من يقدر ..؟

[عاشق.السلق]

السلام عليكم ..اخباركم ............... انا عندي مشكلة ابغى ادرب السلقة تركب الصندووق وتنزل ولا قدرت ابغى حل بدون سلقة مدربة لين ما قدر اجيب وحدة مدربة :(

[ابو رهف 222]

ابشر لك مقط http://www.youtube.com/watch?v=x5nb-5Yt9Ck&feature=player_embedded


اخي الكريم الشباب ماقصروا واجابوك وحاب أضيف توضيحات السلقه تركب لوحدها والسلوقي لابد له من الوقت ليتعلم الركوب وذلك حسب عمره وشجاعته وسبب عدم ركوبه إذا كان السلوقي يحاول الركوب ولا يقدر يقفز فامره بسيط أما إذا كان السلوقي مطيع واذا جاء وقت الركوب يهرب ويبتعد من السياره فيحتاج له أسلوب ودهاء .......... وهذه طريقه لتعليمه الركوب والنزول يكون السلوقي والسلقه محبوسين أو مربوطين وعندما يحين وقت خروجهم وتمشيتهم تمسك السلوقي بالسلسله أوالحبل وتقوده الى السياره وأخته معاه وعندما تركب أخته حاول تخليه يركب بقولك هيا هيا اركب كب كب كب وبهدوء ارفع يديه وضعها فوق المرتبه أو الصندوق في السياره وحاول تدفعه للأعلى وتتركه الى ان يتسلق ولا تنزله من السياره الى في مكان بعيد عن البيت لكيلا يحاول الهرب والعوده للبيت وعندما ينزل مع أخته أنتظرهم دقيقتين من أجل يطلقن الله يكرمك وحرك السياره قليل وادعيهن بأسمائهن وهيا هيا هيا مثلا للتشجيع وياسرع قليل ووازن السياره مع العدي الى أن تلاحظ ان العدي قل والتعب زاد وحاول الا تجهدهن وافتح الباب وركبهن بهيا هيا هيا اركب كب كب كب وبلهجه سريعه وحاول أن تحاصر السلوقي من جهات السياره ووجهه الى الباب واتركه يحاول واذا هرب نزل السلقه وخذ فيهم شوط ثاني وبعدها ركبهن ولاحظ هل هناك تقدم أما اذا هرب للمره الثانيه فحاول ان تمسكه وان ماقدرت تمسكه فنزل السلقه وخلهم يلعبون شوي وخذ فيهم شوط ثالث وحاول الا تجهدهم كثيير وانزل وحاول تمسك السلوقي بطريقتك إما بالحيله الأكل أو المراوغه وآخر حل إجهاده مع السياره لوحده أما اذاكان مطيع وينمسك لك فدله على مكان الركوب وارفع يديه ودعه يحاول الركوب وإذا تأخر في المحاوله فاضربه على فخذه بيدك خفيف مع صوت مرتفع وأنت تمسكه بالحبل لكيلا يهرب منك وحاول أن يكون السلوقي متحمس للخروج والركوب وإذا كان السلوقي شرود ولاينمسك فلا تنزله من السياره الا وهو مربوط وحاول يكون الرباط طويل واربطه في السياره واترك الباب مفتوح والسلوقي في الخارج بحيث يطول رباطه للباب وسيحاول الركوب عندما تأمره وحاول أن تركب أخته أمامه وانت بعيد وتتجه للسياره واجعله يخاف منك وانت بعيد بصوتك ووجهه للباب وان لم يركب فخفف من حدة صوتك وناديه باسمه بهدوء وحسس على راسه وحاول فيه أن يركب كما سبق وهكذا الى ان يتعود وفي البيت حاول ان تقوي علاقتك به بعدم ضربه ولو حصل انك ضربته فأرضيه في نفس الوقت وإذاكان عندك حوش ففك السلق من الرباط أو من شبكه كل يوم لفتره بسيطه وذلك لتعويده على الاوامر فعندما تفك السلوقي كلمه هيا هيا هيا وعندما تريد ادخاله اامره وأخته معه ببيت او داخل مع التكرار وبلهجه مرتفعه لكي يتعود ولاتقول له هيا هيا عند الدخول فهيا فقط للمرح وبإمكانك استبدال الكلمات بما تحب وهذه الطريقه يتجاوب بها أعصى السلق وانا متاكد انك لن تتعب في تعليمه لانه يركب في الاصل عند الاكل كما قلت وسلامتك و أأسف على الاطاله أتمنى لك الفايده وأنا اقدر مشكلتك لاني كنت اواجهها بإستمرار



تقبل مروري ابو رهف

[صلهآم]

مشكور ياصاحب الموضوع لطرحك مثل هذا السؤال الجيد


واشكر ابورهف على اثراء الموضوع وشرحه بالتفصيل الله يبيض وجه ولاهنتوا


والي يقول انه صقار بخيمة سلق اقوله ياصبر الأرض بس

[قناص الوسطى]

ميبيلها شي اربط السلقه بحبل وافتح صندوق السيارة وخل واحد يركب ويمسك الحبل والسع السلقه بشويه عصا مع كلمه اركبي وخل خويك يسحبها فوق واذا ركبت عط العصا خويك وانت امسك الحبل وخله يجلدها مع كلمه حولي يومين ولا ثلاته وتصير احسن مايكون