ماعليكم امر

[ودي بطفل اضمه]

السلام عليكم جميعا
انا شريت كاميرا كانون 550d قبل ثلاث ايام معاها عدستها efs 18-55 وزوجي شرى لي عدسه 50mm f/1.8
انا اللي ابيها عدسه شامله اصور فيها القمر يكون قريب يبان بتفاصيله واصور فيها المناظر الطبيعيه . سامحوني ودلوني لاني جديده بهالسالفه.
جزاكم الله خير في انتظار ردودكم

[أبو نآصر]

حدد/ي آلميزآنية كم ؟

[ودي بطفل اضمه]

يعني نقول 2500 ريال

وشكرا على اهتمامك

[ودي بطفل اضمه]

dr_mo3az حاولت ارسل رساله شخصيه طلع غير مسموح لي لان مشاركاتي قليله بعد اذن الاداره وشلون اتواصل معاك؟

[أبوجهاد التبوكي]

للرفع
وعليك بالاستغفار وعسى الله يرزقك بالذرية الصالحة

[rayan adel]

اختي عندك
tamron 18-250
sigma 18-200
canon 18-200
هذولا عدسات شامله وتبدأ اسعارهم من 1400
ل 2400

[FM2006]

Canon 70-200 f4 L عدسة زوم من النوع الفاخر سعرهاعند الحارثي والقريشي تقريباً في حدود ميزانيتك
( لمشاهدة نتائجها أرجو الضغط هنا (http://www.pixel-peeper.com/lenses/?lens=14&perpage=30&focal_min=none&focal_max=none&aperture_min=none&aperture_max=none&res=3) )
وعندك العدسة 18-55 إللي جاتك مع الكاميرا تعطي نتايج حلوة للمناظر الطبيعية
وممكن بعدين تاخذي سيجما 10-20 من العدسات المفضلة عند مصوري المناظر الطبيعية قيمتها في حدود 1700 ريال
والعدسة الـ 50 f1.8 بالرغم من رخص ثمنها إلا إنها ممتازة للبورتريهات

[مهند فيصل]

اختي العدسه الاساسيه اللي عندك حلوه لتصوير المناظر الطبيعيه
اما اذا تبين الزوم انصحك بـــــ 75_300 سعرها مررره رخيص
وعندك عدسه 50 م حلوه لتصوير البورتريه وتصوير الماكرو
وبالنهايه اقول لك اذا كنتي مبتدئه لاتستعجلين في العدسات تعلمي على الكاميرا
وبعدين حددي مبتغاك من العدسات بنفسك
أسف ع الاطالة

[منصور الفايز]

وعليكم السلام ..
اول شي على البركه

واللي تبينه وانسب شي عدسة التامرون 18-250 زي ما ذكر اخونا ريان .. فيه افضل لكن السعر مرتفع

والله يرزقك اللي تمنينه ويوفق الجميع

[ابوراشد88]

السلام عليكم الله يرزقك الذرية الصالحة اختي

كعدسة شاملة ورخيصة البعض يفضل canon 18-200 IS
لكن انا افضل
Canon EF 28-135mm f/3.5-5.6 IS USM
سعرها 1650 ريال ونتائجها مره حلوه لكن لم اجرب تصوير القمر بها ما يميز العدسة هذي انها IS يعني مانع اهزاز او مثبت للصوره وكذلك انها USM ويعني ان العدسة فوكس اسرع وبدون صوت
اوسع فتحة للعدسة f/3.5 يعني افضل من العدسات اللي تكون اوسع فتحة في العدسة 4 او 4.5 لانها تحتاج اضاءه اكثر

او تاخذي زي ما قال اخونا FM
Canon 70-200 f4 L
لكن العدسة فتحتها f4 تحتاج اضاءة لكنها مناسبة في الاضاءة العالية او النهار كما انها تحتاج حامل ثلاثي او احادي لان العدسة مافيها مانع اهتزاز IS

[abaady123]

افضل عدسه لصوير القمر عدسه سوبر زووم او تلسكوب يركب على الكاميرا
+ ترايبود (حامل ثلاثي)

و تطلع الصورة قمر ^^

[ودي بطفل اضمه]

اخواني شكرا لكم جميع ماقصرتوا والله ابد

اخوي الصياد انا شغلت السي دي وللاسف ماعرفت افهم الا اشياء بسيطه مومثل ماتستخدمها وتتعلم عليها وفيه معاه سي دي عربي نفس الكتالوج بس برضه للاسف.

[ودي بطفل اضمه]

مع اني احب التصوير واعرف اصور زين بس مو بهذي الكاميرا .. طلعت مااعرف لها ولا اعرف كيف اصور باحتراف مااعرف ل اعداداتها

[FM2006]

الكانون 550D كاميرا احترافية للمبتدئين
لذلك فيها أوضاع تصوير تلقائية
يعني لو اخترنا مثلاً وضع اللانسكيب ( المناظر الطبيعية ) الكاميرا تحط الإعدادات المناسبة
سرعة الشتر ، فتحة العدسة .. الخ
بمتابعة المنتديات التعليمية من الممكن التعرف على طريقة الوضع اليدوي
وأيصاً يوجد بموقع اليوتيوب ملفات تعليمية في كل ما يخص التصوير الفوتوغرافي والكاميرات
العيب الوحيد هو قلة الملفات العربية لكن الموجودة تسد بعض الشيء

أي استفسار كلنا حاضرين باللي نقدر عليه
تمنياتي بلك بالتوفيق ،،

[ودي بطفل اضمه]

شكرا لكم جميع لاهتمامكم وحسن تعاملكم واخلاقكم اللي يفوق وصفها كلماتي .. اخوي الصياد شكرا لاهتمامك من كل القلب .. لفت انتباهي لتغيير اللغه الحين باقوم اغيرها واذا واجهني شي باعلمك الله يسعدك يارب .

[ودي بطفل اضمه]

اخوي الصياد90 وينك ؟

انا محتاسه وماادري وشلون اتعلم على هالكاميرا :(

ناس قالوا لي روحي للمحل نفسه وهو يعلمك بس انا مو حابه هالشي تدري رجال وكدا عندك حل ؟

[FM2006]

اختي
اعرضي مشكلتك وإيش إللي مو عارفته في الكام ونحاول نحلها لك بأمر الله
بس أهم من كل شي الصبر ولا تكوني عجولة وتكرهي الكاميرا