خيمة البر

[Waleed1]

السلام عليكم

السنة هذى ودى أشترى لى خيمة مقاس 4 فى 7 نوع ممتاز، الباكستانيات تعبانة جربت الديلوكس وماخلصت من البر حتى تخلصت منها،، طبعاً القاضى كل سنة وللاسف يطلع لك بطلعة جديدة كلها تجارية والقصد الحصول على أرباح أعلى اللة يسامحة عموماً اللى يخبرلى نوع ممتاز يقولى أنا كلمت شركة الصباح حصلتة يبيع النوع المعروف أللى هى الصباحية 4 فى 7 ب275 دينار نوع واحد فقط ولاكن يبغالى مشوار للكويت

أرجوا الافادة وشكراً

[Waleed1]

وعليكم السلام

أفا واللة ماأحد رد ماهى بهى أرجوا المشاركة

[Waleed1]

السلام عليكم

المتصفحين 117 واللى يرد هو أنا على نفسى، قسمن باللة لو ماتردون لا اعذبكم عذاب الهدهد

[Waleed1]

Salam Alikom,

sorry no Arabic keyboad, any way every body must be busy it's ok I am really just jocking

thanks All.

[عاشق المزون]

هلا اخوي وليد هذي صورة خيمة منفصلها من قريب شفها اذا جازتك كتبت عنها موضوع وترى تركيبها وفكها سهل وعمليه بالحيل اتركم مع الصور :


http://www.mekshat.com/pix/upload/images11/mk12570_1.jpg

++++++++++++

http://www.mekshat.com/pix/upload/images11/mk12570_2.jpg

+++++++++++++

http://www.mekshat.com/pix/upload/images11/mk12570_3.jpg

[ابو شكاع]

عاشق المزون
ادعس وأنا اخوك :)
ماشاء الله
علمنا عن هالخيمة
سعرها
تجربتها
وين تباع
كيفها بالمطر والبرد
حجمها وسعتها وأبعدها

[هاوي البر]

مشاء الله
هذي الخيمة السنعه

[Waleed1]

السلام عليكم

أشكر الاخ عاشق المزون على المشاركة الرائعة وكذلك جميع الاخوان، الخيمة أكثر من رائعة بيبات قلفانايس مع شراع من النوع الممتاز على طريقة الخيمة الامريكة، سهولة الفك والتركيب وخفيفة الوزن

أشكر الجميع نتطلع الى مزيد من المشاركة

[الدهماني]

تكفى تكفى .. تكفى تكفى .. تكفى تكفى .. لا تخليني
علمنا يا عاشق المزون من وين هالخيمة المبروكة وكم سعرها وأقرب نحصل عليها إذا كنا بالكويت

[عاشق المزون]

ابشرو ما عندنا الى حلالكو :)

هذي الخيمة:
1) اول شي تفصيل ما هي جاهزة.
2) نوع الرواق تنزاني درجة 2 علشان الوزن مبطنة من الداخل بقماش عادي مهب عازل بس القماش التنزاني نفسة يعزل حوالي 60 % من البرودة .
3) مواصير الخيمة تفك وتركب مع اربع زواية ولا يوجد عمود في الوسط.
4) مقاس الخيمة 4*4 والابواب حسب الطلب وانا واضع 2 .
5) تقدر ترفع اي جهة تبيها بدون اي مشكلة لانة يوجد سحاب في نهاية كل زاوية.
6) تتكون من 3 قطع رائيسية: كيس للمواصير و كيس للزواية مع المناسيب وكيس القماش كامل.
7) اما عن الامطار راعي المحل يوكد لي عدم دخول الماء لان القماش ضد الماء وكذلك شكل الخيمة مسطح من الجوانب يعني انشاء الله مايحتاج .
8) السعر 2000 ريال اذا تبي مواصير الالمونيوم لانها خفيفة اما الحديد 1800 ريال بس عيبها الثقل والفرق بسيط لان الحديد غويلي هالايام
9) المكان الرياض مخرج 15 من محل دار الفراسة وانت متجه شرق تجيك الاشارة الى عند محلات الهرم الاشارة الى بعدها على اليمين على طول يعني المحل على شارعين واعتقد تقدر تفصلها عند اي محل اما الكويت والله ما اقدر افتي فية :)

ولكم تحياتي

[ملبق غلـــــط]

اخوووي وليد لك رسالة على الخاص الله لا يهييينك

[عاشق عرعر]

بسم الله الرحمن الرحيم شكراً لك أخي الكريم على هذا الموضوع والله يجزاك خير علي المعلومه والصور الجميله اخوك من الكويت عاشق عرعر
:d :d

[المستوي 1]

الصباحية موجوده عند اخر محل على طريق سوق البعير الى الثمامة بالرياض

على ما اعتقد اسمة العتيبي للخيام

واذا تبي ممكن اتكفل لك بتوصيلها لك من الكويت؟

ودمتم

[ابومرتاح]

رح لبيت الفال .........مدخل ......15 او16 يسار ....المهم شارع الخيام.........4*6 ب 1600 ثلاثة غاط والداخلية صفراء ما اعتقد انك تلقا بهالمتانة ونفس السعر .......انا استخدمتهن العام مع خيام القاضي ....القاضي تخر وذي ما شالله عدك قاعد بالبيت ..................جرب وما راح تندم.

[Waleed1]

السلام عليكم

أشكر جميع الاخوان على المشاركة الطيبة، الاخ المستوى سوف أبحث عن محل العتيبى

الاخ أبو مرتاح وين مكان بيت الفال اللة يحفظك أنا ساكن فى الشرقية، عندى خيمة القاضى القديم لايعلى عليها والباكستانيات 1100 ريال ولا بقرش وعلى قولتك القاضى السنة هذى جاب العيد خيمة خليجية وذهبية وماأدرى وشو عموماً ولك جزيل الشكر

[كبريت]

شكرا وجزاك الله خير

بس سوال يالمزون

كيف حجمها اذا تسفطت يعني تنشال فوق الجيب ولا لا وشكرا لك وماتقصر

[عاشق المزون]

هلا وسهلا بالجميع نعم تقدر تشيلها في الاكسنت بعد (يعني صغيرة)

[كبريت]

مشكور وما تقصر

[Waleed1]

السلام عليكم

أشكر جميع الاخوان على المشاركة وبعد اللى يخبر مكان يبيع خيام ممتازة وبسعر معقول أن لايبخل علينا ويزودنا بمعلومات عنة طبعاً خيام القاضى المصنعة فى المملكة غالية بالحيل وتصل الى 4000 ريال، والصباحية 275 يعنى 3400 تقريباً وشكراً

[مكشاتي99]

خيمه طيبه بالحيل بالحيل

[الرواف]

اقسم بالله من اروع ما شفت من خيام يعطيك ربي الف عافية


الرواف

[مجنون تميم]

مشكور اخوي عاشق المزون على التوضيح

[ALHAWY1]

اخي عاشق المزون ادري ان الموضوع قديم لكن الخيمه جميله جدا والله يباركلك فيها لكن بعد كل هالوقت من تجربتك للخيمه ما شفت فيها عيوب بعدين اذا ما عليك امرتشرحلي عن الزوايا والمناسيب والعارضه التي في السقف وشلون تركيبهن وكم ارتفاع الاعمده وهل كلهن بنفس الارتفاع لاني بصراحه ودي بخيمه مثلها لكن مشوار الرياض بعيد علي واذا وضحت الامور لي احاول افصلها في الكويت
اتمني الرد بسرعه ويا ليت بالصور مع جزيل الشكر