سؤال عن الضبان المجمده ؟؟

[عود اصلي]

السلام عليكم ورحمة الله وبركاته :
اخواني انا عندي ضبان بالفريز لها مده طويله سؤالي :
هل الضبان لما تتجمد بالفريز لها مدة محددة او مالها مده ؟
ارجو من لديه خبره ان يفيدنا بهذا الموضوع وهل هن صالحات للاكل او اتخلص منهن ؟
بارك الله فيكم .
وتحياتي لكم.

[saad8794]

إذا كانك منظف بطونهن وسالخ جلدهن أتوقع ماعليهن لو كان من الصيف الماضي وإن كانت بجلدها فالطعم بيكون غير جيد .... وتقبل تحياتي

[سامر عبدالله]

خبراء التغذية ينصحون بعدم بقاء اللحم اكثر من ثلاثة اشهر في الثلاجة لانها تفقد فوائدها الغذائية

[راعي المرباع]

بالنسبة لي افرزل بالفريزر من شهر الى شهر ونص ما اتعداها والطعم ما اقولك مايختلف
طبيعي يتغير حاجه بسيط .
لكن حسب كلامك تقول لها مدة طويله فجوابي لك يستحسن انك تكبها .

الله يسامحك والله شوقتني لكبسة الضبان

[الاداري]

جاء وقتهاااا

[ابن الاصيل]

تاكد من الصلاحيه مكتوبه على العكره

[البقمي911]

تاكد من الصلاحيه مكتوبه على العكره
هههههههههههه والله انك كذا :good: :D

[امير الصيد 99]

اذا لها شهرين اربعه اشهر ان شاء الله زينه
اما اكثر من ذلك فأطبخها وعطها القطاوه وإلا الكلاب ان كان عندك كلاب صيد ؟؟
امزح معك .
وبرضوا تأكد من تاريخ الصلاحيه على الشاص اقصد العكره ؟؟؟

[بن حاضر]

وعليكم السلام ورحمة الله ..
اخوي انا الفريزر عندي ما يخلى من الضبان ..
والله انك ماحلفتي اني قبل شهرين ماكل اخر واحد عندي من الصيف اللي راح .. هي مثلها مثل الحمام مثل اللحم وغيره ما تخرب في الفريزر ..
بس اهم شي انك منضف بطونها .. وطعهما صح يختلف عن الطازج وهذا شي طبيعي في كل شي .. بس اللي يقولك ما تصلح للاكل بالعكس ما يضرها وانا اخوك وفايدتها فيها والله ان تطمر العرفجه .. بس انصحك تبي تذوق طعم الضبان لا تصلحها الا مرقه .. كبسه و غيره ما تصلح .. وجب لك قرصان ولا خبز بر واقعد غمس في باديتك وانا اخوك والله يا طعهما في الراس ..
عليك بالعافية يارب ..

[عود اصلي]

إذا كانك منظف بطونهن وسالخ جلدهن أتوقع ماعليهن لو كان من الصيف الماضي وإن كانت بجلدها فالطعم بيكون غير جيد .... وتقبل تحياتي


هلا وغلا اخي saad
ومشكور على الرد
وبالفعل البطون منظفه بس الجلد باقي
تحياتي لك .

[عود اصلي]

خبراء التغذية ينصحون بعدم بقاء اللحم اكثر من ثلاثة اشهر في الثلاجة لانها تفقد فوائدها الغذائية


الف شكر لك اخي على المشاركة وعلى المعلومه .
وتحياتي لك .

[عود اصلي]

بالنسبة لي افرزل بالفريزر من شهر الى شهر ونص ما اتعداها والطعم ما اقولك مايختلف
طبيعي يتغير حاجه بسيط .
لكن حسب كلامك تقول لها مدة طويله فجوابي لك يستحسن انك تكبها .

الله يسامحك والله شوقتني لكبسة الضبان


ياهلا ومسهل اخي راعي المرباع
الصراحه انها من الصيف الماضي
واشتقت لها مثلك وقلت استفسر منكم عن صلاحيتها .
والظاهر ابكبها بس خايف من الاثم احس انه حرام تنكب ؟؟
مالها حل اخر في نظرك ؟
ومشكور على المشاركة .

[عود اصلي]

جاء وقتهاااا


بالفعل قرب وقتها ويازينها زيناه اذا صارت مع المرقه
بارك الله فيك اخي الاداري

[عود اصلي]

تاكد من الصلاحيه مكتوبه على العكره

مالقيت الصلاحيه على العكره الظاهر الصلاحيه كانت على راس العلبه اقصد راس الضب والروس تخلصنا منها يوم ذبحنها ؟؟؟ يعني مافيه صلاحيه يأبن الاصيل ؟ يسلم عليك ولد الدفه ؟؟ هههه
امزح معك .تحياتي لك ومشكور على المشاركة.


تاكد من الصلاحيه مكتوبه على العكره
هههههههههههه والله انك كذا :good: :D


تحياتي لك اخي البقمي .

[عود اصلي]

اذا لها شهرين اربعه اشهر ان شاء الله زينه
اما اكثر من ذلك فأطبخها وعطها القطاوه وإلا الكلاب ان كان عندك كلاب صيد ؟؟
امزح معك .
وبرضوا تأكد من تاريخ الصلاحيه على الشاص اقصد العكره ؟؟؟


مشكور اخي امير الصيد على المشاركة
والظاهر انها بتكب مثل ما قترحوا الاخوان .
تحياتي لك .