استفسار:أريدشراء سيارة خليجية وإدخالها للسعودية

[خط الديرة]

السلام عليكم...ياجماعة الخير أريد شراء سيارة مويل 2005 من احددول الخليج ولنقل قطر ....شوالمطلوب مني لكي استطيع ادخالها السعودية وتكون استمارتها سعودية وانا مواطن سعودي ..شو التكاليف اللي حدفعها وإن كان مايسمحو يددخلو 2005 لمرور 5 سنوات شو الطريقة لأقدر ادخلها ؟

[بندر العمري]

الذي اعرفه ان السيارة تدخل السعودية لكن بلوحة قطر

لان الجمارك حدتها ب 5 موديلات فقط

ومسموح لك سيارتين في السنة

وايضا لاتنسى ورقة المقاصة لانه بتريحك في رسوم الجمارك

[سجل تجاري]

شوف يالغالي لو كانت 2006 تقدرتدخلها
بس 2005 مستحيل تدخل وانصحك من الحين لاتتعب نفسك الا اذا كنت تعرف احد يقدر يرسل خطاب استثناء اذا وصل الجمرك يهزهم هز
لكن فيه نظام ثاني اذا كنت تعرف احد في قطر وواصل يطلع لك بطاقة اعمال من قطر وتخليها باسمك ولكن اللوحات قطرية !!!
اذا كانت السيارة موديل 2006 فما فوق اول حاجة تروح للمرور في قطر ( 24 ساعة على مدارالاسبوع ) ويعطونك نموذج تعبيه في المكاتب اللي قدام المرور وتاخذ تامين ب250 ريال قطري وتجمع الاوراق كلها ( المقاصة والتامين والنموذج والتفويض او المبايعة الرسمية عليها ختم رسمي ) والمرور يخلصك خلال نصف ساعة وتكون شايل اللوحات ومركب لوحات تصدير ,,, بعدها تتوجه الى الحدود وتدخل مع قسم التريلات وهم راح يوجهونك على مكاتب التخليص طبعا خلصها انت بنفسك لانها سهله واحتمال ياخذون منك 150 او 200 ريال رسوم ومدري ايش ناسيها بالضبط ,,, وتطلع على الحدود السعودية وتدخل مع التريلات وهناك الجمارك اغلبهم اجاويد كلمهم بالطيب وراح يساعدونك احتمال اذا سيارتك قيمتها 100 الف ياخذون منك 2500 الى 3000 وباقي الدرب هم راح يدلونك عليه لاني ماعرف تفاصيله بالضبط فحص دوري وهيئة المواصفات والمقاييس ,,,,
انصحك نصيحة في قطر حاول تفحص الموتر زين ولا يغريك الشكل والموديل
بالتوفيق

[راعي ذرف]

السلام عليكم
بالنسبة اقل من 2006 مستحيل جمركتها لاني حاولت اني ادخل ومااستطعت
للمعلومية لقطع الشك باليقين حدثت قصة وللاسف وهي
انه في حالة خااااااااصه جدا شخص معاق واتى بسيارة خاصة مصنعة و تتوافق مع اعاقته
وبعد عدة محاولات مع مصلحة الجمارك ووزارة المالية وخطاب رايح وخطاب جاي
وتم الرفض النهائي بعدم السماح بها وجمركتها ، اذا كان هذه حاله خاصة رفضوه؟؟!!!

كلها بسبب الوكالات عندنا والا دول الخليج المفروض ماعليها النظام

يعني مافي امل

[خط الديرة]

مشكور اخوي بندر وسجل تجاري وراعي ذرف....الله المستعن التحديد ب5 مويلات والله قهر واحنا ماعندنا غير احتكار ف احتكار ...وبالنسبه لفحص السياره اخوي سجل والله حتى هنا ماتسلم من اللي يحلفون مافيها شئ وملعوب فيها لعب... ............. طيب المواصفة والمقاييس هذي وين ؟!...وكم تكلف وشو الطلبات ...ممكن نحول ل 2007 ...بس ابي اعرف كل الاجراءات لكي اعمل حسابي من بدري وإجمالي التكلفة

[راعي ذرف]

بالنسبة للمواصفات والمقاييس
النظام الجديد انه مافيه بطاقة جمرك الا بعد المواصفات والمقاييس
اول النظام القديم تاخذ البطاقة من المنفذ الحين لازم تروح للمواصفات بعدين تروح تطلع بطاقة جمرك
طبعا الموصفات والبطاقة تقدر تخلصها من الرياض او الدمام او جدة او القريات عدا المدينة فيها مواصفات فقط
لعلا احد يفيدك وين موقهن بالضبط

ملاحظة / اذا دخلت السيارة وجمركتها يعني فقط بالحد ماخلصت
مواصفات او بطاقة جمرك خلال شهر ومازاد غرامة 500 ريال

والله يدبر الصالح