حرارة الترانميشن باليوكن 2009

[سامر عبدالله]

اخواني استفسار بشأن حرارة الترنميشن
السياره يوكن 2009
درجة حرارة القير الترانميشن تصل الى 92 c
هل هذا الشئ طبيعي ولايدعو للقلق

[أبو عقيل النجدي]

مرتفع ........

[مركز حراره]

مأدري
لكن اذا بغيت تزيد تبريد القير ركب مبرد خارجي

[خليل بن صالح]

الحرارة 92 طبيعية جدا جدا ولاتخف أنا قد ملكت 2007 و2009 و2011 وكلها سواء

خليل بن صالح في 6/4/1432 هـ

[سامر عبدالله]

الاخوة

اسد

مركز حرارة

اشكر مروركم وتواجدكم

[سامر عبدالله]

الحرارة 92 طبيعية جدا جدا ولاتخف أنا قد ملكت 2007 و2009 و2011 وكلها سواء

خليل بن صالح في 6/4/1432 هـ

اشكرك على الرد

وبردت علينا وطمنتنا

بس حبيت اسأل كم اقصى حرارة يوصلها الجربوكس و ينخاف منها

مع تحياتي وتقديري لك

[ابوسعد931]

انا استخدمة سيارات توصل 102 او101 خاصه في التطعيس ويقولون 105 طبيعي مع الظغط

[سامر عبدالله]

احدى المرات وصلت الحرارة وانا اطعس 98

طلع لي في الشاشة راجع الوكيل

[zzss]

فيه ناس معهم يوكن وتاهو ولايدرون عن شئ اسمه حرارة القير
ولايدرون انه موجود بالسياره يقولون مانعرف الا حرارة المكينه
وبعضهم كم سنه يستخدم السياره ولايدري عموما سيارات الفورد
مثل الفكتوريا اذا ارتفعت حرارة القير تشتغل المروحه بالسرعه الثانيه
مع ان حرارة المكينه ثابته حول النصف وصارت معي ومع واحد ثاني
يقول صارت معه ولاعلمني عنها الا مهندس سعودي وماكنت أدري ان
القير له حساس حراره يشغل المروحه في حالة زادت حرارته ولكن
ماعندي علم اذا باقي السيارت مثله لأن المروحه اذا اشتغلت بالسرعه
الثانيه وحرارة المكينه طبيعيه بدون تشغيل المكيف معناه القير فيه حراره قويه
ولازم الكشف عليه واصلاح المشكله.

[رحال7]

في الصيف ترتفع فوق التسعين ويقولون عادي ولكني غير مقتنع فعند ارتفاع حرارة القير تبديلات القير تتغير والموتر يضعف بشكل عام وكلما شديت عليه اكثر ترتفع درجة حرارة القير اكثر ويضعف الموتر اكثر لان هناك برنامج يتابع كل درجات الحرارة من اكثر من مصدر ويغير في البرمجة لكي يحمي القير من التلف

النظرية هي ان الحرارة مقبوله ولا تأثر بشكل فوري لان الزيت مصمم ليتحمل درجات عاليه قبل ان يخرب ولكنه يقصر عمر الزيت وعمر القير اذا استمر الارتفاع فترات طويله


الحل:
تغيير الزيت على فترات قصيره وعن نفسي أشوف تغيير زيت القير مع بداية كل صيف مفيد لعمر القير
او
تركيب مبرد قير أكبر وهناك مواضيع كثيره وتفاصيل كافيه في المنتدى


والله اعلم واكبر

[مخ سعودي]

هذا كلام منسوخ من اخونا فيصل الخالدي المشرف التزويد والاداء العالي بنادي عشاق وملاك الجمس
وانا اقتبست الكلام من احد مواضيعه المفيده

بسم الله الرحمن الرحيم

اليوم موضوعي عن شي ضروري جدا لاي سياره اوتوماتيك

خاصه السيارات الثقيله والونيتات والصوالين والجيوب

طبعا قبل ما اركب المبرد على سياراتي سألت كم شركه امريكيه مختصه بالقيور وقطع تزويدها وتوضيبها هذا السؤال ( متى يكون الزيت بارد لدرجة انه يضر القير)

طبعا الجواب كان ان القير يختلف عن المكينه وفيه بالنسبه للحراره المثاليه للتشغيل

درجات حراره بارده نسبيا جيده للاداء ولا تضر المكونات الداخليه للقير مثل الكلتشات ,الطنجره, طرمبة الزيت ..الخ من 30 الى 50 درجه مئويه

ودرجات حراره تكون مثاليه للاداء ولافيها ضرر للقير من 51 الى 75

ودرجات حراره عاليه نسبيا جيده للاداء ولا تضر القير من 76 الى 85

ودرجات حراره عاليه وسيئة الاداء ولكن لاتضر القير من 86 الى 100

ودرجات حراره عاليه وسيئة الاداء وتضر القير بشكل بطيء من 100 الى 110

ودرجات حراره عاليه وسيئه فالاداء ومضره لمكونات القير من 111 فاعلى

ومن 120 فما فوق انت جالس تنحر القير بسكين نظريا

طبعا بالنسبه للكلتشات

عالفل ثروتل (الدعسه كامله انت تحتاج الفريكشن) يعني تماسك الكلتشات وهذي الي تحتاجها في القومات والدعسه كامله فقط وهي الدرجه من 51 الى 75 مئوي طبعا فالقومات اغلب تعشيق القير يكون عال5000 ار بي ام وفوق

هنا تحتاج يكون القير في افضل تماسك للكلتشات

ولو تلاحظون عند ارتفاع درجة حرارة القير لما فوق ال85 اغلب القيور تضعف تعشيقاتها خصوصا القيور القديمه وايضا فالمواتر الجديده اغلب القيور تتغير برمجتها على حسب درجة حرارة القير ويبدا يدخل في شي شبيه بالسفتي مود عشان مايضر القير باي شكل من الاشكال

بينما على الخط انت تحتاج درجة حراره متدنيه نسبيا تعطي القير الراحه الي تطول عمره بين ال فالشتاء 50 وال 70 في عز الصيف ظهرا على الخط هي معدل حرارة القير الممتازه

[مخ سعودي]

وباذن الله سوف اطرح تجربتي المصوره لتغيير مبرد قير موتري الى مبرد قير اكبر قريبا لمنتدى مكشات لكن حاليا جالس اجربه حتى تكون تجربتي صادقه ومجربه

[zzss]

اللي خلاني أرفع الموضوع هو أهميته لأني شفت سيارة واحد من الربع
اذا شغل السياره وهي بارده حرارة الترانمشن35درجه ومن يوم يمشي حدود
10كم توصل107 أو 106وكلما جت تطلع لرقم أعلى تنقص للرقم
اللي قبله مثلا على106 اذا جت تطلع ل107 ترجع ل105 قبل ثم
ثم ل6 وتطلع ل107لكن هل هي خلل بالعداد والا مشكله حقيقيه
بالقير المبرد اللي عنده كبير شوي من النوع اللي يجي على شكل
انبوب كبير ملتف والآن مايقدر يستخدم السياره لكن في موضوع قير
الفكتوريا ميزه مافيه مؤشر لحرارة القير لكن حاطين له حساس حراره
اذا وصلت لدرجه تضر القير اشتغلت المروحه بكامل قوتها وتنبهك للمشكله.

[مخ سعودي]

نعم اخي الفاضل فيه ضرر كبير ومبرد القير اللي انت ذكرته سيء للغايه في تبريد زيت القير
عليه بتسيخ الاديتر وتغيير زيت القير حتى يحافظ على قير موتره

[zzss]

فيه شركه متخصصه بالقيور بالصناعيه يبيعون معالج يضاف
مع زيت القير يقولون انه يحسن لزوجة الزيت ويساعد
على خفض حرارة الكلتشات.

[GMC4Ever]

اخواني استفسار بشأن حرارة الترنميشن
السياره يوكن 2009
درجة حرارة القير الترانميشن تصل الى 92 c
هل هذا الشئ طبيعي ولايدعو للقلق

السلام عليكم

مبرد القير الخاص باليوكن اللي يجي من الوكالة صغير نسبياً مقارنة بـ "استخداماتنا" و "أجوائنا"... صحيح هو يؤدي المطلوب منه وبشكل ممتاز في الأوضاع العادية مع استخدام "حشمه" في البر... لكن، اللي يستخدم الموتر للبر بشكل دائم وخصوصاً المراقي والطعوس والمشاوير الطويلة في الطعوس فالقير بكل بتأكيد راح يقل أداءه ويتعب راعي الموتر ويخذله في بعض الأحيان.

وبعلمك بسالفة وبعدها أنت قرر وأنا أخوك براحتك، وهالسالفة من واقع تجربة شخصية لي، أنا كنت -ولا زلت- كارف اليوكن كرف في البر بشكل شبه يومي وفي المتوسط كانت توصل حرارة القير عندي 85 على الخطوط وداخل المدينة وسط الزحمة! أما في البر والطلعات القوية والطويلة مثل طلوع الهدى توصل إلى 97 :mad: وأحياناً توصل معي من 107 - 110 خصوصاً في المراقي والطعوس و... الرباضات، والرباضات للأسف هي أكثر شئ يذبح القير ذبح... وأذكر مرة طحت في رباضة وتكاسلت ـأنسم الكفرات وحاولت أطلعه إلين في دقايق ارتفعت حرارة القير ووصلت 121... ومن عقبها ما كأن فيه شئ اسمه قير باليوكن! :eek: تدعس ولا ما تدعس، ما يعشق شئ! :no: :no: صراحة موقف كان متعب نفسياً وجسدياً وذهنياً خصوصاً لا صرت كاشت لوحدك ولا أحد يدري عنك وينك فيه! :cool:

عموماً، أنا كان سبق لي ان استفسرت من أحد مسئولي الصيانة بالوكالة عن القير وحرارته يوم "اكتشفت" - عن طريق اللقافة - أن فيه معلومات بالشاشة عن درجة حرارة للقير :D ، وقام جزاه الله خير وشرح لي كلام كثير عن القير وتذكرت من كلامه يوم يقول أن القير فيه نظام أمان يفصل الكلتشات عن العمل إذا ارتفعت الحرارة علشان لا يحرقها عليك :good2: فتأملت بالله أن يكون هذا هو السبب وقررت أنزل عزبتي وفراشي وأتقهوى وأعاين من الله خير وأرتاح،،،،، وجلست حوالي 3 ساعات وانا كل شوي اتابع حرارة القير على الشاشة إلين وصلت إلى 79، وقمت نسمت الكفرات على 10 وحفرت قدام الكفرات والصدام الأمامي وعشقت الثقيل، وتوكلت على الله، وبفضل الله وتوفيقه، من ثاني محاولة -ما شاء الله تبارك الرحمن- طلع الموتر ما كأنه ناشب برباضة.

بعد هالسالفة، وأنا أفكر بتغيير الرديتر حق القير خصوصاً إن كانت لي تجربة سابقة فيه بليزر قصير وكانت تجربة ناجحة وتشجعت أكثر بعد ما قريت موضوع للأخ فيصل الخالدي -بيض الله وجهه- عن تغيير راديتر القير (http://www.gmctruckclub.com/vb/showthread.php?t=9431) ولكن كنت متردد وخايف يحوس لي الموتر الجديد وأقول حرام أتعبث فيه من بدري :D ، المهم وبعد تفكير طويــــــــــــــل واستشارات واستخاره، توكلت على الله وشريت الرديتر من الأخ فيصل الخالدي (http://www.gmctruckclub.com/vb/member.php?u=93) وقمت بتركيبه في أحد الورش المتخصصة.

وصراحة وبدون مجاملات أو مبالغة وربي يشهد، من يوم ركبته وأنا متندم على كل يوم مشيت فيه على الرديتر القديم... وكل ما طالعت في حرارة القير وحصلتها، تحت الخمسين بواحد ولا فوقها بواحد، أدعي للأخ فيصل الخالدي بالتوفيق.

بكل أمانة، فرق،، فرق،، فرق،، فرق،، فرق،، كبيييييييييييييييير، الحين على الخط حرارة القير من 49 - 52 :good:

أما في البر استخدام "حشمه" ما توصل حتى 60 :good:

أما في المطامر والمراقي والتطعيس، فأعلى درجة سجلتها كانت 74 وهذي بعد كرف على طول 3 ساعات في طعوس ومطامن ومراقي وحنا ندور لنا نياق غاديه :p

صراحة، اليوكن قوي جداً في البر ومتماسك وجبار -ولا جبار إلا الله- لكن والله الموتر ما عرفت قوته الحقيقية وعزمه الحقيقي إلا بعد ما غيرت قطعة البسكوت اللي مركبينها في المصنع ويسمونها راديتر قير.

فنصيحتي لك أخي الكريم، ونصيحتي لأي شخص آخر، أي كان استخدامك للموتر، داخل المدينة أو على الخطوط، أو في البر، أو في المراقي أو في الجبال ولا الشواطئ.....الخ، نصيحة أخ لكم، غيروا الرديتر القديم وما راح تندمون بإذن الله تعالى. أما راعين البر اللي يبون الموتر جاهز في كل وقت ولحظه ومشاويرهم طويلة في الطعوس فهذا أنا أشوف ضروري جداً جداً جداً جداً جداً تغيير الراديتر حق القير.

وبالتوفيق إن شاء الله تعالى،،، وأعتذر على الإطالة لكن حبيت أشارككم تجربتي

[zzss]

السلام عليكم

مبرد القير الخاص باليوكن اللي يجي من الوكالة صغير نسبياً مقارنة بـ "استخداماتنا" و "أجوائنا"... صحيح هو يؤدي المطلوب منه وبشكل ممتاز في الأوضاع العادية مع استخدام "حشمه" في البر... لكن، اللي يستخدم الموتر للبر بشكل دائم وخصوصاً المراقي والطعوس والمشاوير الطويلة في الطعوس فالقير بكل بتأكيد راح يقل أداءه ويتعب راعي الموتر ويخذله في بعض الأحيان.

وبعلمك بسالفة وبعدها أنت قرر وأنا أخوك براحتك، وهالسالفة من واقع تجربة شخصية لي، أنا كنت -ولا زلت- كارف اليوكن كرف في البر بشكل شبه يومي وفي المتوسط كانت توصل حرارة القير عندي 85 على الخطوط وداخل المدينة وسط الزحمة! أما في البر والطلعات القوية والطويلة مثل طلوع الهدى توصل إلى 97 :mad: وأحياناً توصل معي من 107 - 110 خصوصاً في المراقي والطعوس و... الرباضات، والرباضات للأسف هي أكثر شئ يذبح القير ذبح... وأذكر مرة طحت في رباضة وتكاسلت ـأنسم الكفرات وحاولت أطلعه إلين في دقايق ارتفعت حرارة القير ووصلت 121... ومن عقبها ما كأن فيه شئ اسمه قير باليوكن! :eek: تدعس ولا ما تدعس، ما يعشق شئ! :no: :no: صراحة موقف كان متعب نفسياً وجسدياً وذهنياً خصوصاً لا صرت كاشت لوحدك ولا أحد يدري عنك وينك فيه! :cool:

عموماً، أنا كان سبق لي ان استفسرت من أحد مسئولي الصيانة بالوكالة عن القير وحرارته يوم "اكتشفت" - عن طريق اللقافة - أن فيه معلومات بالشاشة عن درجة حرارة للقير :D ، وقام جزاه الله خير وشرح لي كلام كثير عن القير وتذكرت من كلامه يوم يقول أن القير فيه نظام أمان يفصل الكلتشات عن العمل إذا ارتفعت الحرارة علشان لا يحرقها عليك :good2: فتأملت بالله أن يكون هذا هو السبب وقررت أنزل عزبتي وفراشي وأتقهوى وأعاين من الله خير وأرتاح،،،،، وجلست حوالي 3 ساعات وانا كل شوي اتابع حرارة القير على الشاشة إلين وصلت إلى 79، وقمت نسمت الكفرات على 10 وحفرت قدام الكفرات والصدام الأمامي وعشقت الثقيل، وتوكلت على الله، وبفضل الله وتوفيقه، من ثاني محاولة -ما شاء الله تبارك الرحمن- طلع الموتر ما كأنه ناشب برباضة.

بعد هالسالفة، وأنا أفكر بتغيير الرديتر حق القير خصوصاً إن كانت لي تجربة سابقة فيه بليزر قصير وكانت تجربة ناجحة وتشجعت أكثر بعد ما قريت موضوع للأخ فيصل الخالدي -بيض الله وجهه- عن تغيير راديتر القير (http://www.gmctruckclub.com/vb/showthread.php?t=9431) ولكن كنت متردد وخايف يحوس لي الموتر الجديد وأقول حرام أتعبث فيه من بدري :D ، المهم وبعد تفكير طويــــــــــــــل واستشارات واستخاره، توكلت على الله وشريت الرديتر من الأخ فيصل الخالدي (http://www.gmctruckclub.com/vb/member.php?u=93) وقمت بتركيبه في أحد الورش المتخصصة.

وصراحة وبدون مجاملات أو مبالغة وربي يشهد، من يوم ركبته وأنا متندم على كل يوم مشيت فيه على الرديتر القديم... وكل ما طالعت في حرارة القير وحصلتها، تحت الخمسين بواحد ولا فوقها بواحد، أدعي للأخ فيصل الخالدي بالتوفيق.

بكل أمانة، فرق،، فرق،، فرق،، فرق،، فرق،، كبيييييييييييييييير، الحين على الخط حرارة القير من 49 - 52 :good:

أما في البر استخدام "حشمه" ما توصل حتى 60 :good:

أما في المطامر والمراقي والتطعيس، فأعلى درجة سجلتها كانت 74 وهذي بعد كرف على طول 3 ساعات في طعوس ومطامن ومراقي وحنا ندور لنا نياق غاديه :p

صراحة، اليوكن قوي جداً في البر ومتماسك وجبار -ولا جبار إلا الله- لكن والله الموتر ما عرفت قوته الحقيقية وعزمه الحقيقي إلا بعد ما غيرت قطعة البسكوت اللي مركبينها في المصنع ويسمونها راديتر قير.

فنصيحتي لك أخي الكريم، ونصيحتي لأي شخص آخر، أي كان استخدامك للموتر، داخل المدينة أو على الخطوط، أو في البر، أو في المراقي أو في الجبال ولا الشواطئ.....الخ، نصيحة أخ لكم، غيروا الرديتر القديم وما راح تندمون بإذن الله تعالى. أما راعين البر اللي يبون الموتر جاهز في كل وقت ولحظه ومشاويرهم طويلة في الطعوس فهذا أنا أشوف ضروري جداً جداً جداً جداً جداً تغيير الراديتر حق القير.

وبالتوفيق إن شاء الله تعالى،،، وأعتذر على الإطالة لكن حبيت أشارككم تجربتي

مشكور على مشاركتك وماقصرت بالنصيحه بالنسبه لتغيير المبرد فعلا ضروري
وأذكر واحد من الشباب كان ينصحنا بتركيبه وعرض علينا نوع أمريكي حجم كبيريركبه
بورشته يكلف500ريال يقول ركبه وانسى الحراره اذا بغيت القير يخدم فتره أطول لكن
فيه معالج عند ورش ديكسول يقولون لتخفيض حرارة القير وزيادة لزوجة القير وياليت
اللي جربه يعلمنا عنه.