المساعد الشخصي الرقمي

مشاهدة النسخة كاملة : قهوة الجنوب


مجبور أنساك
01/03/2011, 09:50 PM
بسم الله الرحمن الرحيم
السسسلآم عليكم
كيف الح‘ــــآآآل و آلآحوووآل ..؟
أبي طريقة عمل قهوة الجنوب :f
و بيض الله وجيهكم ,,,.؟
راعي المرباع
02/03/2011, 12:28 AM
ابشر يابعدي ........
شف وانا اخوك بالبداية انا اقول كل واحد وله طريقته . على شان مايجيني واحد وينتقدني لان فيه ناس وانا اخوك
مهنته يناقض الكلام ،،،،، ادري فيه ناس بيقولون هذا جاي مندفع لكن اعذروني .
سلمك الله والحاضرين :
القهوة تكون يمنيه ( بريه ) فاتح اللون تحط كميه حسب مقاس المبهارة
وتحط مع القهوة ملعقة من بهارات القصيم وكسرتين صغار دارسين وحبتين مسمار صحيح تخليه تطبخ مع القهوة
خل القهوة تطبخ تطول شوي على نار تكون وسط لا عالية ولا واطيه الله يكفينا شر النار
بعدها وانا اخوك جهز الدله وحط به ربع ملعقه صغيرة زنجبيل والا اكثر حسب رغبتك
وحط بعد ملعقة صغيرة هيل والا اكثر حسب رغبتك
والحاجه الاخيرة وهي اللي تميز القهوة الجنوبية ( نخوة ) والبعض يسميها نانخه . هذي ياشيخ حط منها حاااجه
بسيطة جداً يعني راس الملعقة الصغيرة لا تكثر لان اذا كثرت يكون الطعم مر
وبكذا وانا اخوك تكون القهوة الجنوبية .
واتمنى اني افدتك وبالعافية على الجميع ولاتنسوني بدعائكم ان يصلح الله لي عيالي .


وعلى فكرة انا من الناس اللي متعود على القهوة الشمالية المسمرة
لكن بعد ماتقهويت القهوة الجنوبية عند بعض الزملاء صرت مدمن لها .
مجبور أنساك
02/03/2011, 01:32 PM
يعطيك ألف ع‘ــــــــآآآآفيهـ؛؛
لآهنت يالغالي
تسلم يمنآك
تحياتي لك
قاع غري
02/03/2011, 11:01 PM
بهار القصيم ؟
هذي غريبة شوي وإلا ؟
بصراحة حلاة القهوة هيل وزعفران وشوي مسمار وبس
وأكيد المسألة ذوق
تحياتي واحترامي لكم جميعا
مركز الثقل
03/03/2011, 12:26 PM
فعلا الناس اذواق انا اشوف ان القهوة اسمها قهوة مو مرقة يعيني حدها هيل ومسمار وتكون القهوة محموسة غامقة شوي ولا تطحنها ناعمة تكون خشنة
خالد20
04/03/2011, 12:45 AM
لولا اختلاف الامزجه لبارت السلع
لكن وشي ابهارات القصيم؟
مجبور أنساك
05/03/2011, 01:08 PM
بهار عبارة عن<< هيل و زعفران و شنان و زنجبيل مطحون و بعض الأشياء الأخرى ,............>>
خالد20
05/03/2011, 08:28 PM
:D
بهار عبارة عن<< هيل و زعفران و شنان و زنجبيل مطحون و بعض الأشياء الأخرى ,............>>

الله يجزاك خير ...و الهيل والزعفران هذي ما يبيله كلام مع القهوه
وما ذبحنا الا بعض الاشياء الاخرى!:D!!
بن عواض
05/03/2011, 09:05 PM
كل ديره لها خاصيتها في القهوه
سبحااااان الله
محب الشبه
05/03/2011, 09:09 PM
الرجال قال قهوه الجنوب السؤال واضح ماطلب ارائكم كل ديره لها طريقه في اعداد القهوه الرجاء احترام وجهات النظر والابتعاد عن الردود العنصريه