مشاهدة النسخة كاملة : أحد جرب خدمة طواريء 24 ساعة لجنرال موتور(جمس وشفر)...
سلكي نت
11/03/2011, 01:32 PM
يا شباب ........
أحد جرب خدمة طواريء 24 ساعة لجنرال موتور(جمس وشفر)...
امس صباحا مريت التوكيلات وقالو لا تشيل هم الاعطال في اي مكان واي طريق واي عطل حتى لو بنشر او اشتراك
والقطر(سحب السيارة)عليهم مجانا في المملكة او دول الخليج واليمن واعطاني رقم تلفون مجاني لكن لاسف نسيته
قال بس تتعطل السيارة اتصل واتركها
قلت لهم اخاف تتشلح
قال ما عليك مأمن عليها تأمين شامل
السوعال
هذا الكلام صووووح او كلام جرايد وللتسويق فقط
تكفون افيدونا عن تجاربكم معهم
ملك الفكتوريا
11/03/2011, 02:09 PM
صحيح يالغالي
أنا تعطل علينا الجمس وأنا بشرق الرياض وأبي وكالة العيسى بمخرج 5 على الدائري الشمالي
طبعا السطحه ما رضى بإقل من 300 ريال
وصدفه لقيت عنوان بالانترنت
دقيت وأخذ رقم الشاصي والاسم واللوحة وقال نص ساعه وهو واصل
طبعا اللي تدق عليه بالبحرين وبعدين يعطي رقمك لراعي السطحة اللي بيجيك وتوصفه
ويجي يأخذ سيارتك ويوديها المكان اللي تبي وببلااااااااااااااااااااااااااااش
تخيل بالنص ساعه كل شوي يدق علي الموظف اللي بالبحرين ويسأل وصل وإلا لا
ويوم وصل راعي السطحة يقول أن له وقت محدد لازم يخلص الموضوع فيه يعني نظاااااااام اوكيه
وبعدين أي عطل يجونك بنشر تغريز البنزين خلص
ولعلمك مثلا انت مسافر من جدة للشرقية
وتعطلت لا سمح الله بالرياض يجون يشوفون اذا العطل يتصلح على طول يصلحونه لك وتمشي
وإذا العطل كبير يأخذون لك فندق او شقة بس ما يتجاوز 120 دولار يعني 400 ريال تقريبا لثلاث أيام
وإذا العطل يأخذ أكثر من 48 ساعه يحجزون لكل راكب بالسياره للوجهه اللي تبيها طيران درجة سياحيه
وللمعلومية الشركة فرعها بالبحرين وهي شركة تعطيها جنرال موتورز فلوس مقابل الخدمه هذي
N أبورغد N
11/03/2011, 02:14 PM
بالفعل العام انقفل على السياره المفتاح في وسط شعيب
دقينا عليهم وقلنا احنا على الخط الفلاني اقرب خط لنا 5 ك تقريبا
المهم دق علينا راعي السطحه جاء الين المسفلت ورحت خذيته فتح السياره وتوكل على الله
وكل شوي يتصلون يتأكدون جاء كلم الين يتأكدون ان العمليه تمت
خدمة بلا مبالغه 100%
ملك الفكتوريا
11/03/2011, 02:15 PM
8008973779
الرقم بالاعلى من موضوع أخونا لبرتي
http://www.mekshat.com/vb/showthread.php?t=71214
سلكي نت
11/03/2011, 11:33 PM
ملك الفكتوريا
N أبورغد N
شكرا لكم على تفاعلكم مع الموضوع
لكن اعتقد ان اغلب الناس غافلين عن الخدمة لاننا ببساطة شبعنا من وعود الوكالات واكلنا منهم مقالب حتى تعبنا
اليوم سألت جاري ومعة يوكون 2009 عن الخدمة قالي ماجربتها لكن اتوقع انها خرطي×خرطي
طمنتوني من خلال تجربتكم لها وشكلي عزمت على شروت z71
رقبة حاشي
12/03/2011, 01:26 AM
والله خدمه غريبه من نوعها ...... وليش ماتصير اجباري على كل وكاله ... .. وتكون مراقبه من جهة الاختصاص
وضاااااح
12/03/2011, 01:41 AM
ماقصروا الشباب في نقل بعض التجارب للخدمة
شيئ جميل أن الواحد يستفيد من حقوقه الضمانية
شكراً لك ياصاحب الموضوع و للإخوه على إثارة هذه النقطة والتفاعل معها
دمتم سالمين
جربتها مع الوالد في جمس 2001 بعد 6 أشهر تقريبا من يوم شريناه وكالة ..
مسافرين على طريق الباحة أبها ..
وأرسلوا لنا سطحة وسحبها لأبها وصلحوها بس تأخرت لتوفير القطعة ..
سلكي نت
12/03/2011, 05:50 PM
رقبة حاشي
والله ياليت تصير خدمة مجانية مثل ماتفضلت
لكن ربعنا بوزارة التجارة لو بيديهم ... كان يلغون حتى هالخدمة
وضاااااح
الشكر لك على تشريفك لنا
nems
الحمد الله على السلامة
وشكرا لك على اضافة تجربتك التي تؤكد الموضوع
ملك الفكتوريا
12/03/2011, 05:52 PM
رقبة حاشي
يالغالي هذي نوع من خدمة ما بعد البيع لجنرال موتورز فقط وليس كل الشركات
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir