المساعد الشخصي الرقمي

مشاهدة النسخة كاملة : هل موتري على وشك إنه يخبط؟! قولوا خير ياجماعة :)


مكشاتي كوكتيل
05/03/2011, 01:43 PM
السلام عليكم ورحمة الله وبركاته

الإخوة الأعزاء، لدي سيارة نيسان بيك أب 2007 (ددسن)

اليوم السيارة كأن فيها تقطيع بسييييييييييييط .

وبعدين أنا رحت لمشوار 5 كيلو فقط يادوبها عشر دقايق وبعدين فتحت غطاء الأديتر ولقيت ماء الأديتر حار شوي وكأن يوجد أيضاً فيه بخار للماء .

وش المشكلة وعساى الموتر ماهو على وشك تخبيط؟

وش أسوي؟
العنابي 616
05/03/2011, 01:48 PM
شي طبيعي إن الماء يكون حار و ما عندك أي مشكلة موترك
ما هو حول تخبيطه و لاهم يحزنون

التقطيعة يمكن يبغالك بواجي و لا فلتر بنزين أو هواء
بواسامه
05/03/2011, 01:49 PM
اترك عنك الوسوسه
طبيعي الموتر يحتر ويحتمي
شيك على الاديتر وعبه لا يصير ناقص
مكشاتي كوكتيل
05/03/2011, 02:02 PM
الله يجزاكم خير ياشباب على ردودكم المطمئنة


لكن هل هو طبيعي في وقتنا البارد ومشوار 10 دقايق يحتر فيها ماء الاديتر؟


ماء الاديتر مليان .

هل فيه تشييكات اخرى للإطمئنان؟
قصيماوي
05/03/2011, 02:35 PM
حرارة الماء عادية شف عداد الحرارة على كم والتقطيع ممكن بواجي
YUKON_GMC
05/03/2011, 04:04 PM
حار هههه الله يسعدك ضحكتني

اجل تبيه مثلج اكيد حار ويفوح بعد
سلكي نت
05/03/2011, 09:45 PM
عاااااااااادي جدا
وخل عينك على عداد الحرارة هو المقياس الاساسي
واضغط بيدك على لي الماء اعلى الرديتر وشوف اذا هو لين مافيه مشكلة
واذا هو قاسي شيك على المروحة ،وشد سيرها ،وشيك على تماتيك المروحة
مكشاتي كوكتيل
06/03/2011, 08:26 AM
جزاكم الله خير وأحسن إليكم على الردود الشافية
K.S.A.A
06/03/2011, 09:47 AM
هههههههههههههههههههههههههههههههههههههههه
أخوي مكشاتي كوكتيل لو مو الأخوان موجودين كان قلت لك اي بيخبط وخليتك تبيعه علي بنصف القيمه .
وش هالكلام الله يهديك تحسب التخبيط على طول .
وبعدين يالغالي أنتبه تفتح غطأ الأديتر ثاني مره والموتر محتمي ( محتر ) ثم يطوش عليك الماء الحار .
أترك عنك الوساويس يالغالي . موترك صافي ومافيه شيء ..
هلبان
06/03/2011, 10:35 AM
أقول موترك مافيه شي
أمعطه على خط وتروح التفتفه
sgl2002
07/03/2011, 10:44 AM
شف لو قلت ددسن 97 بقولك ما حولها تخبط ...

شف يالحبيب أنا أكثر ما استخدمت في حياتي دداسن بخاخ وكلبريتر ...

التقطيعه عندك من كهربا أو مشيت عليها وهي باردة أو صفاية البنزين متسددة ...

مسألة الرديتر وأنه حار فهذا دليل ان موترك مركب البلف حق الحرارة فيه يعني موترك وكالة ماتغير فيه شي .. ويوم تقول تخبيط أنا اضمن لك الددسن تمشي معك 500ألف بدون ما تفك المكينة وتوظبها وتمشيك 500 ألف ثانية ...

بس الددسن ترى اللي يدقق ويقعد يشك في كل شي تراها بتبهذله ... كل ماسمعت شي والا حسيت بشي طنش وامش ... ولاتخاف ترى الددسن ما تغدر بك بتمشيك حتى لو هي خربانه ...


مره من المرات تكسرت عندي البواجي داخل المكينة بسبب إني مركب بواجي تجارية ... المهم مايشتغل إلا 2 من البواجي يعني بس 2 سلندر ومشيت عليها ثلاث أيام ولا شكت ...


خل عنك الوسوسه بس
~EmPeRor~
07/03/2011, 10:58 AM
طبيعي جدااا

بالنسبة للتقطيع احتمال تصفية

وامرها بسيط