نصبني شخص بمبلغ 1200 ريال

[المشير بو ثامر]

السلام عليكم
اخواني يوم الخميس الماضي كنت بشتري جوال n8 وجدت واحد عارض جوالة للبيع في منتدى البوابة الرقمية المهم اتفقت انا وياه على شراء الجوال بسعر 1200 ريال وتم الاتفاق ان يتم شحن الجوال الى الاحساء بعد تحويل المبلغ على حسابة البنكي وبعد تحويل المبلغ على حسابة عن طريق الانترنت من موقع الراجحي مباشر ارسل لي رسالة يقول ان كرتون الجوال ضايع اتصل على اخوة وحصل الكرتون عند اخوة واخوة كان مسافر وقالي ان اخوة راح يجي بكرة من السفر وراح يشحن الجوال بكرة لمن يجي اخوة من السفر ومن بعدها الرجال قفل جوالة ومادخل منتدى البوابة الرقمية من بعد تحويل المبلغ والى الان جوالة مغلق ارسلت له 4 رسائل احاول ان اعرف متى يشغل الجوال عن طريق تقارير استلام الرسائل لاكن لاسف لم يفتح جوالة والى الان مغلق

مع العلم ان عندي رقم حسابة ورقم جوالة وعندي اسمة

ياليت يالمكشاتين تعلموني إيش أسوي لاسترداد حقي مع أن والله أمر بمعضلة وضرورف صعبة الا يعلم بها الله سبحانه وتعالى

وشكرا لك

[عناز الحره]

يابو ثامر انت غلطااان 100% هذى مافيهااا كلام لانك انت جالس تراسل واحد عن طريق النت ولاتعرفه يمكن الرجال وهو جالس على الكمبيوتر بفمه اربع زقاير حشيش وعيونه حمراااا وهارب من السجن بسرقة اسطواناات وغنم ((هذا الكلام وارد واللا لا؟))وارد كيف تحول الفلوس له


الشى الثانى لو تعرف رقم حسابه ورقم جواله واسمه هذى معلومات ممكن وهميه
رقم الجول بدون اسم ويطشه
الاسم ممكن ماهو اسمه
الحساب ماهو له
ولو فرضنااا انه كل معلوماته معك مالك طريق عليه لانه يبى يقول بعته واستلم بضاعته وهو اللى يبى ينصب على وتدخل بدوامه يمكن تجلس اربع شهور وانت ماطلعت بشى


ولاكن ماقول غير الله يشل يده ويجعلهااا غصه له بالدنيااا والاخره وانشاااء الله يلقاهاا بأغلى عياله ولاحولا ولاقوة الابالله



اذاكنت انت طيب وتعامل الناس بالطيب فالرجال الطيبين واجد شرواك وشروااا اللى يقرون
ولاكن اعلم ان هناك ناس تنتهز مثل هذه الفرص
ولايوفرهااا بلارحمه ولاكن احمد الله انهاا 1200 ماهى 15000

[بروفيسور2007]

اولا الله يخلف عليك في المبلغ الذي دفعته لان الله العالم انه ماراح يرجع وهذا من الثقة الزايده فينا يالسعوديين وطيبتنا الغبيه نحسب الناس كلهم مثلنا
انا انصحك اخوي انك ترسله رسائل تخوفه فيها من مال الحرام وانه راح يلقا هالحرام في اهله وعياله
وانتبه مره ثانيه يالغالي×

[ضامي الشوق 20]

كلام لايليق

المشرف

[saas-des]

(التمس لأخيك سبعين عذرا)
شوف كلم ادارة الموقع اللى اتفقت فيه توقفه لا يستمراذا كان نصاب
مر اقرب قسم وشوف وش الاجراء المتبع دمك تعرف اسمه ورقم حسابه

[المشير بو ثامر]

يابو ثامر انت غلطااان 100% هذى مافيهااا كلام لانك انت جالس تراسل واحد عن طريق النت ولاتعرفه يمكن الرجال وهو جالس على الكمبيوتر بفمه اربع زقاير حشيش وعيونه حمراااا وهارب من السجن بسرقة اسطواناات وغنم ((هذا الكلام وارد واللا لا؟))وارد كيف تحول الفلوس له



الشى الثانى لو تعرف رقم حسابه ورقم جواله واسمه هذى معلومات ممكن وهميه
رقم الجول بدون اسم ويطشه
الاسم ممكن ماهو اسمه
الحساب ماهو له
ولو فرضنااا انه كل معلوماته معك مالك طريق عليه لانه يبى يقول بعته واستلم بضاعته وهو اللى يبى ينصب على وتدخل بدوامه يمكن تجلس اربع شهور وانت ماطلعت بشى


ولاكن ماقول غير الله يشل يده ويجعلهااا غصه له بالدنيااا والاخره وانشاااء الله يلقاهاا بأغلى عياله ولاحولا ولاقوة الابالله



اذاكنت انت طيب وتعامل الناس بالطيب فالرجال الطيبين واجد شرواك وشروااا اللى يقرون
ولاكن اعلم ان هناك ناس تنتهز مثل هذه الفرص

ولايوفرهااا بلارحمه ولاكن احمد الله انهاا 1200 ماهى 15000

انا الغلطان نعم لاني وثقت في الرجال الي ماكان قد الثقة مع اني شريت من قبل 3 لابوتبات من نفس الموقع وما انصبت مشكور اخوي على اجابتك

اولا الله يخلف عليك في المبلغ الذي دفعته لان الله العالم انه ماراح يرجع وهذا من الثقة الزايده فينا يالسعوديين وطيبتنا الغبيه نحسب الناس كلهم مثلنا
انا انصحك اخوي انك ترسله رسائل تخوفه فيها من مال الحرام وانه راح يلقا هالحرام في اهله وعياله
وانتبه مره ثانيه يالغالي×
الله يخلف علينا وعليك صح كلامك لاكن كيف ارسله رسائل وجوالة مايفتح ولا يدخل المنتدى

تستاهل ترسل المبلغ علي النت النت كله تصب بنصب
مشكور اخوي هذي غلطتي



(التمس لأخيك سبعين عذرا)

شوف كلم ادارة الموقع اللى اتفقت فيه توقفه لا يستمراذا كان نصاب
مر اقرب قسم وشوف وش الاجراء المتبع دمك تعرف اسمه ورقم حسابه

المشكلة ياخوي لو انه يفتح جوالة كان التمس له العذر على الاقل يجبرني برسالة او اتصال انه عنده عذر
كلمت ادارة الموقع لاكن ماجاني منهم رد
وبالنسبة للقسم ياليت توضح بالتفصيل كيف اقدر ابلغ القسم

[أبوهاشم]

والله صار البيع عند طريق النت يخوف قبل فتره في هذا المنتدى كنت بشتري جهاااز ايكوم من احد الاعضاء المهم اتصلت عليه واتفقنا المهم ارسلي رقم حسابه والاسم تخيلو الاسم من الاسماء مهي من السعوديه تقول هندي باكستاني وبعدها خفت وسحبت عليه ولا شريت شي .

[الجيب الاسود]

حسبي الله علية ونعم الوكيل

[ابو ضافى]

حسبي الله ونعم الوكيل
أستغفر الله العظيم يا أخي لو أشوف ريال في الشارع ما أخذه
وكيف الأخ السارق هذا يشوه سمعت المنتدى
ويشوه سمعت البيع عن طريق النت
ولكن الله يشل مخه ويده
،،،،،،،،،،،،،،،،،،،،،،،،
أما بالنسبة لك أخي يخلف الله عليك
ولكن لكل جواد كبوة

[ابو فرح1]

الله يعوضك خير ،

سبق ان قمت ببيع قارمن 276C عربي بهذا المنتدى الغالي علينا جميعا .
وكانت طريقة التسليم يداً بيد علما اني بالرياض والطرف الثاني بالقصيم وتم الاتفاق على هذا ، ولله الحمد دبرت اموري وارسلته مع احد الاخوان وقابله وشاف الجهاز وتم البيع والجميع راضي .

مسألة الشراء والبيع بالانترنت تحتاج الى ضمانات .

[رياح العوالي]

تقدر
ترد
حقك
يالغالي
عن
طريق
البنك
وترفع
قضية
نصب
واحتيال

[أبومنصور]

مرحباً
بالجميع
اخي العزيز لايمكن فتح حساب لدى البنك ويكون وهمي ابداً
تقدم ببلاغ نصب واحتيال وقدم ما تملك من معلومات وتأكد ان
مبلغك لن يضيع ... اما ان كان هو صاحب الحساب او من سحب
المبلغ فهو يعرفه
ولا نرمي بالتهم على احد ربما ان الرجل صادق وتعرض لحادث
او توفي او حبسه حابس ...

[ابو صاالح]

اسأل عنه في المنتدى ، ربما تلقا احد يعرفه او سبق وتعامل معه ، والله يعينك

[ابن الاصيل]

احتسبله العذر يمكن صار معه من صواديف الدنيا الله يكفينا شره

[سرهيد]

مرحباً
بالجميع
اخي العزيز لايمكن فتح حساب لدى البنك ويكون وهمي ابداً
تقدم ببلاغ نصب واحتيال وقدم ما تملك من معلومات وتأكد ان
مبلغك لن يضيع ... اما ان كان هو صاحب الحساب او من سحب
المبلغ فهو يعرفه
ولا نرمي بالتهم على احد ربما ان الرجل صادق وتعرض لحادث
او توفي او حبسه حابس ...

اولا ما اقول الا الله يرد عليك مالك

ولكن ما ذكره اخي الكريم ابو منصور وبحكم خبرته تراه مناسب جدا ولا تيأس ، وخاصة ان عندك رقم حسابه

انا مرة حولت مبلغ لحساب بالغلط ، واستطع ارجعه عن طريق ادارة البنك المحول اليه ..

يعني اقرب بنك طال عمرك قد عليه بلاغ او لنقل استفسار وش وش يقولون

واكرر الله يرد عليك مالك

تقبل احترامي

[فيصل2020]

أخذ الحيطة والحذر واااااجب
والله يعوضك

[هوايتي مكشات]

ياغالي مالك الا تبلغ البنك

[محب جبل اللوز]

الله يهديك احنا في زمن الله يستر منه وانت كمان غلطان رجال ماتعرفه وترسله فلوووسك

[sss123]

قدم عليه فالاماره نزلت عقوبات جديده خاصه بشبكه الانترنت
والشي الثاني الله يعينك تقدم بديرته وتكاليفك خلها بفواتير وهو يتغر مها
لابغيت شي راسلني ع الخاص

الله يعينك

[سلفاريو]

هلا بك اخوي
الله يعوضك خير وحسبي الله ونعم الوكيل
ويرد لك حلالك ان شاء الله

[عثمان2011]

نصيحة لوجه الله من يريد إشتراء أجهزة إلكترونية عليه بالمحل التجاري النت كل نصب في نصب وحتى لو منصبش علك الأجهزة الحديثة كلها مقلدة مثل nokia n8,iphon4 هو يبعتلك الهاتف في الآخر يطلع مزور .

[الإستراتيجي]

أخوي تقدم ببلاغ على البنك خلال 5 أو 10 أيام أفضل لك حتى لا يتم تجاهل التحويل


وقل أني حولته لأمر ولم يتم وهو بيع وشراء أجهزة بالشحن وأنه طلع نصاب ولما يفتح جواله ذيك الساعة أتفق معه


علما أن جوال N8 ما تحتاج تدوره بالشحن ومثل أمور الجوال والأجهزة إلي سعرها يفرق 200 ريال الأفضل تجعلها في صالحك أنت

[mn9-h]

روح لفرع البنك سوائن كان بنكه الراجحي ولا الرياض ولا غيره هذا شئ انت ما ذكرته في موضوعك, وعطهم رقم حسابه وطبعا ادخل على المدير ولا اي واحد يقدر ينفعك لانه الاستقبال انس يعطيك اي معلومات عن رقم حساب عنده بالبنك, خذ اسمه ورقم الجوال المسجل عند البنك وقدم شكوى ما تبي غوز بيارق وانت وسع صدرك والفلوس مهب راجعتن لك وانت متربع ببيتكم صح ولا؟ لازم تفتش وتشوف المعلومات اللي معك انشاء الله كافيه. ادخل على شركه جوال وقلهم عندي فاتوره جوالي ابي اعرف كم وعطهم رقم جواله يبي يفرش لك كل اللي عنده بس لا تقوله قصتك والله ما تتطلع بشي صدقني لانه مسوين حمايه على غير سنع للعملاء ما يدرون انه نصهم حراميه. وبالنسبه للاسم اذا هو جديد بمجال السرقه ما اتوقع يعطيك اسمه الحقيقي. اتمنى اني افدتك

[ذهب صافي]

لا يكون اسمه عادل بس ترا هذا معروف في المنتديات ؟؟؟

[بحر يتلاطم]

يبي يجيبه الله ان شاء الله

[sniper2009]

الله يعوض عليك بالمبلغ وانساه حتى لو انك تعاملت قبل مع ناس ووفو معاك مو معناه كل الرجال واحد فيه رجال شروى تتعامل معاه وانت مغمض ويوفي معاك وفيه الله المستعان اللي قدامك ومايوفيك لاكن برضه حاول وان شاء الله ينصرك عليه وتجيب حقك وعلى الاقل انت لازم تفضحح الشخص هدا وتحط اسمه ورقم الجوال والحساب عشان لايكررها مع غيرك وسلامتك

[ابو جود1974]

الله يخلف عليك اخوي لكن عليك بالدعاء ان الله يردة لك

ولك تحياتي ودعائي

[عزيز النفس 66]

الله يعينك اخوي

ادخل باسم ثاني على انك بتشتري سلعه منه ورحله في مكانه على ان التسيم يد بيد ولما تقابله تفاهم معاه باسلوبك :)

والله يردلك حقك

[الربذي]

وعليكم السلام اعضاء مكشات الحمد لله اشتريت وحولت اكثر من ست او سبع عمليات شراء على مدى عدة سنوات وكلش جاء بالوقت المناسب ونفس الوصف وكلهم موجودين حاليا وبيننا صداقات وامورنا طيبه
مرتين اشتريت بس ماهو عن طريق مكشات وخفت من الرجال وقلت اعرضه بمنتدى سوق كوم وطلبت اني ماادفع حتى استلم وهو عن طريق ارامكس وفعلا الحمد لله جاء ودفعت المبلغ 2700 ريال وواسطه والتوصيل 15 ريال دفعتهن انا وساطه المنتدى

زين 1200 انا شاريه اول مانزل ماله الا ثلاث ايام ب2450ريال
بس شكل 1200 فخ وين يبي يروح والله ستقف انت واياه بكره بالمحشر مسكين هذا في ذاك الموقف لاتنفع ملي الارض ذهب فكيف ب1200 ؟؟؟

لو طلبت وساطه الموقع احسن
تصدق مره مشتري سياره ب63الف ومحول المبلغ وانا بمدينه ثانيه بس قابلته وشفت الصدق بوجهه

[الربذي]

اخوي سوي شكوى واذا تعرف احد بالبنك يعلق كل العماليات حتى يجي هو بنفسه ولا تجيب من الشرطه ورقه ولايفتح حسابه الا جايب مايثبت مراجعته لشرطه بس تبي وقت طويل ومراجعات ومحاكم
الله يعينك اخوي

[عصاقيل]

كل دقه بتعليمه

[ابو ســــاره]

بسيطة ..
روح للبنك وخذ كشف مفصل عن عملية التحويل وبيكون اسمه الكامل موجود ورقم هويته وحاول معه بالطيب بما انك جبت بياناته كامله واذا ما نفع معه ابحث عن اسمه في جوجل اكيد راح تلقى اقل شي اسم قريب له حاول واذا ما نفع اكتب اسمه الكامل في النت وفي جميع المواقع بما انه شخص محتال واحتمال يسرق كثير غيرك فالحذر واجب

والله يخلف عليك بخير مما سرق منك ×

[الكونترولCONTROL]

:s الله يعينك .. لعل له عذر لاندري عنه .. أويتوب إلى الله و يعيد حقك :s
اشتريت لي و لغيري عن طرق النت :type: الكثير من
العدد و الخيام و أجهزة اللاسلكي و القارمن و المحمول ... بعضها جديدة و أغلبها مستعملة
و ذلك أكثر من 35 مرة خلال السبع سنوات الماضية أكثر من 15 من أعضاء مكشات و أكثر الباقي من موقع مستعمل
لكن لم يسبق أن حولت و لو ريالاً واحداً :no2: إلا بعد استلام السلعة و فحصها
و اكتشفت الغش الصريح في مرتين فقط من 35 :
مرة في مكشات ( كفرات شبه جديدة و زرعها فيها و طلعت مضروبة بالتنسيم و رميتها !! )
ومرة في حاسوب محمول من مستعمل طلع مفكوك و هو جديد
و مرتين من 35 تعني ( 5.6 % ) تعتبر نسبة لا تذكر أبداً و الحمد لله ولكنها تعلّم الإنتباه

[خشكاري]

سبق ونصب علي واحد في موقع مستعمل .. حولت له مبلغ لابتوب توشيبا بـ 1800 ريال على حسابه في الراجحي وبعدها أغلق جواله نهائيا .. طبعا أول شي سويته بلغت إدارة مستعمل عن الشخص وأرسلت لهم صورة من الحوالة وردوا علي بأن الموقع لايتحمل أي مسؤولية لأنه يحذر من تحويل الأموال للغرباء وأكتفوا بتوقف عضويته حسب كلامهم

ثم توجهت للشرطة لواحد أعرفه في الحقوق المدنية وقدمت بلاغ نصب وإحتيال وأعطيتهم رقم حسابه ورقم جواله .. بعد تقريبا شهر كلموني وطلبوا مني الحضور للرياض لأنهم توصلوا لصاحب الحساب ومسكوه البحث وطلع الحساب مهوب بإسم العضو إللي في الموقع .. وبكل بساطه جحد سالفة البيع وجحد إنه يعرف النصاب الرئيسي وقال المبلغ وصل حسابه دون علمه وبكل بساطه أعاد لي المبلغ على الفور .. والشرطة فكوه تخيلوا !!! لأنهم يقولون مافيه شيء يثبت وجود طرف ثالث في القضية

طبعا تحليلي للموضوع إن الملعون متفق مع خويه النصاب الرئيسي على هذا الشيء .. بحيث إذا ماإشتكاهم المدعي إللي هو الشخص إللي نصبوا عليه يتقاسمون المبلغ .. خبركم فيه ناس تلفقها وتسكت

هذا ماحصل لي وإختصرت كثير والمقصد تنبيهكم لهذه الحركة الخبيثة التي يقوم بها ضعاف النفوس الله لايكثرهم

[الحصان 1]

هذه المشكله يجي الردي ويخرب على المسلمين
ماعاد احد يثق في احد ولاتنقضي حوايج الناس
حسبه الله ونعم الوكيل

[alqamr]

طبعا التعامل عن طريق الانترنت يبله خبره ودرايه كامله
خصوص الحوالات البنكيه فلحذر الحذر

اما الان اختلف الوضع مع الوسيط paypal بي بال تستطيع تحويل الامول براحه تامه وامان من كل الطرفين خصوصا بعد ما تم تفعيل الخدمه في السعوديه من قبل الشركه :) من قريب

[نيسان وبس]

حصلت قضايا كثيرة في البوبة الرقمية نفس مشكلتك وحلها عضو اسمه المتحري

ابحث عنه في البوابة

[صاحب الذئب]

الله يعوض عليك ويردلك مادفعت
لاكن تقدر توصله برقم الحساب واتمنى ان تاخذ جميع الطرق للتوصل اليه لان فيها فوائد
- ترجعلك فلوسك
- تكتم شره عن الناس لانه يعرف انه لايمكن النصب عليهم
- قد تكون سببا في هدايته اذا كان متعمدا
- اكيد هي شبكه وقد تنتهي بااذن الله
( الحسااااااااااااااااااااب يجيبه يجيبه )
واي استفسار حاضر لك ياالغالي

[الباشاء]

الله المستعان ............. الحين صارت الثقة . . . . مقبرة الاوفياء....؟

[شقن بقا]

الله يعينك اخوي

ادخل باسم ثاني على انك بتشتري سلعه منه ورحله في مكانه على ان التسيم يد بيد ولما تقابله تفاهم معاه باسلوبك :)

والله يردلك حقك

أعوذ بالله من هالناس الله يكفينا شرهم بصراحة مريت على كل المداخلات قبل ما أكتب مداخلتي وبصراحة أعجبتني فكرة العضو عزيز نفس وياليت بعد تذكر إسم معرفه في الموقع وتحذر الناس منه وأول موقع تفضحه فيه الموقع إللي شريت بواسطته والله يخلف عليك

[مكشاتي ون]

صارت لي بعت تمر خلاص على واحد عساها جمر في بطنه بمبلغ 2800 ريال ,, الان لها سنه ,, جواله طلع باسم فلبيني مستخرج من ابها وهو في الرياض ,, الان الجوال مقفل او بالاصح ملغى لعدم سداد الفاتوره
لا كن ما يضيع شي عند العزيز الحكيم

موقع اسمه نصابين كوم مفيد

http://www.nassabin.com/

يمكن اسم خويك معاهم

[Makaveli]

ياشيخ لاآآآآآآآآآآآآآآآآآآآآ تزعل نفسك الحرامي هذا غبي
تخيلها بشكل ثاني ياصاحبي
تخيل واحد يشتري مقعده من النار بــ 1200 يجي يوم القيامة قدام الحرمية الصح ويكتشف إن سرقته ماكان لها داعي , أعتبرها صدقة لله وخذ أجرك يوم القيامة , تخيل لا أبوك ولا أمك ينفعوك الله يحفظهم , وتجي مظلوم يوم القيامة , أنا سُرقت سرقة أصابتني في مقتل ولكني محتسبها وكل ماأفتكرها أدعي عليه

لا تظلمنَّ إذا ما كنت مقتدراً...فَالظُلْمُ مَرْتَعُهُ يُفْضِي إلى النَّدَمِ
تنامُ عَيْنُكَ والمَظْلومُ مُنَتَبِهٌ...يدعو عليك وعين الله لم تنم

[أبوعبدالرحمن الأسعدي]

الله يكون بعونك وفيه مثل اجنبي يقول القانون لايحمي المغفلين !!

[777 مشعل 777]

صراحة ماتزعل مني تستاهل
ماكثر الله بالمدن مثل محلات الجوال

كل هذا كسل ؟؟؟؟؟ تنزل وتشتري لك واحد

[محب الخيال]

واكرر الله يرد عليك مالك

[أخوحصه]

الأحول ولأقوة الاءبالله


مسألة الشراء والبيع بالانترنت تحتاج الى ضمانات

[راعي فلحه]

الله يعوض عليك انكان نصاب فحسيبه الله وانكان ميت فسامحه

[مكشآتي للآخر]

انا أنصح بشدة التعآمل بمثل هالاحالات عن طريق الpaypal بتقولي ليش؟؟
بقولك بالباي بال تقدر ترفع قضية على الي حولت له الفلوس بمدة اقصاها 30 يوم
بس لك حق رفع قضية وحدة فقط اذا نجحت ترجع لك فلوسك
اذا سقطت خلاص
بسسس مايقدر يسحب المبلغ الا بـعد ماتكمل 30 يوم:)

[سعود 35]

اخوي ادخل موقع اسمه نصابين اكتب بقوقل نصابين

وراسلهم بقصتك كامله ... وادخل مو قع حراج وادخل قسم حراج الاجهزه ..تلقا موضوع مثبت طريقت البلاغ عن السررقه من النت والله يعوض عليك ...




ولاتنسى ترى بالثلث الاخير من الليل تفتح محكمه قاضيها مايظلم عبد ومايرد طالب وداعي افرد يديك لربك وادع بالي يسرر خاطرك

[صقر الغربية]

بلاغ رسمي فى اقرب قسم شرطة واسم الشخص ورقم حسابة

حتى لو كان الحساب لواحد ثاني اذا جبت الاول يجي الثاني

والله لو الشغلة تحدي تجيب ابوه وجده لانه نصاب وحرامي والله ما ذكرك فلوس فى حسابة واحنا

ما ندور على التعب شعب كسلالين ليش ما تعبت فى الفلوس

البيع والشراء يجب ان يكون يد بيد مو كل شي على الصور وادفع واستلم على البريد

لا تفرط فيها حتى لو ريال لانها نصب وحرامي وممكن نصب على غيرك كثير ابحث واشتكي

ممكن مكون ثروة منك ومن غيرك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[adhu]

بلاغ رسمي فى اقرب قسم شرطة واسم الشخص ورقم حسابة

حتى لو كان الحساب لواحد ثاني اذا جبت الاول يجي الثاني

والله لو الشغلة تحدي تجيب ابوه وجده لانه نصاب وحرامي والله ما ذكرك فلوس فى حسابة واحنا

ما ندور على التعب شعب كسلالين ليش ما تعبت فى الفلوس

البيع والشراء يجب ان يكون يد بيد مو كل شي على الصور وادفع واستلم على البريد

لا تفرط فيها حتى لو ريال لانها نصب وحرامي وممكن نصب على غيرك كثير ابحث واشتكي

ممكن مكون ثروة منك ومن غيرك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


هذا هو الصح

وتاكد انا ببلد الاسلام وبلد الحق والعداله

ون شاء الله فلوسك ترجع مادام الاسم موجود بالبنك

حتى لو الاسم شخص اخر رجل الديك تجيب الديك

[wafi4sa]

حسبي الله ونعم الوكيل
ناس ماتخاف الله
الله يرد حلالك ياخي الكريم

[Lamst-Mobda]

مرحباً
بالجميع
اخي العزيز لايمكن فتح حساب لدى البنك ويكون وهمي ابداً
تقدم ببلاغ نصب واحتيال وقدم ما تملك من معلومات وتأكد ان
مبلغك لن يضيع ... اما ان كان هو صاحب الحساب او من سحب
المبلغ فهو يعرفه
ولا نرمي بالتهم على احد ربما ان الرجل صادق وتعرض لحادث
او توفي او حبسه حابس ...


أخوي

مثل ماقالوا الطيبين ..

رقم الحساب يجيب رآسه إذا الله أراد ..

قدم بشكوى رسمية .. في أحد الأقسام الأمنية

حتى لو ماجابوه يجيبون صاحب الحساب

وياليت يكون عندك تفاصيل الحوالة

..

الله يعوضك خير

..

والتجارة عبر الانترنت عالم واسع وجميل

ولكن لكل قاعدة شواذ

..

اعتذر عن تأخر ردي ..

أغلى تحية

[فواز الحربي]

السلام عليكم ورحمة الله

إن شاء الله ترجع لك فلوسك

و نصيحة دايم لا تتعامل مع اللي مشاركاته قليلة الأعضاء الجدد .

[عذب الروح]

لاحول ولاقوة إلا بالله

الله يرد لك مالك

تحيتي