وش طايرٍ عنه المطيّه توقا ( جديد ) .... حله (الجمس والهيل) ... الحل (العاصفه الرمليه)

[ابو ماجد 2]

بسم الله الرحمن الرحيم

السلام عليكم ورحمة الله وبركاته

بعض العرب في رمعة اللغز يشقى =بعض العرب بالقلب سهمه نفوذي
وش طايرٍ عنه المطيّه توقّى=اليانطحها صعب عنَّه تلوذي
وسط الصحاري ياهل العرف يلقى=الياضرب بالوجه موذي وموذي


مع تحيات اخوكم ابو ماجد

منتديات مكشات 0 خيمة الالغاز

[الجمس]

صح اللسانك ابو ماجد على هاللغز
وش رايك بالبرديه او العاصفه الرمليه

[ابو اسامه 2]

وعليكم السلام ورحمة الله وبركاته

صح لسانك ملايييين يا زعيمنا الغالي

وصبح الله بالنور والسرور

وش رايك في

الرماح او السهام



يدعون عنتر و الرماح كأنها
أشطان بئرٍ في لبان الأدهم
ما زلت أرميهم بثغرة نحره
و لبانه حتى تسربل بالدم
فازور من وقع القنا بلبانه
و شكا إلي بعبرةٍ و تحمحم
لو كان يدري ما المحاورة اشتكى
و لكان لو علم الكلام مكلمي
و لقد شفى نفسي و أبرأ سقمها
قبل الفوارس ويك عنتر أقدم
وَالخَيلُ تَقتَحِمُ الخَبارَ عَوابِساً
مِن بَينِ شَيظَمَةٍ وَآخَرَ شَيظَمِ
ذُلُلٌ رِكابي حَيثُ شِئتُ مُشايِعي
لُبّي وَأَحفِزُهُ بِأَمرٍ مُبرَمِ
وَلَقَد خَشيتُ بِأَن أَموتَ وَلَم تَدُر
لِلحَربِ دائِرَةٌ عَلى اِبنَي ضَمضَمِ
الشاتِمَي عِرضي وَلَم أَشتِمهُما
وَالناذِرَينِ إِذا لَم اَلقَهُما دَمي
إِن يَفعَلا فَلَقَد تَرَكتُ أَباهُما
جَزَرَ السِباعِ وَكُلِّ نَسرٍ قَشعَمِ



تحياتي لك

[راع الحزم]

صح لسانك يالغالي
والله يابو ماجد انا اذا قريت الغازك لازم اقلبها على كل اتجاه
لاني اعرفك ماتطرح اللغز على المكشوف
وهذا اللغز من اول نظرة يتبادر للذهن انه واضح كالجراد مثلا اذا وصل ديرة الوجه
ولكن اعتقد ان المعنى اعمق من كذا

[جرير]

هلا ابو ماجد يسعد اوقاتك

مثل ماقال راع الحزم
الغازك دايم محبوكة ما تصلح للي يجي مدرعم مثلي طب على قولة محاكيك
ومن رافق العالم تعلم علومه ..واللي يخاوي طيب ن يكتسب طيب
نبي نرمع مع الربع
وهي ابعد من ضلع الشيخ
نقول السموم والرمضا
او الحسك
او العين
..............................
وسلامتك

[هيل]

بسم الله الرحمن الرحيم



السلام عليكم ورحمة الله وبركاته


بعض العرب في رمعة اللغز يشقى =بعض العرب بالقلب سهمه نفوذي


وش طايرٍ عنه المطيّه توقّى=اليانطحها صعب عنَّه تلوذي
وسط الصحاري ياهل العرف يلقى=الياضرب بالوجه موذي وموذي




مع تحيات اخوكم ابو ماجد


منتديات مكشات 0 خيمة الالغاز

هلا بزعيمنا وش رايك ياالاعصار بالعاصفه الرمليه
وتاثيره على السيارات والاوادم
تحياتي

[الاربع وعشرين]

السلام عليكم*وش قولك بالكفرات المنفجرة بالسريع وقطعها

[فهد الهلالي]

هلا بزعيمنا وش رايك ياالاعصار بالعاصفه الرمليه
وتاثيره على السيارات والاوادم
تحياتي
[/CENTER]

صح السانك يابو ماجد
والله يمسيك بالخير
تراي شريك برمعة الهيل
تحياتي

[شقاوي الديرة]

صح لسانك أبو ماجد
هاللغز ذكرني بموضوع لأحد الأخوان في خيمة الصحة والسلامة
عن حشرة إسمها ( الحرفان) ترش بيضها أو يرقاتها داخل العين للحيوانات ويمكن تؤذي الإنسان
أو تكون حشرة النعرة وهي حشرة تلسع الخيل والحمير أكرمكم الله

[ابو فيصل 3]

صح لسانك يا فارسنا

طرحك يا أبو ماجد للغز سلس وممتع ولا هو نقص بالزملاء

الله يعطيك العافيه

وش رايك بالرمعتين

الريح بالشتاء أو طائر الدبور

[ااب]

السلام عليكم ورحمة الله وبركاته
سفا الصمعاء

[الوادي 999]

رايك بالطير الذي يصيب الحيوانات وهو مرض يعرف بالطير ويصيبها في راسها

[صبار العنزي]

بسم الله الرحمن الرحيم



السلام عليكم ورحمة الله وبركاته


بعض العرب في رمعة اللغز يشقى =بعض العرب بالقلب سهمه نفوذي


وش طايرٍ عنه المطيّه توقّى=اليانطحها صعب عنَّه تلوذي
وسط الصحاري ياهل العرف يلقى=الياضرب بالوجه موذي وموذي




مع تحيات اخوكم ابو ماجد


منتديات مكشات 0 خيمة الالغاز








صح السانك يا ابوماجد



انا مع الي يقول انعره

[ابو ماجد 2]

صحت ابدانكم جميعا والمعذره لم اتمكن من الرد الا هاللحظه والسبب مشاكل في الاتصال
الحل
العاصفة الرمليه وتأثيره على السيارات
واتى به الجمس ولكن بشكل دقيق وتفصيل اتى به الهيل
بيض الله وجهك يالجمس ويالهيل