عندي مشكلة في طبلون الباترول ......مين يساعدني في حلها

[شقن بقا]

يا أخوان أصبح وأمسي عليكم بالخير كل بإسمه وتراي قبل لا أكتب الموضوع راجعت قوقل مكشات ولا لقيت حل حذفوني يمين وشمال المهم ما أطول عليكم
عندي باترول 93 عداد السرعة فجأة قام يرقل مرة يمشي ومرة يوقف وإذا مشى يهز فوق تحت ومثل منتم عارفين ( ساهر بالمرصاد ) الله يعوض علينا ويكفينا شره المهم وديته لمهندس وقال من ترس السرعة إللي في الجيربكس وشريناه بمية وعشرة ريال أصلي جديد والماخوذ ركبه ولا نفع نفس المشكلة رجعت له مرة ثانية وقال من الحساس إللي يركب على الترس وسألت عن قيمته قالوا حول ميتين وأربعين ريال وخايف أشريه وأركبه ولا يطلع الخراب منه سألت المهندس وخسارة فيه هالكلمة لكن حنا نستاهل الكل يتعلم فينا ( يعني يتعلمون الحلاقة بروسنا ) عموما يوم سألت الماخوذ لو ما صلح العداد وش يكون قال إذا ما صلح معناته إن العداد خربان ولازم يتغير والحين أخوكم محتار ويش أسوي ياليت أحد يفيدني إذا مرت عليه هالمشكلة ولاّ يعرفلي مهندس زين ومجرب وإلا إذا فيه أحد يخبرلي عداد طبلون كامل وأنا في جـــــــدة يا أخوان لا ترسلوني على غير جدة ومشكورين بارك الله فيكم ولا أراكم أعطال في مواتركم

[~EmPeRor~]

يالغالي

مدام يرتفع وينزل

قهذي من العداد نفسة

واذا تبي تتاكد اكثر < اذا بدى يلعب < اظرب الطبلون بقوة وتشوفة بيثبت او يطيح صفر

[قرم العيال]

بدل العداد بواحد تشليح

[صاروخ الغطغط]

ياخوي اذا كان نفس كلامك ويطلع صوت احتكاك هذا الواير الي يوصل من الترس الى الطبلون تراه ياخذ فتره قصيره وينقطع ويصير مايتحرك على الصفر

[شقن بقا]

يالغالي

مدام يرتفع وينزل

قهذي من العداد نفسة

واذا تبي تتاكد اكثر < اذا بدى يلعب < اظرب الطبلون بقوة وتشوفة بيثبت او يطيح صفر

مشكور اخوي على تجاوبك وراح اجرب واضرب ام العداد واشوف

[شقن بقا]

بدل العداد بواحد تشليح

مشكور أخوي على مداخلتك وتراي بحثت عن طبلون عندنا بجدة ومالقيت إن كان تعرف لي أحد عنده عطني رقمه وأتواصل معاه ومشكور

[فهد العزيزي]

اخ ـوى سـو للعداد تنظيف بالهوى اللي ع ـنـد البنشري
اتـوقع انـه غبـار داخل جـوى العداد

[بواسامه]

من مزايا النيسان خصوصا موديلات اللي معك ان عداده يخرب ويتعطل
فلاتشيل هم شريت سفاري وبعته وهو متعطل
يالواير يالعداد يالترس ابن الترس
بس احفظ قريشاتك وكده على ماهو لانه بيخرب
الله يوفقك

[شقن بقا]

ياخوي اذا كان نفس كلامك ويطلع صوت احتكاك هذا الواير الي يوصل من الترس الى الطبلون تراه ياخذ فتره قصيره وينقطع ويصير مايتحرك على الصفر

أخوي صاروخ مشكور على مداخلتك لكن ترى ماسمعت أي صوت إحتكاك مجرد الإهتزاز أشكرك أخوي

[شقن بقا]

اخ ـوى سـو للعداد تنظيف بالهوى اللي ع ـنـد البنشري


اتـوقع انـه غبـار داخل جـوى العداد


مشكور أخوي السمي إن شاء الله يكون غبار وننظفه ونخلص من هالمشكلة

[شقن بقا]

من مزايا النيسان خصوصا موديلات اللي معك ان عداده يخرب ويتعطل
فلاتشيل هم شريت سفاري وبعته وهو متعطل
يالواير يالعداد يالترس ابن الترس
بس احفظ قريشاتك وكده على ماهو لانه بيخرب
الله يوفقك

هلا باخوي بوأسامه ومشكور على مداخلتك لكن ياخوك هذي ماهي ميزة هذي عيبة من العيوب وترى الترس إبن الترس غيرته ولا نفع وأخاف أتركه على ماهو عليه ويصيدنا ساهر وندفع رواتبنا غرامات حسبي الله عليهم

[بواسامه]

سبب هزة العداد انه سبق عبث بالارقام وتنقيص الرقم عند البيع

من طرق غش الشريطيه

[بواسامه]

هلا باخوي بوأسامه ومشكور على مداخلتك لكن ياخوك هذي ماهي ميزة هذي عيبة من العيوب وترى الترس إبن الترس غيرته ولا نفع وأخاف أتركه على ماهو عليه ويصيدنا ساهر وندفع رواتبنا غرامات حسبي الله عليهم
ادري انه عيب الله يحييك لكن امزح:D
واذا شفت الناس مهدين فهد وخلهم وزنيتك:D

[شقن بقا]

سبب هزة العداد انه سبق عبث بالارقام وتنقيص الرقم عند البيع

من طرق غش الشريطيه

مشكور أخوي كلامك جايز لكن إللي عندي ماقد لعب فيه أحد السيارة معي من الشركة ولا قد لعبنا في عداده وإن كان تخبر لي أحد عنده طبلون علمني عشان أتواصل معاه وأشوف النهاية مشكور مشكور بارك الله فيك

[شقن بقا]

ادري انه عيب الله يحييك لكن امزح:D
واذا شفت الناس مهدين فهد وخلهم وزنيتك:D

الله يبقيك يالغالي ومشكور على نصيحة الوزنية على راس الشعيرة إن شاء الله

[فتى المجمعه]

حياك الله أخوي شقن بقا والاخوة الاعضاء كل (ن) باسمه.....
المشكلة هذي حصلت لي بس مو في الباترول بل في الصني وطلعت المشكلة انو فيه الفيش حق الانبير مرتخي فكل ما طلعت مطب تحرك اما يجيك على الصفر او يقعد يلعب طالع نازل او يكون مضبوط حسب النفسية
فشيك على الفيش مهم جدا احتمال يكون ما ركب زين .....
اتمنى للجميع السلامة في الدنيا والاخرة

[شقن بقا]

حياك الله أخوي شقن بقا والاخوة الاعضاء كل (ن) باسمه.....
المشكلة هذي حصلت لي بس مو في الباترول بل في الصني وطلعت المشكلة انو فيه الفيش حق الانبير مرتخي فكل ما طلعت مطب تحرك اما يجيك على الصفر او يقعد يلعب طالع نازل او يكون مضبوط حسب النفسية
فشيك على الفيش مهم جدا احتمال يكون ما ركب زين .....
اتمنى للجميع السلامة في الدنيا والاخرة

مشكور أخوي فتى المجمعه على مداخلتك وعلى أمنياتك بالسلامة للجميع بارك الله فيك وفي أمثالك إن شاء الله يكون غبار وراح أشيك وأنفخ الهواء وأفيدكم مشكور يالغالي