للبيع ،،مجموعة الطبخ من كوفيا جديدة لم تستخدم،،

[فهدالغيهب]

السلام عليكم ورحمة الله

يوجد لدي مجموعة الطبخ من شركة كوفيا وهي جديدة لم تستخدم وبكامل اغراضها .


العدد (2 ) حبة


وهذي صورتها


http://www.mekshat.com/pix/upload01/prof016/mk40450_imagexx.jpg


علما ان السعر للحبة الواحدة في السوق 370 ريال
والبيع 365 ريال لانها جديده .
والبيع لاهل الرياض


ولمعرفة المزيد عن هذه المجموعة فالرجاء زيارة التقرير اللذي أعده الخبير أبومها عنها على الرابط أدناه

http://www.mekshat.com/vb/showthread.php?t=226817

والله يوفق الجميع

[سرهيد]

السلام عليكم

الله يرزقك من واسع فضله

وهذي الصورة صغرتها يالله حسن الخاتمة ، تبين من الشايب يا فهد اللي ما يعرف يرفع الصور او يصغرها :):) ههههه

http://www.mekshat.com/pix/upload01/prof016/mk40450_imagexx.jpg

تقبل احترامي

[تناهيت]

الله يرزقك يا بو عبدالملك


جاري ارسال الصور لمديرنا

ونسال الله ان تجوز له هالقدور ونحصل على اجازة سنه براتب

[ابو الجمان]

اخوي فهد
الله يرزقك من واسع فضله

[فستق]

الله يرزقك البيعه اللي تسرك ..

[فهدالغيهب]

السلام عليكم

الله يرزقك من واسع فضله

وهذي الصورة صغرتها يالله حسن الخاتمة ، تبين من الشايب يا فهد اللي ما يعرف يرفع الصور او يصغرها :):) ههههه

http://www.mekshat.com/pix/upload01/prof016/mk40450_imagexx.jpg

تقبل احترامي

وعليكم السلام ورحمة الله وبركاته

هلا والله وغلا بالعمدة

اللهم آمين الله يرزقنا ويرزقك وجميع المسلمين

وأشكرك شكراً جزيلاً على التعديل ، أما بالنسبة لكبر الصورة فأنا متعني ذلك مراعاة للكبار في السن اللي مايشوفون زين هههههه .

تبي الجد أنا منزل الصورة عن طريق برنامج في الآيفون وحقيقة لم ألحظ كبر الصورة فيه حتى بعد تعديلك هي عندي في الآيفون نفس المقاس اللذي وضعته ، وهذا يدل إني أتعامل مع الهواتف الذكية التي لا تتأكثر بحجم الصورة ، لكن الله يعين الشيبان المساكين حقين نوكيا n73 وافهم يافهيم هههههه .


شاكر لك عمدتنا الغالي أبوعبدالله على مرورك ودعائك .

[ابو سيـف]

فتح باب 150 ريال

[عا سبيل بر]

وعليكم السلام ورحمة الله وبركاته
إذا كان باب السوم مفتوح أخوي فهد فأنا أرفع السوم لـ 180 ريال <<< واحدة فقط
وإذا كان السوم ما هو مفتوح والبضاعه بالحد فأنا أعتذر منك

تحياتي ،،،

[سرهيد]

وعليكم السلام ورحمة الله وبركاته

هلا والله وغلا بالعمدة

اللهم آمين الله يرزقنا ويرزقك وجميع المسلمين

وأشكرك شكراً جزيلاً على التعديل ، أما بالنسبة لكبر الصورة فأنا متعني ذلك مراعاة للكبار في السن اللي مايشوفون زين هههههه .

تبي الجد أنا منزل الصورة عن طريق برنامج في الآيفون وحقيقة لم ألحظ كبر الصورة فيه حتى بعد تعديلك هي عندي في الآيفون نفس المقاس اللذي وضعته ، وهذا يدل إني أتعامل مع الهواتف الذكية التي لا تتأكثر بحجم الصورة ، لكن الله يعين الشيبان المساكين حقين نوكيا n73 وافهم يافهيم هههههه .


شاكر لك عمدتنا الغالي أبوعبدالله على مرورك ودعائك .

هلا باخوي فهد

ذكرتني بقولك متعمد واحد من الشيبان شرواك يكتب في احد المنتديات ، واقوله ما اشوفه تغير في الألوان ، قال هذا تميز ، وبعدين عرفت انه ما يعرف ، ومسوي فيها تميز ، طراه اللي قاعد يقول متعمد :)

اجل ذكية ، طيب ...

بس هي ذكية عليك اما علينا في المنتديات خرطي ما هي ذكية يعني هي تطلع لك الوضع سليم وهو في الواقع غير سليم ، وين ذكية معه :)

وما اقول الله يرزقك من واسع فضله قل آمين

تقبل مودتي

[فهدالغيهب]

الله يرزقك يا بو عبدالملك


جاري ارسال الصور لمديرنا

ونسال الله ان تجوز له هالقدور ونحصل على اجازة سنه براتب

هلا والله وغلا بالغالي أبوحمد حياك ربي

والله يسمع منك ، تكفى إن جازت له عطني خبر ، وأبشر بسعيك ودلاتك ، إن نعشيك يوم من الأيام في الواشلة على قز البريموس المركب على دبة السيفرت إن تقطر سعيبيلاتك من الشوفة فقط ههههههه

الله يسعد أيامك ويرفع مقدارك

[فهدالغيهب]

اخوي فهد
الله يرزقك من واسع فضله


هلا والله وغلا بحبيبنا الغالي على قلوبنا أبي حمود

جزاك الله خيراً وشكر الله سعيك .

أشكرك على مرورك ودعائك ، وأقول : ولك بمثل ما دعوت لي ، اللهم آمين .

ورحم الله والديك .

[alwssam6]

الله يرزقك البيعه الطيبه

[فهدالغيهب]

الله يرزقك البيعه اللي تسرك ..





هلا بأخي الكريم : فستق ( معرفك لذيذ ) هههه

جزاك الله خيراً على مرورك الكريم ، ودعائك وأسأل الله - تعالى - أن يوفقك لكل خير ، ويرحم والديك .

والله يسعدك .

[hot_line]

الله يزرقك ابو عبدالملك كل خير
وربي تستاهل الطيب قبل البيع

[فهدالغيهب]

فتح باب 150 ريال



هلا وغلا بالغالي أبي سيف ( حفظه الله )

كيف الحال ، أرجوا أن تكون بأحسن حال .

وأشكرك على فتح السومة ، والسلعة محدودة ، جعل والديك في الجنة.

والسلعة وراعيها فدوة لك ، يالغالي .


أشكر مرة أخرى لك مرورك العطر اللذي عطر موضوعي .

[فهدالغيهب]

وعليكم السلام ورحمة الله وبركاته
إذا كان باب السوم مفتوح أخوي فهد فأنا أرفع السوم لـ 180 ريال <<< واحدة فقط
وإذا كان السوم ما هو مفتوح والبضاعه بالحد فأنا أعتذر منك

تحياتي ،،،


وعليكم السلام ورحمة الله وبركاته

حي الله أخي الكريم عابر سبيل ، أسأل الله - تعالى - أن يجعلك عابراً على الصراط للجنة من حساب ولا عذاب ووالدي ووالديك - اللهم آمين -

والله يالغالي السلعة محدودة وطالعة علي ب 370 ريال وأنا قلت أبخفض سعرها شوي ولو على حساب خسارتي ، والله يوفق.

أشكر لك أخي الكريم عابر سبيل تشريفك لموضوعي ، وأسأل الله تعالى أن يوفقك ويبارك لك وأن يجمعني وإياك في جنات النعيم .

[ابو سيـف]

هلا وغلا بالغالي أبي سيف ( حفظه الله )

كيف الحال ، أرجوا أن تكون بأحسن حال .

وأشكرك على فتح السومة ، والسلعة محدودة ، جعل والديك في الجنة.

والسلعة وراعيها فدوة لك ، يالغالي .


أشكر مرة أخرى لك مرورك العطر اللذي عطر موضوعي .



الله يجزاك خير وبيض الله وجهك
ما توخذ عقبك يالعزيز
،،،،،،،،،،،،
اهلين اخي العزيز فهد
تصدق ما انتبهت للحد
واعتقد ان الحد وضعته انت بعد مشاركتي بالسوم
ولا انا غلطان ؟
على العموم بضاعه ممتازة وانت تستاهل
والله يرزقك من فضله
تحياتي

[راشد الجريبة]

ابريق التفويح معهم أو جاء يشخص معهم :)
الله يرزقك بالبيعة اللي ترضيك
وإن شاء ما نفرط في مواعينا مثل أبو مها

[فهدالغيهب]

هلا باخوي فهد

ذكرتني بقولك متعمد واحد من الشيبان شرواك يكتب في احد المنتديات ، واقوله ما اشوفه تغير في الألوان ، قال هذا تميز ، وبعدين عرفت انه ما يعرف ، ومسوي فيها تميز ، طراه اللي قاعد يقول متعمد :)

اجل ذكية ، طيب ...

بس هي ذكية عليك اما علينا في المنتديات خرطي ما هي ذكية يعني هي تطلع لك الوضع سليم وهو في الواقع غير سليم ، وين ذكية معه :)

وما اقول الله يرزقك من واسع فضله قل آمين

تقبل مودتي


ههههههه أجل هالهاتف يتذيكى علي ، أقول وش رايك أقلب هالموضوع ، وأجعله بدال بيع مجموعة الطبخ إلى بيع الجوال اللي يتذيكى علي ( وش شايفني هالجوال يعني مخفه بيفك علي مثلاً ) هههههه

لكن ماهقيته يفيد بيع جوال يتذيكى على صاحبه ، لأن الناس ماهي شاريته ،لكن أتوقع اللي عليه طلب وسوقه بيرتفع صديرية ابن غيهب العجيبة متعددة المهام لو بغيت بيعها لكن خلها للموسم القادم والبرد حق السنة الجاية عشان يرتفع سوقها لكثرة طلابها ، والله يفكنا من أبوشلفه وربعه ههههههههه.

[سرهيد]

ههههههه أجل هالهاتف يتذيكى علي ، أقول وش رايك أقلب هالموضوع ، وأجعله بدال بيع مجموعة الطبخ إلى بيع الجوال اللي يتذيكى علي ( وش شايفني هالجوال يعني مخفه بيفك علي مثلاً ) هههههه

لكن ماهقيته يفيد بيع جوال يتذيكى على صاحبه ، لأن الناس ماهي شاريته ،لكن أتوقع اللي عليه طلب وسوقه بيرتفع صديرية ابن غيهب العجيبة متعددة المهام لو بغيت بيعها لكن خلها للموسم القادم والبرد حق السنة الجاية عشان يرتفع سوقها لكثرة طلابها ، والله يفكنا من أبوشلفه وربعه ههههههههه.

ههههههههههههه

اجل خزنت الطفلية قصدي السدرية

لا تنس تحط مع السدرية سفنيت :):):) وتحداك تعرف وش السفنيت :)

تقبل احترامي

[فهدالغيهب]

الله يرزقك البيعه الطيبه



اللهم آمين اللهم آمين

حياك الله أخي الكريم

تعطر الموضوع بمرورك الجميل .

أشكر لك مرورك ودعائك ، وأسأل الله لك التوفيق .


تقبل تحيتي وتقديري .

[مركز الثقل]

شكلها جيدة بس لا تكون صيني

[فهدالغيهب]

شكلها جيدة بس لا تكون صيني



رد متقدم


الصناعة كورية وشركة كوفيا شركة كورية أباً عن جد طال عمرك.


وهذا رابط تقرير الأخ أبومها وفيه جميع ما تعلق بهذه المجموعة بما فيها مكان التصنيع .


http://www.mekshat.com/vb/showthread.php?t=226817

وموفق خير .

[فهدالغيهب]

:D
الله يزرقك ابو عبدالملك كل خير
وربي تستاهل الطيب قبل البيع


هلا والله وغلا بالعزيز الغالي هوت لاين

والطيب لك وشرواك ، والله يطيب فالك يالنشمي .

تسلم أخي هوت لاين على مرورك الكريم ، ودعائك الطيب ، لاحرمك الله الأجر وأسأل الله تعالى أن يوفقك ويرزقك من واسع فضله .


تقبل تحيتي وتقديري .

[جبل مسحر]

السلام عليكم
انا ابي وحده اذا ممكن والمشكله موقعي بابها
هل فيه امكانية تشحنها لابها
شكرا لك

[أبوبانا]

عزالله إنه سلعة طيبة من شركة عريقة غنية عن التعريف
الله يرزقك اخوي فهد البيعة الطيبة

[فهدالغيهب]

الله يجزاك خير وبيض الله وجهك
ما توخذ عقبك يالعزيز
،،،،،،،،،،،،
اهلين اخي العزيز فهد
تصدق ما انتبهت للحد
واعتقد ان الحد وضعته انت بعد مشاركتي بالسوم
ولا انا غلطان ؟
على العموم بضاعه ممتازة وانت تستاهل
والله يرزقك من فضله
تحياتي



هلا بالغالي والله يبيض وجهك

وماحصل إلا كل خير ، والمجموعة كلها تفداك .


لكن سالفة إن معدل في الموضوع بعد مشاركتك فهذي ماش ماحصلت ، أنا حادها من نزلت الموضوع - جعلك تسلم - لكن الظاهر إن الشوف شجر يابوسيف وشكلنا بنظمك للقائمة الذهبية ( الشيبان الحلوين ) .


ياعمدة يابوعبدالله سجل عندك واحد نفر في قروب الشيبان أبوسيف الغالي ياهلا وسهلا بك في عالم المتقاعدين .

ننتظر إعتماد العميد العمدة سرهيد .

ص مع التحية / للعمدة سرهيد .

ص مع التحية / لقروب الشيبان لقبولها لانظمامه لديها.

ص مع التحية / لقروب الشباب لإزالته من قروبها .

ص مع التحية / لنادي بريموس لترقية الغالي أبوسيف ( النادي يحب الشيبان )



ههههههههه لا تزعل تراني أحب أمزح مع الغالين .

[درب الكشات]

والله السلعة تسوي مليون ريال بسبب غلا صاحبها و غلا من شارك بالموضوع ،،، لكم جميعا كل السلام وانتهزها فرصة للقول لكم انكم كلكم غاليـــن علينا و الله يخفف علينا ضغوط العمل القاسية و الأشغال ذات الأولوية القصوى التي شغلتنا عن التسامر بأحسن الحديث معكم ..... دمت جميعا بكل حب و موده والله يحفظكم من كل شر

[سرهيد]

والله السلعة تسوي مليون ريال بسبب غلا صاحبها و غلا من شارك بالموضوع ،،، لكم جميعا كل السلام وانتهزها فرصة للقول لكم انكم كلكم غاليـــن علينا و الله يخفف علينا ضغوط العمل القاسية و الأشغال ذات الأولوية القصوى التي شغلتنا عن التسامر بأحسن الحديث معكم ..... دمت جميعا بكل حب و موده والله يحفظكم من كل شر

هلا هلا هلا هلا

والله لك فقده يا ابو عمر

ولك وحشة يعل عمرك طويل

وعسى الله يفرج عنا وعنك ما انت فيه

بس لا تحرمنا ولو برد بين وقت وقت

كم اقدرك واحترمك يا ابو عمر وسبحان من زرع محبتك في القلب

احس ان واحد من اخواني غايب عني :(

تقبل مودتي

[فهدالغيهب]

والله السلعة تسوي مليون ريال بسبب غلا صاحبها و غلا من شارك بالموضوع ،،، لكم جميعا كل السلام وانتهزها فرصة للقول لكم انكم كلكم غاليـــن علينا و الله يخفف علينا ضغوط العمل القاسية و الأشغال ذات الأولوية القصوى التي شغلتنا عن التسامر بأحسن الحديث معكم ..... دمت جميعا بكل حب و موده والله يحفظكم من كل شر

رد متقدم :

حي الله الكويت وأهلها .

أبوعمر بكبره في موضوعي وأنا أقول اليوم ليش موضوعي منور بزيادة واللحين عرفت السبب وهو وجود خبيرنا الكبير أبوعمر - الله يحفظه -

والله يابوعمر بعد ردك هذا غلت السلعة عندي الظاهر أبفكر في الموضوع هل أبيع أو لا خاصة وأنها نالت إعجاب أبي عمر ، ولكن لو لم أبع فلن أطبخ فيها إلا بحضورك وتشريفك لنتناول الطعام سوياً ، فأنت اللذي ستغليها عندي ، إذا أكلت منها .

والله يابوعمر لحضورك وتشريفك مكانة عندي ومثل ما قال أخي سرهيد لك في القلب مكانة خاصة الله يجمعنا على محبته وطاعته ، جزاك الله خيراً أخي الغالي ولا حرمك الله الأجر على ردك الجميل ، وتعطيرك صفحة موضوعي .

أخوك ومغليك

[ابو سعود 2009]

ياهلا وغلا بفهد
صدق لاقالو مالنا في الطيب نصيب والله اني كنت ادورها واحوس عليها الين قالي احد الاخوان انهم يبعونها في برق الحيا بالرياض واخذتها منهم قبل اسبوع لكن وش نسوي صدق لا قالو مالنا بالطيب نصيب

[فهدالغيهب]

ابريق التفويح معهم أو جاء يشخص معهم :)
الله يرزقك بالبيعة اللي ترضيك
وإن شاء ما نفرط في مواعينا مثل أبو مها

البريق مايحتاج جاي ومشخص وداق الزين ، ماتدور له عروس هههههه .

وبالمناسبة البريق استيل وليس معدن يعني استيل كوري .

شكراً لك أخي الكريم على مرورك ودعائك .

[فهدالغيهب]

ههههههههههههه

اجل خزنت الطفلية قصدي السدرية

لا تنس تحط مع السدرية سفنيت :):):) وتحداك تعرف وش السفنيت :)

تقبل احترامي


والله يابوعبدالله هالصديرية عليها طلبيات واجد ، وآخر من سأل عنها أبوفهد الضاحي ، وما بعد صملت علي التخزين توني ، أخاف يجي برد مثل يوم روضة ملهم النهار ندور الظل وقبل المغرب أدور لي صديرية ، اللحين على قولتهم بياع الخبل عباته .


الله المستعان وش هالمصطلحات القدييييييمة تذكرت جدتي الله يرحمها ، تحط في الملابس أسفنيك عند تخزينها عشان ما تجيها العثة ، ياله ريحة تطرب هههههه


الله يقطع سوالفك يابوعبدالله .

هذا رابط فيه سؤال الضاحي وردي عليه بخصوص الصديرية .

http://www.mekshat.com/vb/showpost.php?p=6366347&postcount=33

[فهدالغيهب]

السلام عليكم ورحمة الله

يوجد لدي مجموعة الطبخ من شركة كوفيا وهي جديدة لم تستخدم وبكامل اغراضها .


العدد (2 ) حبة


وهذي صورتها


http://www.mekshat.com/pix/upload01/prof016/mk40450_imagexx.jpg


علما ان السعر للحبة الواحدة في السوق 370 ريال
والبيع 365 ريال لانها جديده .
والبيع لاهل الرياض


ولمعرفة المزيد عن هذه المجموعة فالرجاء زيارة التقرير اللذي أعده الخبير أبومها عنها على الرابط أدناه

http://www.mekshat.com/vb/showthread.php?t=226817

والله يوفق الجميع


السلام عليكم

حي الله الجميع


تم بحمد بيع طقم من المجموعة وتبقى واحدة ،

رزقنا الله وإياكم من واسع فضله .

[درب الكشات]

الله يبارك فيكم جميعا و عسى الله يوفقكم ، ماأحلى هالردود و الأجمل منها اصحابها ، ياليت لي درب للرياض ، فتزداد الغنيمة بمجالسكم العامرة و قربنا منكم ، قد يكون بعد بالمسافة لكن بريق معدنكم يصل الينا و يتعدانا بكثير و هو ما أصبو اليه مكسبكم و تذوق ما يقطر من محاسنكم سيل من الأخوة النصوحة و البسمة التي لاتفارق مخرجات حديثكم مع الجميـــع ،، دمتم ذخرا و كما للذهب بريق ، لكم انتم بريقكم الوهاج

[فهدالغيهب]

السلام عليكم
انا ابي وحده اذا ممكن والمشكله موقعي بابها
هل فيه امكانية تشحنها لابها
شكرا لك


وعليكم السلام

لك رسالة على الخاص .

[فهدالغيهب]

عزالله إنه سلعة طيبة من شركة عريقة غنية عن التعريف
الله يرزقك اخوي فهد البيعة الطيبة

هلا والله وغلا بالأخ الكريم أبو بانا

أشكرك أخي الكريم على مرورك الجميل وتعطير موضوعي بكلماتك العطرة ودعائك اللذي يثلج الصدر ويشرح القلب ، وأقول لك أخي : ولك بمثل مادعوت لي .

ولك مني التحية والتقدير .

[بن.حسن]

حي الله اخي فهد


خل عنك بيع القدور وخلنى نطلع


ونكبس عليها بس


ههههههههههههههه



رزقك الله بالزبون الصامل


ورزقك من واسع فضله


------

[فهدالغيهب]

ياهلا وغلا بفهد
صدق لاقالو مالنا في الطيب نصيب والله اني كنت ادورها واحوس عليها الين قالي احد الاخوان انهم يبعونها في برق الحيا بالرياض واخذتها منهم قبل اسبوع لكن وش نسوي صدق لا قالو مالنا بالطيب نصيب

ياهلا وغلا بأخي الكريم أبوسعود حياك الله كيف الحال .

يارجال وسع صدرك ما للواحد غير المكتوب له ، وكل شئ قضاء وقدر .

والطيب هو معرفتك وشرواك طال عمرك .

الله يهنيك بالطقم اللي عندك والله يعطيك خيرها ويكفيك شرها .

شكراً لمرورك الكريم

هذا وتقبل مني تحيتي وتقديري .

[فهدالغيهب]

الله يبارك فيكم جميعا و عسى الله يوفقكم ، ماأحلى هالردود و الأجمل منها اصحابها ، ياليت لي درب للرياض ، فتزداد الغنيمة بمجالسكم العامرة و قربنا منكم ، قد يكون بعد بالمسافة لكن بريق معدنكم يصل الينا و يتعدانا بكثير و هو ما أصبو اليه مكسبكم و تذوق ما يقطر من محاسنكم سيل من الأخوة النصوحة و البسمة التي لاتفارق مخرجات حديثكم مع الجميـــع ،، دمتم ذخرا و كما للذهب بريق ، لكم انتم بريقكم الوهاج

الأخ الكريم أبوعمر

أسأل الله تعالى أن لا يحرمك الأجر ، وأن يرحم والديك على هذا الإطراء اللذي لا أستحقه ، ولكن هذا هو ديدن الكريم صاحب الخلق الرفيع اللذي لا يظن بإخوانه إلا كل خير .

تقبل مني تحيتي وتقديري لشخصك الكريم .

[فهدالغيهب]

حي الله اخي فهد


خل عنك بيع القدور وخلنى نطلع


ونكبس عليها بس


ههههههههههههههه



رزقك الله بالزبون الصامل


ورزقك من واسع فضله


------





ياهلا والله وغلا بالحبيب الغالي أبوحسن - حرسه من كل مكروه -


كيف الحال عساك بخير وعافية ، أسأل الله - تعالى - أن تكون كذلك .


أجل تقول خل عني بيعة القدور عشان تكبس عليهن ، أبشر والله بسعدك وماطلبت شي ، لكن خل نكبس على المحبوبات عطية الرحمن seb هذي القدور اللي إذا سمعت تستستها خلاص تطلب من كل اللي حولك يسكتون ، كأنها شاعر شايل له قصيدة ، خاصة إذا كان القز من الشنط البريموس خلاص أنا ما أتحمل نروح فيها أنواع الطرب أنا ما أستبعد إن العمدة أبوعبدالله يقوم ويقلبها عرضة هههههههه


الله يحييك يالغالي في أي وقت وأبرك الساعات شوفة خبيرنا أبوحسن والقدور وراعيهن فدوة لأبوحسن .

أشكرك أخي أبوحسن على مرورك ودعائك اللذي يثلج الصدر وأقول ولك بمثل ما دعوت لأخيك .

أخوك ومغليك .

[فهدالغيهب]

السلام عليكم

حي الله الجميع


تم بحمد بيع طقم من المجموعة وتبقى واحدة ،

رزقنا الله وإياكم من واسع فضله .


للتذكير فقط ، الكمية المتبقية هي حبة واحدة فقط .

[الشنه]

والمجموعه الثانيه عندي
توكلت على الله وشريت
لك رساله على الخاص

والله يبارك للبايع والمشتري

[السلسبيل 722]

هلا اخوي فيه شئ منها ..

الله يرزقك من واسع فضله .

[فهدالغيهب]

والمجموعه الثانيه عندي
توكلت على الله وشريت
لك رساله على الخاص

والله يبارك للبايع والمشتري


أبشر بسعدك ، وهي من نصيبك

الله يبارك لك فيها ويطعمك خيرها ويكفيك شرها .

تقبل مني تحيتي وتقديري .

[فهدالغيهب]

هلا اخوي فيه شئ منها ..

الله يرزقك من واسع فضله .


هلا وغلا أخي الكريم السلسبيل

والله يالغالي كل اللي كان عندي ثنتين ، وانباعن .


لكن على ما اعتقد إنهن موجودات في محل برق الحيا وهذا رقم المحل بإمكانك الاتصال بهم وسؤالهم عنها : 4455666 .

بإمكانك طلبها أيضاً عن طريق موقع مكشاتي التابع لوكيل كوفيا على الرابط


http://mikshati.com/index.php?page=shop.product_details&flypage=flypage.tpl&product_id=83&category_id=25&option=com_virtuemart&Itemid=53



والله يسهل لك طلبك يالغالي .

[فهدالغيهب]

الرجاء من المشرف إقفال الموضوع وذلك لانتهاء البيعة .