ياجماعة الخير وش الحل مع طرمبة الجيب

[سليمان الصقر]

معي جيب 2001 جي اكس آر تعطلت فيه طرمبة الخزان الرئيسي ، فكيتها من الخزان وخذيتها وفككتها قطعة قطعة وطلعت المشكلة حدى الفحمات معلقة ، المهم رحت للوكالة وطقيت طرمبة وشخال وصفاية الله لا يخسر حول 700 ريال اللي كرريتها ذاك اليوم ، المهم ركبت الطرمبة وباقي القطع واشتغلت السيارة زي الحلاوة وبعد شهر تقريباً بدت السيارة تكتم وتثقل قلت مستحيل من الطرمبة ورحت أشييك على البواجي والصفاية والبخاخات والحساسات ونظفت اللهاة ياما خليتها أنظف من لهاتي ومع هذا ما نفع وبعدها بديت أسيئ الظن بالطرمبة الجديدة وسويتلها اختبار بسيط وهو إني شغلت الخزان الثاني وتقل السيارة ما صدقت خبر ، انطلقت ورجعت زي أول وهالحين إذا حطيتها على الخزان الرئيسي قامت تكتم وتقطع وإذا حطيتها على الاحتياطي مشت طبيعي ، فشو رايكون يا جماعة

[ذيب النجيل]

تأكد من مواسير البنزين الي يوصلن البنزين من الطرمبة الى البخاخ قد تكون فيها طعجة او تكون متسدده وفيها تراب ( بعيد عنك ) ويمكن انسداد المواسير هو الي خرب الطرمبة الاولى

ونظف التانكي يمكن يكون متقشر من داخل ويسد فتحت الطرمبة

بالمناسبة فيه واحد معاة 200 ال نيسان زماااان

كانت تطفي بعض الاحيان وهو ماشي وثم يشغلها وتمشي فتره من يومين وحول

وثم فجأه تطفي واخر شي حصل بوسط التانكي ورقة ( فاتورة محل ) مقطعة قطع صغيرة ومع الحركة

تسد مجرى البنزين

وشيك على اسلاك الكهرباء

اتمنى اني افدتك باللي اعرف من الحاجات المتوقعة لهذه المشكلة

[نسيم المطر]

تاكد من التانكي الرئيسي فوفه على طول صفايه يمكن فيها سدد او المواصير ماعتقد ابد انها الطرمبة بتخرب بها السرعة شهر بس والله لوانها تايوانية

[~EmPeRor~]

مشكلتك من التانكي ماهي من الطرمبة

[سليمان الصقر]

ألف شكر للجميع بشييك على كل اللي قلتوه وبرد لكم