ارجو المساعده حرارة السياره مرتفعه

[abonaif111]

عندي ددسن ترتفع حرارته كل شي غيرته طبعا موديله 2004 بخاخ تماتيك المروحه okالرديتر ok بلف الحراره جديد ترتفع بعد 120 تاصل النص ارجو المساعده

[xp.vip]

ياليت تشيك على الكنداسة

[storm way]

سيارتك غريبه اول مره اسمع عن ددسن ترتفع حرارتها

بس فك الكوع وان شاء الله ما عاد ترتفع

والله يسهل امرك يارب

[abonaif111]

يعطيكم الف عافيه فكيت البلف بس صوت السياره ارتفع صار الضغط على واحد

[abonaif111]

اخواني ابي الحل من امس وانا بالصناعيه من ورشه لورشه ومن محل رديتر لمحل رديتر اللي يقول البلف واللي يقول راس المكينه واللي يقول تماتيك المروحه واللي يقول تصييخ رديتر بس كل شي ممتاز غيرة البلف التماتيك مافيه شي الرديتر ممتاز بعد ماغيرة البلف غيرة ماء رديتر وكاله والمشكله نفس اول ترتفع بعد 120 ورجعت وفكيت البلف وخليت الموتر بدون بلف بس ارتفع عداد الضغط على الواحد بس مافيه حراره ماادري هل هذا يضر الموتر مستقبلا ولا لا ارجو المساعده

[مركز حراره]

عندي لك رديتر اعرض من البلد يطيح لك الحراره باذن الله 100%
هل صيخت الرديتر؟
لطلب راسلني على الخاص

[مركز حراره]

تابع
احينآ يصير تعبان الرديتر ويبد اذا احتمى مايبرد لان المواسير تنفخ وتسكر مجاري الهوء

[Ahmed.Humadi]

اخوي هذي صارت معي .. بهوندا اكورد كل شي فيها تمام الراديتر و حساس المروحة كلها تمام .. بلاخير فتحت الواتر بمب لقيت الريش منتهيه على الاخير .. ولا كانت في البال اصلا .. غيرت الواتر بمب الحمدلله الحرارة من هذاك اليوم مارتفعت

[نسيم المطر]

اخي الكريم اللي يرفع حرارة السيارة خاصة نيسان بعد120 احدى امرين يا اديتر الما او راس المكينة الا اذا انك طفيت السيارة واخذت شوي فورت فهذا غطاء الارديتر بس انت ماقلت الشي هذا
اذا على كلامك انصحك صيخ الارديتر اذا كان يصيخ وان شاء الله بتنزل الحرارة والبلف رجعه لليسارة حاول انك اول نقطة تصيخ الارديتر او تغيرة لو مانت مقتنع رايحه باذن الله تنزل الحرارة
ارجو اني افدتك اخي الكريم

[~EmPeRor~]

احتمال كبير انها من تماتيك المروحة

[ابو ف]

حصلت معي في ددسن وسيخت الاديتر والحمدلله تمام انصحك بتسيخ
الاديتر

[صاروخ الغطغط]

حصلت مع اخوي الحراره النص دادسن م2004 بخاخ غير الاماتيك ب300 ريال ونفس الحراره ماتغيرت طلع الاديتر وهل المويه تنقص عندك اذا كانت تنقص شيك على الخراطيش او الاديتر منشق وشف اذا احتر شف الخرطوش هو مضغوط داخله هواء

[رفيع المقآم]

صارت معي على ددسن 2002
والل صيخت الرديتر اول مره ونفس الشي >> اول مره نزلت الموتر ومشيت >>
المره الثانيه وقفت على راسه وغيرت المحل
وربي رجعت على الصفر على السي ههههههههه

[ابو حمد 2010]

حصلت معي في ددسن وسيخت الاديتر والحمدلله تمام انصحك بتسيخ
الاديتر

السلام عليكم

انا حصل معي نفس الشي مع سيارة الوالد موديلها 98 وكالة ماشاء الله عليها بس تعرف من عام 98 ماقد فك رديترها ولا نظف.

رحت عليها مشوار طويل واذا تعديت ال 120 ارتفعت الحرارة واذا 120 وتحت نزلت الين الربع.

مريت محل رديترات وسيخت الرديتر ونظفته وطلعت السيارة 100 %.

جرب تسيخ الرديتر واذا مانفع شف تماتيك المروحة.

[K.S.A.A]

شيك على طرمبة الماء يالغالي. موترك شبه جديد مايحتاج تغير اديتر ولا شي.
إلا أن كان سبق وأن غيرت موية الأديتر بماء الغسيل فهذا ممكن ..

[م.العبيدي]

شيك على الخراطيش الى طالعه من الاديتر للمكينة والعكس يمكن مع الحرارة تتسكر
قد صارات لي قبل فتره

[هلبان]

الله يعيينك ويسهل امورك

[salih100]

يا تسيخ الاديتر يا طرمبة الماء انت عندك تنسيم يسحب هواء ولا يدور الماء لانه مضغوط وركز ع قفزان الخراطيش لازم تكون قافله صح

[abonaif111]

يعطيكم الف عافيه سيخت الاديتر وركبت قفزان وركبت بلف الحراره وحطيت ماء اخضر ومشيت فيه تحسن بس ترتفع حاجه بسيطه فوق الربع بس نلقى حلها قالي احد الشباب غطاء الاديتر مادري

[ابو شكاع]

ماعندي خبرة ياخوي وفعلا غريبة ان تستمر الحرارة حتى بعد هالخطوات
لكن لك مني دعوة صادقة بأن تحل هالمشكلة بأقرب وقت
موفق ياخيي

[waledsaleh]

السلام عليكم لو كانت ترتفع بعد 120 وان نزلت السرعة تنزل الحرارة المشكلة في الراديتر بدون اي جدال