا أحد أعطاك احداثية و تبي تحطها في الجهاز عشان تتوجه لها اضغط إلى أين ثم إنزل إلى آخر ايقونة تحت اسمها احداثيات و ادخل الاحداثية ثم عرض على الخريطة ثم اذهب
3 . بالنسبة لتثبيت الشاشة ما تقدر لأنها تلف معك على حسب اتجاهك
4 . اذا كان يعطيك الاتجاه غلط يمكن إنك مخليه الشمال للأعلى و الأفضل تخلي اتجاهك أنت للأعلى و طريقة تغييره كالتالي :
ادوات ـ اعدادات ـ ملاحة ـ سيارة ـ عرض الخريطة ـ ثم اختر مسار لأعلى . بكذا يكون اتجاهك لأعلى الخريطة
5 . بالنسبة لأسماء الشوارع الصغيرة لازم تكون على خريطة الشرق الأوسط اللي هي ( المدن ) و طريقة التبديل بين الخرائط كالتالي :
ادوات ـ اعدادات ـ خرائطي my maps ـ ثم اختر الخريطة اللي تحت اسمها : middle east
6 . بالنسبة للسهم نصف الدائري هذا للرجوع للصفحة السابقة .

و إن كان تبي أجلس معك جلسة للشرح تراي مستعد إن بغيت تقهوى عندي و نتعشى فهذي أبرك الساعات و إن بغيت نتقابل برا عندهم مثلا على مخرج 12 للي تبيه آمر .