سفانه
03/03/2011, 10:58 PM
يقول الوالد ..
هذا واحد من القرى أللي حول القصيم .. رجال كان (أحمق) شوي .. المهم راح هذا الرجال – وهو مزارع – لم بريده واشترى له مخالب علشان الحصّاد إذا جوه .. ورجع لم ديرته و حط المخالب عند حرمته وطلع يبي له حاجه .. وبذا الوقت جاء لم بيته رفيق له وسأل عنه .. وقالت له الحرمه إنه مهب موجود بالبيت فطلب من الحرمه إنه تعطيه مخالب إذا كان عندهم .. فعطته المخالب أللي جابها رجلها لأن هذا الرجال رفيق له وأكيد إنه مهب مخالف ..
رجع الرجال لم بيته وسأل مرته عن المخالب فقالت له السالفه .. فعصب عليه وقال إن ما جبتي لي مخالب بكرى الصبح فأنتي طالق .. المره إغتثت وضاق صدره .. وركبت لها حمار وراحت تمشي بالليل لم بيت رفيق رجله .. وهي تمشي في دربه قام يباريه ذاك الذيب .. المره خافت والحمار أللي راكبته بعد خاف .. وقالت في نفسه كوده ياكل الحمار ولا ياكلن .. لكن الذيب ماقالهم شيء وبتل يباريهم ويمشيء معهم فسكنت الحرمه والحمار بعد .. وصلت المره لم مزرعة الرجال ونادت عليه .. وطلع لمها وهو يتعوذ من الشيطان ..سألها وش بك .. فقالت له السالفه وعطاها ما أخذ منها .. ورجعت في طريقها والذيب مافك عنهم يمشي ممشاهم .. وصلت الحرمه لبيته .. ولقت رجله نايم حتى شكله ما درى إنه طالعه .. قومته وقالت له إني جبت المخالب .. فقال له جزاك الله خير و إلتفت على الجهه الثانيه وكمل نومته .. الحرمه قامت لم الذيب أللي سار معه وذبحت له غنمه وجرته عنده إكراما له لأنه كان يحرسه طول الطريق .. عاد يقول لي الوالد إن الرجال يوم قام الصبح إعتذر من حرمته و طيب خاطرها .. :D
هذا واحد من القرى أللي حول القصيم .. رجال كان (أحمق) شوي .. المهم راح هذا الرجال – وهو مزارع – لم بريده واشترى له مخالب علشان الحصّاد إذا جوه .. ورجع لم ديرته و حط المخالب عند حرمته وطلع يبي له حاجه .. وبذا الوقت جاء لم بيته رفيق له وسأل عنه .. وقالت له الحرمه إنه مهب موجود بالبيت فطلب من الحرمه إنه تعطيه مخالب إذا كان عندهم .. فعطته المخالب أللي جابها رجلها لأن هذا الرجال رفيق له وأكيد إنه مهب مخالف ..
رجع الرجال لم بيته وسأل مرته عن المخالب فقالت له السالفه .. فعصب عليه وقال إن ما جبتي لي مخالب بكرى الصبح فأنتي طالق .. المره إغتثت وضاق صدره .. وركبت لها حمار وراحت تمشي بالليل لم بيت رفيق رجله .. وهي تمشي في دربه قام يباريه ذاك الذيب .. المره خافت والحمار أللي راكبته بعد خاف .. وقالت في نفسه كوده ياكل الحمار ولا ياكلن .. لكن الذيب ماقالهم شيء وبتل يباريهم ويمشيء معهم فسكنت الحرمه والحمار بعد .. وصلت المره لم مزرعة الرجال ونادت عليه .. وطلع لمها وهو يتعوذ من الشيطان ..سألها وش بك .. فقالت له السالفه وعطاها ما أخذ منها .. ورجعت في طريقها والذيب مافك عنهم يمشي ممشاهم .. وصلت الحرمه لبيته .. ولقت رجله نايم حتى شكله ما درى إنه طالعه .. قومته وقالت له إني جبت المخالب .. فقال له جزاك الله خير و إلتفت على الجهه الثانيه وكمل نومته .. الحرمه قامت لم الذيب أللي سار معه وذبحت له غنمه وجرته عنده إكراما له لأنه كان يحرسه طول الطريق .. عاد يقول لي الوالد إن الرجال يوم قام الصبح إعتذر من حرمته و طيب خاطرها .. :D