شعيب الطيري(محارق) يدربي يوم الخميس((صور))

[][عزام][]

السلام عليكم ورحمة الله وبركاته


قبل ما اتكلم عن الرحله هذي اول مشاركة لي في المنتدى مع اني متابع قديم لهذا المنتدى المميز جدا

وان شاء الله نسعدكم للصور بعض الرحلات والمناطق اللي ازورها


اما عن الطيري في صباح الخميس حركت انا وبعض الشباب من الرياض الى هجرة الطيري وكان الغريب ان الطريق

فاضي موب زحمة العاده(طريق المجمعه القديم) ولاحظت انه من بعد مفرق الطوقي بـ15كم بدا واضح ان الارض

رويانه ومليانه ماء ونشوف على يميننا ويسارنا بعض المناقع ويوم وصلنا شعيب الطيري لقينا الحمد لله ولا خاب

ظننا انه ماشي ومليان وهذي بعض الصور له

http://www.mekshat.com/pix/upload/images11/mk20361_2.jpg


وهنا تشوف السماء غيم وحنا خايفين تمطر وحنا عند الشعيب ونتوهق

http://www.mekshat.com/pix/upload/images11/mk20361_1.jpg

اخوكم ضيع الذراية قلنا مامثل الطبخ على الحطب


http://www.mekshat.com/pix/upload/images11/mk20361_3.jpg


وهذي صوره اخرى للشعيب

http://www.mekshat.com/pix/upload/images11/mk20361_5.jpg


وجزاكم الله خير

[نقا خريم]

هلا
هلا والله باخونا عزام وبدايه جميله جدا ومشجعه
وننتظر المزيد من ابداعاتك
اخوك (نقا خريم)

[جبال البَرَد]

ماشاء الله يعطيك العافية على الصور

[رسلان]

ماشاء الله تبارك الله ...
اللهم اطرح فيه البركة ..

وجزيتم خير الجزاء على الصور الجميلة ...
عوفيتم ..

[الخلاوي 2006]

يالله ينفع بع البلاد والعباد ان شاء الله

[صقر]

مشكور اخي عزام على هذا التقرير ...

صور رائعة .....وطريقةعمل العشاء على قدر عادي .... رائعة جداً

وبارك الله فيك.

[السمح]

عشت على هالتقرير الحلو .

فعسى الله يبارك فيك ، ولكن ما قلت شي عن شعيب محارق ؟

هل وصلت إلى مصبه في الطيري أم لا ؟

أحلى تحياتي

[دله وفنجال]

السلام عليكم...
بوركت اخوي الغالي عزام والحقيقة انك ماقصرت كفيت ووفيت وجعل الي جاء اول الخير ...
لاعدمناك اخيي على هذا التقرير المفصل ورحلة موفقة...

[راعي البصيره]

كفيت ووفيت
بس ودى اسئلك
منهى عصاقيله فى الصوره الاخيره :)

[البرق]

ماشاء الله يعطيك العافية على الصور ...

شكراً لك أخي الكريم

[الصمان]

السلام عليكم ورحمة الله وبركاته
مشكور والله يبشرك بالجنة

[بودحيم]

مشكوراخوي عزام بيض الله وجهك على الصور الجميله يعطيك العافيه

[مرصاد]

عافاك الله ابو العزم


وبارك الله فيك ، ماقصرت بيض الله وجهك

وان شاء الليله وبكرا وبعده راح تستخدم الكاميرا بشكل كبير ، بس خلها جاهزه الله يطول عمرك

تحياتي،،،،،

[عنتر بن شداد]

مشكور والله يجعلها امطار خير وبركة
هذه البداية الاولى لك اجل كيف اللي بعدها
تحياتي
أخك : عنتر بن شداد
(أبوعلوش)

[الطرماااااح]

اللهم زد وبارك ..اللهم زد وبارك ..اللهم زد وبارك
الله يعطيك العافيه اخوي على هالصور الرائعه :)

[ابو درع]

عزام شغلك ماشاء الله مافيه كلام


:)


بدايه قويه ولك من تحيه وحترام


:eek:


عزام الى الأمام وتصويرك تمام


:good:


ما ذكرت وش امسوي اكيد حمام


;)

عزام في الختام مع السلالالالا م

:j

[كشات]

http://www.geocities.com/hraaar_1/1100218787_starting_word.gif

كثر الله خيرك ياعزام

انا اشهد ان شغلك تمام

وروحتكم تتسجل بالافلام

واكسلكم صاحي ماينام

والغيم ادعى الضحى ظلام

ابو درع اتعبتني ياخي حرام

الف شكر ياعزام على التقرير اللي يوسع الصدر :D

[الاداري]

صور روووعه


الله يعطيك العافيه

[التورنيدو]

الاخ عزام

ذكرت في العنوان: شعيب الطيري(محارق) يدربي يوم الخميس((صور))
واسمح لي ان اوضح بان شعيب الطيري غير محارق
شعيب الطيري هو الذي يمر بالهجرة بينما شعيبي محارق 1 و 2 يقعان عنه غربا وكلهم يصبون قي التنهات.

شكرا على هذه الصور الجميله .

[مريوس قدام]

السلام عليكم

زانت علومك اخوي عزام اخبار مفيدة وصور رائعة الله يجزاك خير .

[العزوم]

السلام عليكم ورحمة الله وبركاته
اخي/ عزام
حياك الله في المنتدى وهذا فال طيب(اول مشاركه جبت علوم الحيا)
وياهلا وغلا ننتظر منك المزيد

[][عزام][]

حياكم الله ومشكورين على الرد

التورنيدو مشكور على المعلومه وانا افكر فيها منزمان واقول ليه لهالشعيب اسمين بس واخيرا اكتشفت بس على ما اظن ان مابينهن مسافه تذكر والمنطقه ذيك مشكلته انه مجاري ماء واجد العام امطرت وحنا بالشعيب<<طالع مع عليميه خخخخ
وغرقت خيامنا وسيارتنا بس فكنا الله بعد معاناة طويله <<<< مدري وش جاب هالسالفه

ايه صح نسيت اقولكم وحنا راجعين بالطريق شفنا حادث شنيع ونزلنا نساعد واثرها عايلة مات الرجل والمره وكم شخص على ما اظن انهم خمسه وماقطع قلبي الا صغير يصيح مابقى الا هو ادعولهم بالمغفره وان اللي يتغمدهم بواسع رحمته

[بُرج السفرة]

ماشاء الله يعطيك العافية على الصور وبارك الله فيك
وتسلم

[رمال الصحراء]

الله يعطيك العافية على الصور الرائعة

[الشوكيss]

السلام عليكم ورحمة الله وبركاته

شكراً لك أخي الكريم عزام على هذه الصور الجميله

وبارك الله فيك ، ماقصرت بيض الله وجهك

اللهم اغفر لهم وارحمهم ووسع مدخلهم وإغسلهم بالماء والثلج والبرد ونقهم من الذنوب والخطايا كما ينقى الثوب الأبيض من الدنس

اللهم ارحم اموات المسلمين

.

[الدهماني]

الله يجزاك خير على هالصور الممتعة

[محمد العبدالسلام]

ماشاء الله عليك رحلة موفقه وبداية اروع وننتظر ابداعاتك وحياك اخي بين اخوانك

[nahham]

صور جميله تتسم بالبساطه

بارك الله فيك

[قناص الحبارى]

أخي الحبيب / جزاك الله خير الجزاء وبارك الله في جهودك ..

وتسلم يمينك يالغالي ..


أخوك/ قناص الحبارى

[ابو سمر]

الله يبشرك بالخير أخوي ، وعز الله إنك شوقتنا للبر ولأهله ..

ألف شكر لك ..

[aziz2727]

بارك الله فيك على التقرير الزين
وعليكم بالعافية الغدا

[][عزام][]

حياكم الله وان شاء الله هالسنه نبدا نلقط الفقع جنب الخط من كثره قولوا امين

عقب هالمطره

[طيرالفلاة]

الشعيب الوحيد الذي صب في التنهات حتى الجمعة الماضية هو الطيري ومفيضه في جنوب التنهات يشرح الصدر حيث انه ينفرش ويصير رملي وجيناه غب مطر 00ومثل ما قال الخوان انا لااكاد اجزم انه الطيري 00لكن لااني شفته من جهة الهجرة ماشي مشين طيب 00

[(ابوسعد)]

الف شكر على الصور الروووعه




والعالم كانت نايمه ذاك اليووووم ماصدقوو ان فيه سيول ..



يالله من فضلك اللهم زد وبارك

[هواوي]

صور روعه وبدايه قويه تبشر بخير اخي الفاضل

وبالنسبه للي ماتوا في الحادث فاللهم اغفر لهم وارحمهم ووسع مدخلهم وإغسلهم بالماء والثلج والبرد ونقهم من الذنوب والخطايا كما ينقى الثوب الأبيض من الدنس

اللهم ارحمهم وارحم اموات المسلمين

[ابوعزوز]

[B]مشكووووووووووووور ويعطيك ربي الف عافية

[غالي]

ماشاء الله تبارك الله
الله يسقي هالارض من الخيرات اللهم امين
وينفع فيه البلاد يارب العالمين ويستر علينا من مخاطرها يارب
شكرا لك اخوي والله يوسع صدرك بالعافيه