فورتشنر 2006 نظيف للغاية وممشاه قليل على موديلة.

[فرامل]

.....
...
..
.


السلام عليكم وأسعد الله اوقاتكم بكل خير..


توطئة..
ربّ ارزقني وارزق مني ، فإني لما انزلت إليّ من خير فقير. ربّ أطعمني الحلال وقني شر عيال الحرام..



سيارة للبيع ، لها معي 8شهور
مستخدمها الأول مهندس هندي في دبي فاكها من الوكالة ومن دوامه للبيت ولاطبت البر إلا معي .
النوع : فورتشنر 4سنردل
الموديل : 2006
اللون : فضي
العداد : يوم شريتها ماشية62,000والحين 88,000
الدفع : رباعي 4×4
ناقل الحركة : اوتوماتيك
المكيف : أمامي وخلفي
المحركات والدفرنس والعكوس والمساعدات والاذرعة والعضلات : بحالة الوكالة لا صوت ولا طقطقة ولا أي ملاحظة ولله الحمد..
البودي : بودي وكالته وعلى الشرط إلا ربل الصدامين فقط مرشوشة أما الباقي فـ على الشرط..
الكفرات : شاريلة دانلوب ياباني 4 كفرات
الصيانة: الهندي يصونها الله يعطيه العافية في الفطيمي لين 58,000 كيلو ويشهد لذلك دفتر صيانة الوكالة والاستكرات موجوده ، ومن بعد ما شريتها والله ما طبت الوكالة!!!.
لكن عملت لها تغيير وتشيك لزيت القير والدبل والدفرنس وماء الرديتر.


الميزات : السيارة على موديلها تعتبر مخزنة وماطبت البر مع صحبها الأول أما أنا فذهبت بها للدهنا مرات عديدة ، وأكثر استخدامي لها في الاسفلت. ولما تنظر لباطن السيارة تعرف ان السيارة شبه جديدة وكل قطعة بااستكرها وما انفك فيها مسمار ولله الحمد


العيوب : فيها مخش بسيط لا يرى إلا من قريب في الشنطة وواضح في الصورة.


أخيراً .. السيارة دق سلف وامش ووالله انها تنسفط للرفيق وللمسخدم.. ولولا حاجتي للفلوس ما عرضتها للبيع..


نأتي لمربط الفرس!!!.
السوم: لايوجد سوم وما طبت المعارض
الحد : 61,000


ملاحظة : الذي بيشتري مني لا مانع أن يفحص كل شي في الوكالة أو في أي مركز يثق فيه ، فأنا واثق من موتري بفضل الله.. فممشاه ممشى 2009


عزيزي الشريطي .. عزيزي المستخدم .. صدق الشاعر إذ يقول
ما كلّ فورشنر يعوض بفورشنر *** ولا كل الفورشنرات مملوحة:D


للجادين فقط هذا رقم الجوال 0565504002
أرجو مراعاة أوقات الصلاة في الرياض وحبذا لو كان الاتصال في الثلث الأول من الليل وأطراف النهار!.



الصور


http://www.m5zn.com/uploads/2011/3/5/photo/0305110603175nupupqls.jpg


http://www.m5zn.com/uploads/2011/3/5/photo/030511060320t9t3z8h71t.jpg



http://www.m5zn.com/uploads/2011/3/5/photo/030511060305cjty59dbhr1mipda.jpg



http://www.m5zn.com/uploads/2011/3/5/photo/030511060345krkj04xha4ddo6w7jl.jpg



http://www.m5zn.com/uploads/2011/3/5/photo/030511060357kd3ktypfdbo8.jpg



http://www.m5zn.com/uploads/2011/3/5/photo/030511060316kpipoga.jpg

[صقار خيبر]

اللي عجبني بيت الشعر الاصلي ههههههه
ماشاء الله
ربي يرزقك بالبيعه اللي تسرك

[فرامل]

صقار خيبر.. بيت الشعر متعوب عليه ههههه

الله يجزاك خير على المرور والدعوة الطيبة..


شكرا لك..

[shahen]

السلام عليكم
اخوي الله يبارك فيك
اسوم سومة شراي ب ٥٤ الف

[فرامل]

السلام عليكم
اخوي الله يبارك فيك
اسوم سومة شراي ب ٥٤ الف


وعليكم السلام ورحمة الله..
ويبارك أيضاً فيك يا الشاهين
وسومة طيبة ومن وجهن طيب . ولكن... مهيب اللي في الخاطر.
السيارة نظيفة بمعنى الكلمة على موديلها ، وممشاها تمرين لتويوتا ، وتتعب ما لقيت 2008 بنظافتها وممشاها فضلاً عن2006.. وأنا ما أمدحها علشانها سيارتي والله ، ولكن علشان تكون في الصورة..

والنظيف ياخذ حقه في عرف كل الباعة. وانا اعتبر حدّي معقول نوعا ما بالنظر إلى نظافة السيارة.

[shahen]

السيارة ٤ سرندل تفرق عن ٦ سرندل
اذا عندك سعر غير حدك ارسلي علخاص

[فرامل]

أهلاً بك مجدداً يا اخوي شاهين..

اخوي.. انا عارف ان موتري 4 سرندل ويفرق عن 6 سرندل.. ولكن صدقني سعر 6سرندل يزيد8 الاف تقريباً.. وانا اعرف ان السوق يوجد فيه ارخص من موتري لكن ايضاً يفرق في النظافة. وعلى قولة القائل : تعرف الاصايل من اثمانها!.

اذا انت من سكان الرياض فأدعوك تسيّر عليّ وتشوف الموتر لتعرف الفرق.. وتاخذ لك فنجال وعلوم رجال ونفحة كمبودي ..ولو ما شريت الموتر.. حيّاك.

[فرامل]

للرفع......

[س د ي 100]

الله يرزقك بالبيعة الي بخاطرك
لكن ان جاك الزبون الصامل لا تفرط به

[ابو فيصل 2011]

اخوي كن الصدام الخلفي مرشوش ولا عند عيني

[وجه النهار]

ما شاء الله
الله يرزقك من واسع فضله !!

[fahad3318]

مرحبا اخوي

اول شي الله يوفقك بالبيعه الطيبه

ثاني شي اذا لك بالبدل في باترول باب واحد 2005 نظيف رد هنا

والله يوفقنا وياك للي فيه الخير ..

اخوك فهد

[فرامل]

الله يرزقك بالبيعة الي بخاطرك
لكن ان جاك الزبون الصامل لا تفرط به

الله يجزاك خير..
وكل من أراد البيع يبحث عن الزبون الصامل.. وأصلاً ما يشتري إلا الزبون الصامل !!!.

[فرامل]

اخوي كن الصدام الخلفي مرشوش ولا عند عيني


أهلا ابو فيصل..

لو رجعت للموضوع سترى أنني بينت أن الصدامين مرشوشة ، ورشتها غير واضحة بتاتاً ولكن التصوير قد يوهم لكن الحقيقة خلاف ذلك.

[فرامل]

ما شاء الله
الله يرزقك من واسع فضله !!


الله يجزاك خير اخوي ايوب..
شكراً لمرورك الكريم..

[فرامل]

مرحبا اخوي

اول شي الله يوفقك بالبيعه الطيبه

ثاني شي اذا لك بالبدل في باترول باب واحد 2005 نظيف رد هنا

والله يوفقنا وياك للي فيه الخير ..

اخوك فهد


هلابك اخوي فهد..
والله مالي بالبدل ، أنا ما بعت الا لاني محتاج للنقد..
الله يبارك لك في حلالك..

[فرامل]

للرفع بمناسبة الامطار والخير..
الله يزيد ويبارك...

[فرامل]

للرفع-------->

[فرامل]

السوم وصل 58,000

[فرامل]

للرفع مع التحية

[فرامل]

للرفع.......

[فرامل]

للرفع........

[فرهود1]

الله يرزقك البيعه الطيبه

[فرامل]

الله يرزقك البيعه الطيبه


آمين... جزاك الله خير يا اخ فرهود..