لخبراء باترول

[AL-RAZEEN]

السلام عليكم عندي باترول 2004

الموتر حلو بس بداء اذا مشيت عليه نصف ساعة او كثر شوي, ثم وقفت تضعف الدعسة

ولابغية امشي اضغط الدعسه ثم يالله يمشي واذا وقفته وطفيته وخليته يبرد وشغلت

يمشي زي الفل وعلى الحال طبعا قبل ما يضعف تقل اسمع طقه ثم يضعف


ممكن تشخصون لي المشكلة مع العلم فحصته كمبيوتر ماطلع شئ بس يوم افحصه ما كان فيه المشكله قالي راعي الكمبيوتر لجتك المشكله تعال لمي والمشكله موجوده

[نسيم المطر]

المشكلة عندك لا تخرج من احتمالين ابد باذن الله
1-اذا كانت المشكله دائمه بالموتر يعني على طول كذا اذا احتمى مايمشي وتطلع ريحة عطب اي حرق والنقطه هذي ترى مهمه فهو الدزق اي الكلتش
2-وانا ارجح هذا الخراب لو انه موتري غيرت هالقطعة ولا شككت ابد وهي علبة الكلتش اللي فوق وركبت طقم اصلاح للعلبة الكلتش اللي تحت
وارجو اني افدتك اخي الكريم

[AL-RAZEEN]

يامل العافيه

اذا احتما يمشي بدون ريحه ولا عطب بس دعسته تصير ثقيله

النقطة الثانية لو توضحه

[AL-RAZEEN]

ممكن توضحون لي النقطة الثانية

[نسيم المطر]

ممكن توضحون لي النقطة الثانية

علبة الكلتش اللي تحط فيها الزيت حق الكلتش هذي تخرب وتغير كامله ازين لك اذا هربت زيت تشوف الزيت طالع منها واللي تحت فوق القير علبه سفلى هذي يركب لها طقم اصلاح وصلى الله وبارك شغله بسيطه ماتكلفك200 ريال
وطريقة الخراب الدعسة احيانا هواء خفيف واحيانا ثقيلة كذلك تغير مع الشحظ الموتر واحيانا ماتمسك الموتر تضغط كلتش كانك فاك الكلتش
ادري اني طولت عليك وارجو اني افدتك اخي الكريم

[AL-RAZEEN]

اخوي يطلع لي بالطبلون check AT

[AL-RAZEEN]

ممكن اعرف وش check at
للمعلومية الموتر باترول

[AL-RAZEEN]

خلصو الخبراء

[العمده 0ون0]

وعليكم السلام ورحمة الله وبركاته

الله يمسيك بالخير ياالرزين والجميع
قبل ماتسوي اي شي ابدأ بالامور البسيطه اذا ماعندك تهريب في علبة الكلتش اللي تحت و فوق وكل شئ تمام و يفضل تغيير اصلاح العلبة اللي تحت خذ العلم وطبق اللي اقولك (بحذافيره) بجد واهتمام ولا تسوف 0
غييٌٌر الزيت حق علبة الكلتش القديم كاملا وحط زيت جديد شرط يكون ركزٌ معي زين (اصلي اصلي اصلي) ابو العلبة الحديد الزرقه والغطاء الاحمر الاميريكي اسمه( وققنير 21) اوحق الوكاله زي ماعلمتك شرط يكون (اصلي) وبعد كذا نسم لعلبة الكلتش نفس طريقة التنسيم لزيت البريك وان شاء الله تنحل المشكلة ترى اغلب مشاكل خراب اصلاح علبة البرييك والكلتش تكون بسبب الزيت المغشوش الموجود في السوق والبناشر خاصة المحلي ابو علبة بلاستيك ابيض واحمر رديئ وسيئ جدا جدا وانا اقولك هذا الكلام من تجربه حصلت لي في جيب شروكي كنت بغيير دزق وكلتش حسب كلام المكانيكي بكلفني 2000 ريال وغيرت الزيت اصلي ماكلفني ستة ريال :D والحمدالله انحلت المشكله ولاتنسى تعلمنا ترد علينا بارك الله فيك0

واتمنى لك التوفيق ان شاء الله:f0

[ALBDRANE]

حصلت معي في سيارة أمريكيه وكل ورشه لها راي حتى بعضهم قال القير يحتاج توضيب ( خرابيط )

المهم تركت الخراب في السيارة وكان الخراب يتكرر في المشوار الواحد حدود 5 مرات وبديت أطفش من السيارة لان الصراحه ما كان عندي الوقت الكافي لمتابعة حالتها النفسيه هههههه

المهم يوم أن الله يسرها صار الخراب فيش للقير يتحرك من مكانه مع حركة السيارة والأهتزاز ...... والي أكتشفه فلبيني (داوود ) الله يبيض وجهه طبعاً مسلم وملتحي وياحليله من وجه ويده مبروكة بالحيل

المهم ما أطول عليك نفس مشكلتك كانت عندي بالضبط والرجال حرك الفيش وثبته زين وأنتهت المشكلة بلا رجعه والحمدلله

وأنكان تبي عنوانه راسلني على الخاص طبعاً على أفتراض أن القير عندك تماتيك لانك ما وضحت لنا

[AL-RAZEEN]

ايه تكفى ابي رقمه