مشكلة بعد توضيب المكينة

[JJJJJ]

السلام عليكم

انا عندي سيارة وضبتها ثم مرنتها ومشيت بين سرعة 80 الى 100 لمدة 1000 كيلو وبعدها مشيت عليها عادي ثم طلع صوت طقطقة خفيفة ثم وديتها الورشة , وراح جابلي زيت ستوب يبي يحطه في المكينة انا منعته وقلت الحين المكينة موضبة وتحط هذا الزيت بعدين قال يمكن مشكلة من المخرطة لازم نفك المكينة وطيب ليه جاب زيت ستوب , اللي اعرفه زيت ستوب هذا يحطونه للمكينة اللي تنقص وانا موضب المكينة من الى ؟؟؟؟ لايكون جاب العيد ويبي يغطيه بزيت ستوب ؟؟؟
انا اخاف المكينة انعدمت وخسرت كل شي والقطع شاريه من الوكالة اصلية
الحين السيارة عنده وبروحله بكرة
وش تفسيركم ؟؟

[ّّّّالخويّّّّ]

راجع ميزانيت البلوف

[عضو منتهي]

عادي جدا بعد التوضيب بـ باسبوع او او اكثر يطلع صوت البلوف

ترجعها لها ويصلحها لك ويكون طبيعي

[talol]

بعد التوضيب تقريبا لازم يوزن البلوف

وهذا غريبة جاب ستوب خاصة ان الستوب ثقيل ويحطوه لمكينة الى تنقص زيت

اخوي اذا وزن لك البلون نصيحة امشي بالسيارة مسافات وحاول تشييك على الزيت اذا فية نقص ارجع لة وقول لة توضيبك مو مزبوط

[سلكي نت]

اخوي هذا كيف ميكانيكي ويبي يحط ستوب
هذا شغله عليه الف استفهام
خل عينك عليه وخذ منه فاتورة واجمع فواتير قطع الغيار استعدادا لما هو اسوء
قد يكون استبدل قطع الغيار الاصليه بقطع غير اصليه
كذا استوب من اولها ؟؟؟ صراحة يخوف
والله يوفقك

[~EmPeRor~]

اخاف يكون سبيكة او بستم

العامل يتحمل المشكلة < واشكة على شيخ الصناعيه

[JJJJJ]

بيض الله وجيهكم
اليوم رحتله وطلع واحد من البساتم مسود ومحتك من جنب واحد مع اني شاريه من الوكالة اصلي !!!!!والمخرطة يبي يحطلي واحد مستعمل ؟؟؟!! وتهاوشت معاه وقلته بجيب بستم جديد وانت اللي تدفع قيمته
طبعارحت الوكالة وسويت طلبية تجي بكرة ان شاء الله وهو اللي بيدفع قيمتها

وشيكت على البلوك السلندر والراس والاشياء الثانية كلها الحمدلله سليمة بس اللي شاغلني اش معنى بستم واحد والباقي سليم ؟؟؟ وهل البستم يطلع الصوت هذا ؟؟ انا كنت متوقع ذراع البستم بحكم الطقطقة بس طلع سليم ؟
الحين ابي اعرف السبب و من المسئول عشان مااظلم الرجال هل هو الميكانكي او المخرطة او طريقة التمرين او نوع الزيت او القطعة نفسها مع انها من الوكالة ؟؟؟؟؟
انا صراحة طريقة تمريني فيها مشيت فيها بسرعة 60 كيلو اول 300 كيلو ثم بسرعة 80-100 كيلو حتى 600 كيلو بعدين مشيت بسرعة 120 حتى 1000 بعد 1000 كيلو تعديت 120 صرت امشي عادي وشديت عليها

[ال عطاوي]

سلام عليكم بعد 1000 كيلو اذا كانت البلوف لها وزن لازم توزن
واذا كانت توزن نفسها اوتمتك تأكد من التكايات
وانصحك تشوف ميكانيكي ثاني بس اساله سؤال
والله ييسرلك امورك
ودي واحترامي

[صاروخ الغطغط]

المكينه يوم وضبتها كم خرطتها يمكن ماوافقت الخرطه بس رجعها علاه وخله يفكها وشف الخطا من المكينيكي او من المخرطه ويتحملونها