الدربيل العجيب 5×1

[ابو عبدالله24]

السلام عليكم ورحمة الله وبركاته


هذا الدربيل جديد مو مستعمل والله بس انا جربته ابشوف هو يشتغل ولا لا عشان الذمه
لأن كان عندي واحد غيره ومااشتغل ورجعته والله يشهد على كلامي
وهذي مواصفاته وواضح كل شي


دربيل + كاميرا تصوير + usb + كاميرا فيديو+ كاميرا ويب
يعطي مسافة بعيده ويلتقط ما يمكن رؤيته في الدربيل


الملحقات
-الدربيل المدمج بالكاميرا بدقة 2.1 ميجا بكسل.
2- شنطة للدربيل (حافظه).
3- وصلة الUSB للكمبيوتر.
4- منظف للعدسات .
5- سيدي للتحميل على الكمبيوتر .
6- مدى البعد / كيلو تقريبا
7- كاميرا ويب .


أرجو الجدية يااخوان
وأي خدمة انا موجود
السعر 500


الرزق على الله


http://www.almlf.com/get-3-2011-almlf_com_wimw6x93.jpg

[الدوادمي11]

السلام عليكم اخي الكريم ارسل رقم جوالك تراي صامل

[خيال 511]

مرحبا اخوي ارسلي رقم جوالك

[أميرالعشاق]

أخي الكريم أبوعبدالله...ياليت تفيدنا بأي مدينة ورقم جوالك...والله يرزقك الزبون الصامل...
وعندي استفسار/إذا ما كتب الله لي نصيب اشتريه منك مباشرة اتمنى تفيدني ولو عالخاص عن مكان شراء مثل هذا الدربيل؟؟؟؟وشكراً

[طربيد]

هل يوجد عندك كمية او بس واحد وهل السعر حد

[أبو لافي00]

اخوي وش اسم الدربيل ؟؟؟؟

[شرابث]

أبو عبدالله .. موقعك يالغالي .. وهل هو جديد

[وجه الشمال]

الله يوفقك ويرزقك يستاهل على كل هالموصفات

[أميرالعشاق]

إخواني/أنا انتظرت رد من اخونا ابوعبد الله ولا رد....قلت باسوي بحث عن الدربيل وكتبت اسم الدربيل/

Vivitar MagnaCam










المهم حصلت قيمته في امازون حوالي 30$ مع الشحن!!! يعني 112ريال ونصف !!!
بس قلت أمازون لازم افتح حساب وشغلته معقدة لأنه مايرسل للمملكة أدوات صيد الا عن طريق فتح صندوق بريد في امريكا وقدسبق شرح الطريقة في مكشات..
المهم دورت في موقع سعودي إسمه سوق المعروف ..والنتيجة//

انتبهوا يا اخوان!!!
سعر الجديد450 +سعرالتوصيل حسب المنطقة من 10 الى 25 ريال !!!!
والدليل /

http://www.mekshat.com/pix/upload05/images206/mk26935_sss.jpg




والأخ ابوعبدالله الجديد على المنتدى(توه مسجل وهذي اول مشاركة!!) يبي يلعب على خلق الله..نقل الموضوع من موقع سوق كما هو وزاد السعر من راسه .. والمصيبة أن حتى اللي شروا الدربيل من الموقع ونزلوا البرنامج من السي دي ما اشتغلت معهم الكاميرا ...
هذي نصيحة يا اخوان

والله العظيم أنا لا أعرف أبو عبد الله هذا من قريب ولا من بعيد وليس لي مصلحة في موقع سوق ..ولكن من باب الأمانة حبيت أحذركم لأني أعجبت بفكرة الدربيل وتعبت وأنا أبحث عن مواقع تفيدني ...وهذا اللي وجدته وطرحته بين ايدي اخواني لوجه الله لا غير..والله من وراء القصد..

[ابو عبدالله24]

أول آسف على التأخير
ثاني شي يااخوان موقعي القصيم
وبالنسبة يااخوي أمير العشاق مااقول غير الله يسامحك
وانا والله ماسجلت بالمنتدى الى اني مره شفت موضوع فيه ناس تبيه
وبالنسبة للسعر أنا رجال اترزق الله ومااجبرت أحد الى غصب يشتري والرزق على الله
واذا انا كذبت بكلمه الله لايوفقني وجعل رسالتي ماتوصل لكم
والدربيل موجود عندي وانا جربته للأمانه عشان مايصير فيه غش
وماودي انك تحكم على الشخص على طول
حسبي الله ونعم الوكيل

[ابو عبدالله24]

هذا رقم جوالي
0540786001

[سعوَد آلبقميّ]

ابو عبدالله..ليش تبيع السلع اكثر من قيمتها مايصير

[تأبط خيراً]

يا أخوان حلمكم على الرجال
أنا والله ما شوف في كلامه غلط الجهاز حسب كلام الأخوان يكلف 475 ريال تقريباً مع الشحن
والرجال يبغى يبيعة ب 500 ريال يعني مكسبه 25 ريال وما أعتقد إن 25 ريال مكسب فاحش علشان تحذرون منه ولا تنسى إن الرجال ما راح يرسل لك الطلبية إلا بعد ما يتأكد إنها تشتغل(لأن بعضها ما يشتغل وهو راح يتحمل التجربة وإعادة السلعة للمحل إذا ما إشتغل) يعني راح يفكك من غثا إشتغل ؟ ما اشتغل؟ ولا يرسل لك إلا واحد مجرب ومشتغل؟؟؟؟ والله العظيم لا أعرف أبو عبدالله هذا ولا يعرفني لكن كلمة حق و أشوف إنكم قسيتم على الرجال أكثر من اللازم ويا خوي اللي ما يبغى يشترى من الرجال هو حر لا يشترى بس ماهو معقول نطلب من الرجال يبيع بسعر التكلفة ---- اتمنى تكون الرسالة وصلت وما يصير فيها تأويلات ثانية

[ابو محمد 888]

يا أخوان حلمكم على الرجال
أنا والله ما شوف في كلامه غلط الجهاز حسب كلام الأخوان يكلف 475 ريال تقريباً مع الشحن
والرجال يبغى يبيعة ب 500 ريال يعني مكسبه 25 ريال وما أعتقد إن 25 ريال مكسب فاحش علشان تحذرون منه ولا تنسى إن الرجال ما راح يرسل لك الطلبية إلا بعد ما يتأكد إنها تشتغل(لأن بعضها ما يشتغل وهو راح يتحمل التجربة وإعادة السلعة للمحل إذا ما إشتغل) يعني راح يفكك من غثا إشتغل ؟ ما اشتغل؟ ولا يرسل لك إلا واحد مجرب ومشتغل؟؟؟؟ والله العظيم لا أعرف أبو عبدالله هذا ولا يعرفني لكن كلمة حق و أشوف إنكم قسيتم على الرجال أكثر من اللازم ويا خوي اللي ما يبغى يشترى من الرجال هو حر لا يشترى بس ماهو معقول نطلب من الرجال يبيع بسعر التكلفة ---- اتمنى تكون الرسالة وصلت وما يصير فيها تأويلات ثانية

كلام سليم 100% والله يجزاك خير قلت كلمة حق طارو في ابن الحلال تقول حاده ب 1000 ريال
ترى ماطلب الا مكسب 25 ريال مقابل فحصه وشتراط شغله
شنو صناعته ؟
اذا صناعته كويسه وجوده ابي واحد ولا عليك امر

[ابو عبدالله24]

ياخواني يعلم الله اني ماقلت كلمه كذب يشهد الله علي وانا انسان اترزق الله مثل ماذكرت يعني قهر اني اشتري سلعه ومااتكسب فيها لو 10 ريال على الاقل هذا رزقي
والسلعه انا فحصته تشتغل والله حتى كان عندي واحد بعد ومااشتغلت شاشته ورجعته يعني تأكد اني ماراح ابيع لك شي خربان
ولاتحسسوني اني مسوي شي غلط أفا عليكم بس
وبالنسبة لأخوي ابو محمد 888 أتأكد لك وارد عليك ابشر ماطلبت شي

[ابو عبدالله24]

تأبط خيرا
جزاك الله خير على كلامك وهذا مايجي الى من رجال شرواك يالغالي
يسعدك ربي يااخوي

[ابو عبدالله24]

صناعه الدربيل تايواني

[هوايتي مكشات]

الله يرزقك ياخوي ابو عبد الله
لكن يامير العشاق انت تكلم بلسان اشخاص ماشكو من الدربيل وانت تقول

المصيبة أن حتى اللي شروا الدربيل من الموقع ونزلوا البرنامج من السي دي ما اشتغلت معهم الكاميرا ...

طيب وينهم اللي شرو الدربيل.....

[الجريح2009]

يا أخوان حلمكم على الرجال
أنا والله ما شوف في كلامه غلط الجهاز حسب كلام الأخوان يكلف 475 ريال تقريباً مع الشحن
والرجال يبغى يبيعة ب 500 ريال يعني مكسبه 25 ريال وما أعتقد إن 25 ريال مكسب فاحش علشان تحذرون منه ولا تنسى إن الرجال ما راح يرسل لك الطلبية إلا بعد ما يتأكد إنها تشتغل(لأن بعضها ما يشتغل وهو راح يتحمل التجربة وإعادة السلعة للمحل إذا ما إشتغل) يعني راح يفكك من غثا إشتغل ؟ ما اشتغل؟ ولا يرسل لك إلا واحد مجرب ومشتغل؟؟؟؟ والله العظيم لا أعرف أبو عبدالله هذا ولا يعرفني لكن كلمة حق و أشوف إنكم قسيتم على الرجال أكثر من اللازم ويا خوي اللي ما يبغى يشترى من الرجال هو حر لا يشترى بس ماهو معقول نطلب من الرجال يبيع بسعر التكلفة ---- اتمنى تكون الرسالة وصلت وما يصير فيها تأويلات ثانية

بيض الله وجهك أخوي كفيت ووفيت
وأنا أؤيد ما ذكرت ووالله ثم والله لا أعرف أبا عبدالله
ولكن الحق يقال المكسب الذي طلبه ليس بالمبالغ فيه
وبالذات أنه يعطيك جهاز مضمون

[ابو عبدالله24]

جزاك الله خير اخوي الجريح
ومثل ماذكرت اي بضاعه فيها الزين والشين وانا والله أخذت الزين ورجعت اللي مااشتغل

[أبو هشام راشد]

مشكور أمير العشاق على حرصك
وسعرك مقبول يا أبو عبد الله الله يرزقك بالبيعة اللي ترضيك

[ابو عبدالله24]

أبو هشام جزاك الله خير ويرزقك كل ماتتمنى يارب

[أميرالعشاق]

أخي أبوعبدالله...ولا يهونون الإخوان...
لاتفهموني غلط...أنا ما اعترضت على السعر بحد ذاته..فالفرق بسيط..,ولا يذكر...ولكن اعتراضي على عدم وجود ضمان للجهاز وعدم سهولة تشغيلة..
و ياليتك وضحت من الاول انك شريته من موقع وجربته وظمنته بنفسك ومن حقك تترزق الله..وأنا عن نفسي أدعو لك بالرزق والبركة...
بس كان مفروض تتابع الموضوع وترد أول بأول على استفسارات الاخوان حتى نبتعد عن الإحراجات...
ووالله العظيم أنا ما ابي اقطع رزقك...بالعكس أنا قلت لك/سبب بحثي هو أن الدربيل أعجبني وتمنيت شراءه ولكن تعليقات الزبائن بموقع(سوق) من حيث عدم معرفة طريقة تشغيل الجهاز وعدم رد البائع عليهم..
وكذلك عدم وجود ضمان على الدربيل..
هي التي دفعتني لتحذير الاخوان!!!
عموماً/ أسأل الله أن يرزقك ويوفقك..وأتمنى تعديل الموضوع حتى تفيدنا بمعلومات عن /
صناعة الجهاز+مدة الضمان+طريقة تحميل برنامج الجهاز+طريقة الاستخدام+توفر قطع الغيار...
وفي حال توفيرك المعلومات الكافية...
فأنا أول من سيطلب منك الجهاز..وبأزيدك على قيمته بعد..
أتمنى كلامي يرضيك ... ويرضي الإخوان..
والحق ماينزعل منه...والا لا؟؟؟
ولايصير خاطرك الا طيب..ترى إحنا بالمنتدى كلنا اخوان والهدف مصلحة الجميع...
وأسأل الله يرزقك ويرزق المسلمين

[ابو عبدالله24]

أخوي أمير العشاق صدقني انا كل عتبي على طريقة كلامك وكأنك تتهمني بالكذب وهذا شي انا ماابيه والله لايحدني على الكذب
وصدقني يااخوي يعلم الله اني أبي خدمة أخواني أكثر من اني اترزق الله ولو اني طامع بالكسب كان ضربت بالسعر فوق
لكن الجهاز رخيص والله وبالنسبة لسؤالك الصناعه تايواني والجهاز ترا انا شاريه ماعليه ضمان الضمان اللي بعطيك ضماني أنا والله في حالة عدم تشغيله او خربان فيه شي يعني أنا بتكفل بكل شي يالغالي وش تبي أكثر
وبالنسبة لتحميل البرنامج أنا ماجربته والله لأني مااستخدمته
حتى على كلام البايع يقول بينزل طريقة بكل شي عن الدربيل
وانا مع الشاري من يوم يوصل الدربيل لحد مااتأكد انه عرف له وخلاص الامور صارت تمام
وصدقني يااخوي عقب ردك هذا والله اني دعيت لك لأنه بان معدنك يااخوي بس كان نفسي تتأكد أول قبل ماتحكم علي
وبالنسبة للتأخير أنا كتبت الموضوع وطلعت ماتوقعت كمية الردود هذي ماشاء الله
وأي خدمة أنا موجود

[الزويكي1]

السلام عليكم ورحمه الله وبركاته ياخوان امير وابو عبدالله كل واحد هم الثاني غلط والمهم الدربيل هل هو ليلي او لا

[ابو عبدالله24]

لا ياخوي عادي مهوب ليلي

[ابو عبدالله24]

لكن حبيت اقول معلومه هو فيه ذاكره خارجية يعني تقدر تركب ذاكرة واذا صورت تاخذ الذاكرة تحطه عندك بالجهاز ويعرض مثل اي ذاكرة

[Hagaanaf]

ترزق الله
والله يرزقك من واسع فضله


ومن يشترى منك لم يذهب بعيداً فقد وضع سمنه في دقيقه


الشراء تم مع ابن البلد والفلوس تدور في البلد ، يعني المصلحة كلها تصب في إقتصاد البلد ، وبمعنى آخر نفعها سيعود على آهل البلد


ترزق الله
فأنت ابن البلد وآحق بالبيع والشراء وطلب الرزق وآفضل مائة مره من يماني او هندي او بنقالي لن يقبل بأقل من (175%) مكسب في السلعة التي يبيعها

[جزاء الشمري]

الله يرزقك يابو عبدالله والله يكفينا وإياك شر حاسد إذا حسد

[ابو عبدالله24]

جزاكم الله خير يااخوان على كلامكم اللي يشجع والله
يسعدكم ربي

[ابو عبدالله24]

الحمد لله تم البيع والله يرزق الشاري

[alwleed_1]

الله يوفق البايع ويعوض على الشاري

[faesal00]

يعطيك العفيه ابو عبدالله وطلب الرزق زين وانت ماقصرت وحق من حقوقك تاخذ سعي او مكسب لان البضاعه على الضمان الشخصي منك قبل السوق والله يوفقك ويصلح بعض الاشخاص الي يهاجم قبل لايعرف السالفه

[ابو عبدالله24]

جزاكم الله خير يااخوان