بشتري سياره وبحاجه لاستشاره

[الكمبيوتر]

شباب انا متزوج وعندي ولد المهم سياراتي امريكيه واخرها فورد وكابرس

المشكله جماعتي وخصوصا زوجتي ام العيال من يفكني منها عشان اهلها
يقولون ليش زوجك ما اشترى سياره راتبكم زين وحالتكم ماعليها

وكل جماعتي معهم سيارات جيوب من لاند كروزر الي لكزس الى بي ام دبليو

وحبيت اشتري ونويت اخذ بالتقسيط

المهم جيب GXR سعره بحدود (196,000) ريال باستبنتين
و (192) الف رال باستبنه وحده

VXR سعره بحدود (266,000) ريال

والكزس بحدود (366) الف ريال

ايهم افضل بالجيوب مراتب جلد يعني السعر والمواصفات

وش رايكم التقسيط المنتهي بالتمليك بياخذ مقد بحدود 35 الف ريال ومؤخر بحدود ال 70 وتقسيط شهري لاربع سنوات من خمسه الالف ريال

الافضل اخذ من البنك واشتري

جلست افكر طيب جيب الانفنتي او طوارق ايهم افضل بالنسبه لي وبالنسبه للسعر

ارجوا افادتي ومحتاج اسمع منكم من وجهة نظرك

انا شاري شاري ولازم اخر موديل صعبه اقل من كذا بعد الصبر افطر بصل

تقبلوا تحياتي اسمع منكم

[ابو سلو]

انصحك بفكسار او لكزس كاااااااش

[شبل داورد 1]

حياك الله اخي العزيز
أنا والله مالي خبره في الجويب الجديده

بس انحش عن الاجار المنتهي بتمليك يرزقك الله
وذا متقدر قيمته دراهم لاتخذه اقساط
نصيحة محب في الله

[الرايه]

باترول 2011 سيد الجيوب الحاليه
لامن الشكل ولامن القوه
وانحش من الايجار

[الشلفا]

قهر تاخذ موتر فوق 200 ألف وتقسيط

لأنك بعد سنتين بتندم ,, مادام عندك عيال وبيت فكر بأهم من السيارة

ونصيحتي لك إذا راتبك 10000 آلاف أو حولها تا خذ قرض من بنك البلاد لمدة سنة بفائدة 3 % وخالي من الربا مو مثل التأجير ربا صريح

وتكمل عليه بقيمة سيارتك ومنا ومنا وخذ موديل 2004 أو 2005 نظيف

وبعد سنتين بالكثير يكون راتبك حر وتقدر تفكر بمشاريع أهم من السيارة ولا تهمك المظاهر

والسيارة راح تبيعها لو حبيت بخسارة لا تؤلمك مثل الجديد

وأسأل الله لك التوفيق

[النادر360]

السلام عليكم
تعجبني صراحتك يالغالي
واحييك على عليها
ولكن اللي استغربته منك
كيف تفكر بما يملكونه اآخرون
وتنسى نفسك
لاتلقوا بايديكم الى التهلكة
انت مو مجبور على الدين والتقيسط المنتهي بالتمليك
ولاتنسى كيفية الحسبة وخلوها من الربا

اخي في الله
كلنا نتمنا ان نركب احدث السيارات ولكن
لله في خلقه شؤون
منت مجبور تغرق نفسك بالدين علشان تساوي نفسك بفلان وعلان
اترك عن محدثات المتعة في الحياة
واتجه الى الاهم فـ الاهم

محبتي لك

[العارض 511]

دامك شاري شاري على قولتك انحش عن ايجار التمليك واجمع لك ثمانين الف واخذ جي اكس ار من موديل 2004وفوق احسن من ميتين الف قيمه ارض في جده على شارع تجاري وتقبل تحياتي

[الكمبيوتر]

ياشباب الله يعطيكم على قد نياتكم

ابو سلو : والله صعبه لكن ال جي احسن وارخص ب 50 الف ودي قلبي متقطع لكن صعبه

ابو مصعب 2: عزالله صدقت وانا معك خلاص توبه

الرايه : والله الباترول مادخل راسي مدري ليه وماشوف احد يمدحه مدري عشان البيع او قطع الغيار او عزمه

الشلفا : والله عارف انه قهر بس نشبت يعني اجلس طول عمري لاسياره ولا تجاره

النادر360 : ووربي انك صادق لكن اخوك مجبر لا بطل


وكاني بميل ل جي في اكس لكن ماشوف فيها ار ماهي مثل القديمه

[عريدان]

والله أنا لا اود ولا أحب أن الشخص يضع مبلغ يقارب 366000 في سياره وأيضا ستدخل في تقسيط لمدة طويــــــــــــــــــــــــــــــــــــله .. فالسياره ليست سلعه إستراتيجيه ولاني أعتقد أنك ستجد بديل لها بنصف السعر أو الثلث والجلد متوفر في جميع الشركات .. وخذ عندك الفورد من 130000 -170000 ثم ألى التاهو من 130000 أيضاً إلى 180000
من 130000 أيضاً إلى180000 JEEP Grand Cheroky ثم إلى الباترول والطوارق والأودي والبي أم والرنج روفر والهامر و الرانجلر والقائمه طويله و هذا غير الفورتشنر والباثفايندر والميتسوبيشي الجديد .. والخيار لك بعدة سيارات والاسعار ضعها بحدود 150000 كحد أعلى؟ّ

[ولد وايل 2010]

إقتراحي إذا أنت كااااش ماشاء الله وتملك بيت ومتمتع فيه أنت وعيالك طق الجيب الجديد وكاش يامال الغنيمة واستمتع بدنياك فيما يرضي الله ، وكما جاء فيما معنى حديث أربع من السعادة وذكر منهن المركب الهنئي ، أما إذا كنت غير كاااش ماعليك من جماعتك وربعك ولا غيرهم لأنهم ماراح ينكوون بنار الاقساط ، وآسف على الإطالة . تقبل مروري أخوك @ ولد وايل 2010 @

[مخايل البراق]

اخوي الكمبيوتر
قبل كل شئ صلي ركعتين استخارة
وبيسر الله امرك
ونصيحتي وانا اخوك جبلك من الخليج جيب مستعمل ونضيف
ووفر على نفسك قيمة الجديد
اتمنى لك التوفيق

[الكمبيوتر]

والله كفيتو ووفيتو

بس من يفكني من ام العيال عشان اهلها

ولا انا ودي بتجاره صغيره بس ترا مافيه كاش راتبي فوق ال 10 الف ريال لكن مافيها بركه

حتى اني اول ما استلمها اقرى عليها بس تروح مثل الملح بالماء لاتسالني وين تروح كهرب ومقاضي بيت وفواتير وبنزين ويله الباقي مدري يروح


الحين جالس افكر وافكر ؟؟؟؟؟؟؟؟؟؟؟ وماطلعت بنتيجه

[راكان 11]

والله كفيتو ووفيتو

بس من يفكني من ام العيال عشان اهلها

ولا انا ودي بتجاره صغيره بس ترا مافيه كاش راتبي فوق ال 10 الف ريال لكن مافيها بركه

حتى اني اول ما استلمها اقرى عليها بس تروح مثل الملح بالماء لاتسالني وين تروح كهرب ومقاضي بيت وفواتير وبنزين ويله الباقي مدري يروح


الحين جالس افكر وافكر ؟؟؟؟؟؟؟؟؟؟؟ وماطلعت بنتيجه



اللي يفكك من ام العيال :
خلها تعطيك قيمة جيب جديد واشتره لها
وان ما اعطتك خلك على سيارتك الاوله
الزم ماعليك إطعامهم وإسكانهم
واللي ما تقدر عليه ما انت ملزوم به

[ابو عود]

اخوي الغالي حاول بقدر الاستطاعه انك تفتك من التقسيط

والجيوب كلها تؤدي نفس الغرض اللي ب300 الف واللي ب30 الف
ومد رجليك على قد لحافك

وافتك من نظرة الناس اللي لا تسمن ولا تغني من جوع
وتاكد انك اذا بديت في التقسيط صعب انك تفتك منه

والله يعينك ويغنينا ويغنيك

[لهذام]

نصيحه لوجه الله :

حنا ما اهلكنا الا المظاهر ، من بينفعك اذا تحملت الدين ، من بيشيل همك من ربعك ؟؟
بعدين راتبك طيب ماشاءلله الله يبارك لك ، جمع فتره بسيطه وخذ سياره جديده بمبلغ طيب لا بأس به ، ابرك من المهايط والفشخره بسيارة غاليه وبدين ..! أرجوا ان تحكم عقلك اخي الكريم وانا أؤيد كلام الاخوه النادر وراكان
استخير ولاتشوف غيرك فظروف الناس تختلف والمظاهر (هم) وغم وتجرك الى الخيلاء وأمور سيئه تورث القلب سقم وهم وغم.
ما تكلمت الا نصيحة لك واحب لك الخير والله يوفقك للخير.

[wrs3975]

الشباب اللي قبلي ماقصروا وأسأل الله لك التوفيق في جميع أمورك

[سريع الندم]

اعرس وخذ الثانيه وبينسون موضوع السياره

(:

[قناص عفيف]

وانت وش حادك تحمل نفسك مالى طاقتك اذا ام العيال تبيك على وضعك اهلا وسهلا اذا ماتبيك طق الثانيه وفورد وريح راسك من الحريم لو بطاوعها يــــــــــــــــــــــــــاويلك

[عيون جهجاه]

تبي النصيحة

خذ اللي على قد دراهمك وعيش مبسوط

وخل كلام الناس وراك لانهم مهوب شايلين هم الاقساط وغيره

نصيحة مجرب ..

((القناعة كنز لايفنى ))

[لهذام]

ههههههه قناص جميله عبارة (طق الثانيه وفورد) عرض مغري
الله يكتب لك الخير يالكمبيوتر ( عذرا على الرد مره اخرى ).

[سندهم]

هههههههههههههههههههههه

زي ماقالوا الأخوان قل ماعندي فلوس داهمي بتروح مهر للزوجة الثانية

أن ماقالوا مانبي جيوب ( بحق )

[غاوي قهاوي]

انحش عن التقسيط
ولا تشري فوق استطاعتك ترااولها واخرها سياره
بعدين انت توك لو انك باني بيت يمكن صح بس بدون تقسيط تشتري كاش
انا اشور عليك انك تدورلك على فتك نظيف تراه حلو
وكانك معزم على الجديد ترا البترول 2011 لايعلا عليه ولا بعد انتشر

واعيد واكرر تراها سياره ((لاتدفع فوق استطاعتك وتتعب عمرك عشان كلام الناس لانك اذا شريتها ورجعت
للبيت بتقول انا الحين دعت كل الي عندي كل تعبي وشقاي وفي النهايه وش بتستغيد))
تحياتي

[الروقي 511]

اعرس وخذ الثانيه وبينسون موضوع السياره

(:

القرار الصحيح اشغلهم قبل لا يشغلونك

[ابوسفرجل]

عندي لك اقتراح حلو مره ....
اذا عندك مناسبه ومعزوم انت وام العيال الله يخليها لك ،،، استأجر سيارة فخمه (بي ام ) (لكزس ) (طوارق ) (مرسدس) الخ .....واحضر العزيمه وكل مناسبه سيارة وشخص عليهم وكأن عندك اكثر من سيارة ...

[hadee]

والله أنا لا اود ولا أحب أن الشخص يضع مبلغ يقارب 366000 في سياره وأيضا ستدخل في تقسيط لمدة طويــــــــــــــــــــــــــــــــــــله .. فالسياره ليست سلعه إستراتيجيه ولاني أعتقد أنك ستجد بديل لها بنصف السعر أو الثلث والجلد متوفر في جميع الشركات .. وخذ عندك الفورد من 130000 -170000 ثم ألى التاهو من 130000 أيضاً إلى 180000
من 130000 أيضاً إلى180000 JEEP Grand Cheroky ثم إلى الباترول والطوارق والأودي والبي أم والرنج روفر والهامر و الرانجلر والقائمه طويله و هذا غير الفورتشنر والباثفايندر والميتسوبيشي الجديد .. والخيار لك بعدة سيارات والاسعار ضعها بحدود 150000 كحد أعلى؟ّ
أنا مع أخي عريدان وبقوة

[الهمه العاليه]

اللي يفكك من ام العيال :

خلها تعطيك قيمة جيب جديد واشتره لها
وان ما اعطتك خلك على سيارتك الاوله
الزم ماعليك إطعامهم وإسكانهم
واللي ما تقدر عليه ما انت ملزوم به


هذا الكلام السليم
بس الخوف ان البلا منك :D
عموما انا ماانصحك بالاقساط
وزير التجاره الله يحفظه قال عليكم بالبدائل
مثال :
بدل ماتركب لكزس اركب كرسيدا مافيها شي ياخوي ههه

اذا تبي جيب خذ لك برادو سته سلندر لؤلؤي قيمته تقريبا 140.000 قيمته مناسبه نوعا ما
الله يوفقنا وياك لكل خير

[نديم الشمال]

اللي يفكك من ام العيال :

خلها تعطيك قيمة جيب جديد واشتره لها
وان ما اعطتك خلك على سيارتك الاوله
الزم ماعليك إطعامهم وإسكانهم
واللي ما تقدر عليه ما انت ملزوم به





:D سنايدي يا شيخ


والله انك شنب

[نديم الشمال]

اعرس وخذ الثانيه وبينسون موضوع السياره

(:


:good: جبتها

[الكمبيوتر]

الظاهر السياره فيني فيني

طيب الباترول او اودي تقريبا كم سعرها

[.أبوعبدالرحمن]

شوري عليك خذ لك اسهم من الراجحي وبعها على طول ( قرض ) هذا على مفهوم الناس

واشتر لك في اكس ار 2007 والا إن بغيت الشكل الجديد 2008 وريح مخك أقل فائدة وجائز شرعا

ومن السيارات المقترحة لك وأفضل لك من حيث قيمتها معقولة وعملية وشكلها ممتاز جدا ( اللاندكروز - اليوكن - التاهو - الاكسبدشن - جيب لكزس GX460 )

وإن بغيت أخدمك ببنك الراجحي سواءا التأجير والا التقسيط والا قرض راسلني على الخاص وإن شاء الله أخدمك وأخدم شرواك مع العلم أني لا أعمل بالبنك ولكن لي معارف وفي خدمة الطيبين شرواك

[د.كشته]

نصيحتي لك اجمع ماتريد دفعه اقساط في حساب ماله بطاقه وبعد خمس سنين تبي تشوف كم صار معك واترك عنك السيارة الاقساط ولا تكن إمعة

[alsari_8]

يالغالي انا اصحك بــ gx 2007 ياباني او 2006

لو تدور بالقصيم تلاقي الزين ومظهره كويس وجوده تلاقي النظيف 100 او 120

وخل باقي دراهمك

[ابن الفيحاء]

أخي الكريم... اذا كنت مصمم جدآ على شراء سيارة......1- شراء سيارة فورد(فكتوريا) جديدة خاصة ان العائلة قليلة وسعر السيارة حلو جدآ.2- اذا كنت تريد سيارة دبل فخذ برادو ستة سلندر قير تماتيك لؤلؤي3- اذا كنت تبحث عن المريح خذ تاهو ltدبل3- اياك ان تاخذ ايجار فهو تلف حقيقي ولكن شف كم عندك مع قيمة السيارة وخذ الباقي تقسيط 4- الاستخارة000 الاستخارة0 وايك ان تاخذ سيارة باهضة الثمن لانك بعد ذلك سوف تتعب ماديا0وفقك الله لكل خير