المساعد الشخصي الرقمي

مشاهدة النسخة كاملة : الي عنده خبره بالجمس 2006 نرجوا انه يساعدنا


بتال الشلاحي
02/03/2011, 01:54 AM
المشكله عندي بعداد الزيت بدى يتغير عندي وصار المؤشر اقل من قبل على الرغم من ان حالت الزيت ممتازه ودايم اغيره بنتظام وعند سؤالي لحد المهندسين قالي المشكله الي عندي في طربت الزيت .
ارجوا من لديه خبره في هذه المور انا يساعدنا
ولكم مني جزيل الشكر
~EmPeRor~
02/03/2011, 12:34 PM
هلا فيك يالغالي

هذا يقوص برشر الزيت < ضغط الزيت الظالع من الطرمبة

طبعا ينقص < اذا المكينة محترة او سرعتها بطيئة مثل واقفة السيارة

واذا مشيت يزيد

لاكن كم يوصل .!

ياليت تحدد عشان ناكد لك افضل

بالتوفيق
بتال الشلاحي
02/03/2011, 01:26 PM
اذا السيارة واقفه يكون البرشير فوق الربع بش بسيط واذا مشيت السيارة يصل اقل من النص بشي بسيط
نجم000الشمال
02/03/2011, 02:31 PM
هذا مؤشر على مشكلة في ظغط الزيت عندك والظغط من الطرمبة ... فأنتبه لطرمبة الزيت لازم تغيرها اذا لزم الامر ولا تسافر بالموتر ترى احتمال تتعطل عليك بأي لحظة
Lover gmc
02/03/2011, 02:48 PM
شف

دام موترك .. اذا شغتله الصبح ولا فيه صوت طقطقه

وانبير الزيت فوق النص بشرطتين

الامور تمام عندك

ولاتخاف
.gmc
02/03/2011, 03:49 PM
السلام عليكم
ااذا السياره ممشاها طبيعيه والمكينه وهي بارده ما فيها صوت طقطقه فيكون من حساس الزيت تلاقيه في المكينه فوق في اخرها صاموله تنفك وتركب غيرها سعرها تقريبا 120 ريال وتركيب 50 ريال لأن مكانها ضيق شوي .
هذي لها عمر افتراضي ودايما تخرب في السيارة تأكد منها قبل تفكر تحوس بالطرنبة حقت الزييت
بتال الشلاحي
03/03/2011, 01:50 PM
السلام عليكم
ااذا السياره ممشاها طبيعيه والمكينه وهي بارده ما فيها صوت طقطقه فيكون من حساس الزيت تلاقيه في المكينه فوق في اخرها صاموله تنفك وتركب غيرها سعرها تقريبا 120 ريال وتركيب 50 ريال لأن مكانها ضيق شوي .
هذي لها عمر افتراضي ودايما تخرب في السيارة تأكد منها قبل تفكر تحوس بالطرنبة حقت الزييت


السيارة ممشاها مافي شي بس اول ما اشغل السياره في الصباح احيانا اسمع صوت طقطقه بسط عند التشغيل بس ولا عاد اسمعه بعد ذالك
وبنسبه لحساس الزيت وش يسوي اذا كان عطلان
Lover gmc
03/03/2011, 09:38 PM
^

الطرمبه خربانه

غيرها قبل لاتعطل شي بالمكينه لاسامح الله

الطرمبه كامله اصلي مع اغراضها وشغل اليد مايكلف 1500

ولامكينه ب5الاف
AMAZ
03/03/2011, 11:47 PM
السلام عليكم ورحمة الله وبركاته:
اعتقد انه السبب والله اعلم انك وقت تغيير الزيت تخلي البنشري يركب فلتر الزيت من عنده وهذا الى خرب عليك لانه فلتر الزيت الذي لدى البناشر كلها مضروبه حيث ان يتفتت الذي بداخلها ويذوب مع الزيت .

لكن انصحك بالتالي وانا مجربها صارت معي وبفضل الله ثم اخذت بنصيحة اخي قمة ايفرست جزاه الله خير وهي التالي:
* تشتري فلتر زيت اصلي من الوكاله .
* تروح إلى اي بنشري وتغير الزيت وتركب الفلتر الاصلي لكن الزيت تتاكد انه يكون سوبر جي تي (30/10) ولا تسمع كلام البنشري يمكن يقولك خذ الزيت الفلاني طنشه خذ الزيت الذي قالتلك عليه . اهم شي لما يفتح العلبه خلك عنده وتاكد انه على القصديرة الداخليه للعبه عليها علامة سوبر جي تي . لانه فيه نوع اماراتي مغشوش . ولا تفرق بينهم الا بهذه العلامه .
وان شاء الله تشوف الفرق لانه صار معي نفس مشكلتك .

بخصوص المؤشر اذا كان وقت التشغيل والسياره ساخنه اذا نزل تحت النصف بشرطتين عادي .
اما ذا قمت تدعس يكون فوق النصف وبعض الاحيان يوصل ثلاثة ارباع .
ارجوا انك تبين لنا حالة مؤشر طرمبة الزيت .
نادرخيارى
04/03/2011, 12:00 AM
قبل ماتتاكد من طرمبه الزيت تاكد من حساس الصباح اللى لما تشغل السياره وهيه بارده ترفع ضغط الماكينه وافحص كمبيوتر والله اعلم
بتال الشلاحي
04/03/2011, 12:25 AM
اولا اشكرا الجميع على تفاعلهم مع مشكلتي والله يجزيكم الف خير
بنسبه للموشر اقل من النص بشرطتين اذا السياره ساخنة واحيانا ينزل عن كذا بس اذا دست عليها او مشيت يزيد الموشر بس مايزيد عن النص ويكون تحت النص بشرطتين
طبعن الوضع هذا ماكان بسياره من قبل وسياره على يدي من الوكاله
طبع الزيت الي اغيره 10/30
نجم000الشمال
04/03/2011, 12:35 AM
طيب يمكن الزيت ناقص ... افحص مستوى الزيت والسيارة باردة وشف !
AMAZ
04/03/2011, 02:12 PM
مثل ما شرحت لك اشتر فلتر زيت اصلي من الوكاله ورح الي اقرب بنشري وغير زيت سوبر جي تي ١٠-٣٠ ورد لنا خبر ايش يصير معا
ووضع المؤشر الزيت وهي ساخنه شرطتين تحت النصف الوضع طبيعي
برنس 500
05/03/2011, 02:37 AM
ممكن من صوفة طرمبة الزيت تأكد منها

واحد من اخوياي صارت معة وقالو طرمبة وراح لمهندس وغير الصوفة وزبطت
بتال الشلاحي
05/03/2011, 04:10 PM
مثل ما شرحت لك اشتر فلتر زيت اصلي من الوكاله ورح الي اقرب بنشري وغير زيت سوبر جي تي ١٠-٣٠ ورد لنا خبر ايش يصير معا
ووضع المؤشر الزيت وهي ساخنه شرطتين تحت النصف الوضع طبيعي

سويت زي ماقلت ونفس المشكله
بتال الشلاحي
12/03/2011, 02:59 PM
ابشركم زانت الامور وطلعت المشكله من صوفت طرمبت الزيت وقيمتها بعشرين ريالا لكن تركيبها مكلف اشوي
الله يعطيكم العافيه
awod
12/03/2011, 10:56 PM
هذي طال عمرك صوفة طرمبة الزيت
تكلفتها مع الشغل 700 ريال