المساعد الشخصي الرقمي

مشاهدة النسخة كاملة : وش افضل جهاز قارمن خاص بالمدن ودول الخليج بلا منازع


المريكبات
09/03/2011, 10:33 AM
بسم الله الرحمن الرحيم


اخواني الغالين ... تحيه

كل مارحت جده ضيعت ماادل فيها زين ونفس الشي اذا رحت دبي وقطر والكويت والبحرين

احس انها صعبه صعبه الدلاله .
وبصراحه ابيكم لاهنتوا تقولون لي وش افضل جهاز قارمن من ناحية

اني ابيه حق المدن بالسعوديه ودول الخليج وبعض الدول العربيه والاوروبيه يمكن احتاجه بعدين ماتدرون اذا رحت للنمسا والا باريس على السياره .


يعني اسم الجهاز ورقمه ومواصفاته ووين اخذه من

وكيف اذا بغيت اشتري الجهاز هل تجي الخرائط معه والا لازم اقوله انا يركبها

وبكم يكون سعر الجهاز وهل هو يجي جاهز بالخرايط والا سعره لحال وسعر الخرايط لحال
وايضا بسالكم الحين بالنسبه للخرايط لازم احدثها كل كم ومن اللي يحدثها ووين وبكم

علما باني ماابيه خير شر حق البران لاني ماني راعي بران صراحه


وجزيتم خيرا ارجوا افادتكم يالغالين
المريكبات
11/03/2011, 12:22 AM
ياحليلكم والله ولا احد رد علي وراكم علي الله يهديكم بس


معليه مانيب قايلن الا الله يجزاكم الجنه ووالديكم يارب
عشقي الرمله
11/03/2011, 03:20 AM
اذا ، مدن ماتبي برر ، انصحك وبقوه ، في برنامج IGO
doshf
11/03/2011, 11:10 AM
بسم الله الرحمن الرحيم


اخواني الغالين ... تحيه

كل مارحت جده ضيعت ماادل فيها زين ونفس الشي اذا رحت دبي وقطر والكويت والبحرين

احس انها صعبه صعبه الدلاله .
وبصراحه ابيكم لاهنتوا تقولون لي وش افضل جهاز قارمن من ناحية

اني ابيه حق المدن بالسعوديه ودول الخليج وبعض الدول العربيه والاوروبيه يمكن احتاجه بعدين ماتدرون اذا رحت للنمسا والا باريس على السياره .


يعني اسم الجهاز ورقمه ومواصفاته ووين اخذه من

وكيف اذا بغيت اشتري الجهاز هل تجي الخرائط معه والا لازم اقوله انا يركبها

وبكم يكون سعر الجهاز وهل هو يجي جاهز بالخرايط والا سعره لحال وسعر الخرايط لحال
وايضا بسالكم الحين بالنسبه للخرايط لازم احدثها كل كم ومن اللي يحدثها ووين وبكم

علما باني ماابيه خير شر حق البران لاني ماني راعي بران صراحه


وجزيتم خيرا ارجوا افادتكم يالغالين



انصحك خذ 265 w عملى ويفى بالغرض الذي تريده وتجده معروض في المنتدى في صفحة بيع وشراء الاجهزة وعليه الخرائط التى تطلبها من البائع
المريكبات
12/03/2011, 03:16 PM
ياجعلك تسلم والله ماقصرت يالغالي
صقار الوشم
12/03/2011, 07:51 PM
يالغالي فيه انواع عديده من النوفي تفي بالغرض وكلها تقريبا نفس الشي من ناحية الخرائط
لاكن اللي يفرق معك كم تبي حجم الجهاز لان فيه صغير ووسط وكبير
وهذا رابط موضوع يبين فيه احجام النوفي تصفحة واذا بغيت شي احنا حاضرين
http://www.mekshat.com/vb/showthread.php?t=388413
شف الرد الثالث


اتمنى اني افدتك
المريكبات
26/03/2011, 02:17 PM
الله يبيض هالوجيه ماتقصرون

انا اليوم بروح دار موجه وان شاء الله اني صملت على 265W

اشوف انه زين للمدن وخصوصا دول الخليج

بس استفسار لاهنتوا كم تقريبا قيمة الجهاز وهل عليه ضمان ووش يجي معاه وماهو حجمه المناسب طبعا كل ماكان كبير يكون ازين وهل يأتي معه خرائط والا انا اطلبها منه
وكم يسويها لي


وهل تاتي معه قاعده تلصق على الزجاج الامامي

وكم رقم اخر اصدار له عشان اعرف

انا بالدمام طبعا

وشكرا لكم
المريكبات
26/03/2011, 02:23 PM
وماهو الفرق بين 1310 و1410 غير البلوتوث
الواهج
26/03/2011, 02:46 PM
امرك غريب كل شوي تبي موديل ياخوي كلف نفسك البحث بالمنتدى تلقى كل شي مشروح مواصفات وعيوب

تحياتي لك
المريكبات
27/03/2011, 02:54 AM
كلفت نفسي وانا اخوك وبحث ومن كثر البحث احترت ويقولك تبي تحيره خيره


واليوم ابشرك الظاهر اني رسيت على بر خلاص ابشرك رحت دار موجه

وحصلت 1410 وشاشته 5 بس صراحه ماشالله احس انه هو اللي يفي بالغرض على كيف كيفك

لقيته بـ 1000 ريال وفيه خرائط الخليج كلها وخرائط البر وضمان سنتين وقلت بكره بجي اخذه منك

لان البطاقه الصراف ماصرفت


بس مدري من اللي جربه هل هو مثل 205 W والا لا
علي البدائع
27/03/2011, 03:05 AM
اووووووووما 1000 ريال والله غالي


انا الاربعاء الماضي اشتريته ب 610 ومعه خريطتين

ومثل ما قلت 1410 شاشته 5 بوصه

ومعه خريطتين

الاولى للسعودية ودول الخليج

والثانيه للصحراء

والجهاز عملي ولا عندك احسن منه

أهم شي لا تستعجل وتأكد من سعره


والله يوفقك
مطحن
27/03/2011, 07:49 AM
ابعد عن 205W
ان حصل لك 760 او 780 تراهن علاج حسب ما جربت من النوفي والباقي ما ادري عنه
ALSARAP
27/03/2011, 08:15 PM
يعطيك العافيه
sameer_1798
27/03/2011, 08:19 PM
أجهزة النوفي بأنواعها ممتازه في المدن أختار المناسب لك حسب ميزانيتك والمواصفات التي تحتاجها .
المهند..
28/03/2011, 08:35 AM
أخوي المريكبات .... مساء الخير.
بماإنك منت راعي بر ولا تبي جهاز خاص بالبراري
أنصحك بـ nuvi 1410 أو nuvi 2450 اكبر شاشة موجود 5 انش
أعتقد أفضل الموجود بالنسبه للمدن.
تصفح الرابطين......
(http://www.mekshat.com/vb/nuvi 2450 اكبر شاشة موجود 5 انش)http://www.amazon.com/Garmin-5-Inch-...1119313&sr=8-1

http://www.mekshat.com/vb/showthread.php?t=394574
المريكبات
28/03/2011, 12:14 PM
مااقول الا ياااااجعلي مابتسيكم والله ماقصرتوا صراحه اشكركم يالغالين

ااااااااخ يالقهرررر ليتني لحقت على العرض بس شكله ماكتبي لي

ولكن بصبر شوي اسبوع اسبوعين لين اشوف وش بيصير
القحطانى1
28/03/2011, 12:24 PM
معلووووووووووومات ممتازة
جبل أجا
01/04/2011, 11:11 PM
قبل أن أجد هالموضوع قرأت في عدة مواقع أجنبية عن أفضل أجهزة تحديد المواقع (GPS Devices) ولم يذكر فيها الأجهزة اللي نصح بها بعض الأخوة مثل nuvi 1410 و nuvi 2450 هل لأنها قديمة أم لسبب آخر؟

عموماً متطلباتي في الجهاز اللي أنوي شراؤه مماثلة للأخ الكريم (المريكبات) لكن مع الأسف كنت في المدينة المنورة اليوم الجمعة ومالقيت شيء عند مكتبة جرير هناك ويبدو أن جرير توقفت عن بيع هالأجهزة ولقيت (دار موجه) مقفل ويوم الاثنين إن شاء الله سأذهب لهم وأشتري الجهاز المناسب.

وإلى ذلك الوقت أي معلومة عن الأسعار وميزات وعيوب أي جهاز ستكون في غاية الفائدة لي وللكثيرين غيري.

وشكراً لكم,,,,,,,,,,,
اسير الامطار
18/07/2011, 05:12 AM
1310 يمدحونه اصحابي للمدن
ابوعبدالله 2005
18/07/2011, 11:36 AM
للمدن لا تعدى ال 265W او ال 765T الا اذا كنت تعاني من ضعف النظر فعليك ب ال1490 او 1410