ابي اشتري كفرات للسوبربان

[abu ghanem]

السلام عليكم ورحمة الله وبركاته اخواني الاعزاء عندي سوبربان 2001امريكي2500دفرنس شريته قبل عام وفيه كفرات ميشلان الان ارغب بتغييرها انصحوني عن افضل الكفرات ومالفرق بين الكفر العريض والنحيف ولكم السلام

[رفيع المقآم]

هلا والله
حبيبي عندنا جمس مانحط له الا برجستون ولا فيرستون وكلها واحد
وعيبهن انها قاسيه شوي على الموتر
لكن لوتبيها تكد 4 5 سنين ماتغير ابد فلوسها فيها
الدنلوب لينه على الموتر
بس سنتين بالكثير ومنمسحه لازم تغيرها
هذا اللي عندي

[سلكي نت]

خذ فايرستون 245×70 او 245×75 وريح نفسك مع الضمان لسنتين وابحث عن الجديد وابعد عن المخزن لاكثر من 6 اشهر
لكن انتبه لا ينقص الهواء عن 35

[نفود بريدة]

اذا كان الموتر ما يدخل البر اطلاقا .. خذ على كلام اخوي ( سلكي نت ) .. الكفرات الي وصى بها ما يحتاج ما عليها كلام .

واذا كان يدخل البر .. عليك بالدانلوب 275 - 70 مقاس 16 .. كذلك ممتازة .

اما بريجستون نصيحة لا تقربه أبد .. الكفر ذا نكبة .. قاسي جدا واذا ضرب عليك لا سمح الله .. اكل الرفرف كامل معه .

والله يوفقنا واياك
ولا تنسانا من دعواتك المباركة .

[التعـ King ـديل]

فايرستون
دنلوب
هنكوك
واذا دراهمك واجد بريلي

[الرسسسام8808]

السلام عليكم خذ لك ماكسس ممتاز مره

[ابوعقل]

انا معي جمس صالون 2500

كنت اركب له برجستون ((نفس كفر الوكاله ))

والحين ركبت شاهين عريض

والله اني متحسف ماركبت الشاهين من زمان

كفر ممتاز ولين

حتى المطب تغير

هذي نصيحه مجرب

[ابوغريب2006]

http://www.derapate.it/img/michelin-bibendum.jpg

[أبو عقيل النجدي]

وهل يخفى القمر

الدنلوب ياباني وصبور ولين مقارنه مع الميشلان القااسي


عليك بالدنلوب

[الفنطاس]

اعتقد البريجستون افضل وانعم على الطريق
الله يكتب لك الخير

[عضى]

ميشلان جميل جدا

[storm way]

تبي النصيحه لا ذا ولا ذاك خلك على ميشلان

حتى لو دخل مسمار ما يحتاج انك تطلعه راقع نفسه بنفسه

اسال مجرب وخبرة سيارات 30 سنه

وانت بكيف

[BLAZER 93]

السلام عليكم
من تجربتي وعلى نفس السيارة
فايرستون ياباني: إستخدام سنتين واربعة شهور حلوه ومريحه وسافرت عليها من الشرقية للمدينة وسافرت عليها الكويت والرياض رايح جاي وماعليها كلام

يوكوهاما ياباني: مستخدمين سنتين وشوي بدلت الفايرستون مع خويي بكفرات يوكوهاما وعلى طول والله حسيت بالفرق ناعمة على السيارة وتمتص المطب وعلى طول طلعت عليها الرياض والله انها تفرق مع ان تاريخها قبل سنتين ولكن كان استخدامها خفيف وللحين ناعمة أجل جديدة وشلون؟

وبعد كل شي يقولون ميشلان ممتاز ولكن للأمانة ماجربتها

[AL-RAZEEN]

اشتر محد قال لا

رايي مشلان

[storm way]

السلام عليكم
من تجربتي وعلى نفس السيارة
فايرستون ياباني: إستخدام سنتين واربعة شهور حلوه ومريحه وسافرت عليها من الشرقية للمدينة وسافرت عليها الكويت والرياض رايح جاي وماعليها كلام

يوكوهاما ياباني: مستخدمين سنتين وشوي بدلت الفايرستون مع خويي بكفرات يوكوهاما وعلى طول والله حسيت بالفرق ناعمة على السيارة وتمتص المطب وعلى طول طلعت عليها الرياض والله انها تفرق مع ان تاريخها قبل سنتين ولكن كان استخدامها خفيف وللحين ناعمة أجل جديدة وشلون؟

وبعد كل شي يقولون ميشلان ممتاز ولكن للأمانة ماجربتها

شوف يا حبيبي كان عندي نيسان باب واحد

فاكه وكاله على يدي

اكثر من 16 كفر غيرت بنشر والسبب انه ينفجر ويطلع 3 قطع

رحت للوكاله قلت اكيد الجنوط فيها بلا

مو معقوله ينفجر عندي هذا العدد ولا اتوقع احد حصل له مثلي

مسكني مهندس الوكاله الله يذكره بالخير كنت زبون عندهم تشيك

قال تبي اعطيك خصم 50% ولمدة عام

ولا تبي نصيحتي قلت لا والله ابي النصيحه

قال ركب مشلان

حتى بالحرف الواحد قال بتغير شكل موترك شوي قلت مو مشكله

المشكله اني كنت اركب الكفر الواحد بــ 480 ريال ايام الرخص الله يذكرها بالخير

المهم طقيت طقم كفرات مشيلان وجلس معي الموتر سنتين الي درجة

ان احد الكفرات داخل فيه مسمار وربي جلس سنه كامله ومسماره فيه

وبعت الموتر بنصيبه وهم مسماره فيه

وتقول يقولون مشيلان

لو تلاحظ جميع السيارت الكبيره كفراتها مشيلان

وكل شي بتوفيق رب العالمين

هذي نصيحه وحنا نعطيها ببلاش

بحكم تجاربنا

والان معي جي اكس ار مركب عليه برجستون من اول اسبوع هو ينسم

وديته الوكاله قالو نرقعه لك وش رايك وهو جديد وضمانه 3 سنوات

[abu ghanem]

اخواني الاعزاء الله يجزاكم عني خير الجزاء ويرحم والدينا ووالديكم وشكرا لكم

[BLAZER 93]

والله يجزاك قد نيتك ورحم الله والدينا ووالديك
وأخي الغالي اللي يتكلم عن المشيلان أنا أشهد انه مشهور ويمدحونه بس أنا ماجربته وسلامي لكم ياحلوين

[هلبان]

دانلوب أو قديير بس غاليه شوي

[سيف الظفير]

يالغالي لي سنتين

مركب عللى جمس نفس الي معك 2006


كفرات مكسس 276/65/16


ولا احسسسسن منـــــــــــــــه

[راعي عدوان]

انا معي سوبربان 2002 ومن شريته وكفراته فايرستون ولله الحمد مابنشر
وغيرتهن بنفس الكفرات بصراحه تكد

[ابو سعد 502]

السلام عليكم ورحمه الله وبركاته
انا جربت قودير وهي لينه علي السياره علما بانها المانيه ونصحني بها راعي الكفرات ولها سنتين مركبها والحمد لله

[ساعي للخير]

انا مجرب الميشلان رقم 1 انصحك فيه