المساعد الشخصي الرقمي

مشاهدة النسخة كاملة : قصة حرب الخليج ....


عبد الله 99
10/03/2011, 12:02 AM
السلام عليكم ورحمة الله
هذي قصه حصلت لي شخصيا عام 1412 هـ في حرب الخليج
طبعا اهل الرياض كلم طلعوا للقرايا الي حولها فمنهم من راح للقصب و منهم لشقرا و منهم للقصيم و منهم لسدير و منهم للمزاحميه و تفرقوا من الخوف
و بقيت انا و الوالد الله يرحمه في الرياض و احد اخواني كان من المتطوعين في الدرعيه و يمر علينا يوم ورا يوم و الوالده الله يحفظها راحت للديره و كنا في معانات صوت الصواريخ من جهه و تكسر القزاز من جهه فكنت اقول للوالد الله يرحمه خل نطلع مع الي طلعوا فكان رده و بكل بروده محد(ن) ميت قبل يومه لو تموت في الرياض ولا برا الرياض
فكانت الصواريخ اسمائها على اسامي المواتر العراق يرسلون سكود و السعوديه باترول
و من المواقف الي صارت كنا ساكنين في حي البطحاء و النار تدخل علينا بسبب الصواريخ و كانت ايام عصيبه ما ندري نلقاها من الاجانب الي يسرقون البيوت ولا من الصواريخ الي تهز الارض هز
في يوم الجمعه رحت للمزاحميه عند نسيبي و كان في غرفه صغيره هو و اربع بنات و ولدين فكان يقولي تعال عندنا هنا يالله من فضله و كان في جدار الغرفه شلخ و كنت ارد عليه ان موتي في بيتي عند الوالد اخير لي من موتي بسبب جدار طاح علي ....
و الحمد لله الي يديم علينا النعم و الامن و الآمان
درجلان الشمال
10/03/2011, 02:43 AM
يعطيك العافيه بس اللي اذكره ان صاروخين طاحن بالرياض ولا هو حول البطحاء والنيران وشي ذي شكلكم ساكنين بالخفجي:D:D:D
مركز الثقل
10/03/2011, 02:47 AM
انا اللي اذكرة ان الأمور زين كلها صاروخين ولا فية نيران وانا كنت بالرياض اكثر مايزعج انفجار الصاروح بالجو
مركز الثقل
10/03/2011, 02:50 AM
لا تزعل مني سوالفك سوالف سعالوة
:looney:
التعـ King ـديل
10/03/2011, 02:53 AM
حسستني انك باافغانستان على هالسالفه اجل نيران وصواريخ ياعزيزي ترا كلنا كنا بالرياض والصاروخ اللي طاح جنب الشيراتون تراه يبعد عن بيتنا كيلو بس ولا قلت مثلك
راعي المقانيص
10/03/2011, 03:00 AM
احسبوا معي حبايب قلبي

صواريخ الرياض

صاروخ طاح على مسبح جامعة الامام

صاروخ طاح بالوادي جهة سلطانة

صاروخ طاح على الاحوال المدنية

صاروخ طاح على مدارس نجد او المجد نسيت اسمها الي هي جنب فندق الشيراتون ( طريق الملك عبدالله )

صاروخ طاح في النسيم الي خفس بالبيت يوم راعي البيت كان في السطح يصور وفكه الله

غير الصواريخ التي تصدت لها باتريوت في السماء

اما البطحاء ماجاها نصيب من الصواريخ

وحرب الخليج كانت في عام 1411 هـ وفي عام 1412 انتهت عاصفة الصحراء الي هي تحرير الكويت عن طريق القوات البرية
rohe012
10/03/2011, 01:41 PM
ماشاء الله كل اهل الرياض طلعو الا انت وابوك كفو
بس لاتزعل قويه
Al3rands
11/03/2011, 01:48 PM
نيرااااااااااااان ومزاحميه فيها جدارمتصدع وصواريخ باترول ههههههههههههههه
ابوسامي 2011
11/03/2011, 02:54 PM
الرجال عاش الحدث بنفسه والله الحمد لله على السلامه والحروب الله يكفينا شرها تزعج بلاكم كنتم في اماكن امنه و لاعشتو حالة الرجال لاكن الرجال صبور وسولف عليكم بسوالف قديمه يمكن قبل 21 سنه اللي انولد بعدها اصبح رجال . عموما تراني احب ادافع عن الرجال بدون سابق معرفه بس شفتكم اااااااما احد قال اسلم سالفه زينه 000
مكشاتي111
12/03/2011, 02:25 PM
ياأخوان مايجوز تكذبون الرجال بينكم وبينه عدواة ؟
انتم تعرفونه ؟ هو مشهور بالكذب ؟

اللي ماجازتله السالفة مهوب مجبور انه يرد
الرجال غني عنكم وعن ردودكم بس الظاهر
انكم صغيرين عقل
والله العظيم اني ماأعرفه ولا يقرب لي
khalid.moh
13/03/2011, 05:07 AM
السلام عليكم ورحمه الله وبركاته


كيف حالكم جميعا


اخواني أولا مايصير تسوون كذا وعيب عليكم وانتم رجال تعرفون اللى لكم واللى عليكم ولاترضون احد يكذبكم


وانتم الله يسلمكم كذبتو الرجال ومايجوز كذا تكذبونه وحتى لو يكذب ما احد جبركم او قال لكم صدقوني او كذبوني
ملك الفكتوريا
14/03/2011, 11:38 AM
الحين فيه صاروخ طاح بمخرج 9 بالدائري الشرقي والا لا




وبعدين صاروخ الاحوال هو اللي خلا الناس تهج صح والا لا
الشمطري
14/03/2011, 12:45 PM
تسلم على القصــــة

:) وجمال القصة كان في المبالغة واتباع اسلوب الإثارة :)

:good2: يعطيك العافية وبإنتظار الجديد من القصص :good2:

وشكراً
الخزاعي2010
14/03/2011, 12:53 PM
الرجال الى تكذب الرجال ماهم رجال

اخوي صاحب الموضوع الحمدالله على سلامتك والله يرحم ابوك يسكنه الجنه

والحكمه الى قالها المرحوم صدق ان الله كاتب انك تموت بتموت سوا برا الرياض ولا جوة الرياض

بارك الله فيك ومشكوووووووووور
كاشت 2011
15/03/2011, 06:49 PM
احسبوا معي حبايب قلبي

صواريخ الرياض

صاروخ طاح على مسبح جامعة الامام

صاروخ طاح بالوادي جهة سلطانة

صاروخ طاح على الاحوال المدنية
satam1389
15/03/2011, 11:41 PM
والله ماعرفت لهذه السالفة راس من كرياس
طحنون
15/03/2011, 11:59 PM
ترى السوالف تحلى بالتبهيره وأسلوب الالقاء طبعا له دور بعيد عن الكذب وانت عنه بعيد
يعني سوالف الجن وغيره تعطيك اكشن خصوصا اذا كنت بالبر ومعك ناس خوافين تعال شوف الضحك والوناسه
وبعدين ايام الحرب كنت متنقل بين حفرالباطن والدمام والاحساء طول فتره الحرب وبدايه الحرب الجويه كنت بالحسا
والدخول البري رجعت الى الحفر وتطهير الخفجي ( معركه الخفجي ) كنت واقف عند محطه الربيع اللي على طريق السعيره
او الصداوي والله ناسي وكان خط الامدادات لا يتوقف من القوات المشتركه وصادفت فيه ظابط عماني كان متعطل وساعدته

وذكريات تلزيق الدرايش والابواب وقت صواريخ سكود خوف من الكيماوي
كانت ذكريات لاتنسى وكل شخص له مواقف حلوه ومره
في تلك الحرب
الصاروخ اللي سقط على طريق سلوى شاهده وهو في الجو لاكن هل هو الصاروخ اللي سقط في قطر على الحدود مع السعوديه
الله اعلم لان صافره الانذار شغاله الناس اذا سمعت صفارات الانذار يدخلون بيوتهم وحنا العكس نطلع نتفرج
ابو ضافى
18/03/2011, 10:54 PM
قصـــة جميله وبارك الله فيك
والقصـة تتلخص في عدة أمور
وهي كتالي
ــ نعمــة الأمن والأمان وكثير من الشعوب تحسدنا عليه
فالله الحمد والشكر
ــ وكذالك أن الموت ليس له مكان معين بل يأتي فجأة
وأنتم لاتشعرون
فأحداث الزمن شاهد عيان مهما نسمع من زلازل ..إلخ
فجأة يطلع لنا الإعلام بوجود شخص على قيد الحياه
،،،،،،،،،،،،،،،
بارك الله فيك وتنظر المزيد من القصص
لاتتحطم من بعض الردود
عاشت القصيم
21/03/2011, 08:58 PM
الله يعطيك العافية ياخوك على القصة وياخي في بعض الناس مبزرة ما ودك تقول قصة لهم
اهم شيء سلامتك يا خوك والرجال ما يكذب بس انه غلطان في القصة ولا سامعها غلط